San Juan 3:11 - Bible in Tzotzil de Chamula

¹¹ Ta xcalbot ava'i ta melel, ja' ta xcalbecutic sc'oplal ti c'usi jna'cutique, ti c'usi quilojcutique. Ja'uc ti vo'oxuque, mu xac'an xach'unic ti c'usi ta xcalcutique.

Tzotzil Zinacantan

¹¹ Ta melel chacalbe, li voꞌone jaꞌ chcal ti cꞌusi jnaꞌe xchiꞌuc ti cꞌusi quiloje. Li voꞌoxuque mu xachꞌunic li cꞌusi chcale.

LEQUIL ACH' C'OP

¹¹ Ta melel chacalbe ava'i, li vo'oticotique ja' ta xcalticotic li c'usi jna'ojticotique, xchi'uc li c'usi quilojticotique; pero li vo'oxuque mu xa ch'unic li c'usi chcalticotique.

Bible in Tzotzil de Chenalhó with Deuterocanon

¹¹ Ta melel, jamal ta xcalbot ava'ay, li vu'uncutique ja' ta xcalcutic li c'usi jna'cutique xchi'uc li c'usi quilojcutique. Pero li vo'oxuque mu xavich'ic ta muc' li c'usi ta xcalcutique.

Tzotzil San Andres

¹¹ Melel li cꞌusi chacalbee, li joꞌone jaꞌ chcal li cꞌusi jnaꞌe schiꞌuc li cꞌusi quiloje. Li joꞌoxuque mu xavichꞌic ta mucꞌ li cꞌusi chcale.

Tzotzil de Huixtán

¹¹ Melel ti c'usi chacalbee, ti ho'ontutique chcaltutic ti c'usi jna'ojtutic, ti c'usi quilojtutique. Ti ho'oxuque mu xapasic ti muc' jc'optutic.

San Juan 3:11 Iomraidhean Croise

Isaías 50:2

¿C'u cha'al ya'yel un ti c'alal livule, mu'yuc buch'u junuc laj jta? ¿C'u cha'al ya'yel un ti c'alal li'avtavane, mu'yuc buch'u laj stac'? ¿Mi tac'al c'ot avu'unic ti mu xu' cu'un spojele? ¿Mi tac'al c'ot avu'unic ti mu xa xc'ot ta pojel colel cu'une? Ta jbel no'ox jc'op, ta xc'ot ta taquijel cu'un ti muc' ta nabe, ti sts'ijlajan liquel ti banomil bu ta xanav ti uc'umetique, yo' jech ta xchamic ta taqui ti'il ti choyetique. Ta xlic c'a'icuc ti c'alal ch'abal ti vo'e.

Isaías 53:1

¿Mi yu'un la oy buch'u ta xch'un xana' ti va'i s'elan laj ca'itique? ¿Mi yu'un la oy buch'u ti ac'bil xa yil smuc'ul stsatsal ti Diose?

Isaías 55:4

C'ot ta rextico cu'un ta stojol ti muc'tiquil lumetique. C'ot ta banquilal, c'ot ta jchanubtasvanej yu'un ti jteclume.

Isaías 65:2

Scotol c'ac'al, xye'elet coc jc'ob ta yiq'uel talel jun toyobba lum ti chopol ti bu stamojic batele. Stamojic batel ti c'usi xal ti yo'nton stuquique.

San Mateo 11:27

“Ti jTote laj xa yac'bun ta coc ta jc'ob scotol ti c'usitic oye. J'ech'el mu'yuc buch'u xojtiquinic ti Nich'onile, ja' no'ox x'ojtiquine yu'un ti Totile. J'ech'el mu'yuc buch'u xojtiquin ti Totile, ja' no'ox x'ojtiquine yu'un ti Nich'onile. Ta xojtiquinic ti Jtote, ti buch'u ta jc'an ta xcac'be yojtiquine.

San Mateo 23:37

“Jerusalén, Jerusalén, ta xamilic ti j'alc'opetique, ta xalombeic ton ti buch'utic tacbilic tal yu'un ti Diose. Ep ta velta ti co'ntonuc ca'i jtsoboxuc jech chac c'u cha'al ti me' alac' ta stsob ti yalab ta yolon xiq'ue. Mu jset'uc xac'anic.

San Lucas 10:22

“Scotol ti c'usitic oye, laj yac'bun ta coc ta jc'ob ti Jtote. Mu'yuc buch'u sna' buch'u ti Nich'onile, ja' no'ox sna' stuc ti Totile. Mu'yuc buch'u sna' ti Totile, ja' no'ox sna' stuc ti Nich'onile, ti c'otem ta sventa buch'u sc'an ta xac'be sna' ti Totile.”

