San Juan 5:19 - Bible in Tzotzil de Chamula

¹⁹ Xi laj yal ti Jesuse: —J'ech'el ta xcalboxuc ava'iic, ti vu'un Xnich'onun ti Diose, mu'yuc c'usi stac' jpas ta jtuc no'ox. Ja' no'ox ta jpas ti c'u s'elan ta xquil ta spas ti Jtote. Scotol ti c'usi ta spas ti Jtote, ja' jech ta jpas ti vu'un Xnich'onune.

Tzotzil Zinacantan

¹⁹ Iꞌalbatic noxtoc yuꞌun ti Jesuse: ―Ta melel chacalbeic, voꞌon ti Xchꞌamalon ti Rioxe, mu cꞌusi ti jtuc noꞌox ta jpase. Ti cꞌusi tspas chquil ti Jtote, jaꞌ ta jpas. Scotol ti cꞌusi ta spas ti Jtote, jaꞌ noꞌox yech ta jpas uc.

LEQUIL ACH' C'OP

¹⁹ I'albatic yu'un ti Jesuse: «Ta melel chacalbeic, ti Xch'amal Rioxe, mu c'usi tspas ta smantal stuc; ja' no'ox tspas ti c'usi chil tspas ti Stote. Scotol ti c'usi tspas ti Stote, ja' no'ox yech tspas li Ch'amalil uque.

Bible in Tzotzil de Chenalhó with Deuterocanon

¹⁹ Li Jesuse jech laj yalbe: “Jamal chacalboxuc ava'yic, vu'un li Xnich'onun Diose mu'yuc c'usi xu' cu'un ta jpas jtuc; ja' no'ox li c'usi tspas chquil li Jtote, ja' jech ta jpas ec.

Tzotzil San Andres

¹⁹ Li Jesuse jech laj yalbe: ―Melel li cꞌusi chacalbeique, joꞌon Snichꞌonun li Diose mu cꞌusi xuꞌ ta jpas jtuc. Li cꞌu sba ta spas li Jtote jaꞌ noꞌox jech ta jpas eꞌuc.

Tzotzil de Huixtán

¹⁹ Ti Jesuse hech laj yalbe: ―Melel ti c'usi chacalbeique, ho'on ti Snich'onun ti Diose, mu'yuc c'usi xu' cu'un ti jpas jtuc. Ja' no'ox ti jpas ti c'usi laj jq'uel tspas ti Jtote. Ti c'usi tspas ti Jtote, ja' ti jpas uc ho'on ti Snich'onune.

San Juan 5:19 Iomraidhean Croise

Génesis 1:1

Ti c'usitic lic meltsajuc talel yu'un ti Dios ta sliquebale, vinajel xchi'uc ti banomile.

Génesis 1:26

Ts'acal to un, xi laj yale: “Avi tana une, jmeltsantic ti vinique, sjunul jech c'u cha'al ti vo'otique, ti oyuc ta yoc ta sc'ob ti xu' yu'un ti c'usi ta sc'an ta spas ta stojol ti choyetique, ti mutetique, ti chon bolometic ti stac' ts'unele, xchi'uc ti colemal te'tical chon bolometique, xchi'uc ti c'usitic xquilet ta xanavic ta banomile.”

Salmos 138:3

C'alal xi'avalet ta atojole, laj atac'bun, laj to avac'bun ti yipal cu'une.

Salmos 27:14

Pato avo'nton ta stojol ti Dios une. Tsotsan un, mu xachibajes aba. Melel un, pato avo'nton ta stojol ti Diose.

Salmos 50:6

Yu'un ti oyic ta vinajele, jamal ta xalic ja' jun lequil jchapanvanej ti Diose.

Éxodo 4:11

Ja' no'ox un, xi tac'bat yu'un ti Diose: —¿Buch'u laj yac'be ye sti' ti vinique? ¿Buch'u laj spas ti uma'e, ti jmacal chiquine, ti ma'sate, xchi'uc ti buch'u x'ilvan leque? ¿Mi mu vu'unucun laj jpas?

Proverbios 2:6

Ti bijilile, ja' ta xac' ti Diose; ta ye ta sti' ta xlic ayanuc talel ti lec snopbenale, ti jamal ba satil ta yojtiquinele.

Isaías 44:24

Xi s'elan ta xal ti jpojvanej jcoltavanej Dios avu'un ti laj yac'bot avich' abec'tal ti c'alal mu'yuc to ox ta xavoq'ue: “Vu'unun ti Diose, ti laj jchapan ta smeltsanel scotol ti c'usitic oye. Laj jam ech'el ta q'uiel ti vinajele. Tsacal lec ti banomil c'ot cu'une, mu ja'uc oy buch'u laj scoltaun.

