San Juan 19:39 - Bible in Tzotzil de Chamula

³⁹ Tal ec ti Nicodemoe, ti buch'u ay sc'opon ta ac'ubaltic ti Jesuse, yich'oj talel nopol lajuneb xcha'vinic (30) kilo muil momoletic ti capal ta mirra xchi'uc yan muil pox ti áloe sbie.

Tzotzil Zinacantan

³⁹ Ital ti Nicodemo uque, jaꞌ ti ay loꞌilajuc ta acꞌubaltic xchiꞌuc ti Jesuse. Yichꞌoj tal chaꞌtos xuchꞌal teꞌ, pero mu. Jaꞌ li mirrae xchiꞌuc li aloee. Oy nan treinta kilouc yalal.

LEQUIL ACH' C'OP

³⁹ Ital ti Nicodemo uque, ja' ti ay lo'ilajuc ta ac'ubaltic xchi'uc ti Jesuse, yich'oj c'otel perfume meltsanbil ta mirra xchi'uc ta aloe oy nan (30) kilouc yalal.

Bible in Tzotzil de Chenalhó with Deuterocanon

³⁹ Te ital ec li Nicodemoe, ja' li boch'o ay sc'opan ta ac'ubaltic li Jesuse. Yich'oj tal muil poxil, ja' mirra capal ta áloe. Ech'em ta lajuneb xcha'vinic (30) kilo yalal.

Tzotzil San Andres

³⁹ Te ital eꞌuc li Nicodemoe, jaꞌ li buchꞌu a scꞌopon ta acꞌubal li Jesuse. Yichꞌoj talel chaꞌchop muil vomoletic, oy nan lajunebuc schaꞌvinic (30) kilo yalal.

Tzotzil de Huixtán

³⁹ Ital uc ti Nicodemoe, ja' ti a sc'opon ti Jesuse ti ac'ubaltic. Laj yich' tal poxil mirra sbi capal ti aloetic. Oy van lajuneb xcha'vinic kilo yalal.

San Juan 19:39 Iomraidhean Croise

Génesis 50:2

Ts'acal to un, laj yalbe mantal ti jpoxtavanejetic ta xtunic ta stojole, ac'o yac'beic muil poxiletic yo' jech mu soc sbec'tal ti Israel ti ja' stote. Ja' jech laj yich' pasel xtoc.

2 Crónicas 16:14

Laj smuquic ta Steclumal David, ti laj yal mantal ti meltsanbatuc ti smuquinal ti bu taje. Laj yaq'uic ta stuts'leb ti putsul ta muil poxiletique, xchi'uc ti c'usitic oy smuil ti chapanbil lec ta j'ech'ele. Ta jech yepal un, lic stsanic jun muc' ta c'oc jech c'u cha'al na'bil yu'unique.

Salmos 45:8

Sjunul ti ac'u'e yich'oj muil poxiletic, jchop o ta muil poxil ti sbiinoj aloe, ti mirrae xchi'uc ti canelae; ta xac' smuyubajel avo'nton ti xlomet no'ox ta stijic vob ta ana ti bu pasob mantaletic avu'un ti pac'bil ta saquil baxtone.

Proverbios 7:17

Xmuet ta muil poxil, ta smuil ti xuch'al te'e, ta smuil ti canelae.

Cantares 1:13

Ti snup cuni ch'ulele, co'ol s'elan jchuc uni muil nichim ti q'uechel xa ta sti' co'ntone.

Cantares 4:14

ti nardoetique xchi'uc ti azafrane, ti jchop o ta muil vale'e, xchi'uc ti canelae, ti ep ta tos te'el pometique, ti mirrae, xchi'uc ti áloe, scotol xpaq'uet no'ox smuil ti c'usitic ep ta tos taje.

Cantares 4:6

Sc'an to sacub talel ti osile, yo' to ac'ubaltic, ta xibat ta vits ti bu xpaq'uet smuil ti mirrae, ta stselejtic ti bu xpaq'uet smuil ti pome.

San Mateo 12:20

Ma'uc tal yac'be xchi'il ti aj bu c'asem xae. Ma'uc tal stub ti cantil ti ta xa xtub ya'ie ja' to mi c'ot ta pasel ti utsilal lequilal yu'une.

San Mateo 19:30

Oy ep ti buch'utic ich'bilic ta muc' avi li'e, ja' no'ox un, mu'yuc ich'biluc ta muc' ta xc'otic. Ep ti buch'utic mu'yuc ich'biluc ta muc' avi li'e, ja' ich'bilic ta muc' ta xc'otic.

San Mateo 2:11

Ochic batel ta na un, laj yilic ti olole xchi'uc ti sme'e, ja' ti Mariae. Laj squejan sbaic, laj yich'ic ta muc'. Lic sjam ti xcaxaique, laj yac'beic smoton, naca oro, pom, xchi'uc momol ti mirra sbie.

Marcos 16:1

C'alal ech' xa sc'ac'alil ti cuxob o'ntonale, ti María Magdalenae, ti Salomee xchi'uc ti María sme' ti Jacoboe, lic smanic muil poxil yo' chba smalbeic ta sbec'tal stacopal ti Jesuse.

San Juan 12:3

Ti Mariae laj yich' talel o'lol litro muil poxil naca nardo, ti tojol stojol ta j'ech'ele. Laj sq'uebbe ta sba yoc ti Jesús ta smuibtasele. Ts'acal to un, ta stsotsil sjol laj staquintasbe ti yoque. Sjunul yut na xpaq'uet ti smuile.

San Juan 12:7

—Ch'an uto ti antse, yu'un scaj-nac'oj sventa ti jmucobbaile.