San Juan 4:10 - Bible in Tzotzil de Chamula

¹⁰ Xi laj stac' ti Jesuse: —Ti xana'uc oy c'usi ta xac' ti Diose, ti xana'uc ti Buch'u ta sc'anbot ti vo'e, ta melel unbi, vo'ot ta xac'anbun ti vo' jechuque. Ta xcac'bot ti cuxul sat vo'e.

Tzotzil Zinacantan

¹⁰ Ti Jesuse iyalbe la ti antse: ―Ti anaꞌuc onox ti cꞌusi tscꞌan chayacꞌbe ti Rioxe, ti avojtiquinicon muchꞌuon ti cꞌalal lajcꞌanbe avaꞌal chcuchꞌe, voꞌot baꞌyi acꞌanbon ti yechuque. Ti acꞌanbecone, lacacꞌbe li voꞌ ti chacuxi o ta sbatel osil ti yechuque ―xut la.

LEQUIL ACH' C'OP

¹⁰ Itac'av ti Jesuse: ―Ti ana'ojuc ti c'usi chac' ti Rioxe xchi'uc ti much'u la sc'anbe li vo'e, vo'ot ac'anbe ti yechuque, ja' la yac'be li vo' ti chacuxi o ta sbatel osil ti yechuque ―xut.

Bible in Tzotzil de Chenalhó with Deuterocanon

¹⁰ Itac'ov li Jesuse: —Ana'uc ti tsc'an chayac'bot amoton li Diose xchi'uc ti lajuc avotquin li boch'o la sc'anbot ava'al yuch'e, vo'ot laj ac'anbe ba'yuc vo' ti jechuque. Jech ja' laj yac'bot li vo' ti chac' cuxiane —xut.

Tzotzil San Andres

¹⁰ Itacꞌav li Jesuse: ―Ti xanaꞌuc li cꞌusi ta scꞌan chayacꞌbe li Diose schiꞌuc ti avojtaquinucun onoꞌox li cꞌalal la jcꞌanbot avaꞌal cuchꞌe, joꞌot baꞌi la acꞌanbun joꞌ ti jechuque. Ti acꞌanbucune, laj cacꞌbot li joꞌ ta sventa ti chacuxi o sbatel osile ―xut.

Tzotzil de Huixtán

¹⁰ Itac'av ti Jesuse, hech laj yalbe: ―Ti lajuc ana' ti tsc'an chayac'bot amoton ti Diose, ti lajuc avojtiquinun ti ho'one ti nacalbe: Jc'antic jlecuc ava'al yu'un chcuch', xacute, ho'ot jbael laj ac'ambun ho' ti hechuque. Hech laj cac'bot ti ho'e ti ja' chacuxi sbatel osil yu'une ―xchi.

San Juan 4:10 Iomraidhean Croise

Salmos 10:17

Dios, ta xava'ibe sc'opojel sti'inelic ti buch'u biq'uit yac'oj sbaique; ta xavac'be yip yo'nton, ta xava'ibe sc'op.

Salmos 46:4

Ta sventa ti tan puc yoctac ti muc' ta uc'ume, ta staic smuyubajel yo'ntonic Steclumal ti Diose, ja' ti ch'ul jteclum yu'un ti Buch'u oy ta toyole.

Éxodo 17:6

Tey ta jcaj-malaot ta vits Horeb ta sba jun muc' ta ton. C'alal ta xamaj ti muc' ta tone, ta xloc' talel vo' yo' jech ta xuch'ic ti jteclume. Va'i un, ti Moisese jech laj spas ta sba ta sat ti moletic yu'un ti Israele.

Cantares 4:15

Ti sat vo' ta yut ts'unubale, ta xvul ta tuquel ta jun joc' ti liquem talel yacan ta vits Libanoe.

Isaías 12:3

Xamuyubajic xa ec, xu' xabatic ta stunesel ta yuch'el ti sat vo' ti c'otem ta sventa pojel colele.

Isaías 35:6

Ti buch'utic coxovetique, co'ol s'elan te'tical chij xbitic no'ox liquel ta anil. Ti uma'etique xloc' xa lec liquel yu'un ti c'u s'elan x'avlajetique. Yu'un ti ta taquin sbajtical banomile, mu no'ox albajuc xbalaq'uin liquel yoc ti vo'e.