Isaías 45:24

Ma'uc no'ox taje, yu'un xi ta xalique: ‘C'ajomal no'ox Dios oy ta yoc ta sc'ob ti tsalvaneje, ti smuc'ul stsatsale.’ Scotolic ti xti'et sjolic ta jtojole, j'ac'-lo'il-maxil ta xc'otic.

Jeremías 17:10

C'alal ta jt'un lec ti vu'un Diosune, chajal ta jba ta jsat bu c'alal c'otem ta snopel ti c'usi ta sc'an ti o'ntonale. Jujun ta xcac'be stoj c'u s'elan sta o ta xich' ta sventa ti c'usi loc' ta sa'el yu'une.”

San Mateo 26:39

Ti Jesuse bat c'uc yuni natiluc, snupilan xa banomil laj spatan sba ta lumtic ti xi lic c'opoj ti'inuque: —Jch'ul Tot, ti xu'uc to la mu xquich' ti mu xa no'ox c'usi jech o ti jvocole, ja' no'ox ti ma'ucuc xc'ot ta pasel ti c'usi ta jc'an vu'une, ja'uc c'otuc ta pasel ti c'usi ta xac'an ti vo'ote.

San Lucas 21:15

Vu'un ta xcac' abijilic c'u s'elan xu' ta xatac'beic ti avajcontraique. Jech o xal, mu xu' ta stsaloxuc ta c'op.

San Juan 10:18

Mi junuc buch'u xu' ta xtuch' ti jcuxleje, yu'un ta xloc' x'ayan ta co'nton jtuc ti jech ta xc'ot ta pasele. Oy ta jba ta yaq'uel yo' jech ta jcha'ich' ti jcuxleje. Taje, ja' jech albilun talel yu'un ti Jtote —xi ti Jesuse.

San Juan 12:49

Yu'un mu ta jmantaluc no'ox jtuc ti c'u s'elan ta xic'opoje. Ti Jtot ti Buch'u laj stacun talele, ja' ta smantal ti c'u s'elan ta xic'opoje, ti c'u s'elan ta xichanubtasvane.

San Juan 12:50

Jna' lec ti c'u s'elan laj yalbun talel ti Jtote, ja' sventa cuxlejal sbatel osil. Ti c'u s'elan ta xcal une, ja' jech ta xcal jech c'u cha'al laj yalbun talel ti Jtote —xi laj yal ti Jesuse.

San Juan 14:10

¿Mi mu xc'ot ta avo'nton ti oyun ta stojol ti Jtote, ti oy ta jtojol ti Jtote? Ti c'usi ta xcalboxuque, mu ta co'ntonuc jtuc. Ja' ta jpasbe yabtel ti Jtot ti jech oy ta jtojole.

San Juan 2:19

Xi laj stac' ti Jesuse: —Lilinic ti ch'ulna li'e, ta oxib c'ac'al xu' ta jcha'va'an ta ach'.

San Juan 3:3

Xi albat yu'un ti Jesuse: —Ta xcalbot ava'i ta melel, ti buch'u mu xvoc' ta ach'e, mu xu' x'och batel ti bu ta xventainvan ti Diose.

San Juan 5:21

Jech c'u cha'al ti Jtot ta xcha'cuxes ti animaetic yo' ta xac'be ti xcuxlejale, ja' jech ti vu'un Xnich'onune, ta xcac'be xcuxlejal ti buch'u ta jc'an ta xcac'bee.

San Juan 6:38

Ti liyal talel ta vinajele, ma'uc tal jpas ti c'usi ta sc'an ti co'ntone. Ti litale, ja' tal jpas ti c'usi ta sc'an yo'nton ti Buch'u laj stacun talele.

San Juan 8:28

Xi laj yal ti Jesuse: —C'alal ti vo'oxuc ta xajipanic ta curus ti vu'un co'ol j'elantique, ja' to ta xlic avojtiquinicun Buch'uun ta melel. Scotol ti c'usi ta xcale, ma'uc ta jol jtuc, yu'un ja' ta xcal c'u s'elan lichanubtasat yu'un ti Jtote.

San Juan 9:4

Yo' to sac ti osile, ta sc'an ta jpasbe yabtel ti Buch'u laj stacun talele. Yu'un ta xa xtal ti ac'ubaltique c'alal mu'yuc xa buch'u xu' ta x'abteje.

