San Juan 4:23 - Bible in Tzotzil de Chamula

²³ Sta xa yorail, ja' xa yorail avi li'e, ti buch'utic ta xich'ic ta muc' ti Diose, ac'o spasic jech c'u cha'al ta sc'an ti Ch'ul Espíritu yu'un ti Diose. Yu'un ti Diose, jech ta yo'nton ti ac'o ich'atuc ta muq'ue.

Tzotzil Zinacantan

²³ Poꞌot xa sta yora ti buyuc noꞌox tscꞌoponic Jtotic Riox ti muchꞌutic sjunul yoꞌon yichꞌojic ta muqꞌue. Ti Jtotic Rioxe jaꞌ tscꞌan ti muchꞌutic sjunul yoꞌonic chichꞌic ta muqꞌue.

LEQUIL ACH' C'OP

²³ Pero ta xa xc'ot yora, xchi'uc ja' xa yorail lavie, ti much'utic chich'ic ta muc' ta melel ti jtotic Rioxe, ta xich'ic ta muc' ta melel chac c'ucha'al tsc'an ti Espíritu yu'un ti Rioxe. Ti jtotic Rioxe ja' tsc'an ti ja yech ac'u spasic ti much'utic chich'ic ta muq'ue.

Bible in Tzotzil de Chenalhó with Deuterocanon

²³ Ta to sta sc'ac'alil, o ja' xa yorail ti buyuc xa no'ox ta xich'ic ta muc' Jtotic Dios ta yo'ntonic li boch'otic ta melel xch'unojique. Li Jtotic Diose ja' ta sa' li boch'otic jech ta xich'ic ta muq'ue.

Tzotzil San Andres

²³ Poꞌot xa ta xcꞌot scꞌacꞌalil ti buyuc noꞌox xuꞌ chichꞌic ta mucꞌ Dios li buchꞌutic ti ta melel yichꞌojic ta muqꞌue. Yuꞌun li Jtotic Diose ta saꞌ li buchꞌutic ti jech ta xꞌichꞌe ta muqꞌue.

Tzotzil de Huixtán

²³ Laj xa sta yorail ti buc no'ox tspasic ti muc' ti Jtotic Diose ti yo'ntonic ti much'utic mero jch'unojeletique. Ti Jtotic Diose tsa' ti much'u hech tspasat ti muc' yu'une.

San Juan 4:23 Iomraidhean Croise

1 Crónicas 29:17

Jna' lec ti Diosote, xavil xavojtiquin lec ti snopobile, ti lec ta xava'i ti oyuc smelol stuq'uile. Jech o xal un, ta stuq'uil jol co'nton, laj cac'bot ta atojol scotol li'e. Avi tana une, quiloj ta jba ta jsat ti xmuyubajic no'ox ti ateclumal li' tsobolic laj yaq'uic ti matanaletic ta yutsil slequil yo'ntonique.

Salmos 147:11

Ti c'usi lec ta xa'ie, ja' ti buch'utic sna' sbic'tajes sbaic ta stojole, ti buch'utic spatoj yo'ntonic ta sventa ti syail xc'uxul yo'ntone.

Salmos 17:1

Cajval, ts'etano ani' achiquin ta ya'yiel ti jeche' no'ox xvulvun ti jc'oplale, chiquintao un ti xime'inal oq'ue, chiquintabun ti xic'opoj xiti'ine, ti j'ech'el mu'yuc loq'uem ta que ti naca jutbile.

Salmos 32:2

Xmuyubaj no'ox ti buch'u jamal lec ti yo'ntone, ti mu'yuc xa ta xtic'bat ta sat jtosuc yu'un Dios ti c'usi spasoje.

Salmos 51:6

Melel un, mu tuch'baj ta avo'nton ti buch'u jamal yo'nton ta atojole, ta yutil to co'nton laj abijubtasun.

Proverbios 15:8

Ti Diose, j'ac'-ib-o'ntonal ta xil ti matanal ta xaq'uic ti buch'u mu'yuc xch'ulel xa'i sbaique; xmuyubaj xchi'uc ti sc'opojel sti'inel ti buch'u oy stuq'uil sjol yo'ntonique.

