San Juan 3:27 - Bible in Tzotzil de Chamula

²⁷ Xi laj stac' ti Juane: —Mu'yuc c'usi xu' yu'un jun vinic mi ma'uc ac'bil yabtel yu'un ti Diose.

Tzotzil Zinacantan

²⁷ Itacꞌav la ti Juane: ―Jaꞌ smantal stuc Riox ti cꞌusitic chacꞌ jpastic jujune.

LEQUIL ACH' C'OP

²⁷ Itac'av ti Juane: —Muc' much'u xu' chich' yabtel ta stuc no'ox ti mi muc' bu ac'bil yu'un ti Rioxe.

Bible in Tzotzil de Chenalhó with Deuterocanon

²⁷ Itac'ov li Juane: —Mu xu' chich' yabtel jun cristiano me muc ac'biluc yu'un li boch'o oy ta toyole.

Tzotzil San Andres

²⁷ Itacꞌav li Juane: ―Jaꞌ ta smantal stuc Dios ti cꞌusi abtelal chijyacꞌbutic li jujunutique.

Tzotzil de Huixtán

²⁷ Itac'av ti Juane, hech laj yalbe: ―Stuc smantal ti Diose ti c'utic abtelal chac'be jujun.

San Juan 3:27 Iomraidhean Croise

Jeremías 1:5

“C'alal mu'yuc to ox ta xanabi cu'une, t'ujbilot xa ono'ox cu'un. C'alal mu'yuc to ox voq'uemote, ch'acbilot xa ono'ox cu'un. Oy xa ono'ox ac'oplal cu'un ta xac'ot ta j'alc'op yu'un ti muc'tiquil lumetique.”

Jeremías 17:16

Manchuc mi jech un, mu'yuc xivulvun ta sc'anel ti staicuc ti svocol avu'une, ti staicuc ti cuxul ilbajinel avu'une. Xana' lec ti c'u s'elan laj calbote, yu'un jamal laj cal ta atojol.

Amós 7:15

Ti Diose laj sloq'uesun ti jech jq'uel-chijun to oxe, ti xi laj yalbune: ‘Batan, ba va'ano aba ta c'opojel ta jventa ta stojol ti jteclumal Israele.’

Números 17:5

Yu'un ta xc'ot ta pasel cu'un ti ta xcac' q'uelomajuc snamte' ti buch'u t'ujbil cu'une. Ja' to jech ta xicta sbaic ta chopol c'opojel ta atojol ti israeletique.”

San Mateo 21:25

Albun ca'i, ti Juan j'ac'-ich'-vo'e, ¿buch'u laj stac talel ti tal yac' ich' vo'e? ¿Mi ja' tacbil tal yu'un Dios? ¿Mi ja' tacbil talel yu'un viniquetic? Xi svulvul xa sbaic liquele: —Mi ta xcalbetic ti ja' tacbil talel yu'un ti Diose, xi ta xalbotic unbi: ‘¿C'u cha'al mu'yuc laj avich'ic ta muc'?’

San Mateo 25:15

“Oy jun yaj'abtel, ac'bat comel vo'ob (5,000) mil taq'uin. Ti june, i'ac'bat comel cha'mil (2,000) ta sep taq'uin. Ti jun xtoque, i'ac'bat comel jmil (1,000). Jech laj spas ti j'abtele, ja' ti c'u s'elan xtojobic ta spiquele. Ti ajvalile loc' batel ta nom.

Marcos 13:34

Taje, co'ol s'elan jech c'u cha'al jun vinic ta xbat ta nom. C'alal mu'yuc to ta xloc' batele, ta xac'be comel sventain sna ti yaj'abteltaque. Ta xac'be comel yabtel ta jujun ti c'usi sc'an ta spasique, xchi'uc ta xalbe mantal ti jq'uel-ti'nae ti xchabiuc leque.

San Juan 10:41

Xi ta xalic ti buch'utic xvoletic batel ta sq'uelele: —Ti Juan j'ac'-ich'-vo'e, ac'o mu'yuc c'usi laj yac' iluc ti ch'ayal ta xc'ot o'ntonal yu'une, scotol ti c'u s'elan laj yalbe sc'oplal ti vinic li'e, ja' melel.

