San Juan 3:5 - Bible in Tzotzil de Chamula

⁵ Xi tac'bat yu'un ti Jesuse: —Ta xcalbot ava'i ta melel, mu'yuc buch'u ta x'och batel bu ta xventainvan ti Diose mi mu'yuc voq'uem ta sventa ti vo'e xchi'uc ta sventa ti Ch'ul Espiritue.

Tzotzil Zinacantan

⁵ Itacꞌav ti Jesuse: ―Ta melel chacalbe, mi jaꞌ noꞌox chavichꞌic voꞌe, mi muc bu slecubtasoj avoꞌonic ti Chꞌul Espíritue, mu xuꞌ xaꞌochic yoꞌ bu tspas mantal ti Rioxe.

LEQUIL ACH' C'OP

⁵ Itac'av ti Jesuse: ―Ta melel, jamal chacalbe ava'i ti much'u mu xcha' ayan ta scuenta vo' xchi'uc ta scuenta Ch'ul Espiritue, mu xu' x'ochic yo' bu tspas mantal ti Rioxe.

Bible in Tzotzil de Chenalhó with Deuterocanon

⁵ Itac'ov li Jesuse: —Ta melel, jamal ta xcalbot ava'ay: Li boch'o mu'yuc chcha'voc' ta sventa vo' xchi'uc ta sventa Ch'ul Espiritue, mu xu' chich' ventainel yu'un Dios.

Tzotzil San Andres

⁵ Itacꞌav li Jesuse: ―Melel li cꞌusi chacalbee, mi jaꞌ noꞌox chavichꞌic li joꞌe, ti mi muc bu jeltajem avoꞌonic yuꞌun li Chꞌul Espíritue, mu xuꞌ chaꞌochic li yoꞌ bu ta spas mantal li Diose.

Tzotzil de Huixtán

⁵ Itac'av ti Jesuse, hech laj yalbe: ―Melel ti c'usi chacalbee, ma'uc no'ox tsc'an ti chavich'ic ho'e, tsc'an ti chavich'ic uc ti Ch'ul Espíritue, hech xu' chaspasoxuc ti mantal ti Diose.

San Juan 3:5 Iomraidhean Croise

San Mateo 18:3

Xi laj yale: —Ta xcalboxuc ava'iic ta melel, mi mu xasutes abaique, mi mu jechuc a'elanic jech c'u cha'al ti olol li'e, mu xa'ochic bu ta xventainvan ti Dios ti oy ta vinajele.

San Mateo 19:24

Ta jcha'alboxuc, ti buch'u jc'uleje, toj vocol ta x'och ti bu ta xventainvan ti Diose, ja' to xu' xjelav ta sat acuxa ti jun muc' ta camelloe.

San Mateo 21:31

Albun ca'i, ¿buch'u junucal laj spas ti c'usi laj sc'an ti stotique? —Ja' ti buch'u ba'yel albate —xi laj staq'uique. Xi tac'batic yu'un ti Jesuse: —Ta xcalboxuc ava'iic ta melel, ti jc'an-patan-taq'uinetic sventa Romae xchi'uc ti antsetic sna' sbolomalin sbae, ja' ba'yel ta xac' sbaic ta ventainel yu'un ti Diose.

San Mateo 28:19

Batanic ta stojol scotol ti jnaclejetic ta banomil ti oyic ta jujun muc'tiquil lum ta sjoylej banomile. Ba pasic ta cajchanc'optac. Ac'beic yich' vo' ta sventa ti Dios Totile, ta jventa ti Nich'onilune, ta sventa ti Ch'ul Espiritue.

