San Juan 3:2 - Bible in Tzotzil de Chamula

² Xi laj yal ti Nicodemo c'alal bat sc'opon ta ac'ubaltic ti Jesuse: —Jchanubtasvanej, jna'ojcutic lec ti tacbilot talel yu'un ti Dios yo' jech tal achanubtasuncutique, yu'un mu'yuc buch'u junucal xu' ti jech ta xac' iluc smuc'ul stsatsal Dios jech c'u cha'al ta xapase ti mi mu'yuc chi'inbil yu'un ti Diose.

Tzotzil Zinacantan

² Ti Nicodemoe ay scꞌopon ta acꞌubaltic ti Jesuse. ―Jchanubtasvanej, jnaꞌojticotic ti stacojot tal ti Rioxe ti tal achanubtasoticotique. Ti manchuc xchiꞌinojot ti Rioxe, mu xuꞌ chavacꞌ iluc alequilal ayuꞌelal ti yechuque ―xi ti Nicodemoe.

LEQUIL ACH' C'OP

² Ti Nicodemoe ay sc'opon ta ac'ubaltic ti Jesuse, ja yech iyalbe chac li'i: ―Jchanubtasvanej, jna'ojticotic ti vo'ot stacojot tal ti Rioxe ti tal achanubtasoticotique, yu'un ti much'u muc'bu chi'inbil yu'un ti Rioxe, mu xu' yu'un chac' iluc slequilal syu'elal chac c'u cha'al chapase. —Xut.

Bible in Tzotzil de Chenalhó with Deuterocanon

² Li Nicodemoe i'ay sc'opan ta ac'ubaltic li Jesuse, jech laj yalbe: —Jchanubtasvanej, ta jna'cutic ti ta sventa Dios talemot, yu'un tal achanubtasuncutique. Yu'un li boch'o mu'yuc chi'inbil yu'un Diose, mu xu' yu'un tspas sq'uelubiltac stsatsal jech chac c'u cha'al chapase —xut.

Tzotzil San Andres

² Li Nicodemoe a scꞌopon ta acꞌubal li Jesuse. Jech laj yalbe: ―Jchanubtasvanej, jnaꞌojcutic ti jaꞌ stacojot talel li Diose ti tal achanubtasuncutique. Ti manchuc chiꞌinbilot yuꞌun li Diose, mu xuꞌ chavacꞌ ta ilel atsatsal ajuꞌel ti jechuque ―xi li Nicodemoe.

Tzotzil de Huixtán

² Ti ac'ubaltic tal sc'opon ti Jesuse ti Nicodemoe. Hech laj yalbe: ―Maestro, ti jna'tutic ti laj stacot talel ti Diose yu'un chachanubtasuntutic. Yu'un ti manchuc achi'inoj ti Diose, mu xu' chapas ti jchop o abteletic chapase ―xchi ti Nicodemoe.

San Juan 3:2 Iomraidhean Croise

1 Reyes 17:24

Xi tac'bat yu'un ti antse: —Avi tana une, ta jna' ti ja' jun xch'ul nich'onot ti Diose. Ti c'usi ta xavale, yu'un ja' jech ta xal ti Dios ta melel cac'tique.

Isaías 51:7

“Ts'etano achiquin ava'iic ti xana'ic spasel ti c'usi oy stuq'uile, jteclumetic ti tac'al xc'ot ta avo'ntonic ti jmantaltaque. Mu xatsiq'ues avo'nton yu'un ti buch'u oy c'usitic chopol ta xloc' ta eal yu'une, ti mu xa stac' a'yeluc ta xava'i yu'un ti c'usi xbet'bun ye ta yalele.

Jeremías 38:16

Ti ajvalil Sedequiase, ta mucul, xi laj sva'an sba ta yalel ta stojol ti Jeremiase: “Ta jva'an ta rextico ti Dios ti ja' laj yac' ti jcuxlejaltique, mi ja'uc ta xcal mantal ti avich'uc milele. Mi ja'uc ta xcac'ot batel ta yoc ta sc'ob ti buch'utic oy ta yo'nton ta smilot ya'ie.”

