San Juan 2:1 - Bible in Tzotzil de Chamula

¹ Ta yoxibal c'ac'al un, oy buch'u nupun ta jteclum Caná ti oy ta Galilea banomile. Batem ec sme' ti Jesuse.

Tzotzil Zinacantan

¹ Yoxibal xaꞌox cꞌacꞌal jcꞌotelticotic ta estado Galilea xchiꞌuc ti Jesuse, oy muchꞌu inupun ta jteclum Caná. Tey talem ta chꞌamunel ta sna jnupunel ti smeꞌ Jesuse.

LEQUIL ACH' C'OP

¹ Ta yoxibal c'ac'ale, ja'o iyu' nupunel ta jteclum caná ta yosilal Galilea. Ti sme' Jesuse tey ox uc.

Bible in Tzotzil de Chenalhó with Deuterocanon

¹ Ta yoxibal c'ac'al, la spasic q'uin nupinel ta lum Caná te ta Galilea banamil. Te oy ec li sme' Jesuse.

Tzotzil San Andres

¹ Cꞌalal yoxibal xaꞌox cꞌacꞌal jcꞌotelcutic ta Galilea balumil schiꞌuc li Jesuse, oy buchꞌu chnupun li te ta jteclum Caná li te ta Galilea balumile. Te tal sqꞌuel li qꞌuin nupunel eꞌuc li smeꞌ li Jesuse.

Tzotzil de Huixtán

¹ C'alal i'ech' xa chib c'ac'al ti laj sta ti Felipee xchi'uc ti Natanaele ti Jesuse, oy much'u chnupun te ti jun jteclum te ti estado Galilea. Caná sbi ti jteclume. Te tal sq'uel jnupunel uc ti sme' ti Jesuse.

San Juan 2:1 Iomraidhean Croise

Proverbios 18:22

Ti buch'u nupij tsaquije, laj xa sta ti mu'yuc c'usi sna'e, yu'un laj sta xc'uxubinel yu'un ti Diose.

Proverbios 19:14

Ti nae xchi'uc ti c'ulejale, ta sventa jtot jme'tic ta xich' tael, ja'uc ti bijil antse, nuptanej bu ta xlic talel yu'un ti Diose.

San Mateo 12:46

Ti Jesuse yacal to ox ta xc'opoj ta stojolal ti jnaclejetique c'alal ja' o c'ot ti sme'e, ti yits'inabtaque. C'alal c'otique, comic ta pana. Ta sc'an ta sc'opon ya'iic ti Jesuse.

San Juan 1:29

Ta yoc'omal un, laj yil ti Juan ti ta xnopaj talel ti Jesús ta stojol ti xi laj yale: —Q'uelo avilic le'e, ja' ti xch'iom chij Dios ti ta xch'aybe smul scolo' ti jnaclejetic ta banomile.

San Juan 1:35

Ti ta yoc'omale, xchi'inoj sbaic xchi'uc cha'vo' yajchanc'optac ti Juane.

San Juan 1:43

Ti ta yoc'omale, laj snop ta xbat ta Galilea banomil ti Jesuse. Laj snup ta be ti Felipee, xi laj yalbee: —Chi'inun, batic.

San Juan 2:11

Ja' sliquebal to ti va'i s'elan laj spas ti Jesús ta jteclum Caná ti oy ta Galileae, ti laj yac' iluc senyail ti oy c'usi ch'ayal c'ot o'ntonal yu'un ta sventa ti slequil yutsilale, ti ich'bil ta muc' ic'ot yu'un ti yajchanc'optaque.

San Juan 21:2

Jmoj tsobolic xchi'uc Simón Pedro ti Tomas sbiinoj vach yu'unique, ti Natanael liquem talel ta jteclum Caná ti oy ta Galileae, ti cha'vo' xnich'nab Zebedeoe, xchi'uc yan cha'vo' yajchanc'op ti Jesuse.

San Juan 4:46

Ti Jesuse sut batel ta jteclum Caná ti oy ta Galilea ti bu laj sjoybin ta vino ti vo'e. Ti bu taje, oy jun yaj'abtel ajvalil ti tsots yabtel yich'oje, ti ip ta xa'i ti xnich'on oy ta Capernaume.

Hebreos 13:4

Tsotsuc sc'oplal, ich'ic ta muc' acotolic sc'oplal ti nuplej ts'aclijele, ti junuc avo'ntonic yu'une. Yu'un ti buch'u ta xmulivaje, xchi'uc ti jlo'laej jolile, ta staic xchapanel yu'un ti Diose.

Josué 19:28

Ti xcaltic une, ech' stsac ta yu'ninel ti Abdone, ti Rehobe, ti Hamone, xchi'uc ti Canae, ti c'ot c'alal to jteclum Sidone.