San Mateo 3:11

Ta melel, vo' no'ox ta xcac' avich'ic ta yiq'ueloxuc ti sutanic talel ta stojol ti Diose. Ja'uc ti Buch'u ta ts'acal to ta xtale, ta xac'boxuc avich'ic ti Ch'ul Espíritu ti co'ol s'elan c'oq'ue. Ti Buch'u ta ts'acal ta xtale, jelavem ti smuc'ule. Ti vu'une ch'abal c'usi xu' cu'un, mi ja'uc ta yich'bel batel ti xonobe, mu'yuc jlequilal ta stojol.

San Mateo 5:20

Ta xcalboxuc ava'iic, mi mu xavac' avo'ntonic ta spasel ti c'usi ta sc'an ti Diose, mi jech ta xapasic jech c'u cha'al ta spas ti fariseoetique xchi'uc ti jchanubtasvanejetic yu'un ti mantale, mu cha'beluc xu' xa'ochic batel ti bu ta xventainvan ti Diose.

Marcos 10:14

C'alal jech laj yil ti Jesuse, vocol laj ya'i. Xi laj yale: —Talicuc ta jtojol ti ololetique, mu xapajtsanic. Ti buch'u co'ol s'elan yo'ntonic jech c'u cha'al ti ololetic li'e, ja' ventainbilic yu'un ti Diose.

Marcos 16:16

Ti buch'u ta xich'ic ta muc' ti lequil ach' c'ope, ta xich'ic vo' unbi, ta staic pojel colel. Ja'uc ti buch'utic mu xich'ic ta muc' ti lequil ach' c'ope, ta ono'ox stoj ti smulique.

Marcos 9:47

Mi ta scoj no'ox sbec' asat ta xata o amul yu'une, ta lec no'ox, pitso loq'uel jbejuc. Ja' xi to smuc'ul mi jbej sbec' asat ta xa'och batel bu ta xventainvan ti Diose. Altic ta j'ech'el mi xchibal sbec' asatic ta xajipat ochel ta tojob mulile.

San Lucas 13:24

—Ac'beic yipal ochanic batel ti ta biq'uit ti'nae. Ta xcalboxuc ava'iic, yepal no'ox ti buch'u ta sc'an ta x'ochic ya'iique, ja'uc le'e, mu cha'beluc xu' yu'unic.

San Lucas 13:3

Ta xcalboxuc ava'iic ti mu jechuque. Mi mu xasutic talel ta stojol ti Diose, jbel sc'oplal ta xachamic ec.

San Lucas 13:5

Ta xcalboxuc ava'iic ti mu jechuque. Mi mu xasutic tal ta stojol ti Diose, jbel sc'oplal ta xachamic ec.

San Juan 1:13

Ti buch'u c'otic ta xnich'nab ti Diose, ja' ta xvoq'uesatic ta ach' yu'un ti Diose. Mu xa xco'olaj xchi'uc jech c'u cha'al ta xvoq'uesatic yu'un ti stot sme'ique, mi ja'uc ti c'usi oy ta yo'nton stuc ti jnaclejetic li' ta banomile.

San Juan 3:3

Xi albat yu'un ti Jesuse: —Ta xcalbot ava'i ta melel, ti buch'u mu xvoc' ta ach'e, mu xu' x'och batel ti bu ta xventainvan ti Diose.

San Juan 3:4

Xi laj sjac' ti Nicodemoe: —¿C'usi ta xut jun yijil vinic ta xvoc' ta ach'? ¿Mi yu'un xu' ta x'och batel ta xch'ut sme'e yo' jech ta xvoc' xtoc?

Hechos 2:38

Xi laj yal ti Pedroe: —Sutanic talel ta stojol ti Diose, ich'ic vo' ta jujun tal ta sventa ti Jesucristoe yo' xata ti ch'aybil ta xc'ot ti amulic ta stojol ti Diose, ja' to jech ta xavich'ic ti Ch'ul Espíritu ta sventae.

