San Juan 20:19 - Bible in Tzotzil de Chamula

¹⁹ Ta smalel c'ac'al yu'un ti sliquebal xemunae, bajalic ta jbej na ti stsobolic ti jchanc'opetique, ta scoj xi'el yu'un jpas-mantaletic yu'un ti israeletique. Och batel ti Jesús ti c'ot sva'an sba ta o'lol yu'unic ti xi laj yale: —Tsotsanic, junuc avo'ntonic, mu xaxi'ic.

Tzotzil Zinacantan

¹⁹ Cꞌalal icꞌ xaꞌox osil ta primero cꞌacꞌal xemanae, jaꞌ li romincoe, teyoticotic ta yut na, voꞌoticotic ti yajchancꞌopoticotic ti Jesuse. Lec jmacojticotic ti tiꞌnae, yuꞌun xiꞌemoticotic o ti cajmeltsanejcꞌopticotique. Tey icꞌot ti Jesuse. Cꞌalal iquilticotique, tey xa vaꞌal ta oꞌlol yoꞌ bu tsoboloticotique. ―Junuc me avoꞌonic ―xiyutoticotic.

LEQUIL ACH' C'OP

¹⁹ C'alal ic' xa'ox osil ta primero c'ac'al xemanae, li yajchanc'optac ti Jesuse tey stsoboj sbaic, smacoj sbaic ta na yu'un xi'emic o li yajmeltsanejc'opic li jurioetique. Ti Jesuse i'och ech'el, tey va'al ic'ot ta o'lol yo' bu li yajchanc'optaque, c'ot c'opojuc, ja' yech iyal chac li'i: ―Junuc me avo'onic ―x'utatic.

Bible in Tzotzil de Chenalhó with Deuterocanon

¹⁹ C'alal i'ic'ub osil te no'ox ta sba c'ac'al xemunae, te smacoj sbaic ta na yo' bu ono'ox tsobolic li yajchanc'optac Jesuse, yu'un ta xi'ic yu'un li j'abteletic yu'un judioetique. Li Jesuse ta ora no'ox ivinaj ta o'lol yut na ti bu tsobolique, jech laj yal: —Junuc avo'ntonic —xi.

Tzotzil San Andres

¹⁹ Cꞌalal xtupꞌet xaꞌox osil ta sba cꞌacꞌal xemana, jaꞌ li romincoe, te jlapoj jbacutic ta na, joꞌoncutic li yajchanbalajeltacuncutic li Jesuse. Lec jmacojcutic li tiꞌnae yuꞌun chixiꞌcutic o li jꞌabteletic cuꞌuncutique. Li Jesuse te iyacꞌ sba ta ilel ta oꞌlol yut na li bu tsoboluncutique. Jech laj yalbuncutic: ―Junuc avoꞌonic ―xijyutcutic.

Tzotzil de Huixtán

¹⁹ Mal xa c'ac'al ti sba c'ac'al ti semanae, ja' ti domingoe, jmacoj jbatutic ti na ho'ontutic ti yajchanc'opuntutic ti Jesuse. Yu'un nixi'tutic yu'un ti totiletic cu'untutique, ja' ti co'ol judiountutic xchi'uque, hech yu'un lec jmacojtutic ti sti' jnatutique. Ti ora no'ox ivinaj te ti o'lol yut jnatutic ti Jesuse yo' bu jtsoboj jbatutique. Hech laj yalbuntutic: ―Tal jtoj avo'ntonic ―xiyutuntutic.

San Juan 20:19 Iomraidhean Croise

Salmos 122:8

Tana une, ta sventa ti jvinquileltaque, xchi'uc ti buch'utic lec xquil jba xchi'uque, xichi ta xcale: “Lamajuc ti c'op ta atojole.

San Mateo 10:13

Mi ta xac' ta venta ti jech ta xavalique, ac'beic comel ti spatobil yo'ntonique. Mi mu lecuc ta xa'iique, mu xavac'beic comel.

San Mateo 18:20

Ti bu tsoboloxuc ta jventae, manchuc mi chib oxiboxuc, tey oyun ta atojolic.”

Marcos 16:14

Ts'acal to un, ti Jesuse laj yac' sba iluc ta stojol buluchvo' (11) yajchanc'optac c'alal ja' o chotolic ta sts'el sti'il mexae. Laj svul ta scoj ti mu'yuc c'usi c'otem ta yo'ntonique, xchi'uc ti tsots yo'nton xa'i sbaic ti mu'yuc laj xch'unbeic ti oy buch'u laj yalic ti cha'cuxiem xae.

San Juan 14:27

“Ta xcac' comel ta atojolic ti slamajemal o'ntonale. Mu xco'olaj xchi'uc jech c'u cha'al ta xaq'uic ti buch'u li' oyic ta banomile. Mu me xatsiq'ues avo'ntonic, mu xaxi'ic.

