San Juan 4:46 - Bible in Tzotzil de Chamula

⁴⁶ Ti Jesuse sut batel ta jteclum Caná ti oy ta Galilea ti bu laj sjoybin ta vino ti vo'e. Ti bu taje, oy jun yaj'abtel ajvalil ti tsots yabtel yich'oje, ti ip ta xa'i ti xnich'on oy ta Capernaume.

Tzotzil Zinacantan

⁴⁶ Ti Jesuse tey icꞌot noxtoc ta jteclum Caná tey noꞌox ta Galilea yoꞌ bu ti iscꞌatajes ta yaꞌlel uva ti voꞌe. Tey jun jchiꞌilticotic ta jurioal itiqꞌue ta meltsanejcꞌop ta jteclum Capernaum yuꞌun ti coviernoe. Ip screm.

LEQUIL ACH' C'OP

⁴⁶ Ti Jesuse isut ech'el Caná tey ta Galilea yo' bu ti isc'atajes ta ya'lel uva ti vo'e. Tey nacal jun xchi'il ta abtel ti reye, oy jun screm ip, tey ta Capernaum.

Bible in Tzotzil de Chenalhó with Deuterocanon

⁴⁶ Li Jesuse ibat yan velta ta lum Caná ta Galilea banamil yo' bu la sc'atajes ta pasem ya'lel ts'usub li vo'e. Te ta lum Capernaum oy jun xchi'il ta abtel ajvalil, ip cha'ay xnich'on.

Tzotzil San Andres

⁴⁶ Li Jesuse te ichaꞌcꞌot nojtoc li ta jteclum Caná li te ta Galilea balumile, jaꞌ te li yoꞌ bu la scꞌatajes ta yaꞌlel tsꞌusub li joꞌe. Te oy ta jteclum Capernaum jun yajꞌabtel li ajvalile. Jaꞌ jchiꞌilcutic ta israelal. Ip snichꞌon.

Tzotzil de Huixtán

⁴⁶ Hech yu'un ti Jesuse icha'bat nixtoc ti jteclum Caná te ti estado Galilea yo' bu laj sc'atajes ti ya'lel sat uvate' ti ho'e. Ti jteclum Capernaum oy yabat ti reye. Ja' jchi'iltutic. Ja' jchamel ti snich'one.

San Juan 4:46 Iomraidhean Croise

Salmos 50:15

Taun ta c'oponel ta ti'inel ti c'alal oy c'usi chopol ta xc'ot ta atojole, ta jtic' jba ta apojel, ja' to jech ta xlic alequil c'optaun.”

Salmos 78:34

Ti jech ta xilic ta xchamesatic yu'un ti Diose, va'i un, ta xlic sa'ic, ta sutic talel ta stojol, sjunul xa yo'ntonic ta sa'ic.

Oseas 5:15

“Ta xisut batel ti bu ono'ox oyune, ja' to ti c'uxi ta xa'i sbaic ti oy smulique, ti ta xlic sa'icune. Yu'un ja' to ta xlic sa'icun ti c'alal x'oc' x'avanic yu'un ti svocole.”

San Mateo 15:22

Oy jun cananea ants nacal ti bu taje, ti xi x'avet tal ta stojol ti Jesuse: —Cajval, Snitilul David, c'uxubinun. Ti jtsebe, ta x'ilbajinat yu'un ti pucuje.

San Mateo 4:13

Mu'yuc xa xcom nacluc ta jteclum Nazaret. Bat nacluc ta jteclum Capernaum ti oy ta ti' nab ta yosilal ti Zabulone, ti Neftalie.

San Mateo 9:18

C'alal yacal to ta xc'opoj ti Jesús ta stojolique, ja' o vul ta loq'uel jun banquilal yu'un ti israeletique, ti xi laj yal ti laj squejan sba ta stojole: —Naca to cham ti cantsil nich'one. Mi ta xtal acajan ac'ob ta sbae, ta xlic xcuxiuc un.

San Lucas 4:23

Xi laj yal ti Jesuse: —Oy nan ta avo'ntonic ta xavalbeicun jech c'u cha'al oy xi x'ale ti c'ope: ‘Poxtao aba atuc jpoxtavanej.’ Mi mo'oje, xi ta xavalique: ‘Ti c'usi laj ca'icutic laj apas ta jteclum Capernaume, ja' jech, paso li' ta ateclumal atuque.’

San Lucas 7:2

Ti bu taje, nacal jun banquilal soldado romano ti oy jun yaj'abtel ti lec xc'uxubinoje, ti tsots ip ta xa'ie, ti jutuc xa mu ta xchame.

San Lucas 8:42

C'ajomal yo jun stseb ti yich'oj xa lajcheb (12) jabile, ti jutuc xa mu ta xchame. C'alal jech ta xbat ti Jesuse, ta xa'i ti ta xnet'e yu'un ti epal jnaclejetic ti ts'acalic batele.

San Juan 2:12

Ts'acal to taj un, bat ta jteclum Capernaum xchi'uc ti sme'e, ti yits'inabtaque, xchi'uc ti yajchanc'optaque. Joc'tsajic jayib c'ac'al ti bu taje.

San Juan 21:2

Jmoj tsobolic xchi'uc Simón Pedro ti Tomas sbiinoj vach yu'unique, ti Natanael liquem talel ta jteclum Caná ti oy ta Galileae, ti cha'vo' xnich'nab Zebedeoe, xchi'uc yan cha'vo' yajchanc'op ti Jesuse.

Josué 19:28

Ti xcaltic une, ech' stsac ta yu'ninel ti Abdone, ti Rehobe, ti Hamone, xchi'uc ti Canae, ti c'ot c'alal to jteclum Sidone.