Cantares 2:14

“Jq'ueltic ti avuni sate, ca'itic ti avuni c'opojele, cuni paloma, ti alac' avuni ba ta q'uelele, ti xich'i xa yu'un ti avuni c'opojele, ti ta xanac'olan aba ta c'al tontique, ti xnach'nun asat ta toyole.”

Isaías 10:20

Ta yorail taje, ti c'u xa yepal com ti Israele, ja' ti buch'utic ja' steclumal ti Jacob ti colic toe, mu xa xba sa' spojelic ta stojol ti buch'utic soquesatic yu'une. Ta sjunul yo'ntonic ta sa' spojel scoltaelic ta stojol ti Ajvalil Ch'ul Dios yu'un ti Israele.

Isaías 29:13

Xiyut ti Dios une: “Ti lum li'e, naca no'ox sba ye ti ta xalic ti c'otem ta cajtunele. Ta ye no'ox ma' ti ta xiyich'un ta muq'ue. Le' to oy ma' ti yo'ntonic ta jtojol une. Naca nopbil yu'un viniquetic ma' ti ta xalic ti quich'el ta muq'ue, naca chanbil no'ox ta sjol stuquic.

Isaías 43:21

Ti jteclum ti chapal cu'une, ta svinajesbeic slequilal yutsilal ti jc'oplale.

Isaías 58:2

Xaval yilele, yac'ojbeic xa yipal ta xisa'icun jujun c'ac'al. Xmuyubajic no'ox ta stamel ti bu ta jtojobtas batele. Co'ol xa s'elan jun jteclum ti batem yo'ntonic ta spasel ti c'usi leque. Mu'yuc stenojic ta spat ta xoconic ti c'usitic jbel tsots albil cu'une. Sc'anbeicun xa ti ac'o lecuc batuc yu'unic ti c'usitic jbel tsots albile. Stuc xa no'ox jech xmuyubajic ta q'uelel ti ta xnopajic talel ta jtojole.

Jeremías 3:10

Ti jech laj xa spas scotol ti va'i s'elan taje, mi ja'uc xa ta sjunul yo'nton sut talel ta jtojol ti jchuvaj jol jteclum Judae. Yu'un c'ajomal no'ox laj slo'laun. Ti vu'un Diosune, mu lo'iluc no'ox ta xcal.”

Jeremías 4:2

mi naca melel, mi naca pojel xchi'uc naca slequil o'ntonal ti xava'an aba ta rextico ta jventae, va'i unbi, ta xjoybij ta xc'uxubinelic, ta slequil c'optaelic ti muc'tiquil lumetic ta jventae.”

Ezequiel 22:30

Laj xa jsa'ilan ta stojol ti jnaclejetique, ti oyuc buch'u spac ti c'op ta sventa ti muc' ta lume, ti oyuc to buch'u xet'es ti c'op ta jtojol yo' mu jtubbe ti sc'oplalique. Mu'yuc bu laj jta un.

San Juan 1:17

Ti oy c'usi tsots albil sc'oplale vul ta jtojoltic ta sventa ti Moisese. Ja'uc ti c'uxubinele xchi'uc ti c'usi ja' melele, c'ot ta pasel ta sventa ti Jesucristoe.

San Juan 12:23

Xi laj yal ti Jesuse: —Sta xa yorail ta xquich' jlequilal cutsilal ti vu'un co'ol j'elantique.

San Juan 16:2

Yu'un ta xavich'ic jipel loq'uel ta ch'ul na. Xu' ta xc'ot ta pasel ti oy buch'u ta xasmiloxuc ti ta snopic ti ja' jech ta xtunic yu'un ti Diose.

San Juan 16:32

Sta xa yorail, ja' xa yorail avi tana li' une, ti tan puc ta xabatique, jtuc ta xavictaicun comel. Manchuc mi jech, yu'un chi'inbilun yu'un ti Jtote.