San Mateo 22:16

Laj staquic batel un jun chib svinictac xchi'uc jun chib svinictac ti ajvalil Herodese, ti xi laj yalbeic ti Jesuse: —Jchanubtasvanej, jna'ojcutic lec ti ja' melel ti c'usi ta xavale. Ta xavac' jna'cutic jech c'u cha'al ta sc'an ti Dios ta jpascutique. Mu labluc xava'i c'usitic ta snopic ti jnaclejetique, yu'un mu t'ujbiluc ta xapas.

San Mateo 23:7

Ta sc'anic ti nupbilic ich'bilic ta muc' yu'un ti jnaclejetique xchi'uc ta calleetic ti albatuc jchanubtasvanejetique.

San Mateo 23:8

“Ti vo'oxuque ma'ucuc oy ta avo'ntonic ti ta xa'albatic jchanubtasvaneje, yu'un co'ol no'ox achi'il abaic. Yu'un jun no'ox ti jchanubtasvanej avu'unique, ja' ti Cristoe.

Marcos 12:14

Talic ta stojol ti xi laj yalbeique: —Jchanubtasvanej, jna'ojcutic lec ti tuc' ta xachanubtasvane. Ma'uc ta xac'an lec ac'oplal ta xc'ot yu'un ti jnaclejetique. Ma'uc ta xavalbe ti c'u s'elan lec ta xa'i ti stuquique. Ja' no'ox oy ta avo'nton ta xa chanubtasvan c'u s'elan ta tamel batel slequil ti Diose. ¿Mi lec ta jtojbecutic patan taq'uin ti ajvalil romanoe, mi mo'oj? ¿Mi tsots sc'oplal ta jtojcutic, mi mo'oj?

San Juan 1:38

Ti Jesuse joybij laj sq'uel ti spate, laj yil ti ta sts'acliat batele. Xi laj sjaq'ue: —¿C'usi ta xasa'ic? —Jchanubtasvanej, ¿bu nacalot? —xi laj sjaq'uic ti cha'vo'ique.

San Juan 10:38

Yan mi xco'olaj yabtel ti Jtot ti c'usi ta jpase, manchuc mi mu xavich'icun ta muq'ue, ja' tsots sc'oplal sc'an xavich'ic ta muc' yabtel ti Jtot ti c'usi ta jpase yo' jech j'ech'el ta xava'iic ti oy ta jtojol ti Jtote xchi'uc ti oyun ta stojol eque.

San Juan 12:37

Manchuc mi laj yac' ta ilel ti Jesús ti oy c'usi ch'ayal ta xc'ot o'ntonal yu'un ta sba ta sat ti israeletique, mi ja'uc c'ot ta yo'ntonic ta xch'unel.

San Juan 14:10

¿Mi mu xc'ot ta avo'nton ti oyun ta stojol ti Jtote, ti oy ta jtojol ti Jtote? Ti c'usi ta xcalboxuque, mu ta co'ntonuc jtuc. Ja' ta jpasbe yabtel ti Jtot ti jech oy ta jtojole.

San Juan 15:24

Ti manchucuc laj staic ta ilel ti jtuc xa no'ox oy c'usi laj jpas ta stojolique, mu'yuc smulic ti jechuque. Le'e laj xa yilic un. Manchuc mi jech laj yilic ti c'usi laj jpase, xti'et sjolic ta jtojol, xchi'uc xti'et sjolic ta stojol ti Jtote.

San Juan 2:11

Ja' sliquebal to ti va'i s'elan laj spas ti Jesús ta jteclum Caná ti oy ta Galileae, ti laj yac' iluc senyail ti oy c'usi ch'ayal c'ot o'ntonal yu'un ta sventa ti slequil yutsilale, ti ich'bil ta muc' ic'ot yu'un ti yajchanc'optaque.