San Juan 1:11

Tal ta stojol ti yalab xnich'nabe, ja'ic ti israeletique, ja'uc ti stuquique mu'yuc laj yich'ic ta muc'.

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

San Juan 12:49

Yu'un mu ta jmantaluc no'ox jtuc ti c'u s'elan ta xic'opoje. Ti Jtot ti Buch'u laj stacun talele, ja' ta smantal ti c'u s'elan ta xic'opoje, ti c'u s'elan ta xichanubtasvane.

San Juan 14:24

Ti buch'u mu'yuc c'ux ta xiya'ie, mu xch'un ti c'usi ta xcale, yan sc'oplal ta j'ech'el. Yu'un ti c'usi ta xcal ava'iic li'e, ma'uc jc'op jtuc, ja' sc'op ti Jtot ti Buch'u laj stacun talele.

San Juan 3:12

Mi mu xach'un ti laj calbot sc'oplal ti oy c'usi ta xc'ot ta pasel li' ta banomile, ¿c'usi xavut ta xach'un mi ta xcalbot sc'oplal ti oy c'usi ta xc'ot ta pasel ta vinajele?

San Juan 3:13

“Mi junuc oy buch'u muyem batel sq'uel ti c'usi oy ta vinajele. Ja' no'ox yiloj ti Buch'u liquem talel ti bu taje. Ti xcaltique, ja' ti vu'un co'ol j'elantique.

San Juan 3:3

Xi albat yu'un ti Jesuse: —Ta xcalbot ava'i ta melel, ti buch'u mu xvoc' ta ach'e, mu xu' x'och batel ti bu ta xventainvan ti Diose.

San Juan 3:5

Xi tac'bat yu'un ti Jesuse: —Ta xcalbot ava'i ta melel, mu'yuc buch'u ta x'och batel bu ta xventainvan ti Diose mi mu'yuc voq'uem ta sventa ti vo'e xchi'uc ta sventa ti Ch'ul Espiritue.

San Juan 5:43

Tacbilun talel ta sventa ti Jtote, mi ja'uc xavich'icun ta muc'. Yan mi ta xtal yan vinic ti spasoj sba ta mantal stuque, lec xava'iic, xavich'ic ta muc'.

San Juan 7:16

Xi laj yal ti Jesuse: —Ti c'u s'elan ta xichanubtasvane, ma'uc ta jbijil jtuc. Ja' yac'ojbun jbijil ti Buch'u laj stacun talele.

San Juan 8:14

Xi tac'av ti Jesuse: —Tsots sc'oplal ta xcalbe jba jc'oplal ti jtuque, yu'un jna' ti bu litale, ti bu ta xibat xtoque. Ja'uc ti vo'oxuque, mu xana'ic.

San Juan 8:26

Oy ep ti c'usi xu' ta xcalboxuque xchi'uc ta xchapaneloxuque, yu'un ti Buch'u laj stacun talele, ja' melel ti c'usi ta xale. Ti c'u s'elan ta xcalbe ya'i ti jnaclejetic ta banomile, ja' ta xcal ti c'u s'elan laj yac'bun jna' ti stuque.

San Juan 8:38

Ja' no'ox ta xcal ti c'u s'elan laj yac'bun jna' ti Jtote. Ti vo'oxuque ja' ta xapasic c'u s'elan ta xa'albatic yu'un ti atotique.

Hechos 22:18

Laj quil ti xi laj yalbun ti Cajvaltique: ‘Loc'an batel ta anil li' ta Jerusalene. Ti achi'iltac li'e mu xc'ot ta yo'ntonic ta xch'unel ti ta xavalbe ya'i ti jc'oplale.’

2 Corintios 4:4

Ti jech mu xc'ot ta yo'ntonic ta xch'unel ti lequil ach' c'op yu'un ti Cristo ti c'alal ja' yutsilal slequilal stuc ti Diose, ja' ta scoj macbil snopbenal, macbil satic yu'un ti sdiosic li' ta banomile.

Apocalipsis 1:5

xchi'uc ta sventa ti Jesucristoe, ti Buch'u j'ech'el laj sva'an sba ta rextico ti c'usi ta xale, xchi'uc ti Buch'u ja' ba'yel cha'cuxie, ti oy ta yoc ta sc'ob ti ajvaliletic li' ta banomile. Yu'un laj xc'uxubinotic ti Cristoe, laj spocbotic jmultic ta sventa laj smal ti xch'ul ch'ich'ele.

Apocalipsis 3:14

Xi xats'ibabe batel ta stojol ti buch'u sbainoj ti jch'unolajeletic oyic ta jteclum Laodiceae: “Xi ta xal ti Buch'u stalel jech oe, ti ja' melel ti sc'op laj sva'an sba ta yalele, ti c'otem ta jpas-mantal yu'un scotol ti c'usitic laj smeltsan ti Dios ta sliquebal talele: