San Juan 5:10 - Bible in Tzotzil de Chamula

¹⁰ Jech o xal ti israeletique xi laj yal ta stojol ti buch'u cole: —Avi li'e, sc'ac'alil ti cuxob o'ntonale, jech mu stac' xavich' batel ti apope.

Tzotzil Zinacantan

¹⁰ Ti cajmeltsanejcꞌopticotique iyalbeic ti muchꞌu iꞌechꞌ xchamele: ―Lavie ta jcuxtic. Mi chavichꞌ echꞌel lapope, yuꞌun mu xachꞌunbe smantal ti Rioxe ―xutic.

LEQUIL ACH' C'OP

¹⁰ ti jurioetique xi iyalbeic ti much'u icol li xchamele: ―Lavie ja' sc'ac'alil ta jcuxtic; ch'abal permiso chatam ech'el lavayebe ―xutic.

Bible in Tzotzil de Chenalhó with Deuterocanon

¹⁰ Li j'abteletic yu'un judioetique jech laj yalbeic li vinic ti colem xae: —Li'i ja' sc'ac'alil ta jcux co'ntontic. Mu smeloluc ti chavich' batel apope —xutic.

Tzotzil San Andres

¹⁰ Li jꞌabteletic cuꞌuncutique jech laj yalbeic li vinic ti colem xae: ―Li avie jaꞌ scꞌacꞌalil ta jcuxtic. Mi chavichꞌ batel la apope, chapꞌajbe smantal li Diose ―xutic.

Tzotzil de Huixtán

¹⁰ Hech yu'un ti totiletic cu'untutic ono'oxe laj yalbeic ti vinique ti icol xa ti chamele: ―Ja' sc'ac'alil to ti jcux co'ntontic. Chap'aj mantal yu'un ti chavich' batel ti apope ―x'uti.

San Juan 5:10 Iomraidhean Croise

Isaías 58:13

“Ich'o ta muc' sc'ac'alil ti cuxob o'ntonale. Ma'uc me xbat avo'nton ta bolomajel ta yorail ti ch'ul c'ac'al cu'une. C'otuc ta avo'nton ti ja' yorail muyubajel ti c'ac'al taje, ti xc'ot o ta yich'obil ta muc' ti jun ch'ul c'ac'al yu'un ti Diose. Xi'tao, yu'un ma'uc yorail ti oy c'usi quechel macalote. Ma'uc yorail ti avac'ojbe xa yipal ta sa'el ti c'usi ta xtun avu'une, ti batem avo'nton ta bolomajele.

Jeremías 17:21

Xi ta xal ti Diose: Ti sc'ac'alil cuxob o'ntonale, ja' sventa alequilalic. Mu xavich'ic talel ti icatsile. Mi ja'uc xatiq'uic ochel ta ochebal ti'naetic yu'un ti jteclum Jerusalene.

Jeremías 17:27

Mi mu xach'unic ti jmantaltaque, mi mu xavaq'uic ta venta ti sc'ac'alil cuxob o'ntonale, mi mu xapajes abaic ta xcuchel talel icatsil ta ti'naetic ta Jerusalén ti jech c'ac'al taje, va'i unbi, ta jtiles c'oc' ta ochebal ti'naetic yu'un ti jteclume, jun c'oc' ti j'ech'el ta slilin ti muc' ta naetic yu'un ti Jerusalene, mi junuc buch'u ta xtub yu'un ti c'oq'ue.’ ”

San Mateo 12:10

Ti bu taje, oy jun vinic ti pasem ta moch' ti jun sc'obe. Ti fariseoetique sc'anic ta sa'beic smul ti Jesuse, xi laj sjac'beique: —¿Mi xu' ta xich' colesel jun jchamel ta sc'ac'alil cuxob o'ntonal?

Marcos 2:24

Xi jac'bat yu'un ti fariseoetique: —A'yio ava'i, ¿c'u cha'al jech ta spasic ti avajchanc'optac c'alal mu stac' pasel jech ta sc'ac'alil cuxob o'ntonale?

Marcos 3:4

Ti Jesuse xi lic sjac'be ti yantique: —¿C'usi stac' pasel ta sc'ac'alil ti cuxob o'ntonale? ¿Ta spasel ti c'usi leque? ¿Ta spasel ti c'usi chopole? ¿Ta coltavanej? ¿Mi tsutsesvanej ta j'ech'el? Ja'uc ti stuquique ts'ijil comic.

San Lucas 13:14

Ja'uc ti banquilal jpas-mantal yu'un ti ch'ul nae, cap sjol, yu'un ta sc'ac'alil cuxub o'ntonal, colesvan ti Jesuse. Xi laj yal ta stojol ti jnaclejetique: —La', ac'o abaic ta poxtael ti oy vaquib c'ac'al stac' xij'abteje, ma'uc ta yorail sc'ac'alil ti cuxob o'ntonale.

San Lucas 23:56

C'alal sut batel ta snaique, lic xchapanic ti aceite ti capal ta muil poxile. C'alal laj yo'ntonique, lic xchabiic ti sc'ac'alil cuxob o'ntonal jech c'u cha'al ta xal ti mantale.

San Lucas 6:2

Oy jun chib fariseoetic ti xi laj sjaq'uique: —¿C'u cha'al jech ta xapasic c'alal mu stac' pasel jech ta sc'ac'alil cuxob o'ntonale?

San Juan 1:19

Ti j'abteletic yu'un ti israeletic ta Jerusalene, laj staquic batel ti paleetique xchi'uc levitaetic ta sjac'bel buch'u ti Juane.

San Juan 5:11

Xi laj stac' ti vinique: —Ti Buch'u laj scolesune, xi laj yalbune: “Balo bal ti apope, batan”, xiyut.

San Juan 5:15

Ti vinique bat yalbe ya'i ti israeletique ti ja' coltaat yu'un ti Jesuse.

San Juan 5:16

Jech o xal ti israeletique lic scontrainic ti Jesuse xchi'uc sc'an ta smilic ya'iic, yu'un ta sc'ac'alil cuxob o'ntonal ti va'i s'elan ta spase.

San Juan 7:23

Ti jech tsots sc'oplal ta xava'iic ta yac'bel yich'ic circuncisión jun biq'uit querem yo' mu stselbuj avu'unic smantal ti Moisés manchuc mi sc'ac'alil ti cuxob o'ntonale, ¿c'u cha'al xti'et ajolic ta jtojol ti laj jcolesbe sjunul sbec'tal jun vinic ti oy xchamel ti ja' o sc'ac'alil ti cuxob o'ntonale?

San Juan 9:16

Xiic laj yalic ti jlom fariseoetique: —Ti vinic jech laj spas taje, ma'uc tacbil talel yu'un ti Diose, yu'un mu xich' ta muc' sc'ac'alil ti cuxob o'ntonale. Xiic laj yalic ti jlom xtoque: —¿C'u ono'ox xi ta xac' ta ilel ti oy c'usi ch'ayal ta xc'ot o'ntonal yu'une ti mi ja' jun jsa'mulile? Ti jech taje, mu co'oluc ti snopbenal yu'unique.