San Juan 3:29 - Bible in Tzotzil de Chamula

²⁹ Ti jun jlecomajele, ti buch'u ta x'och ta yoc ta sc'ob ti tsebe, ja' ti jlecomajel vinique. Ti vinic ti buch'u lec ta xil sbaic xchi'uc ti jlecomajele xmuyubaj xa ta xa'ibe ti sc'ope. Ja' jechun ec, ximuyubaj xa yu'un.

Tzotzil Zinacantan

²⁹ Anaꞌojic ti cꞌalal chicꞌ yajnil li vinique, li tsebe maꞌuc chicꞌ sba xchiꞌuc li yajacꞌoltac li slecome; jaꞌ onox chicꞌ li slecome. Li jacꞌoletique tsqꞌuelic noꞌox ti chnupunique. Cꞌalal chaꞌiic ti scꞌanoj sbaique, xmuyubajic xa. Jaꞌ noꞌox yechon uc, ximuyubaj xa ti jaꞌ chba staic Jesús li crixchanoetique.

LEQUIL ACH' C'OP

²⁹ C'alal oy nupunele: Li creme ja' ch-och ta yoc ta sc'ob li tsebe, yan li jac'ole ja' no'ox cha'i c'usi chal li creme; xmuyubaj xa tajmec ti c'alal cha'i c'usi chal li creme. Ja' no'ox yechon li vo'on lavi uque; ximuyubaj xa tajmec.

Bible in Tzotzil de Chenalhó with Deuterocanon

²⁹ Li malalile ja' chic' li yajnile; yan li boch'o ja' no'ox chchi'in li malalile ja' no'ox te va'al tsq'uel. C'alal cha'ay c'usi chal li malalile, toj xcuxet no'ox yo'nton. Ja' no'ox jech ec li vu'une toj bats'i xcuxet no'ox co'nton chca'ay.

Tzotzil San Andres

²⁹ Xanaꞌic li cꞌalal ta xicꞌ yajnil jun vinique, li antse maꞌuc ta xicꞌ sba schiꞌuc li buchꞌu yutsꞌ yalal li slecom vinique. Jaꞌ ta xicꞌ sbaic schiꞌuc li slecom vinique. Li yutsꞌ yalaltac li slecom vinique naca noꞌox ta sqꞌuelic ti ta xnupunique. Cꞌalal chaꞌiic ti lec scꞌanoj sbaique, xmuybajic noꞌox. Jaꞌ noꞌox jechun eꞌuc, ximuybaj noꞌox ti jaꞌ chba schiꞌinic Jesús li crixchanoetique.

Tzotzil de Huixtán

²⁹ Chana'ic ti c'alal chic' yajnil jun vinic, ti antse muc un ja' chba yic' sba xchi'uc ti much'u ch'amumbil yu'un ti jnupunele. Ja' chba sta ti smalale. Ti much'u ch'amumbil yu'un ti jnupunele ja' no'ox te va'al tsq'uel ti jnupunele. C'alal cha'ibe sc'op ti jnupunele, nichim no'ox yo'nton yu'un oy xa yajnil ti xchi'ile. Ja' no'ox hechun ti ho'one, nichim no'ox co'nton yu'un chba xchi'in ti Jesuse ti crixchanoetique.

San Juan 3:29 Iomraidhean Croise

Cantares 3:11

Antsetic yu'un jteclum Sión, loc'anic talel, la' q'uelo avil ti ajvalil Salomone. Slapoj xa talel sronail sjol ti meltsanbil yu'un sme' ti ta xtun yo' ta xnupune, sc'ac'alil ti mu'yuc xa c'usi sna' liquel ta j'ech'ele.

Cantares 5:1

Uni tseb, cuni lecom, li'och xa batel ta yavil cuni ts'unubal. Laj jtic' jc'ob ta stunesel ti cuni mirrae, xchi'uc ti uni muil poxiletic cu'une; laj xa ca'i c'u yutsil yuni pomal sc'olol c'ol ti cuni ajapome, laj xa jc'upin ta yuch'el ti cuni vinoe, xchi'uc ti cuni chu' vacaxe. Jchi'iltac ti lec xquil jbatique, ve'anic, uch'obajanic. ¡Uch'ic scotol ti c'usi xa xal ti avo'ntonique!

Isaías 54:5

Ti Buch'u laj yac' ach'ulel avanimae, ta sbisot ta snup xchi'il. Dios scotol xu' yu'un, xi sc'oplal. Ti jcoltavanej avu'une, ja' ch'ul Dios yu'un ti Israele, ja' Dios ti sventainoj sbejel ti banomile.

Isaías 66:11

Ti co'ol s'elan c'otem ta me'il ti stuque, ta smuq'uibtas avo'ntonic ta smalael ti c'usi q'uelel asatic yu'une, ja' to ti mu'yuc c'usi xana'ic liquele.

