San Juan 4:22 - Bible in Tzotzil de Chamula

²² Ti vo'oxuque mu xana'ic ti buch'u ta xavich'ic ta muq'ue. Ja'uc ti vu'uncutique, jna'cutic ti Buch'u ta xquich'cutic ta muq'ue, yu'un ti coltaele ta xlic talel ta stojol ti israeletique.

Tzotzil Zinacantan

²² Voꞌoxuc ti liꞌ nacaloxuc ta Samariae, mu xanaꞌic cꞌusi yaloj ti Rioxe ti avichꞌojic ta mucꞌ ti avalojique. Li voꞌoticotique jnaꞌojticotic ti yaloj onox ti Rioxe ti jun jchiꞌilticotic ta jurioal ti tstojbe smul scotol li crixchanoetique.

LEQUIL ACH' C'OP

²² Li vo'oxuque mu xa na'ic ti much'u chavich'ic ta muq'ue; yan li vo'oticotique jna'ojticotic ti much'u chquich'ticotic ta muq'ue, li coltaele tey chloc' tal ta stojol li jurioetique.

Bible in Tzotzil de Chenalhó with Deuterocanon

²² Li vo'oxuque mu xavotquinic li boch'o chavich'ic ta muq'ue. Yan li vu'uncutique ja' chquich'cutic ta muc' li boch'o lec xcotquincutique. Yu'un li mero coltaele te chlic ta stojol li judioetique.

Tzotzil San Andres

²² Joꞌoxuc li liꞌ nacaloxuc ta Samariae, mu cꞌusi xtun o avuꞌunic li cꞌustic la stsꞌibaic comel li buchꞌutic iyalic scꞌop Dios ta voꞌonee. Jech mu xanaꞌic ti jech onoꞌox yaloj Dios ti jaꞌ jun jchiꞌilcutic ta israelal li buchꞌu ta scoltaan ta scoj smulic scotol li crixchanoetique.

Tzotzil de Huixtán

²² Ti ho'oxuque ti samariaoxuque mu xavojtiquinic ti Diose. Ti jchi'iltaque chojtiquinic ti Jtotic Diose yu'un albilic yu'un ti chital ho'oni ti Jcoltavanejune, ho'on ti co'ol judioun xchi'uque.

San Juan 4:22 Iomraidhean Croise

Génesis 49:10

Mu'yuc buch'u xu' xpojbat yabtel ti Judá yich'oje, mi ja'uc xpoj yu'unic ti svaxton oy ta sc'obe, ja' to mi vul ta loq'uel yajval stuc ti vaxtone, ti ta xch'unbat smantal yu'un scotol ti jteclume.

Esdras 4:2

xi c'ot yalic une c'alal bat sc'oponic ti Zorobabele, ti Josuee, xchi'uc ti banquilaletic yu'un ti jujuchope: —Ac'o ave ati'ic ti xu' ta jtic' jbacutic ta scoltaeloxuc ta abtel. Yu'un ti vu'uncutic jech c'u cha'al ti vo'oxuque, nabaluncutic ta yich'el ta muc' ti Diose. Laj ono'ox cac'becutic milbil matanal c'alal yorail tiq'uil ta ajvalilal ti Esarhadone, ajvalil yu'un ti Asiriae, ti laj yic'uncutic talel li' to c'alale.

Salmos 147:19

Ti sc'ope, ti c'usi jbel tsots albil yu'une, ti c'usitic nopbil yu'une, laj yac'be sventain ti Jacobe, Israel ti yan sbie.

Salmos 68:20

Ti Dios cu'untique, ja' jun Dios ta stic' sba ta pojvanej, ti xu' yu'un ta xpojvan loq'uel ta lajebale.

Isaías 12:2

Ti Diose ja' laj stic' sba ta jpojel, stsacoj lec yip co'nton yu'un, mi ja'uc ta xixi'. Ti Diose ja' jnac'obbail, ja' quip jtsatsal, ja' jcoltavanej cu'un.”

