San Juan 21:15 - Bible in Tzotzil de Chamula

¹⁵ C'alal laj yo'ntonic ta ve'ele, ti Jesuse xi lic sjac'be ti Simón Pedroe: —Simón, xnich'onot ti Jonase, ¿mi yepal no'ox c'ux ta xava'iun ta avo'nton, mi ja' mu sta ti yan le'e? Xi laj stac' ti Pedroe: —Jech, Cajval, ana'oj lec ti c'uxot ta co'ntone. Xi laj yal ti Jesuse: —Mi c'uxun ta avo'ntone, q'uelbun ti cuni jmimitaque.

Tzotzil Zinacantan

¹⁵ Ti cꞌalal laj veꞌiconticotique, jaꞌ yech lic albatuc ti Simon Pedroe: ―Simón, screm Jonás, ¿mi más to acꞌanojon chac cꞌu chaꞌal lachiꞌiltac liꞌi? ―xꞌutat yuꞌun ti Jesuse. ―Cajval, anaꞌoj ti jcꞌanojote ―xut. ―Ti muchꞌutic achꞌ to lic yichꞌicon ta muqꞌue, qꞌuelbon me chac cꞌu chaꞌal tsqꞌuel smimiꞌic li jchabichijetique ―xꞌutat.

LEQUIL ACH' C'OP

¹⁵ Ti c'alal laj ve'icuque, ti Jesuse isjac'be ti Simón Pedroe: ―Simón, vo'ot ti scremot Juane, ¿mi más to ac'anojon chac c'u cha'al li yantic li'i? ―X'utat. Itac'av ti Pedroe: ―Cajval, ana'oj ti jc'anojote ―xut. Xi i'albat ti Pedroe: —Chabibon me li cunen c'ox chijtaque—xut.

Bible in Tzotzil de Chenalhó with Deuterocanon

¹⁵ C'alal ilaj yo'ntonic ta ve'ele, li Jesuse jech laj yalbe li Simón Pedroe: —Simón, xnich'onot Juan, ¿me ech'em to jech chac'anun jech chac c'u cha'al li achi'iltac li'i? —xut. Itac'ov li Pedroe: —Jech, Cajval, xana' ono'ox ti lec jc'anojote —xut. Li Jesuse jech laj yalbe: —Mac'linbun me li bic'tal chijetic cu'une —xut.

Tzotzil San Andres

¹⁵ Cꞌalal ilaj coꞌoncutic ta veꞌele, li Jesuse jech laj yalbe li Simón Pedroe: ―Simón, snichꞌonot Jonás, cꞌuxun ta yoꞌonic la achiꞌiltac ta cajchanbalajeltac liꞌi. ¿Mi joꞌot más chital ta scꞌuxul avoꞌon? ―xut. Itacꞌav li Pedroe: ―Cajval, xanaꞌ onoꞌox ti cꞌuxot ta coꞌone ―xut. Li Jesuse jech laj yalbe: ―Alanbo me jcꞌop scotol li buchꞌutic jaꞌ to ta schꞌunic ti joꞌon Yajcoltavanejicune yoꞌ jech acꞌo ayanuc stsatsal yoꞌonic, jech mu xchibaj yoꞌonic ―xut.

Tzotzil de Huixtán

¹⁵ C'alal laj co'nton ve'ucuntutic, ti Jesuse hech laj sjac'be ti Simon Pedroe: ―Simón, snich'onot Jonás, c'ux chiya'yun ti achi'iltac li'to. ¿Mi ech'em c'uxun ti avo'nton ho'oti? ―xchi. Hech itac'av ti Pedroe: ―Cajval, xana' ti c'uxot ti co'ntone ―xchi. Ti Jesuse hech laj yalbe: ―Mac'limbun scotol ti much'utic chixch'umbucun ti jc'ope hech ch-an yip yo'ntonic ―xchi.

San Juan 21:15 Iomraidhean Croise

Génesis 33:13

Va'i un, ti Jacobe xi laj staq'ue: —Cuni chi'il ta voq'uel, xana' lec, ti ololetique mu'yuc to yipal yu'unic. Yu'un sc'an ta jnop lec xtoc ta sventa ti chijetique, xchi'uc ti me' vacaxetic oy yolique. Yu'un mi lubtsajic ta bee, xu' ta xchamic ta jun no'ox c'ac'al scotol ti chijetique.

2 Samuel 7:20

¿C'usi xa ma' ti xu' ta xcalbot une, Cajval, ti xavojtiquin lec ti avajtunel li'e?

2 Reyes 20:3

“Cajval, avocoluc, mu xch'ay xava'i ti sjunul co'nton laj cac' jba ta tunele, ti jamal lec co'nton laj jpas c'usi ta xac'ane.” Lic smil sba ta oq'uel un.

Isaías 40:11

Yu'un co'ol s'elan jech c'u cha'al junuc jq'uel-chij ta xvul ta loq'uel ta xchabiel ti xchije. Ta spet ech'el ti mimi'etique, ta snaban ech'el ta sti' yo'nton. Ta stuc'ulan lec ti me' chijetic ti naca to no'ox voc' yolique.