San Juan 20:16

Xi laj yal ti Jesuse: —María. Ti Mariae ijoybij, xi laj yalbe ta hebreo c'op ti Jesuse: —¡Rabuni! (“Jchanubtasvanej”, xi ti smelole.)

San Juan 3:26

Xi laj yalbeic ti Juane: —Jchanubtasvanej, ti buch'u jmoj laxanavic xchi'uc ta sti'il uc'um Jordán ti oy ta sloq'ueb c'ac'ale xchi'uc ti laj avalbuncutic sc'oplale, avi tana le'e, ta xac' ich'uc vo'. Scotolic ta sts'acliic batel.

San Juan 4:31

C'alal jech ta xc'ot ta pasel taje, xi c'anbat vocol yu'un ti yajchanc'optaque: —Jchanubtasvanej, ve'an jutebuc.

San Juan 5:36

Ja'uc le'e, oy Buch'u x'ech' to ta svinajesbun ti jc'oplale. Ti c'u s'elan ta jpase, ta svinajes ti ja' laj yac'bun jbain ta spasel yu'un ti Jtote, xchi'uc ta svinajes ti tacbilun yu'un ti Jtote, ti ja' mu sta laj svinajesbun jc'oplal ti Juane.

San Juan 6:2

Yepal no'ox jnaclejetic ts'acalic batel, yu'un laj yilic ti ch'ayal no'ox ta xc'ot o'ntonal ta scolesel ti jchameletique.

San Juan 7:31

Ep buch'utic c'ot ta yo'ntonic ti ja' Cristo ti Jesuse, ti xi laj yalique: —C'alal mi tal ti Cristoe, ¿mi yu'un van x'ech' to ta xac' iluc ti oy c'usi ch'ayal ta xc'ot o'ntonal yu'une, mi ja' mu sta ta xac' iluc ti vinic le'e?

San Juan 9:16

Xiic laj yalic ti jlom fariseoetique: —Ti vinic jech laj spas taje, ma'uc tacbil talel yu'un ti Diose, yu'un mu xich' ta muc' sc'ac'alil ti cuxob o'ntonale. Xiic laj yalic ti jlom xtoque: —¿C'u ono'ox xi ta xac' ta ilel ti oy c'usi ch'ayal ta xc'ot o'ntonal yu'une ti mi ja' jun jsa'mulile? Ti jech taje, mu co'oluc ti snopbenal yu'unique.

Hechos 10:38

Xana'ic lec xtoc, ti Diose laj yac'be yich' smuc'ul stsatsal xchi'uc Ch'ul Espíritu ti Jesús ti liquem talel ta Nazarete yo' xu' yu'un ta spasel ti c'usi leque, ta scolesanel ti buch'utic ta x'ilbajinatic yu'un ti pucuje. Jech laj spas, yu'un chi'inbil coltabil yu'un ti Diose.

Hechos 2:22

“A'yio ava'iic lec, jchi'iltac, ti xi s'elan ta xcale: Ti Jesús liquem talel ta Nazarete, ana'ojic lec ti ja' jun vinic ac'bil yabtel yu'un Dios tal ta atojolic ti laj yac' iluc ep ta tos smuc'ul stsatsale xchi'uc ti c'usi ch'ayal xc'ot o'ntonal yu'un ta sventa ti Diose.

Filipenses 1:14

C'alal laj yilic ti jch'unolajeletic ti ochemun ta chuquele, jutuc xa mu scotolicuc mu ta xi'eluc ta xalic ti sc'op Diose. Yu'un x'ech' to laj spat yo'ntonic ta stojol ti Cajvaltique.

Jueces 6:27

Va'i un, ti Gedeone laj yic' talel lajunvo' (10) yajtuneltac ti lic spas scotol jech c'u cha'al albat yu'un ti Diose. Ja' no'ox un, ma'uc ta c'ac'altic ti jech laj spas taj une. Yu'un ta ac'ubaltic laj spasilan ta scoj xi'el yu'un yuts' yalal ti stote, xchi'uc ti viniquetic ta jteclume.