San Juan 21:17 - Bible in Tzotzil de Chamula

¹⁷ Xi laj sjac' ta yoxcojal ti Jesuse: —Simón, xnich'onot ti Jonase, ¿mi c'ux ta xava'iun ta avo'nton? At o'nton xa oy ti Pedroe, yu'un yoxcojal xa albat, ¿mi c'ux ta xava'iun ta avo'nton? ti x'utee. Xi laj yal ti Pedroe: —Cajval, ana'oj scotol. Xana' lec ti c'ux ta xca'iot ta co'ntone. Xi laj yal ti Jesuse: —Mi jech c'uxun ta avo'ntone, q'uelbun tuc'ulanbun ti jchijtac un cha'e.

Tzotzil Zinacantan

¹⁷ ―Simón, screm Jonás, ¿mi acꞌanojon? ―xꞌutat ta yoxꞌechꞌelal. Ti Pedroe iyat o yoꞌon ti yoxꞌechꞌelal xa ijacꞌbate. ―Cajval, anaꞌoj scotol. Anaꞌoj ti jcꞌanojote ―xut. ―Scotol ti muchꞌutic yichꞌojicon ta muqꞌue, saꞌbo sveꞌelic chac cꞌu chaꞌal tsaꞌbe sveꞌel xchijic li jchabichijetique.

LEQUIL ACH' C'OP

¹⁷ Ti Jesuse xi isjac'be ta yox'ech'elale―Simón, vo'ot scremot ti Juane, ¿mi ac'anojon? ―X'utat noxtoc. Ti Pedroe iyat o yo'on ti yox'ech'elal xa ijac'bate, xi istac'be ti Jesuse: —Cajval, ana'oj scotol: ana'oj ti jc'anojote, ―Xut. Itac'av ti Jesuse: —Chabibon me li jchijtaque. ―X'utat noxtoc.

Bible in Tzotzil de Chenalhó with Deuterocanon

¹⁷ Li Jesuse jech la sjac'be yoxibal velta: —Simón, xnich'onot Jonás, ¿me lec chac'anun? —xut. Li Pedroe lic yat yo'nton, yu'un yoxibal xa velta ijac'bat ti “¿Me lec chac'anun?” x'utate. Itac'ov: —Cajval, li vo'ote scotol xana'. Xana' ti lec jc'anojote —xut. Li Jesuse jech laj yalbe: —Mac'linbun me lec li muc'tic chijetic cu'une.

Tzotzil San Andres

¹⁷ Li Jesuse jech la sjacꞌbe yoxibal velta: ―Simón, snichꞌonot Jonás, ¿mi cꞌuxun ta avoꞌon? ―xut. Li Pedroe iyat yoꞌon yuꞌun yoxibal xa velta ijacꞌbat: “¿Mi cꞌuxun ta avoꞌon?” ti xꞌutate. Itacꞌav li Pedroe: ―Cajval, anaꞌoj scotol. Anaꞌoj xa onoꞌox ti cꞌuxot ta coꞌone ―xut. Li Jesuse jech laj yalbe: ―Alanbo me jcꞌop scotol li buchꞌutic schꞌunojic xa ti joꞌon Yajcoltavanejicune yoꞌ jech acꞌo ayanuc más stsatsal yoꞌonic.

Tzotzil de Huixtán

¹⁷ Ti Jesuse hech laj sjac'be ti yoxibal vuelta: ―Simón, snich'onot Jonás, ¿mi c'uxun ti avo'nton? ―xchi. Hech lic yich' mul ti Pedroe yu'un yoxibal xa vuelta ti hech ijac'bate ¿mi c'uxun ti avo'nton? ti xchi chjac'bate. Hech itac'av: ―Cajval, scotol oy ti avo'nton. Xana' ti c'uxot ti co'ntone ―xchi. Ti Jesuse hech laj yalbe: ―Mac'limbun scotol ti much'utic chixch'umbucun ti jc'ope hech ch-an yip yo'ntonic ―xchi―.

San Juan 21:17 Iomraidhean Croise

2 Samuel 7:20

¿C'usi xa ma' ti xu' ta xcalbot une, Cajval, ti xavojtiquin lec ti avajtunel li'e?

1 Reyes 17:18

Va'i un, ti me'unal antse xi laj yalbe ti Eliase: —Xnich'on Dios, ¿c'u cha'al tal avoch'un ta c'op? ¿Mi yu'un tal avulesbun ta jol ti jmule, ti ta xcham avu'un ti cole?

1 Crónicas 17:18

¿Mi yu'un stac' to la c'usi ta xcal ti laj avac' ta ich'el ta muc' ti avajtunele, ti xavojtiquin lec c'u s'elan ti avajtunel li'e?

1 Crónicas 29:17

Jna' lec ti Diosote, xavil xavojtiquin lec ti snopobile, ti lec ta xava'i ti oyuc smelol stuq'uile. Jech o xal un, ta stuq'uil jol co'nton, laj cac'bot ta atojol scotol li'e. Avi tana une, quiloj ta jba ta jsat ti xmuyubajic no'ox ti ateclumal li' tsobolic laj yaq'uic ti matanaletic ta yutsil slequil yo'ntonique.

Salmos 17:3

Abainoj un ti c'u s'elan ta jnopilane; ta ac'ubaltic une, avac'oj asat ta sq'uelelun; laj atic'un xa ochel ta c'oc' ta sq'uelel ti co'ntone, mu'yuc laj ata un ti oy c'usi chopol ta jtojole. Mu'yuc calojan ti bu ma'uc smelole,

Jeremías 17:10

C'alal ta jt'un lec ti vu'un Diosune, chajal ta jba ta jsat bu c'alal c'otem ta snopel ti c'usi ta sc'an ti o'ntonale. Jujun ta xcac'be stoj c'u s'elan sta o ta xich' ta sventa ti c'usi loc' ta sa'el yu'une.”

Lamentaciones 3:33

Le' une, ma'uc ma' ti xmuyubaj xa ta sq'uelbe svocol ta at-o'nton ti jnaclejetique.

San Mateo 25:40

Ti vu'un Ajvalilune xi ta jtac'beique: ‘Ta xcalboxuc ava'iic ta melel, ta sventa ti laj ac'uxubinic ti jun jchi'ile, ti peq'uel yuni c'oplale, vu'un laj ac'uxubinicun.’

Marcos 14:72

C'alal jech taje, ja' o oc' xcha'oq'uelal ti cotse. Ti Pedroe vul ta yo'nton ti xi ono'ox albat yu'un ti Jesuse: “C'alal mu'yuc to ta x'oc' xcha'oq'uelal ti cotse, oxcoj xa ox laj aval ti mu xavojtiquinune.” Lic smil sba ta oq'uel ti Pedroe.

San Juan 12:8

Yu'un ti buch'utic abol sbaique li' ono'ox oy ta atojolique. Ti vu'une mu li'uc ono'ox oyun ta atojolique —xi laj yal ti Jesuse.

San Juan 13:38

Xi laj stac' ti Jesuse: —¿Mi melel ti chapalot xa ta xavac' aba ta milel ta jventae? Ta xcalbot ava'i ta melel, laj xa ox aval oxcoj ti mu xavojtiquinun c'alal mu'yuc to ta x'oc' ti cotse.

San Juan 14:15

“Mi c'ux ta xava'iicune, ta xach'unic ti jmantal unbi.

San Juan 15:10

Mi ta xavich'ic ta muc' ta xch'unel ti jmantale, oy ta atojolic ti syail xc'uxul co'ntone, jech c'u cha'al ta jch'unbe smantal ti Jtote, staoj yav oy ta jtojol ti syail xc'uxul yo'ntone.

San Juan 16:30

Ta xquilcutic ti ta xana' scotole, ti ma'uc tsots sc'oplal ta xava'i ti oy buch'u ta sjac'bote. Ta xc'ot ta co'ntoncutic ti liquemot talel ta stojol ti Diose.

