San Juan 19:40 - Bible in Tzotzil de Chamula

⁴⁰ Ti Josee xchi'uc ti Nicodemoe laj spoyic batel sbec'tal ti Jesuse, xchi'uc laj slilinic ta sba manta ti muil momoletique. Laj xpixic ta manta sbec'tal ti Jesuse jech c'u cha'al stalelic ta smuc sbaic ti israeletique.

Tzotzil Zinacantan

⁴⁰ Iscꞌamulanic ta saquil pocꞌ ti ánima Jesuse. Tey capal iscꞌamic ti mirrae xchiꞌuc ti aloee, jaꞌ yoꞌ mu xtuib oe. Yuꞌun jaꞌ yech jtalelticotic ti cꞌalal ta jmuc jbaticotic voꞌoticotic li juriooticotique.

LEQUIL ACH' C'OP

⁴⁰ Ti Josee xchi'uc ti Nicodemoe iyic'beic ech'el sbec'tal stacupal ti Jesuse, isc'amulanic ta saquil poc', tey capal isc'amic ti mirrae xchi'uc ti aloee, yu'un ja' yech stalelic ti c'alal tsmuc sbaic li jurioetique.

Bible in Tzotzil de Chenalhó with Deuterocanon

⁴⁰ Jech laj yich'beic batel li sbec'tale; la xpixic lec ta saquil manta. Te capal la xpixic li muil poxiletique, yu'un ja' jech stalel ta smuc sbaic li judioetique.

Tzotzil San Andres

⁴⁰ La spixic lec ta saquil pocꞌ li Jesuse. Te capal la spixic comel li chaꞌchop muil vomoletique ti yoꞌ mu xtuib oe. Yuꞌun jech onoꞌox jtalelcutic li cꞌalal ta jmuc jbacutic, joꞌoncutic li jꞌisraeluncutique.

Tzotzil de Huixtán

⁴⁰ Laj yich'beic batel ti stacopal ti Jesuse. Laj sbech'ic batel ti saquil poc'. Te laj stic'beic batel uc ti mirrae xchi'uc ti aloetique yu'un hech mu xvinaj yic'. Ja' jtaleltutic ti jmuc jbatutic, ho'ontutic ti judiountutique.

San Juan 19:40 Iomraidhean Croise

Génesis 50:2

Ts'acal to un, laj yalbe mantal ti jpoxtavanejetic ta xtunic ta stojole, ac'o yac'beic muil poxiletic yo' jech mu soc sbec'tal ti Israel ti ja' stote. Ja' jech laj yich' pasel xtoc.

2 Crónicas 16:14

Laj smuquic ta Steclumal David, ti laj yal mantal ti meltsanbatuc ti smuquinal ti bu taje. Laj yaq'uic ta stuts'leb ti putsul ta muil poxiletique, xchi'uc ti c'usitic oy smuil ti chapanbil lec ta j'ech'ele. Ta jech yepal un, lic stsanic jun muc' ta c'oc jech c'u cha'al na'bil yu'unique.

San Mateo 26:12

Ti vi s'elan laj spas ti ants ti laj scocan ti muil poxil ta jbec'tal ta jtac'opale, ja' sventa jmucobbail.

Marcos 14:8

Ti ants li'e laj xa spas ti c'usi xu' yu'une. Laj xa smuibtasbun ti jbec'tal sventa yo' ta xquich' muquel.

San Lucas 24:12

Manchuc mi jech un, ti Pedroe bat ta anil c'alal to muquinal. Ti c'alal laj sq'uel ochele, c'ajomal no'ox laj yil ti saquil poq'ue. Elom no'ox ta xa'i ti c'alal sut batel ta nae.

San Juan 11:44

Ti animae, ts'otol ta poc' yoc sc'ob loc' talel, xchi'uc pixil ta poc' ti sate. Ti Jesuse xi laj yale: —Jitunic ti sts'ote, ac'o batuc.

San Juan 12:7

—Ch'an uto ti antse, yu'un scaj-nac'oj sventa ti jmucobbaile.

Hechos 5:6

Va'i un, talic jun chib jva'lej viniquetic. Laj xpixic ta poc' sbec'tal stacopal ti animae. Bat smuquic.