Jeremías 2:2

“Bat c'opojan ta stojol ti lum Jerusalene, xi tsots xaval yo' ta xa'iic lec: ‘Bejel ta jol ta xca'i ti mu jipbajun laj ava'i c'alal yach'il to ox laj jnabanot ta jpat jxocone. Jun avo'nton laj atsacliun ta sbajtical banomil ti bu mu'yuc c'usi xloc' x'ayane’, xi ma' ti Dios une.

Ezequiel 16:8

“ ‘Ts'acal to un, li'ech' ta ats'el, yorail xu' xa xamalij laj quil un. Laj jmacot ta jc'u'. Pixil lac'ot cu'un ti jech t'analote. Laj cac' que, laj jpas jtrate ta atojol, lac'ot ta cu'un. Ti vu'un Ajvalilune, mu lo'iluc no'ox ta xcal.

Oseas 2:19

Jteclum Israel, ta jpas ta atojol ti jnup jchi'il ta xacom o ta j'ech'ele. Bats'i jnup jchi'ilot ta xac'ot jech c'u cha'al ta xal ta jbel ti oy c'usi tsots albile, yu'un ta sjunul jch'ulel canima c'ux ta xca'iot.

San Mateo 22:2

—Ti ventainel yu'un ti Diose, co'ol s'elan jech c'u cha'al jun ajvalil ti laj spas q'uin sventa ta xnupun ti xnich'one.

San Mateo 25:1

Ti Jesuse xi laj yal xtoque: —Ti ventainel yu'un ti Dios ti oy ta vinajele, co'ol s'elan jech c'u cha'al lajuneb tsebetic ti yich'ojic batel ti slamparaic ti chba snupic ta be ti jnupunel vinique.

San Mateo 9:15

Ti Jesuse xi laj staq'ue: —¿Mi yu'un la oyic ta at o'nton xana' ti buch'u ic'bilic ta uch'vanej ta sventa ti nupunel c'alal li' to oy ta stojolic ti jlecvaneje? Ta sta sc'ac'alil un, ta x'iq'ue batel ti jlecvaneje. Va'i unbi ta xicta yotic.

San Lucas 15:6

C'alal mi c'ot ta snae, ta xba stsob talel ti xchi'iltaque, ti slac'nataque, ti xi ta xale: ‘Muyubajcutic, yu'un laj xa jta ti jcot cuni chij ch'ayem to oxe.’

San Juan 15:11

“Ti jech ta xcalboxuc taje, yo' jech xijmuyubajotic, yo' jech ataojic ta j'ech'el ti xamuyubajique.

San Juan 16:24

Avi li'e, mu'yuc to c'usi ac'anojbeic ti Jtot ta jventae. C'anic un, yo' ta xavich'ic, yo' ta xataic ti xamuyubajique.

San Juan 17:13

“Avi tana une, ta xital ta atojol. Ja'uc le'e, ta jc'oponic comel ti li' oyun ta banomile yo' jech ta staic ti j'ech'el xmuyubajicuc jech c'u cha'al ti vu'une.

San Juan 3:30

Tana le'e, yac' ta cajtsajel ech'el ti sc'oplale, ja'uc ti vu'une, ta xa xpec'tsaj ech'el ti jc'oplale.

2 Corintios 11:2

Ti j'ech'el mu lecuc ta xca'i ti c'u s'elan oyoxuque, liquem talel ta stojol ti Diose. Yu'un cac'oj xa que ta stojol Cristo ti oyuc alequilic ta xc'ot jva'anoxuc ta stojol jech c'u cha'al jun tojol tseb ti jac'bil xa ti oy sc'oplal x'iq'ue yu'un ti vinique.

Filipenses 2:2

Mi jun avo'nton cuxuloxuque, mi jmoj c'ux ta xava'i abaique, mi jun ti c'usi ta xanopique xchi'uc ti c'usi ta xavalique, ximuyubaj ta j'ech'el unbi.

1 Juan 1:4

Ti jech ta jts'ibacutic talel ta atojolic taje, yo' jech co'ol xijmuyubajotic ta j'ech'el.

2 Juan 1:12

Yepal no'ox ti oy c'usi ta jc'an ta xcalboxuc ava'iique, ti ma'uc xa ta vun ta jts'iba talele. Yu'un jpatoj co'nton ta xtal jq'ueloxuc yo' ta jchi'in jbatic ta lo'il, yo' jech xijmuyubaj jcotoltic.

Apocalipsis 21:9

Tal jun ta yucubal ti anjele, ti oy ta sc'ob ti yucubal sbis noj ta slajeb ti vucub cuxul j'ilbajinvanej vocole, ti xi laj yalbune: “La' li'e, ta xcac'bot avil ti jmalijel tsebe, ja' ti yajnil ti jcot ta Uni Chije.”