San Juan 5:2 - Bible in Tzotzil de Chamula

² Ti ta jteclum Jerusalene, nopol ta sts'el ti'na ti sbiinoj Chijetique, oy jun yavil sts'anleb vo' ti Betesda sbi ta hebreo c'ope, ti yich'oj vo'ob scot-cotil scoriolal ti nae.

Tzotzil Zinacantan

² Joyol ta corralton li Jerusalene. Tey comem jun stiꞌil ti ch-och o echꞌel chijetic ti tey chichꞌ chiqꞌuel ta smoton Riox ta tiꞌ mucꞌta temploe. Ta tsꞌel tiꞌbee oy tey jun tanqueal voꞌ, Betesda sbi ta ebreo cꞌope. Oy tey voꞌpꞌej coycoyna ta tiꞌ voꞌe.

LEQUIL ACH' C'OP

² Ta Jerusalene, tey ta ts'el ti'na yo bu yocheb chijetic sbie, oy tey jun tanqueal vo' Betzatá sbi ta arameoe, joyintabil ta vo'p'ej na oy scorirolaltac,

Bible in Tzotzil de Chenalhó with Deuterocanon

² Te ta Jerusalene oy pasbil stanqueal vo' ta nopol sti' li coralton sventa yocheb chijetique. Li stanqueal vo'e Betesda sbi ta hebreo c'op. Te oy noxtoc vo'bej cotcot na ta sti'ti' li stanqueal vo'e.

Tzotzil San Andres

² Li ta Jerusalene oy jun stiꞌ smacol, jaꞌ li bu ta xꞌoch li chijetic sventa ta xtun li ta mucꞌta chꞌulnae. Li ta nopol tiꞌ moque oy jun stanqueal joꞌ Betesda sbi ta jcꞌopcutic. Schiꞌuc oy joꞌpꞌej cotcot na ta stiꞌ li stanqueal joꞌe.

Tzotzil de Huixtán

² Te ti Jerusalén oy estanque yu'un ho' nopol ti ti'macte'ton yu'un ti jteclume yo' bu ch-ochic ti carneroetique ti chtunic yu'unic te ti templo. Ti estanquee Betesda sbi ti jc'optutic. Te oy ho'ob na te nopol ti sts'el ti estanquee. Mu'yuc sjit' ti nae.

San Juan 5:2 Iomraidhean Croise

Nehemías 12:39

Li'ech'cutic ta ti'na yu'un ti Efraine, ta ti'na yu'un ti Jesanae, ta ti'na yu'un ti yavil Chonobil Choye, ta toyol q'uelob osil yu'un ti Hananele, xchi'uc ta toyol q'uelob osil ti sbiinoj Vo'vinique, c'alal to ta ti'na yu'un ti cotleb Chijetique, ti laj jpajes jbacutic ta ti'na ti bu Chabibil sbie.

Nehemías 3:1

Va'i un, ti banquilal pale Eliasibe xchi'uc ti xchi'iltac ta paleale, lic xcha'meltsanic ti ti'na sbiinoj ochebal yu'un ti Chijetique. Lic yac'beic muc'tiquil anbil te' sventa sts'amte'al. Laj xchotanbe sti'nailtaque. Laj sva'anic ti moc ti xlic ta toyol luchlebal ti sbiinoj Vo'vinique, ti c'ot c'alal to toyol luchlebal yu'un ti Hananele.

Nehemías 3:32

Ti j'abtelanej plata taq'uine, xchi'uc ti jbolomajeletique, laj stuq'uibtasic ta smeltsanel jtuch' ti lic batel ta svolebic ti jq'uel-osiletic ti oy ta xuc'av nae, ti c'ot snup sba yu'unic ta ochebal ti'na yu'un ti Chijetique.

Isaías 22:11

Ta o'lol xchibal ti smocale, ta xapasic joc' ta sventa yavil vo' ti yavil vo' to ox ta ba'yele. Le' une, mi ja'uc laj atuc'ulanic ta sq'uelel Buch'u laj spas talel scotol ti va'i s'elan taj une, ti vo'ne xa xchapanoj talele.

Isaías 22:9

Ta xavilic ti buyuc no'ox jamal ti ochebaletic ti laj ajomic ta Steclumal ti Davide. Laj anojesic ta vo' ti yavil vo' ti oy ta olone.

San Juan 19:13

C'alal jech laj ya'i ti Pilatoe, laj yal mantal ac'o yich' sloq'uesel batel ti Jesús ti bu oye. Bat chotluc ta chapanobbail ti Gabatá sbi ta hebreo c'ope, ti ja' ta xac' ta na'el smelol Pacbil tone.

San Juan 19:17

Ti Jesuse loc' batel, xcuchoj batel ta snequeb ti scurusal yo' ta xbat bu oy ti Baquil Jolil sbie, ti ja' Gólgota sbi ta hebreo c'ope.

San Juan 19:20

Yepal israeletic laj sq'uelic c'u s'elan ta xal ti letrae, yu'un ti bu laj sjipanic ta curus ti Jesuse, nopol no'ox xil ti jteclume. Ti letrae ts'ibabil ta hebreo, ta latín, xchi'uc ta griego c'op.

San Juan 20:16

Xi laj yal ti Jesuse: —María. Ti Mariae ijoybij, xi laj yalbe ta hebreo c'op ti Jesuse: —¡Rabuni! (“Jchanubtasvanej”, xi ti smelole.)

San Juan 5:3

Ta yolon scoriolal ti nae, yepal jchameletic puch'ajtic ta lumtic jech c'u cha'al ti ma'satetique, ti coxovetique, xchi'uc ti buch'u aluneb ti sbec'talique. Yu'un ta smalaic ta xlic yuq'uilajuc ti vo'e.

San Juan 7:21

Itac'av ti Jesuse: —Acotolic ch'ayal c'ot avo'ntonic yu'un ti c'usi laj jpas avilic ta sc'ac'alil cuxob o'ntonale.

Hechos 21:40

Ti jpas-mantal yu'un soldadoe laj yac' ye sti' c'opojuc ti Pabloe. Ti stuque laj sva'an sba ta scojol cojol tec'obal. Laj sva'an sc'ob ta yaq'uel senyail ti ts'ijlicuc ti jnaclejetique. C'alal ts'ijiique, xi laj yal ta hebreo c'ope:

Apocalipsis 16:16

Laj stsob sbaic ti ajvaliletic ta banomil ti bu sbiinoj Armagedón ta hebreo c'ope.

Apocalipsis 9:11

Ti jpas-mantal yu'un ti c'ulubetique, ja' ti ánjel sventainoj ti natil xa'abe, ti sbiinoj Abadón ta hebreo c'ope, ti sbiinoj Apolión ta griego c'ope. (“Jmilvanej”, xi ti smelole.)