San Juan 3:6 - Bible in Tzotzil de Chamula

⁶ Ti buch'u voq'uem ta sventa ti stot sme'e, stalel no'ox stot sme' yich'ojbe. Ti buch'u voq'uem ta sventa ti Ch'ul Espiritue, yich'ojbe stalel ti Ch'ul Espiritue.

Tzotzil Zinacantan

⁶ Ti cꞌalal laꞌayanic liꞌ ta sba balamile, jmulaviloxuc chac cꞌu chaꞌal atot ameꞌic. Mi lachaꞌayanic ta syuꞌel ti Chꞌul Espíritue, chlecub avoꞌonic, mu xa xacꞌan xapasic li cꞌusitic chopole.

LEQUIL ACH' C'OP

⁶ Ti much'u ayanem ta stot sme'e, stalel stot sme' yich'ojbe; yan ti much'u ch-ayan ta scuenta ti Ch'ul Espiritue, ja' xa yich'ojbe stalel ti Ch'ul Espiritue.

Bible in Tzotzil de Chenalhó with Deuterocanon

⁶ Yu'un li boch'o voq'uem no'ox ta sventa banamile, sventa banamil no'ox oy ta yo'nton. Yan li boch'o chcha'voc' ta sventa Ch'ul Espiritue, sventa Ch'ul Espíritu chlic snop.

Tzotzil San Andres

⁶ Cꞌalal lavoqꞌuic liꞌ ta balumile, jpasmuliloxuc jech chac cꞌu chaꞌal la atot ameꞌique. Pero mi chachaꞌvoqꞌuic ta sventa li Chꞌul Espíritue, chjeltaj la avoꞌonique, mu xa xapasic li cꞌusi chopole.

Tzotzil de Huixtán

⁶ C'alal na'an li' ti balumile, ja' no'ox sventa jayib c'ac'al chacuxi li' ti balumile. C'alal chacha'an ti sventa ti Ch'ul Espíritue, ja' sventa acuxlejal sbatel osil.

San Juan 3:6 Iomraidhean Croise

Génesis 5:3

Yich'oj xa lajuneb yucvinic (130) jabil ti Adane ti c'alal ja' o voc' ti Set ti ja' xnich'one, ti sjunlej jech loc' jech c'u cha'al ti stuque.

Génesis 6:12

Ti c'alal jech laj yil ti Dios ti epajem ti mulil ta banomile, ti yanijem ta be ti snopobil yu'unic scotol ti jnaclejetique,

Génesis 6:5

Ti Diose laj yil ti ech'em jelav xchopolalic ti jnaclejetic ta banomile, yu'un ja' no'ox ta snopilanic o ta spasel ti chopole.

Job 14:4

Ta stojol ti jsoquesvaneje, mu'yuc buch'u ti oy c'usi lec ta sta loq'uel teye.

Job 25:4

¿Mi xu' van ti uni vinic no'oxe, ti ch'abal smul ta sva'an sba ta stojol ti Diose?

Salmos 51:10

Mesbiluc tusbiluc ti co'nton avu'une, Ch'ul Dios, junuc yutsil ach'ubuc avu'un ti snopbenal cu'une.

San Juan 1:13

Ti buch'u c'otic ta xnich'nab ti Diose, ja' ta xvoq'uesatic ta ach' yu'un ti Diose. Mu xa xco'olaj xchi'uc jech c'u cha'al ta xvoq'uesatic yu'un ti stot sme'ique, mi ja'uc ti c'usi oy ta yo'nton stuc ti jnaclejetic li' ta banomile.

San Juan 3:7

Ti xi s'elan ta xcalbote, mu lo'iluc no'ox xava'i, yu'un acotolic tsots sc'oplal sc'an xacha'voq'uic ta ach'.

Romanos 7:18

Ac'o mi juteb ta co'nton ta jc'an ta jpas ca'i ti c'usi leque, jna' lec ti mu ono'ox xitojobe. Ti bu jtamoj batel yu'un ti jbec'tal jtacopale, mu'yuc c'usi lec ta xc'ot ta loq'uel cu'un.

Romanos 7:25

Bats'i coliyal Dios ti ja' laj scoltaun ta sventa ti Cajvaltic Jesucristoe. Ta xca'i ti ac'o jpasbe smantal ti Diose. ¡C'u stu un! ti jtalele, mosovinbilun yu'un ti mulile.

Romanos 7:5

Yu'un c'alal cuxulotic ta spasel ti c'usi sc'an ti jbec'taltique, jech ti oy c'usi tsots albil sc'oplale, c'ajomal no'ox laj stij ta j'ech'el ti co'ntontique yo' ochem yipal ta spasel ti c'usi ta jc'antique. Ti c'usi laj jtatic yu'une, naca chamel lajel sq'ueloj batel.

Romanos 8:13

Mi ja' avac'ojbeic yipal ta spasel ti c'usi xal ti o'ntonale, jbel sc'oplal ta xachamic. Mi ta sventa Ch'ul Espíritu ta xavac' ta milel ti c'usi ta sc'an ti o'ntonale, ta xacuxiic unbi.

1 Corintios 6:17

C'alal mi oy buch'u c'otic ta jun xchi'uc ti Cajvaltique, ti xchibalique jun xa ti snopobil c'ot yu'unique.

2 Corintios 5:17

Ja' yu'un un, ti buch'u junic xa xchi'uc ti Cristoe, c'ot xa ta ach', ach' snopbenal yu'un. Yu'un naca ach' scotol ti c'usi ta spase. Laj, ech' sc'oplal yu'un ti c'usi naca chopol laj snop talel ta ba'yele.

Gálatas 5:24

Ti buch'utic c'otemic ta yu'untac ti Cristo Jesuse, laj xa yaq'uic ta jipanel ta curus ti stalelique, xchi'uc ti svocol yu'un ti sc'upijel yo'ntonique.

Efesios 2:3

Ja' jech to ox j'elantic jcotoltic ta vo'ne, cac'ojbetic yipal ta spasel ti c'usi ta xal ti o'ntonale, ti naca jsa' no'ox batel jmultic yo' ta xc'ot ta pasel ti c'usi lec ta xa'i ti lum ach'ele. Ti jech taj une, xijtun o ti co'ol xquich'tic tsots tsitsel yu'un Dios jech c'u cha'al ta xich'ic ti yane.

Colosenses 2:11

Ti jech junoxuc xchi'uc ti Cristoe, avich'ojic c'ot ti circuncisione, ti mu xco'olaj xchi'uc jech c'u cha'al ta xich' setel ti abec'tal atacopalique. Ti circuncisión laj avich'ique, lac'otic ta pojel colel yu'un ti amulique xchi'uc ti c'usi mu'yuc smelol ta xapasique, ti ja' sbainoj c'ot ti Cristoe.

1 Juan 3:9

Ti buch'utic xnich'nabtac ti Diose, mi junuc ma' ti staoj yav ta sa'ilanic ti smule, yu'un yich'ojbeic xcuxlejal Dios. Jech o xal mu staojuc yav ta sa'ilan ti smule, yu'un xnich'on xa Dios.