San Juan 3:18 - Bible in Tzotzil de Chamula

¹⁸ “Ti buch'u ta xc'ot ta yo'nton ti ja' Jpojvanej yu'un ti Xnich'on Diose, mu x'ac'bat stoj ti smule. Ja'uc ti buch'u mu xc'ot ta yo'nton ti ja Jpojvanej yu'une, chapal xa sc'oplal ta stoj ti smule, ta scoj ti mu xc'ot ta yo'nton ti yo junomal Xnich'on ti Diose.

Tzotzil Zinacantan

¹⁸ Ti muchꞌutic ta xchꞌunic ti jaꞌ itojbon li smulique, mu xba yichꞌic castico. Yan ti muchꞌutic mu xchꞌunique jmoj scꞌoplal ti chba yichꞌic casticoe, jaꞌ ti mu xchꞌunic ti jaꞌ itojbon smulic yuꞌun ti junjun Xchꞌamal ti Rioxe.

LEQUIL ACH' C'OP

¹⁸ »Ti much'u ta xch'un ti ja' chtojbat smul yu'un li xch'amal Rioxe, mu xba stoj smul; yan ti much'u mu xch'une, jmoj sc'oplal chbat yich' castico, ja' ti mu xch'un ti ja' yaj coltavanej ti junjun xch'amal ti Rioxe.

Bible in Tzotzil de Chenalhó with Deuterocanon

¹⁸ “Ja' yu'un li boch'otic ta xch'unic ti ja' Jcoltavaneje, mu'yuc chbat stoj smulic. Yan li boch'otic mu xch'unique, chapal xa sc'oplal chbat stoj smulic, yu'un mu xch'unic ti ja' Jcoltavanej li jun no'ox Xnich'on Diose.

Tzotzil San Andres

¹⁸ ’Li buchꞌutic ta schꞌunic ti joꞌon ta jcoltaique, jaꞌ muc bu ta xichꞌic vocol yuꞌun li smulique. Li buchꞌutic mu scꞌanic coltaele, icom xa scꞌoplal ti ta xichꞌic vocole yuꞌun mu schꞌunic ti joꞌon Yajcoltavanejicune, joꞌon li Snichꞌonun li Diose. Yepal o junun li Snichꞌonune.

Tzotzil de Huixtán

¹⁸ Ti much'u xch'unoj ti icoltaat xa yu'une, ja' mu x'ac'bat castigo yu'un smul. Ti much'u mu sc'an coltaele, chapal xa sc'opilal yu'un smul yu'un mu xch'unojuc ti ja' Jcoltavanej cu'untic ti Snich'on ti Diose. Jun no'ox Snich'on oy ti Diose.

San Juan 3:18 Iomraidhean Croise

Marcos 16:16

Ti buch'u ta xich'ic ta muc' ti lequil ach' c'ope, ta xich'ic vo' unbi, ta staic pojel colel. Ja'uc ti buch'utic mu xich'ic ta muc' ti lequil ach' c'ope, ta ono'ox stoj ti smulique.

San Juan 1:12

Ja'uc ti buch'u ich'vanic ta muq'ue, ti c'ot ta yo'ntonic ta xch'unele, ac'bat stsatsalic ti c'otic ta xnich'nab Dios yu'une.

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

San Juan 20:31

Ja'uc ti ts'ibabil vun li'e, yo' ta xc'ot ta avo'ntonic ta xch'unel ja' Cristo ti Jesuse, Xnich'on ti Diose, yo' jech ta xata acuxlejalic ta sventa c'alal ta xc'ot ta avo'ntonic ta xch'unele.

San Juan 3:16

“Ti Diose mu albajuc laj xc'uxubinan scotol ti jnaclejetique, laj stac talel ta stojolic ti yo junomal Xnich'one. Buch'uuc no'ox ti ta xc'ot ta yo'ntonic ti ja' Jpojvanej yu'unique, mu xch'ayic, ta sta xcuxlejalic sbatel osil.

San Juan 3:36

Ti buch'u ta xc'ot ta yo'nton ti ja' Jpojvanej yu'un ti Nich'onile, oy xcuxlejal sbatel osil. Ja'uc ti buch'u mu xc'ot ta yo'ntone, mu sta ti xcuxlejale. C'ajomal xa no'ox chapal sc'oplal ti tsots tsitsel ta x'ac'bat yu'un ti Diose.