San Juan 4:21

Xi laj stac' ti Jesuse: —Ch'unbun ti oy bu ta sta yorail mi ja'uc li' ta vitse, mi ja'uc ta Jerusalén ta xbat avich'ic ta muc' ti Diose.

San Juan 5:25

“Ta xcalboxuc ava'iic ta melel, sta xa yorail, ja' xa yorail li'e, ti buch'u chamemique ta xa'ibeicun jc'opojel ti vu'un Xnich'onun ti Diose. Ti buch'u ta xich'ic ta muc' ti jc'ope, ta xcuxiic.

San Juan 5:28

Mu ch'ayaluc xc'ot avo'ntonic yu'un taje, yu'un ta sta yorail ta xa'ibeicun jc'opojel scotol ti animaetique.

Romanos 1:9

Ta stojol ti Diose, sjunul co'nton cac'oj jba ta tunel yu'un ta yalel ti lequil ach' c'op yu'un ti Xnich'one. Ja' yiloj ti mu xajch'ayoxuc ta co'nton ta c'opojel ti'inel ta aventaic.

Romanos 8:15

Ti Ch'ul Espíritu ti la'ac'bat avich'ique, ma'uc ta stic'oxuc ta mosovinel, ta yac'beloxuc xi'el. Yu'un ta sventa ti Ch'ul Espíritue lac'otic ta xnich'nabtac ti Diose. Ta sventa ti Ch'ul Espíritu taje, xichi ta xic'opoj ta xiti'ine: “Jch'ul tot, Cajval.”

Romanos 8:26

Ti mu'yuc c'usi xu' cu'untique, jech ti Ch'ul Espíritue ta stic' sba ta scoltaelotic, ta c'opojel ti'inel ta stojol Dios ti c'alal ja' o ta jic' ti co'ntontique, ti mu stac' a'yeluc c'usi xu' ta xcaltique.

Gálatas 4:6

Yo' ta xac' ta ilel ti xnich'nabotic xae, ti Diose laj yac' talel ta co'ntontic Xch'ul Espíritu ti Xnich'one. Ta sventa ti Ch'ul Espíritue, xi ta xcaltic yu'une: “Jch'ul Tot Cajval.”

Efesios 6:18

Xi ta xcalboxuc ava'iique: Mu xavicta abaic ta c'opojel ti'inel, xchi'uc ta sventauc ti Ch'ul Espiritue, vocoletanic, c'anbeic ti Dios ti c'usi sc'an pasele. J'ech'eluc viq'uiluc asatic, mu xatsiq'ues avo'ntonic ta c'opojel ti'inel ta sventa ti buch'utic yu'untac xa ti Diose.

Filipenses 3:3

Yu'un ti buch'utic yich'ojic ti bats'i circuncisione, ja' ti vo'otique. Yu'un ta xquich'tic ta muc' ti Dios ta yutil co'ntontic ta sventa ti Ch'ul Espíritue. Xijmuyubajotic ti jech oyotic ta stojol ti Cajvaltic Jesucristoe. Yu'un ma'uc ta jpat co'ntontic ti lec oyotic ta sventa ti c'usi ta xich' pasel ta spat xocon no'oxe.

Josué 24:14

—Ta sventa ti jech scotol le' une, xi'taic ti Diose. Ta stuq'uiluc ajol, ta sjunuluc avo'nton, ac'o abaic ta tunel ta stojol. Ma'ucuc me ti teq'uel ta xc'ot ta avo'ntonic ta yich'el ta muc' ti diosetic ti laj snijan xchiman sbaic ta yich'el ta muc' ti amolmuc'totic ti oyic to ox ta ti' uc'um Eufratese, xchi'uc ti ta Egiptoe. C'ajomaluc no'ox me, ac'o abaic ta tunel yu'un ti Dios stuque.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.

1 Samuel 12:24

C'otuc ta pasel avu'unic ti xi'taic ti Diose, ti nijil chimiloxuc ta yich'el ta muc' ta melele, xchi'uc ti ta sjunuluc avo'ntonique ti mu xch'ay xava'iic ti ep oy c'usi lec laj spas ta atojolique.