Hechos 3:19

Jech o xal un, jchi'iltac, sutanic talel ta stojol ti Diose yo' jech ch'aybil ta xc'ot ti amulique,

Romanos 14:17

Yu'un ti ventainel yu'un ti Diose, ma'uc tsots sc'oplal ti c'usi xu' stac' lajesele, ti c'usi xu' stac' uch'ele. Ja' tsots sc'oplal ti tuc'uc ti cuxlejale, ti lamajemuc ti o'ntonale, ti muyubajel ta sventa ti Ch'ul Espíritue.

Romanos 8:2

Yu'un ti Ch'ul Espíritu ti ta xac'botic ach' jcuxlejaltic ta sventa ti jech oyotic ta stojol Cristo Jesuse, laj xa scoltaotic loq'uel ta stojol yip ti mulil ti lajebal xale.

1 Corintios 15:50

Ti co'ol jchi'il jbatique, oy c'usi ta jc'an ta xcalboxuc ava'iic: Ti lum ach'ele mu x'och batel ti bu ta xventainvan ti Diose. Ti c'usi sna' xlaje mu stac' sco'oltas sba xchi'uc ti c'usi mu sna' xlaj sbatel osile.

1 Corintios 2:12

Ti Ch'ul Espíritu quich'ojtique ma'uc li' liquem ta banomile, yu'un ti Ch'ul Espíritue liquem talel ta stojol Dios yo' sventa yutsil slequil yo'nton ta xca'itic scotol ti oy c'usi ta xijyac'botique.

1 Corintios 6:11

Na'ic ti jech to ox a'elanic jlom ti vo'oxuque. Avi tana une, pocbil tusbiloxuc xa, yu'un lac'otic ta yajtunel ti Diose. Ch'abal xa amulic, lec xa'ileic ta sventa ti Cajvaltic Jesuse, xchi'uc ta sventa ti Xch'ul Espíritu ti Dios cu'untique.

Gálatas 6:15

Mi junotic xchi'uc ti Cristo Jesuse, co'ol no'ox sba mi quich'ojtic, mi mu'yuc quich'ojtic ti circuncisione. Ti bu tsots sc'oplale, ja'uc ti voc'cuticuc ta ach'e.

Efesios 5:26

Jech laj spas ti Cristoe yo' jech ta xc'otic ta yu'untac Dios c'alal pocbil tusbil c'otic yu'un ti sc'ope.

1 Pedro 1:2

Ti vo'oxuque t'ujbiloxuc yu'un ti Jtotic Dios jech c'u cha'al snopoj ono'ox ta vo'nee. Yu'un ta sventa ti Ch'ul Espíritue, ventainbil lac'otic yu'un yo' jech ta xapasic c'usi ta sc'an ti Diose, xchi'uc ti pocbil tusbiloxuc lac'otic ta sventa xch'ich'el ti Jesucristoe. Yepaluc ac'o sva'an sba ta atojolic, ac'o yac'boxuc slamajemal avo'ntonic.

1 Pedro 3:21

Ti nojel ta vo' taje, ja' ta xac' ta na'el sc'oplal ti ich' vo'e, ti ja' senyail ta xijcole. Yu'un ti ich' vo'e, ma'uc ta sventa ta spoc ti jbec'taltique, yu'un ja' no'ox ta sventa ac'o jc'anbeticuc spoquel jol co'ntontic ti Diose, yo' jech ta xijcolotic ta sventa ti cham cha'cuxi ti Jesucristoe.

1 Juan 2:29

Ti vo'oxuque xana'ic lec ti oy stuq'uil yutsil yo'nton ti Jesucristoe. Sc'an ta xana'ic xtoc, scotol ti buch'utic oy slequil stuq'uil ti c'usi ta spasique, ja' xnich'nabtac ti Diose.

1 Juan 5:1

Scotol ti buch'u c'otem ta yo'nton ta xch'unel ti ja' Cristo ti Jesuse, ja' xnich'on Dios ec. Ti jech c'ux ta xa'i ti Totile, c'ux ta xa'ibe xnich'nab ti Totil taje.