San Juan 5:24

“J'ech'el ta xcalboxuc ava'iic, buch'uuc no'ox ta sts'etan xchiquin ta ya'yiel ti c'usi ta xcale, ti ta xich'ic ta muc' ti Buch'u laj stacun talele, oy xa xcuxlejal sbatel osil. Mu'yuc ta xich'ic chapanel. Laj xa yech'ta comel ti lajebale, laj xa sta ti cuxlejale.

San Juan 6:40

Yu'un ti c'usi oy ta yo'nton ti Jtote, ti scotolicuc ac'o yojtiquinicun vu'un Xnich'onun ti Diose, ti c'otuc ta yo'ntonic ta xch'unelicune, ti staicuc ti xcuxlejalic sbatel osile, xchi'uc ti ta jcha'cuxesic ta slajeb ti c'ac'ale.

San Juan 6:47

Bats'i ta xcalboxuc ava'iic, ti buch'u ta xc'ot ta yo'nton ta xch'unelune, oy xcuxlejal sbatel osil.

Romanos 5:1

Ti jech laj jtatic ti lec xij'ile yu'un Dios ta sventa ti c'ot ta o'ntonal ta xch'unele, jun co'ntontic xchi'uc ti Dios ta sventa ti Cajvaltic Jesucristoe.

Romanos 8:1

Avi tana une, mu'yuc xa chba stoj smulic ti buch'utic oyic xa ta stojol ti Jesucristoe.

Romanos 8:34

¿Mi oy la buch'u xu' ta xchapanbat smul ti c'alal cham ti Cristo ta sventae? Ma'uc no'ox un, yu'un cha'cuxiem xa, oy xa ta sbats'i c'ob ti Diose yo' ta sc'anbe vocol ta jtojoltic.

Hebreos 12:25

Jech o xal un, bijanic, tsotsanic, mu xabaj xaten ti Buch'u yacal ta xisc'oponotic avi tanae. Yu'un mu'yuc xcolic ti buch'utic laj sbajic ti bijubtasel yu'un ti buch'u c'opoj ta sventa Dios li' ta banomile. ¿Mi ja' xa van ta xijcolotic ti vo'otic mi ta jbajtic ti Buch'u ta xisbijubtasotic ti ta xlic talel sc'opojel ta vinajele?

Hebreos 2:3

¿C'usi xa ono'ox ta xcutic yo' ta jpoj jbatic un cha'e mi mu jtuc'ulantic lec ti muc'ul coltaele? Yu'un ja' laj yal ba'yel stuc ti Cajvaltic sc'oplal ti pojel colele. Lic yalbotic ec ti buch'utic laj ya'iic ba'yel ti sc'oplale.

Hebreos 3:19

Jech ono'ox un, yu'un ta xvinaj lec ti mu'yuc x'ochic batele, yu'un mu'yuc xc'ot ta yo'ntonic ta xch'unel ti Diose.

1 Juan 3:23

Ti smantale, ja' ti c'otuc ta o'ntonal ta xch'unel ti Jesucristo ti ja' Xnich'one, xchi'uc ti c'uxuc xca'i jbatic ta jujun tal jech c'u cha'al laj yalbotique.

1 Juan 4:9

Yu'un ti Diose laj yac' ta ilel ti syail xc'uxul yo'nton ta jtojoltique, ti laj stac talel li' ta banomil ti c'ajomal yo jun ti Xnich'one, yo' jech ta jtatic jcuxlejaltic ta sventa.

1 Juan 5:10

Ti buch'u ta xc'ot ta yo'nton ta xch'unel Xnich'on ti Diose, toj c'otel ta yo'nton ta xch'unel ti c'u s'elan yaloj ti Diose. Ti buch'u mu xc'ot ta yo'nton ta xch'unel ti c'u s'elan yaloj ti Diose, ta sbis ta jun jutc'op, yu'un mu xc'ot ta yo'nton ta xch'unel ti ja' stuc Dios laj sva'an sba ta rextico ta yalbel sc'oplal ti Xnich'one.

1 Juan 5:12

Ti buch'u oy ta stojol ti Xnich'on Diose, oy xcuxlejal sbatel osil. Ti buch'u mu'yuc ta stojol ti Xnich'on ti Diose, laj to c'op ma' ti oy xcuxlejal sbatel osile.