Jeremías 23:4

Ta xlic jva'anan jq'uel-chijetic ti q'uelbilic yu'une, yo' mu xa'iic xi'el. Scotolic mu'yuc c'usi sna'ic. Mu lo'iluc no'ox ta xcal ma' ti vu'un Diosun une.”

Jeremías 3:15

Ta x'ochic cu'un ta jpas-mantaletic ti buch'u lec ta xquile. Va'i un, oy sbijilic xtojobic ta xaspasoxuc ta mantal.

Ezequiel 34:23

Ta jbain ti cha'vuluc ta loq'uel ti cajtunel Davide. Stuc no'ox ta xc'ot ta jq'uel-chij ti vu'un ta jva'ane, ta stuc'ulan ta sq'uelel un. Ta xc'ot ta jq'uel-chij yu'unic.

Ezequiel 46:24

Va'i un, xi laj yalbune: “Le'e, snail meltsanobil ve'liletic yu'un ti ch'ulnae, ti bu ta slacanic ti milbil chon bolometic ta xaq'uic ta matanal ti jteclume.”

San Mateo 10:37

“Buch'uuc no'ox ti mu tsotsuc jc'oplal ta xiya'ie, ti ja' tsots sc'oplal ta xa'i ti stote, ti sme'e, laj to c'op ti ja' cu'une. Ja' jech xtoc ti buch'u ja' tsots sc'oplal ta xa'i ti xnich'nabe, laj to c'op ti ja' cu'une.

San Mateo 16:17

Ti Jesuse xi laj staq'ue: —Toj jun yutsil ti jech xana' ti vo'ote, Simón, xnich'on Jonás. Ti xana' Buch'uune, ma'uc jun vinic laj yac'bot ana', ja' laj yac'bot ana' ti Jtot ti oy ta vinajele.

San Mateo 18:10

“Mu xajip xatenic junuc ti ololetic li'e. Ta xcalboxuc ava'iic, ti ánjeletic yu'unique oyic ono'ox ta stojol ti Jtot ti oy ta vinajele.

San Mateo 26:33

—Manchuc mi ta xchibaj yo'ntonic ta atojol ti yane, ti vu'une mu xchibaj co'nton —xi laj yal ti Pedroe. Xi tac'bat yu'un ti Jesuse:

San Mateo 26:35

Xi laj sva'an sba ta yalel ti Pedro ta stojol ti Jesuse: —Ta jamal ta xcalbot ava'i, manchuc mi jmoj ta xijlaj ta milel, mi ja'uc ta jmuc ti xcojtiquin jbatique. Scotolic jech laj yalic ec ti jchanc'opetique.

Marcos 14:29

—Manchuc mi mu junuc yo'nton ti yane, ti vu'une staoj yav jun co'nton —xi laj yal ti Pedroe.

San Lucas 12:32

“Uni juteboxuc cuni chijtac, mu xaxi'ic. Ta sventa yutsil slequil yo'nton ti Atotique, c'ot xa ta nopel ti ta xataic ti ventainel yu'une.

San Lucas 22:32

Ja'uc ti vu'une, lic'opoj liti'in xa ta aventa yo' mu xch'ay xch'unajel ti avo'ntone. C'alal mi lasut ta jtojole, xu' avu'un ta scoltael ti achi'iltac yo' mu stsic' ti yo'ntonique.

San Juan 1:42

Ti Andrese yic'oj batel ti Simón bu oy ti Jesuse. C'alal ile yu'un ti Jesuse, xi albate: —Simón, xnich'onot ti Jonase, ta xlic abiin Cefas avi tana li'e (Pedro, xi ti smelole).

San Juan 13:37

Xi laj yal ti Pedroe: —¿C'u cha'al mu stac' ta jts'acliot batel avi li'e, Cajval? Jchapanoj xa jba ta xcac' jba ta milel ta aventa.

San Juan 16:27

Yu'un ti Jtote, c'ux ta xaya'ioxuc. C'ux ta xaya'ioxuc, yu'un c'ux ta xava'iicun, yu'un c'ot ta avo'ntonic ta xch'unel ti liquemun talel ta stojol ti Diose.

San Juan 21:12

Xi laj yal ti Jesuse: —La' ve'anic. Mu'yuc buch'u junucal ti yajchanc'optac laj sjac'beic ti Buch'ue, yu'un sna'ojic xa ja' ti Cajvaltique.

San Juan 21:7

Va'i un, ti jun jchanc'op ti mu tuch'baj ta o'ntonal ta x'a'yie yu'un ti Jesuse, xi laj yalbe ti Pedroe: —¡Ja' Cajvaltic ta xquil une! Naca jech laj ya'i ti Simón Pedro ti ja' Cajvaltique, laj slap ta anil ti sc'u' ti sloc'oj to oxe. Laj sjip sba batel ta vo'.

San Juan 8:42

Xi tac'batic yu'un ti Jesuse: —Ti ja'uc Atotic ti Diose, c'ux ta xava'iicun ti jechuque. Yu'un liquemun talel ta stojol Dios ti li' oyune. Ma'uc talemun ta jventa jtuc, yu'un ja' tacbilun talel yu'un ti Diose.

Hechos 20:28

Ja' yu'un un, ich'o abaic ta c'ac'al, tuc'ulanic ti tsoblebal ti la'ac'batic ta abaic yu'un ti Ch'ul Espíritu ti lac'otic ta sventainel ti jch'unolajeletic yu'un ti Cajvaltic ti laj sman ta xch'ul ch'ich'ele.

Hechos 20:29

Jna' lec c'alal mi libate, oy buch'u ta xtal soques ti jch'unolajeletique jech c'u cha'al junuc jti'oval oq'uil ta slilin ta ti'el ti chije.

Romanos 14:1

Ich'ic lec ta muc' ti buch'u ch'abal to lec yip yo'nton ta xch'unele, mu xavul abaic xchi'uc ti c'usi vocol ta a'yiele.

Romanos 15:1

Ti vo'otic ti oy xa yipal cu'untic ti c'u s'elan c'otem ta ch'unele, la' jbainbetic svocolic ti buch'u ch'abal yip yo'ntonique. Ma'uc me xcac'betic yipal ta spasel ti c'usi lec ta xca'i jtuctique.

1 Corintios 8:11

Ti mi jech ta xapas taje, ti xana' ti mu cuxuluc ti loc'tabil diosetique, xu' ta xyanij yo'nton avu'un ti achi'il ti ch'abal yip ti yo'ntone ti c'alal cham laj xa ti Cristo ta sventae.

Gálatas 5:6

Yu'un ta stojol ti Cristo Jesuse, ma'uc tsots sc'oplal mi ich'bil circuncisión, mi mu'yuc. Ti tsots sc'oplale, c'otuc ta o'ntonal ta xch'unel ti Cajvaltique, ti vinajuc oyuc ti syail xc'uxul o'ntonal ta sventa ti yacal ta x'abtej ti oy c'usi c'otem ta o'ntonal ta xch'unele.

Efesios 4:14

Ja' yu'un un, mu xa co'oluc j'elantic jech c'u cha'al ololetic ti xtal xbat ti snopobil yu'une, ti jochbil no'ox ta xch'unel ti oy c'usi ach' ta xchanubtasat yu'un ti jlo'lavanejetic ti ja' no'ox ta sc'an ta x'ic'van batel ta sbelal ch'ayele.

Efesios 6:24

Ac'o ac'baticuc slequilal yutsilal Dios ti buch'utic staoj yav yo'ntonic c'ux ta xa'iic ti Cajvaltic Jesucristoe. Jechuc.

Hebreos 13:20

Ti Diose laj xcha'cuxes ti Cajvaltic Jesucristo ti Buch'u c'otem ta Banquilal Jq'uel-chije, yu'un ja' ta sventa xch'ich'el chapaj sc'oplal ti ach' trate sventa sbatel osile.

Hebreos 4:13

Ti c'usitic pasbil yu'un ti Diose, mu stac' snac' sbaic ta stojolal. Chajal ta sba ta sat scotol ti Buch'u ta xich' quetique.

1 Pedro 1:8

Ac'o mi mu'yuc laj avilic ti Jesucristoe, c'ux ta xava'iic. Ti jech xamuyubajic ta stojol c'alal mu'yuc avilojic avi tana le'e, oy ta ave ati'ic ta yalel ti mu'yuc xa buch'u xtaun ta xava'iic ti jech xamuyubajique.

1 Pedro 2:2

Jechuc avo'ntonic jech c'u cha'al ti jvoq'uel olol ti naca xchu' batem ta yo'ntone. Jechuc batuc avo'ntonic ta sa'el ti sc'op Diose yo' jech ta xatsac avipic ta ch'iel xchi'uc ta stael ti acoltaelique,

1 Pedro 2:25

Ti ta vo'nee, co'ol a'elanic jech c'u cha'al ch'ayemal chij laxanavic. Avi tana li' une, lasutic xa talel ta stojol ti Cristoe. Ja' ta xchabioxuc jech c'u cha'al ti jq'uel-chije, yu'un ja' sbainoj ti ach'ulelique.

1 Juan 4:19

Ti vo'otique c'ux ta xca'itic ti Diose, yu'un ba'yel laj xc'uxubinotic.

1 Juan 5:1

Scotol ti buch'u c'otem ta yo'nton ta xch'unel ti ja' Cristo ti Jesuse, ja' xnich'on Dios ec. Ti jech c'ux ta xa'i ti Totile, c'ux ta xa'ibe xnich'nab ti Totil taje.

Apocalipsis 2:23

Yalabtac xtoc ti antse, ta jtubbe sc'oplal. Ta xlic sna'ic scotol ti jch'unolajeletic unbi, ti xcojtiquin c'u s'elan ta snop ti o'ntonale, xchi'uc acotolic ta xcac' atojic ti c'u s'elan laj apasic ti jujunoxuque.