San Juan 20:15 - Bible in Tzotzil de Chamula

¹⁵ Xi laj sjac' ti Jesuse: —Jun me'tic, ¿c'u cha'al ta xa'oc'? ¿Buch'u ta xasa'? Xi laj yal ti Mariae, yu'un yac'touc ja' ti jchabiej-ts'unubale: —Yojtot, mi vo'ot laj apoy loq'uel sbec'tal stacopal ti Cajvale, albun ca'i bu laj avac' yo' jech ta jpoy batel.

Tzotzil Zinacantan

¹⁵ ―¿Cꞌu yuꞌun ti chaꞌoqꞌue? ¿Muchꞌu chasaꞌ? ―xꞌutat la yuꞌun ti Jesuse. Ti Maríae isnop la ti jaꞌ ti jchabiejtsꞌunubaltique. ―Totic, mi voꞌot aloqꞌues ti ánimae, albon caꞌi bu ay avacꞌ yuꞌun ta jcuch echꞌel ―xut la.

LEQUIL ACH' C'OP

¹⁵ Ijac'bat yu'un ti Jesuse: ―Ants, ¿c'u yu'un ti cha'oq'ue? ¿Much'u cha sa'? ―X'utat. Ti Maríae isnop ti ja' ti jchabiejts'unubaltique, ja' yech iyalbe chac li'i: ―Totic, mi vo'ot aloq'ues ech'ele, albon ca'i bu ay avac', yu'un chba jsa' ―xut.

Bible in Tzotzil de Chenalhó with Deuterocanon

¹⁵ Li Jesuse jech laj yalbe li Mariae: —Ants, ¿c'u yu'un cha'oc'? ¿Boch'o chasa'? —xut. Li Mariae la snop ti ja' jchabits'unubaltique, jech laj yalbe: —Tata, me vo'ot laj avich' batel sbec'tal li Cajvale, albun ca'ay bu ay avac', yu'un chbat quich' tal —xut.

Tzotzil San Andres

¹⁵ Li Jesuse jech laj yalbe: ―Yaa, ¿cꞌu chaꞌal chaꞌocꞌ? ¿Buchꞌu chasaꞌ? ―xi li Jesuse. Li Maríae la snop ti jaꞌ li jchabiej tsꞌunbaltique, jech laj yalbe: ―Totin, mi joꞌot la aloqꞌues batel li sbecꞌtal stacupal li Cajvale, albun ti bu la avaqꞌue yuꞌun ta jcuch batel ―xut.

Tzotzil de Huixtán

¹⁵ Ti Jesuse hech laj yalbe: ―Me'e, ¿c'u yu'un cha'oc'? ¿Much'u chasa'? ―xchi. Ti Maríae laj scuy ti ja' ti jchabiej'olivate'etique, hech yu'un hech laj yalbe: ―Tote, mi ho'ot laj avich'bun batel ti sbec'tal ti Cajvale, albun xca'i bu laj avac'bun yu'un chba quich' talel ―xchi.

San Juan 20:15 Iomraidhean Croise

Cantares 3:2

Va'i un, liloc' ta sa'el, laj jxani sjunul ti jteclum ta sa'el ti cuni c'upile, ta jujun beetic, xchi'uc ta yamaq'uil ti jteclume. Laj jsa'ilan ta j'ech'el, mi ja'uc oy bu laj jta.

Cantares 6:1

¿Bu bat ti snup avuni ch'ulele, ti atuc xa no'ox c'upil aba ta scotol ti antsetique? ¿Bu laj stam batel xana'? Ta xbat jchi'inotcutic talel ta sa'el.

San Mateo 12:34

Xnich'nab jti'oval chon, ¿c'usi xavut ti lec ta xavalic ti c'alal chopol ono'ox avo'ntonique? Yu'un ti c'usi ta xloc' ta aveique, ja' ti c'usi ayanem ta yut avo'ntonique.

San Mateo 28:5

Ti ánjele xi laj yalbe ti antsetique: —Mu xaxi'ic. Jna' ti ja' ta xasa'ic ti Jesús ti jipil cham ta curuse.

Marcos 16:6

—Mu xaxi'ic —xi laj yal ti jun querem vinic slapoj saquil c'u'ile—. Ti vo'oxuque ta xasa'ic ti Jesús ti Buch'u liquem talel ta Nazaret ti laj yich' jipanel ta curuse. Cha'cuxi xa. Mu'yuc xa li' oye. Q'uel avil ti bu to ox laj yaq'uique.

San Lucas 2:44

Laj snopic ti capal ech'el xchi'uc ti jxanviletique. Jun xa c'ac'al xanvilic un, lic sa'ic ta stojol ti yuts' yalalique xchi'uc ti buch'utic xojtiquinique.

San Lucas 24:5

Xi'ic ta j'ech'el. Laj snijan sbaic ta banomil. Xi albatic yu'un ti buch'ue: —¿C'u cha'al ta xasa'ic li' ta smuquinal animaetic ti Buch'u cuxul xae?

San Juan 1:38

Ti Jesuse joybij laj sq'uel ti spate, laj yil ti ta sts'acliat batele. Xi laj sjaq'ue: —¿C'usi ta xasa'ic? —Jchanubtasvanej, ¿bu nacalot? —xi laj sjaq'uic ti cha'vo'ique.

San Juan 18:4

Ja'uc ti Jesuse, ti sna'oj xa scotol ti c'usi ta xc'ot ta pasel ta stojole, bat snup ta be ti xi laj sjac'bee: —¿Buch'u ta xasa'ic?

San Juan 18:7

Xi laj xcha'jac' ti Jesuse: —¿Buch'u ta xasa'ic? Xi laj xcha'alique: —Ja' ti Jesús ta Nazarete.

San Juan 20:13

Xi laj sjaq'uic ti ánjeletique: —¿C'u cha'al ta xa'oc', jun me'tic? Xi tac'av ti Mariae: —Laj xa spoyic loq'uel sbec'tal stacopal ti Cajvale. Mu jna' bu laj yaq'uic.

1 Samuel 1:16

Mi ja'uc xc'ot ta ajol ti ja' jun chopol antsune. C'ajomal no'ox ta xic'opoj ta xiti'in ta stojol Dios ti c'u xa sjalil li' oyune, ti xyal xmuy ti co'nton yu'un ti vul o'ntonale.