Isaías 42:6

“Ti vu'un Diosune laj quic'ot talel. Laj jnitbot talel ac'ob yo' jech tsots atunel ta xac'ot ta sventa ti coltaele. Nopbil abec'tal atacopal cu'un. Ta jc'an un ti ta aventa yilicuc jtrate ti jteclumetique, ti ta xac'ot ta saquilal osil yu'un ti muc'tiquil lumetique.

Isaías 43:20

Ti te'tical chon bolometique, ti oq'uiletique, ti j'anilajel-mutetique, ta xlic yich'icun ta muc'. Yu'un ta xlic c'otuc ta t'omel vo' cu'un ta sbajtical banomil. Xpolet no'ox liquel uc'umetic cu'un ti bu mu'yuc stu ta j'ech'el ti banomile, yo' jech ta xcac'be yuch'ic vo' ti jteclumal ti t'ujbil cu'une.

Isaías 44:3

Yu'un ta xc'ot ta pasel cu'un ti ta xlic beinuc vo' ti ta sbajtical banomile, ti ta xlic t'omuc ch'in uc'umetic ti ta taquin banomile. Yu'un ta xcac'be ach' xcuxlejic ti anitilultaque. Ta jva'an jba ta yac'bel ti jlequilal cutsilale.

Isaías 49:10

“Mi ja'uc ta xa'iic vi'nal taqui ti'il. Mi ja'uc xchic'chun ta xa'iic ti c'ac'ale. Mi ja'uc xq'uixnal ti banomile. C'ux ta xca'iic, ta jtojobtasic batel. Ta xquic' batel ti bu oy ti sat vo'etique.

Isaías 9:6

Yu'un c'ot xa ta pasel ti voc' xa jun querem ta jtojoltique. Laj xa yac'botic talel jun xnich'on ti Diose, c'ot ta pasel ti ac'bat yich' yabtel ta ventainvaneje. Xi s'elan sc'oplal ta x'albate: Ch'ayal ta xc'ot o'ntonal yu'un ti c'u s'elan ta snope, Dios ti mu tsalbaje, Totil sbatel osil, Banquilal jlamajesej-c'op.

Jeremías 2:13

“Yu'un ti jteclumale, cha'tos ti xi laj stsob sba ti smule: laj svalopatin comel ti cuxul sat vo' yu'une, lic sjoc' yaviltac ya'al stuquic ti mu sts'an vo' yu'un ti joq'uetic ta scoj ti chajal ti yute.

Ezequiel 16:35

“Ants, ti xana' xabolomalin abae, a'yio ava'i ti jc'op ti ta xcalbote.

Zacarías 13:1

“Ti jech yorail taje, ta xvul ta t'omel jun sat vo' yo' jech ta spoquic ta smesic loq'uel smulic, ta smesel stusel loq'uel xchopolal snitilultac ti Davide xchi'uc ti jnaclejetic yu'un ti jteclum Jerusalene.

Zacarías 14:8

Va'i un, ti ta jteclum Jerusalene, ta xlic tucuc talel sat vo' ti jun no'ox yutsil siquete, ti x'oquin no'ox yoc ti c'alal yorail scomil ti c'ac'ale, ti c'alal snatil ti c'ac'ale. Ti o'lol yoque ta x'oquin ech'el ti bu sbiinoj Chamem Nabe. Yu'un ti o'lol yoque ta x'oquin ech'el ti bu sbiinoj Nab Mediterráneoe.

San Lucas 11:13

Manchuc mi ech'em chopoloxuc, xana'ic lec st'ujel ti c'usi ta xavac'beic ti anich'nabique. Ja'uc ti Jtotic oy ta vinajele, ta xac'be yich' ti Ch'ul Espíritu ti buch'u ta sc'ane.

San Juan 16:3

Jech ta spasic, yu'un mu xojtiquinic ta j'ech'el ti Jtote, mi ja'uc xiyojtquinicun ec.

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

San Juan 3:16

“Ti Diose mu albajuc laj xc'uxubinan scotol ti jnaclejetique, laj stac talel ta stojolic ti yo junomal Xnich'one. Buch'uuc no'ox ti ta xc'ot ta yo'ntonic ti ja' Jpojvanej yu'unique, mu xch'ayic, ta sta xcuxlejalic sbatel osil.