San Juan 16:22

Ja' jech ti vo'oxuc avi tana li'e, mu x'ech' ta xava'iic ti avocolique. Ja'uc c'alal ta xisut talel jq'ueloxuque, ta xlic muyubajanic, jun muyubajel ti mu'yuc buch'u xasmacboxuque.

San Juan 16:33

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

San Juan 20:21

Laj taj une, ti Jesuse xi laj yal xtoque: —¡Laetuc, siquetuc avo'ntonic! Jech c'u cha'al laj stacun talel ti Jtote, ja' jech ta xajtacoxuc batel ec.

San Juan 20:26

Xvaxaquibal (8) xa c'ac'al yech'el, tsobolic ta jbej na xtoc ti yajchanc'optaque, xchi'uc tey xa oy ec un ti Tomase. Ac'o mi bajal lec ti ti' na yu'unique, och batel ti Jesuse. C'ot sva'an sba ta o'lol yu'unic ti xi laj yale: —Laetuc, siquetuc avo'ntonic.

San Juan 21:1

Laj taj une, ti Jesuse laj yac' sba iluc ta stojol ti yajchanc'optac ta sti'il nab Tiberiase. C'alal laj yac' sba iluque, xi s'elan c'ot ta pasele:

San Juan 21:14

Yoxcojal xa taje ti laj yac' sba iluc ti Jesús ta stojol ti yajchanc'optac ti c'alal cha'cuxiem xae.

San Juan 7:13

Manchuc mi jech un, mu'yuc buch'u ta sjam lec ye ta yalbel sc'oplal ta scoj xi'el yu'un ti banquilaletic yu'un ti israeletique.

Hechos 1:3

Ti jech x'ech' xnel xa svocol ti Jesuse, laj yac' sba iluc ta stojol ti yajcholc'optaque, laj yac' sba iluc ti cuxule. Cha'vinic (40) c'ac'al laj yac' sba iluc ta stojolic xchi'uc laj yalilanbe sc'oplal ti ventainel yu'un ti Diose.

Romanos 15:33

Oyuc ta atojol acotolic ti j'ac'-jun-jol o'ntonal Diose. Jechuc.

1 Corintios 15:5

Laj yac' sba iluc ta stojol ti Pedroe. Laj yac' sba iluc ta stojol ti yan lajcha'vo' yajcholc'optaque.

Efesios 2:14

Yu'un ti Cristoe xi s'elan c'ot ta pasel yu'une: ja' jlamajesej c'op cu'untic ti laj slilin loq'uel ti jmacvanej moc ti ja' ta scoj ti mu lecuc ta xil sbaic ti israeletic xchi'uc ti jyanlumetique. Le' tana une, ta sventa sbec'tal stacopal Cristo, jun xa oyic ti israeletic xchi'uc ti jyanlumetique.

Efesios 6:23

Jech ti jch'unolajeletique, ac'baticuc yu'un ti Jtotic Diose xchi'uc ti Cajvaltic Jesucristoe, ti slamajemal yo'ntonique, ti syail xc'uxul yo'ntonique, ti c'otuc o ta yo'ntonic ta xch'unele.

Filipenses 1:2

Ti Jtotic Diose xchi'uc ti Cajvaltic Jesucristoe, ac'o xasc'uxubinoxuc, ac'o xayac'boxuc ti slamajemal yo'ntone.

2 Tesalonicenses 3:16

Ti Cajvaltic ti oy slamajemal yo'ntone, ac'o yac'boxuc ta atojolic ti slamajemal yo'ntone yo' jech ta xcuch avu'unic ti c'usiuc no'ox ta xc'ot ta atojolique. Ac'o xa xchi'inoxuc comel ti Cajvaltic acotolique.

Hebreos 7:2

Jech ti Abrahame laj yac'be ti jujun ta lajlajuneb ti c'u yepal laj sta ti c'alal tsalvan ta letoe. Ti biil Melquisedeque ja' smelol ta xal ti “ajvalil yu'un ti lequilale”. Ti jech ajvalil yu'un ti jteclum Saleme, ja' smelol ta xal xtoc “ajvalil yu'un ti lamajesej c'ope”.

3 Juan 1:14

yu'un jpatoj co'nton ta xital no'ox ta atojol yo' jech ta jchi'in jbatic ta lo'il.

Apocalipsis 1:4

Vu'un Juan ta jts'iba batel ti jvun ta stojol ti vuc-chop tsobobbail ti oy ta Asia banomile. Ich'beic slequilal yutsilal xchi'uc slamajemal yo'nton ti Diose, ti ja' ono'ox Dios avi tana li'e, ti ta vo'ne talele, ti oy sc'oplal ta xtale, xchi'uc ta sventa ti Ch'ul Espíritu ti oy vuctos ti stalel ti bu oy ta spas mantal ti Diose,