Isaías 12:6

Avananic ta muyubajel, jnaclejetic yu'un ti lum Sione, yu'un ti ch'ul Dios yu'un Israele, oy ta o'lol avu'unic xchi'uc scotol ti smuc'ul stsatsale.”

Isaías 2:3

Mu albajuc yepal ti jteclum ta xtalic ti xi ta xalbe sbaique: “La'ic, muycutic ech'el ta vits yu'un ti Diose, ta xch'ulna Dios yu'un ti Jacobe, yo' jech ta xischanubtasotic ta yaq'uel quiltic ti c'usi ta sc'an ti stuque, yo' jech xu' ta jtamtic ech'el ti bu stamoj ech'el ti stuque.” Ti chanubtasel yu'un ti Diose, ta xlic talel ta lum Sión, ta Jerusalén to ta xlic talel ti sc'ope.

Isaías 46:13

Ta xa xnopaj talel cu'un ta yabtelanel ti pojel colele. Mu xa jaluc sc'an ti pojel colel cu'une. Ta xc'ot ta pasel cu'un ta jpoj ta jcolta ti lum Sione. Ta xcac'be yich' cutsilal jlequilal ti Israele.

Zacarías 9:9

Muyubajan no'ox ta j'ech'el, jteclum Sión. Q'uejinan no'ox ta muyubajel, jteclum Jerusalén. Ti ajvalil avu'une, tuc' sjol yo'nton tal ta atojol ti tsalvanem xa talele, peq'uel yac'oj sba ti cajal talel ta burroe, ja' ti ta jcot uni ch'in burro ti ja' yol jcot me' burroe.

San Lucas 24:47

Ts'ibabil no'ox xtoc, ti ja' ta jventa licuc ba'yel li' ta Jerusalene, ti xcholetuc yich'uc alanbel ya'i scotol ti muc'tiquil lumetic ti oy ta sbejel banomile, ti ac'o suticuc talel ta stojol ti Diose, yo' jech ta staic ti ch'aybil ta xc'ot ti smul scolo'ique.

Hechos 17:23

Yu'un c'alal lixanav li' ta alumalique, laj quil ti ep c'usitic ta xavich'ic ta muq'ue. Ja' jech xtoc oy bu laj jta ti xi ta xal sletrail jun altar ti c'ot ta jsat bu ta xavich'ic ta muc' ti diosetique: ‘Ja' sventa jun dios ti mu xvinaj ta q'uelele.’ Lec oy un cha'e, ti Dios ti mu xvinaj ta q'uelel ti ta xavich'ic ta muq'ue, ja' tal xcalboxuc ava'iic ti sc'oplale.

Hechos 17:30

Ti ta vo'nee, ti Diose laj sts'icbe talel sbolil sjol yo'ntonic ti jnaclejetic ta scoj ti mu sna'ique. Avi tana une, ta xalbe ta sbejel banomil ti suticuc talel ta stojole.

Hechos 3:26

C'alal laj xcha'cuxes Xnich'on ti Diose, ba'yel laj stac talel ta atojolic yo' ta xataic slequilal, ti junoxuc ac'o avictaic ta spasel ti c'usi chopole.”

Romanos 11:18

Ja'uc le'e, mu xatoy aba ta sbajel ta stenel ti bats'i sc'obtac ti laj yich' setele. Mi jech ta xapase, vuleso ta ajol ti ma'uc liquem talel xch'iel ti yibel ta aventae, naca avich'ojbe xcuxlej ta sventa ti yibele.

Hebreos 7:14

Yu'un vinajem lec sc'oplal ti Cajvaltic Jesucristoe ti ayan talel ta stojol jun snitilul ti Judae. Ti Moisese mu'yuc laj yal ti ta xich' t'ujel jun pale ta stojol snitilul ti Judae.