Hechos 2:24

Ja'uc le'e, cha'cuxesat yu'un ti Diose. Poje, coltae yu'un yipal xc'uxul ti lajebale, ti j'ech'el mu x'unine yu'un ti lajebale.

Romanos 6:4

Yu'un c'alal laj quich'tic ti vo'e, jmoj lijchamotic, jmoj lijmucatotic xchi'uc ti Cristoe yo' jech ta jtamtic batel ti ach' cuxlejale jech c'u cha'al ti Cristo ti c'alal cha'cuxesat ta sventa smuc'ul stsatsal ti Diose.

Romanos 8:11

Ta sventa ti nacal ta atojolic ti Ch'ul Espíritu yu'un ti Diose, ja' ta xac'boxuc xcuxlejal ti abec'talic ti sna' chame, yu'un nacal ta atojolic ti Ch'ul Espíritu ti Buch'u laj xcha'cuxes ti Jesucristoe.

1 Corintios 15:12

Mi ja' yacaluncutic ta yalel cha'cuxi ti Cristoe, ¿c'u cha'al ta xalic jlom avu'unic ti mu'yuc ta xcha'cuxiic ti animaetique?

2 Corintios 4:14

Yu'un jna'ojcutic lec, ti Dios ti laj xcha'cuxes ti Cajvaltic Jesuse, ja' jech ta xischa'cuxesuncutic jech c'u cha'al cha'cuxi ti Jesuse. Ti vo'oxuc xchi'uc ti vu'uncutique jmoj ta xijyic'otic batel ta stojol.

2 Corintios 5:10

Yu'un jcotoltic ta xc'ot jva'an jbatic ti bu ta xchapanvan ti Cristoe yo' jech ta xquich'tic ti c'usi ta xij'ac'batotic ta jujun tale, ja' ti c'u s'elan laj xa jpastique, mi lec, mi chopol.

Efesios 2:5

yu'un jmoj laj yac' jcuxlejaltic xchi'uc ti Cristo c'alal chamemotic to ox ta scoj ti mulile. Yu'un laj xa ataic colel ta sventa ti slequilal yutsilal yo'ntone.

Efesios 3:16

Ta sventa ti mu no'ox albajuc xch'ul c'ulejal ti Jtotic Diose, ta jc'anbe ti ac'o yac'boxuc yip avo'ntonic ta sventa ti Ch'ul Espíritu yu'une,

Filipenses 3:21

Ti jech mu'yuc yutsil slequil ti jbec'tal jtacopaltique, ta xtal sjeltabotic yo' jech ta xquich'tic jbec'taltic jech c'u cha'al ti stuc ti jun yutsil slequil ta j'ech'ele. Ta xc'ot ta pasel un, ta sventa ti smuc'ul stsatsale, yu'un oy ta yoc ta sc'ob scotol ti c'usitic oye.

Filipenses 4:13

Xu' cu'un scotol ta sventa Cristo, yu'un ja' ta xiyac'bun jtsatsal.

Colosenses 1:11

Ta jc'anbecutic Dios ti ac'o yac'boxuc avipic ta sventa yutsil slequil ti smuc'ul stsatsale yo' jech oy smuc'ul avo'ntonic, yo' jech xamuyubajic ta xcuch avu'unic ti c'usiuc no'ox ta xc'ot ta atojolique,

Colosenses 1:16

Ta sventa Cristo, meltsaj yu'un Dios scotol ti c'usitic oy ta vinajele, ti c'usitic oy ta banomile, ti c'usitic xvinaj ta q'uelele, ti c'usitic mu xvinaj ta q'uelele. Scotol c'usitic mu xvinaj ta q'uelele jech c'u cha'al ti jpas-mantaletique, ti j'abteletique, ti buch'u tsots xu' yu'unique, scotol meltsaj yu'un Dios ta sventa ti Cristo yo' jech ta xtun yu'un ti stuque.

1 Tesalonicenses 4:14

Jech c'u cha'al c'otem ta co'ntontic ta xch'unel cham cha'cuxi ti Jesuse, jch'unojtic xtoc ti ta xcha'cuxesatic yu'un Dios c'alal ta xcha'sut talel ti Jesús c'alal xch'unojic cham lajique.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

Apocalipsis 2:23

Yalabtac xtoc ti antse, ta jtubbe sc'oplal. Ta xlic sna'ic scotol ti jch'unolajeletic unbi, ti xcojtiquin c'u s'elan ta snop ti o'ntonale, xchi'uc acotolic ta xcac' atojic ti c'u s'elan laj apasic ti jujunoxuque.