San Juan 4:14

Ja'uc ti buch'u ta xuch' ti vo' vu'un ta xcaq'ue, j'ech'el mu xa'iic taqui ti'il. Yu'un ta xc'ot ta yo'ntonic jech c'u cha'al nio' ti mu sna' x'ul ti xtuctun o ti ta x'ac'bat xcuxlejalic sbatel osil yu'une.

San Juan 6:35

Ti Jesuse xi laj yale: —Vu'unun ti pan ta xac' cuxlejale. Ti buch'u ta xtal ta jtojole mu xa'i o vi'nal. Ti buch'u ta xc'ot ta yo'nton ta xch'unelune, j'ech'el mu xa'i o taqui ti'il.

San Juan 6:51

Vu'unun ti cuxul pan liquem talel ta vinajele. Ti buch'u ta sve' ti pan taje, ta xcuxi o sbatel osil. Ti pan ti vu'un ta xcaq'ue, ja' ti jbec'tal jtacopale. Ta xcac' ta c'abal yo' jech ta sta xcuxlejal scotol ti jnaclejetic ta banomile.”

Hechos 9:11

Xi albat yu'un ti Cajvaltique: —Lican, va'lan, batan ti bu sbiinoj Tuq'uil callee. Tey ta xajac' ta sna ti Judase mi oy jun vinic ti liquem talel ta jteclum Tarso ti sbiinoj Sauloe, yu'un yacal ta xc'opoj xti'in.

Romanos 8:32

Ti jech mu'yuc laj sjalanbotic ti Xnich'on ti Diose, ti c'ajomal laj yac' ta milel ta sventa jcotoltique, ¿mi ja' xa la mu ta xijyac'botic ec scotol ti c'usi ta xac'be ti Xnich'one?

1 Corintios 1:30

Yu'un ti Diose laj spasoxuc ta jun xchi'uc ti Cristo Jesuse, ti c'ot ta pasel yu'un ti ja' jbijiltic ti Cristoe. Ta sventa ti Cristoe, laj jtatic ti lec xij'ilee, lijc'ot ta yu'un, laj jtatic pojel colel.

1 Corintios 10:4

Scotolic laj yuch'ic ti ch'ul vo' ti loc' talel ta ch'ene. Ti vo' loc' ta ch'ene, ja' Cristo stuc ti xchi'uquic batel ta yalel muyel ti jmolmuc'totcutique.

2 Corintios 9:15

¡Coliyalbotic ti Diose, yu'un laj yac'botic jun jmotontic ti mu albajuc yutsil ta j'ech'ele, ti mu xa xtal sjolilal c'usi ta alel yu'une!

Efesios 2:8

Yu'un ta sventa yutsil slequil yo'nton ti Diose, laj ataic acolelic ta sventa ti c'ot ta o'ntonal ta xch'unel ti Cajvaltique. Ma'uc laj avac'be aba atuquic, yu'un ja' amotonic no'ox laj yac'boxuc ti Diose.

Hebreos 6:4

Yu'un ti buch'utic laj xa staic ti saquilal osile, ti laj xa ya'ibeic slequilal yutsilal ti c'usi ta xac' ti Diose, ti yich'oj ti Ch'ul Espiritue,

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.

Apocalipsis 21:6

Ts'acal to un, xi laj yalbune: “C'ot xa ta pasel. Vu'unun ti sliqueb spajebe, yu'un vu'un laj jliques, vu'un ta jlajes. Ti buch'u ta xa'i taqui ti'ile, ta xcac'be yuch' ti sat vo' ti ta xac' cuxlejale, mi jutebuc tojbil ta j'ech'el.

Apocalipsis 22:17

Ti Ch'ul Espiritue xchi'uc yajnil ti jcot ta Uni Chije, xi ta xalique: “¡La' me!” Xiuc ac'o yal ti buch'u ta xa'ie: “¡La' me!” Ti buch'u ta xa'i taqui ti'ile, ti juteb ta yo'ntone, ac'o taluc ta yuch'el ti vo' ta xac' cuxlejale, mu'yuc tojbil jutebuc.

Apocalipsis 7:17

Yu'un ti jcot ta Uni Chij ti oy ta o'lol bu oy ti muc' ta chotlebale, ta xchabiatic yu'un jech c'u cha'al ti jq'uel-chije, ta x'iq'ueic batel ta sat vo' ti ta xac' cuxlejale, scotol ti ya'lel satique, ta scusbatic loq'uel yu'un ti Diose.