San Juan 2:10 - Bible in Tzotzil de Chamula

¹⁰ ti xi laj yalbee: —Jcotoltic jech jtaleltic ti ja' ba'yel ta xcuch'tic ti lequil vinoe. C'alal mi laj xa yuch'ic ti jq'uel-q'uinetique, ts'acal ta xlic yich' uch'el ti siclojan vinoe. Ja'uc ti vo'ote ja' laj aq'uej ti bu jun yutsil meltsanbile.

Tzotzil Zinacantan

¹⁰ Ti muchꞌu scuentainoj ti veꞌlile lic yalbe ti creme: ―Li voꞌotique jtaleltic ti jaꞌ baꞌyi chcacꞌtic ta uchꞌel ti bu más lec li yaꞌlel uvae. Mi ep xaꞌox iyuchꞌique, jaꞌto chcacꞌtic ta uchꞌel ti bu siclamane. Li voꞌote jaꞌ anacꞌ li más leque, jaꞌto chavacꞌ ta uchꞌel ―xut.

LEQUIL ACH' C'OP

¹⁰ ja' yech iyalbe chac li'i: Scotol crixchano ja' ba'yi chac' ta uch'el ti bu más lec li ya'lel uvae, c'alal ep xa'ox yuch'ojique, ja' to chaq'uic ta uch'el ti bu siclamane. Pero li vo'ote anac'oj ti bu más leque, ja' to chavac' ta uch'el lavi ta slajeb xae —xut.

Bible in Tzotzil de Chenalhó with Deuterocanon

¹⁰ jech laj yalbe: —Scotol li cristianoetique ja' ba'yuc chaq'uic ta uch'el ti bu toj lec li ya'lel ts'usube. C'alal me ep xa laj yuch'ique, ja'o chaq'uic ta uch'el ti bu jutuc xa no'ox leque. Li vo'ote ja' laj anac' ti bu leque; ta slajeb xa chavac' ta uch'el —xut.

Tzotzil San Andres

¹⁰ Jech laj yalbe: ―Li joꞌotique jech jtaleltic ti jaꞌ baꞌi ta xcacꞌtic ta uchꞌel li bu más lec li yaꞌlel tsꞌusube. Cꞌalal mi ep xaꞌox laj yuchꞌique, jaꞌ to ta xcacꞌtic ta uchꞌel li bu siclamane. Li joꞌote jaꞌ la anacꞌ li bu más leque, jaꞌ to chavacꞌ ta uchꞌel ―xut.

Tzotzil de Huixtán

¹⁰ Hech laj yalbe: ―Ti yantic crixchanoetique jbael chac' ti uch'el ti lequil ya'lel sat uvate'e. Mi ep yuch'ojique, patil chac' ti ya'lel sat uvate'e mu co'oluc xchi'uc ti leque. Ho'oti aq'uejoj ti lequil ya'lele ja'to ti ora to ―xut.

San Juan 2:10 Iomraidhean Croise

Génesis 43:34

Ti c'usi ve'lilal oy ta xmexa stuc ti Josee, ja' jech ac'bat slajesic ec. Yan ti Benjamine, ja' x'ech' to ac'bat ti sve'ele, ja' mu sta ti yane. Xmuyubajic no'ox uch'ubajic xchi'uc xchi'iltac ta voq'uel ti Josee.

Salmos 104:15

X'ech' to c'u cha'al aceite xch'ulet no'ox xchacjapanil sat ti oy yipal yu'un ti lec sve'ele, ti ts'ajal no'ox ta muyubajel yu'un ti vinoe.

Cantares 5:1

Uni tseb, cuni lecom, li'och xa batel ta yavil cuni ts'unubal. Laj jtic' jc'ob ta stunesel ti cuni mirrae, xchi'uc ti uni muil poxiletic cu'une; laj xa ca'i c'u yutsil yuni pomal sc'olol c'ol ti cuni ajapome, laj xa jc'upin ta yuch'el ti cuni vinoe, xchi'uc ti cuni chu' vacaxe. Jchi'iltac ti lec xquil jbatique, ve'anic, uch'obajanic. ¡Uch'ic scotol ti c'usi xa xal ti avo'ntonique!

San Mateo 24:49

Ta xlic yilbajin ti xchi'iltac ta abtele. Ta stsob sbaic ta ve'el ta uch' vo' xchi'uc ti jyacubeletique.

San Lucas 12:45

Mi ta snop ti j'abtel taje ti jal to sc'an xtal ti yajvale, ta xlic yilbajin ti xchi'iltac ta abtele xchi'uc ti me' jtuneletique, xchotet liquel ta yacubel, ta ve'el, ta uch' vo'.

San Lucas 16:25

Xi tac'bat yu'un ti Abrahame: ‘Nich'on, vuleso ta avo'nton ti c'alal oyot to ox ta sba banomile, laj avac'be aba scotol ti c'usi ta sc'an ti avo'ntone. Ja'uc ti Lázaro li'e, toj abol sba ech' ta sba banomil. Avi tana ti stuc li'e, mu'yuc xa c'usi xal yo'nton, laj xa sta ti lequilale. Ja'uc ti vo'ote, ta xavich' avocol.

Hechos 2:15

Li'e, ma'uc yacubeletic jech c'u cha'al ta xanopique, yu'un naca to baluneb (9) ora ic'luman.

1 Corintios 11:21

C'alal ta sta xa yorail ti ve'ele, jujunoxuc ta xajelavic ta ora slajesel ti ave'elique. Ti yane sts'icoj vi'nal ta xcom avu'unic. Ti yan xtoque oy bu ta xc'ot ta pasel ta xlic yacubuc ti bu taje.

Efesios 5:18

Mu xayacubic, yu'un ti yacubele mu'yuc xa tuq'uil melolil yu'un. Ja' lec, ventainbiluc avo'ntonic yu'un ti Ch'ul Espíritue.

1 Tesalonicenses 5:7

Yu'un ti buch'u ta xvayique, ta xyacubic, ja'ic ti buch'utic oyic ta ac'ubaltique.

Apocalipsis 17:2

Yu'un ti ajvaliletic oyic ta banomile bat sjol yo'ntonic ta mulivajel xchi'uc ti antse. Jovi sjol yo'nton yu'un xtoc ti jnaclejetic ta banomil ta scoj ti ta sbolomalin sbae.”

Apocalipsis 17:6

Laj quil un ma' ti antse, yacubem xchi'uc xch'ich'eltac ti buch'utic yu'untac ti Diose, xchi'uc xch'ich'eltac ti buch'utic laj yich'ic milel ta sventa ti jamal laj yalbeic sc'oplal ti Jesuse. Ch'ayal c'ot co'nton yu'un ti jech laj quile.