San Juan 21:25 - Bible in Tzotzil de Chamula

²⁵ Ti Jesuse, yepal ti oy c'usi laj spase. Ti lajuc yich' ts'ibael ta jujutos ti c'usi laj spase, ta jnop ti mu x'och ta scotol banomil ti spocol-poc vunetic ti lajuc yich' ts'ibael scotole. Jechuc.

Tzotzil Zinacantan

²⁵ Toj ep cꞌusitic ispas ti Jesuse. Ti iyichꞌuc tsꞌibael scotole, toj ep libroetic ti yechuque. Ti cꞌu yepal tsꞌibabil liꞌi, xuꞌ chicuxiotic o ta sbatel osil.

LEQUIL ACH' C'OP

²⁵ Toj ep to c'usitic ispas ti Jesuse, ti iyich'uc ts'ibael ta scojol cojol ti c'usitic ispase, toj ep libroetic ti yechuque, yic'al nan mu x'och o sjunlej li balamil ti yechuque.

Bible in Tzotzil de Chenalhó with Deuterocanon

²⁵ Oy to c'usitic yan ep la spas li Jesuse. Ti xquechetuc laj yich' ts'ibael ta vun scotole, ta jnop ti mu xlaj ochuc ta banamil yepal vunetic ti jechuque.

Tzotzil San Andres

²⁵ Toj ep li cꞌustic la spas li Jesuse. Ti iyichꞌuc tsꞌibael ta jun scotol li cꞌustic la spase, toj ep libroetic oy ti jechuque. Li cꞌu yepal iyichꞌ tsꞌibael liꞌi, xuꞌ chijcolutic o sbatel osil.

Tzotzil de Huixtán

²⁵ Oy to ep c'utic yan lequil abtel laj spas ti Jesuse. Ti taca to ochuc ti ts'ibael ti jujutos ti yabtele, ep ti jyalel ti hunetique ti hechuque. Ja'uque ti c'u yepal i'och ti ts'ibaele, ta yutsil yu'un chijcol.

San Juan 21:25 Iomraidhean Croise

Job 26:14

Ti va'i s'elan taje, uni juteb no'ox ta svinajesbe sc'oplal ti yabtele; uni coscos c'op ma' ti va'i s'elan laj ca'itique. ¿Buch'u la ta xa'ibe xchiquinal ti xt'inluj ta a'yiel ti smuc'ul stsatsale?

Salmos 40:5

Cajval, Ch'ul Dios, yepal no'ox laj apas ti ch'ayal ta xc'ot o'ntonal yu'une, ti oyuncutic to ta avo'ntone. Mu'yuc buch'u xco'olaj jech c'u cha'al ti vo'ot une. Jc'anuc xa ca'i ta scaj'alel ti xivulvun xa xchi'uc ta yalbel ti sc'oplale, ti xi no'ox yuni epal ma' ti x'al cu'une.

Salmos 71:15

Scotol c'ac'al, ta xcalilan ti laj apojuncutique, ti laj achapanuncutique. Mu xa xtal ta jol ma' ti c'u yepal taj une.

Eclesiastés 12:12

Yepal tojobtasel ta xich' tael yu'un ma' taj une. Mu'yuc spajeb mi yepal ta xich' meltsanel ti ep ta poc vunetique. Yepal no'ox ta xac' lubel mi avac'ojbe yipal ta xchanele.

Amós 7:10

Ti Amasíase, pale yu'un ti jteclum Betele, xi laj stac batel mantal ta yalel ta stojol ti Jeroboam ajvalil yu'un ti Israele: “Ti Amose xvolet jmoj xchi'uc ti jnaclejetic yu'un Israel ta xchapel ti ta spaybot ac'oplal ti Jcuch abtelote. Jech ti jteclume mu xa ts'icbaj ta xa'iic ti xvulvune.

San Mateo 11:5

Chapbeic ya'i, ti ma'satetique jam xa ti satique. Ti coxovetique ta xanavic xa. Ti jc'a'emal-chameletique, pocbil tusbilic xa. Ti macal xchiquinique ta xa'iic xa c'oponel. Ti animaetique cha'cuxiic xa. Ti buch'u abol sbaique, yich'ic xa albel sc'oplal ti colebale.

San Mateo 19:24

Ta jcha'alboxuc, ti buch'u jc'uleje, toj vocol ta x'och ti bu ta xventainvan ti Diose, ja' to xu' xjelav ta sat acuxa ti jun muc' ta camelloe.

Marcos 5:16

Ti buch'utic laj yilique, lic yalic ta stojol yan ti c'usi c'ot ta pasel ta stojol ti vinic ti buch'u ch'amunbil to ox yu'un ti pucuje, xchi'uc ti c'usi c'ot ta pasel ta stojol ti chitometique.

Hechos 10:38

Xana'ic lec xtoc, ti Diose laj yac'be yich' smuc'ul stsatsal xchi'uc Ch'ul Espíritu ti Jesús ti liquem talel ta Nazarete yo' xu' yu'un ta spasel ti c'usi leque, ta scolesanel ti buch'utic ta x'ilbajinatic yu'un ti pucuje. Jech laj spas, yu'un chi'inbil coltabil yu'un ti Diose.

Hechos 20:35

Laj cac' avilic ta j'ech'el ti tsots sc'oplal jech sc'an pasele yo' ta xachanic ti abtel eque, yo' jech ta staic scoltael ti buch'u abol sbaique. Ja' vuleso ta avo'ntonic ti xi laj yal ti Cajvaltic Jesuse: ‘Ech'em no'ox xmuyubaj ti buch'u ta xaq'ue, ja' mu sta xmuyubaj ti buch'u ta xich'e.’ ”

Hebreos 11:32

Ep to ti c'usi ta sc'an ta xcalboxuc ava'iique. Ja'uc le'e, mu xloc' o ti c'ac'ale yo' jech ta xcalboxuc ava'iic sc'oplal ti Gedeone, ti Baraque, ti Sansone, ti Jeftee, ti Davide, ti Samuele, xchi'uc sc'oplal ti j'alc'opetique.