San Juan 19:4 - Bible in Tzotzil de Chamula

⁴ Xi laj yal ti Pilato ti cha'loc' talel ti bu oye: —A'yio ava'iic, laj quic' tal ti vinic ti ta jva'an ta atojolic yo' jech ta xava'iic ti mu jutebuc laj jtabe ti smule.

Tzotzil Zinacantan

⁴ Ilocꞌ noxtoc ti Pilatoe. ―Yoꞌ xavilic o ti muc bu ijtabe smule, chquicꞌ loqꞌuel tal ―xut ti jchiꞌiltaque.

LEQUIL ACH' C'OP

⁴ Q'uelavilic, li' chquic' loq'uel tale ja yo' xavilic o ti muc' bu ijtabe smule, ―x'utatic.

Bible in Tzotzil de Chenalhó with Deuterocanon

⁴ Li Pilatoe iloc' tal yan velta, jech laj yal: —A'yo ava'yic, li' chquic' loq'uel tal ta atojolic yu'un jech chana'ic o ti me jutuc mu'yuc la jtabe smule —xi.

Tzotzil San Andres

⁴ Ilocꞌ nojtoc li Pilatoe. Jech laj yalbe li jchiꞌiltacutic ta israelale: ―Qꞌuelavilic, ta xquicꞌ loqꞌuel talel liꞌ ta atojolique yoꞌ jech chanaꞌic o ti muc bu jtabe smule ―xi.

Tzotzil de Huixtán

⁴ Yan vuelta iloc' talel ti Pilatoe. Hech laj yalbe ti jchi'iltaque: ―Q'uelo avil chquic' loq'uel tal ti jva'an ti atojolic yu'un chana'ic ti mu jtabe smul ―xchi.

San Juan 19:4 Iomraidhean Croise

San Mateo 27:19

C'alal chotol ti ajvalil ti bu ta xchapanvane, laj stac talel mantal ti yajnil ti xi laj yale: “Mu xatic' aba ta smilel ti jun lequil vinic le'e. Ech'em chopol livaichinaj ta ac'ubaltic ta sventa ti vinique.”

San Mateo 27:24

C'alal laj yil ti Pilato ti mu'yuc c'usi stac' spase, ti c'ajomal xvochlajetic ta jmeque, laj stac ta c'anel jun boch vo' yo' ta spoc sc'ob ta sba satic ti c'u yepal tsobolique, ti xi laj yale: —Ma'uc cajal ta xcom ta jba ti ta xcham ti vinic li'e. Cajluc ta xcom ta abaic.

San Mateo 27:4

ti xi c'ot yale: —Laj xa jta jmul, yu'un laj xa cac' ta c'abal jun vinic ti ch'abal smule. —¿C'usi jventacutic? ja' aventa atuc —xi tac'bate.

San Mateo 27:54

Ti banquilal soldadoe xchi'uc ti soldadoetic ta xchabiic ti Jesuse, c'alal laj yilic inic ti banomile, ti xi'bal sba c'usitic c'ot ta pasele, xi'ic ta j'ech'el ti xi laj yalique: —Melel, ti vinic li'e ja' Xnich'on Dios.

San Lucas 23:4

Xi laj yal ti Pilato ta stojol ti banquilal paleetique, xchi'uc ti c'u yepal vololic, xchi'uc ti xchi'iltaque: —Mu jtabe jutebuc smul ti vinic li'e yo' xu' ta xcac'be stoj.

San Lucas 23:41

Ti vo'otique ja' xijtun o ta xquich' ti jvocoltic li'e, yu'un ta jtojtic ti c'usi laj jpastique. Ti vinic li'e mu'yuc c'usi chopol spasoj.

San Lucas 23:47

C'alal laj yil ti banquilal jpas-mantal soldado romanoetic ti jech ic'ot ta pasele, lequil c'opoj ta stojol ti Dios ti xi laj yale: —Ta melel, ti vinic li'e ch'abal ti smule.

San Juan 18:33

Ti Pilatoe cha'och batel ta chapanobbail, laj yic' ochel ti Jesuse, ti xi laj sjac'bee: —¿Mi vo'ot ajvalilot yu'un ti israeletique?

San Juan 18:38

Xi laj stac' ti Pilatoe: —¿C'usi ti ja' melele? C'alal jech laj sjaq'ue, loc' batel ti Pilato ta sc'oponel ti israeletique, ti xi laj sjam ta alele: —Mu jutebuc laj jtabe smul ti vinic li'e.

San Juan 19:6

Xi avanic ti banquilal paleetique xchi'uc ti mayoletic ti c'alal laj yilique: —¡Jipano ta curus! ¡Jipano ta curus! Xi laj yal ti Pilatoe: —Ba jipanic ta curus ti vo'oxuque, yu'un mu jtabe jutebuc smul ti vinic li'e.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Hebreos 7:26

Ti Jesús taje, ja' ti tsots sc'oplal ta xtun cu'untic ta Banquilal Palee, yu'un ja' jun ch'ul vinic. Mu'yuc c'usi chopol laj spas. Mu xco'olaj yo'nton jech c'u cha'al ti jsa'muliletique, yu'un x'ech' to cajal sc'oplal ta vinajel.

1 Pedro 1:19

Yu'un ja' ta sventa ta yutsil xch'ul ch'ich'el ti Cristo ti laj yich' aq'uel ta matanal jech c'u cha'al jcot uni chij ti mu'yuc yic'obale, ti mu'yuc jutebuc xchopolale.

1 Pedro 2:22

Ti Cristoe, mi jutebuc laj sta ti smule, mi ja'uc oy buch'u laj slo'la.

1 Pedro 3:18

Yu'un ti Cristoe jcoj no'ox laj yich' svocol ta milel ta scoj ti jmultique. Manchuc mi ch'abal ti smule, laj ono'ox yich' svocol ta scoj jchopolaltic yo' jech ta xijyic'otic batel ta stojol ti Diose. Ta sventa ti oy sbec'tale, cham. Ja'uc le'e, c'alal cha'cuxie, cha'cuxi ta sventa ti Ch'ul Espíritue.

1 Juan 3:5

Ti vo'oxuque ana'ojic xa lec ti tal ta banomil ti Jesucristoe yo' jech tal stub xch'ay ti mulile, ac'o mi mu'yuc smul ti stuque.