San Juan 6:65

Xi laj sts'ac batel lo'il ti Jesuse: —Laj ono'ox calboxuc ava'iic, mu'yuc buch'u ta xtal ta jtojol mi ma'uc ic'bil talel yu'un ti Jtote.

Romanos 1:5

Ta sventa ti Jesucristoe, lic'ot ta yajtunel yo' ta jujun muc'tiquil lum oyuc buch'u c'otuc ta yo'ntonic ta xch'unel, xchi'uc ta snijan xchiman sbaic ta stojol.

Romanos 12:6

Ti Diose yantic o laj yac'botic jbijiltic ta jujun tal, ja' ti c'u s'elan loc' ayan ta yo'nton ta yac'belotique. Jech un, mi ja' laj yac'botic jbijiltic ta scaj'alel ti c'usitic ta xc'ot ta pasele, caltic jech c'u cha'al c'otem ta o'ntonal ta xch'unele.

1 Corintios 1:1

Vu'un Pablo, ti jech laj sc'an ti Diose, laj yic'un yo' ta xicom ta yajtacbolal ti Jesucristoe. Jmoj xchi'uc ti jchi'il Sóstenese

1 Corintios 12:11

Scotol taje, ja' yabtel stuc ti Ch'ul Espíritue, ti Buch'u yalel toyol ta xac' ti bijilil ti c'u s'elan ta sc'an stuque.

1 Corintios 15:10

Ti laj jta ti vi j'elane, yu'un lec yo'nton ti Dios ta jtojole. Mu ta jeche'uc no'ox ti laj xc'uxubinune, yu'un yepal xa li'abtej ta sventa ti Cajvaltique, mu sta ti yane, ac'o mi ma'uc ta jtsatsal jtuc li'abtej, yu'un coltabilun ta sventa yutsil yo'nton ti Diose.

1 Corintios 3:5

Ti xcaltic un cha'e, ¿buch'u ti Pabloe? ¿buch'u ti Apolose? Naca uni jtuneletic no'ox ti ja' ta sventaic ti c'ot ta avo'ntonic ta xch'unel ti Cajvaltique. Ti jujununcutique ja' laj cabtelancutic ti xi s'elan li'ac'bat jbaincutic yu'un ti Diose:

1 Corintios 4:7

Avi une, ¿mi yu'un ta xanop xana' ti x'ech' to lec oyote, ti ja' mu sta ti yane? Ti bijilile, ¿buch'u laj yac'bot? Mi ja' laj yac'bot ti Diose, ¿c'u cha'al ta xatoy abaic xchi'uc ti c'usi la'ac'bate, ti co'ol s'elan laj avac'be aba atuque?

Gálatas 1:1

Vu'un Pabloun, jcholc'opun. Ma'uc t'ujbilun tacbilun yu'un ti jnaclejetique, yu'un ja' laj st'ujun stuc ti Jesucristoe, xchi'uc ti Jtotic Dios ti Buch'u laj xcha'cuxes ti Jesucristoe.

Efesios 1:1

Vu'un Pablo, loc' ayan ta yo'nton stuc Dios ti jech lic'ot ta jcholc'op yu'une, ti tacbilun yu'un ti Jesucristoe. Ti vo'oxuc nacaloxuc ta jteclum Efesoe, ta jts'ibaboxuc talel jlic jvun ta atojolic ti vo'oxuc yu'unoxuc xa ti Diose, ti c'otem ta avo'ntonic ta xch'unel ti Cristo Jesuse.

1 Timoteo 2:7

Yo' ta xich' albel sc'oplal taje, li'ac'bat cabtel, li'och ta jcholc'op ta yac'bel sna'ic ti jyanlumetic ti c'otuc ta yo'ntonic ta xch'unel ti Cajvaltique, xchi'uc ti bu melel ti c'ope. Ti c'usi ta xcale, jbel sc'oplal ja' melel, mu xilo'lavan.

Santiago 1:17

Scotol ti c'usitic oy slequil yutsile, ti c'usi oy stuq'uil ta xij'ac'bate, ta xlic talel ta vinajel bu oy ti Diose, ti Buch'u laj smeltsan ti c'usitic ta xac' xojobal ti oy ta vinajele. Yu'un ti Diose staoj o yav ti c'u s'elane, mu syanijes sba, yu'un mu'yuc ta stojolal ti c'usi chopole.