San Juan 18:27

Ti Pedroe laj xcha'muc sba, ja' o lic oc'uc ti cotse.

San Juan 18:4

Ja'uc ti Jesuse, ti sna'oj xa scotol ti c'usi ta xc'ot ta pasel ta stojole, bat snup ta be ti xi laj sjac'bee: —¿Buch'u ta xasa'ic?

San Juan 21:18

Ta xcalbot ava'i, ti ta aqueremale, laj alap atuc ti ac'u'e, labat ti bu ta xac'ane. Mi layijube, ta xalich' ti ac'obe, yan o ti buch'u ta xac' alap ti ac'u'e. Ta xic'ot batel ti bu mu xmuyubaj avo'nton yu'une.

San Juan 4:16

Xi laj yal ti Jesuse: —Batan, ba ic'o talel ti amalale, la'ic li' une.

Hechos 1:24

Xi c'opoj ti'inique: —Cajval, xavojtiquinanbe yo'nton scotol. Ac'bun quilcutic buch'u junucal laj at'uj ti cha'vo'ic li'e

Hechos 11:10

Ti jech taje, oxcoj c'ot ta pasel. Ts'acal to un, ti co'ol s'elan mantae cha'sut muyel ta vinajel.

Hechos 15:8

Ti xojtiquin lec o'ntonal ti Diose, laj yac' ta ilel ti lec ta xil ti jyanlumetique, yu'un laj yac'be yich' ti Ch'ul Espíritu jech c'u cha'al laj yac'botique.

2 Corintios 1:12

Oy jun ti ximuyubajcutic xa yu'une, ja' ti ta xac' ta na'el ti jol co'ntoncutic ti laj jchabi jbacutique, ti laj jtuc'ulan jbacutic ti bu li'abtejcutique, xchi'uc ti tsots sc'oplal laj jq'uel jbacutic li' ta atojolique. Ti jech li'abtejcutic taje, ma'uc ta jbijil jtuccutic, yu'un coltabiluncutic ta sventa xc'uxul yo'nton ti Diose.

Efesios 4:30

Mu xavaq'uic ta at o'nton Xch'ul Espíritu ti Diose, yu'un ja' aselloalic svinajeb ti c'otemoxuc xa ta yu'un ti Diose, ti ta ono'ox xacolic c'alal mi sta ti sc'ac'alile.

Josué 22:22

—Ti stuc xa Ajvalil Dios ti scotol xu' yu'une, sna' lec ti ma'uc laj jva'ancutic jun altar ta scoj ti jtoyobbailcutic ti ta jch'ac jbacutic ta stojole. Ti stuque sna' lec scotol. Ta xac'boxuc ana'ic acotolic. Ti mi ja' jech c'ot ta nopel cu'uncutique, ¡milunctic xa xch'a unbi, yu'un sa'bil xa cu'uncutic!

1 Pedro 1:6

Ta sventa ti jech taj une, xamuyubajic xa, ac'o mi oy bu xu' ta xc'ot ta atojolic jun chibuc c'ac'al ta xavich' ep avocolic.

2 Pedro 3:1

Li'e, Jchi'iltac, ja' xcha'lical jvun ta jts'ibaboxuc talel. Yu'un ti jba'yel vune xchi'uc ti xchibale, ta jc'an, ac'o anopic lec ta sventa ti c'u s'elan laj jbijubtasoxuque.

Apocalipsis 2:23

Yalabtac xtoc ti antse, ta jtubbe sc'oplal. Ta xlic sna'ic scotol ti jch'unolajeletic unbi, ti xcojtiquin c'u s'elan ta snop ti o'ntonale, xchi'uc acotolic ta xcac' atojic ti c'u s'elan laj apasic ti jujunoxuque.

Apocalipsis 3:19

Scotol ti buch'u c'ux ta xca'ie, ta jtuq'uibtas, ta jvul. Jbeluc sc'oplal junuc avo'nton ta jtojol. Sutan talel ta stojol ti Diose.