San Juan 19:13 - Bible in Tzotzil de Chamula

¹³ C'alal jech laj ya'i ti Pilatoe, laj yal mantal ac'o yich' sloq'uesel batel ti Jesús ti bu oye. Bat chotluc ta chapanobbail ti Gabatá sbi ta hebreo c'ope, ti ja' ta xac' ta na'el smelol Pacbil tone.

Tzotzil Zinacantan

¹³ Cꞌalal iyaꞌi ti Pilatoe ti cꞌusi iyal ti jchiꞌiltaque, iyal ti acꞌu yiqꞌuel loqꞌuel ta pana ti Jesuse. Li tiꞌnae pasbil ta cemento. Tey pasbil ta cemento xchotleb ta oꞌlol tiꞌna ti coviernoe. Jaꞌo tey chba chotluc cꞌalal chal cꞌu xꞌelan chcom scꞌoplal ti muchꞌu tsmeltsanbe scꞌoplale. Gabata sbi ta ebreo cꞌope. Tey ba chotluc ti Pilatoe.

LEQUIL ACH' C'OP

¹³ C'alal iya'i yech ti Pilatoe, iyal ti ac'u iq'ueuc loq'uel ti Jesuse, ja' o ichoti yo' bu tsmeltsan c'ope, ja' bu Gabatá sbi ta ebreo c'ope, pac'bil ton xi smelol.

Bible in Tzotzil de Chenalhó with Deuterocanon

¹³ C'alal laj ya'ay jech li Pilatoe, laj yic' loq'uel tal li Jesuse, bat chotluc yo' bu chchapanvan. Ja' Gabatá sbi ta hebreo c'op; ja' latsbil ton, xi smelol.

Tzotzil San Andres

¹³ Cꞌalal iyaꞌi Pilato li cꞌusi laj yalic li jchiꞌiltaque, laj yal mantal ti acꞌo yiqꞌuic loqꞌuel ta amacꞌ li Jesuse. Li amaqꞌue pasbil ta ton. Te pasbil lec schotleb ta ton te ta oꞌlol yamacꞌ li gobernadore. Jaꞌ te chba chotluc cꞌalal ta xal ti cꞌu sba ta xcom scꞌoplal li buchꞌu ta smeltsanbe scꞌoplale. Jaꞌ Gabata sbi ta jcꞌopcutic. Li Pilatoe te ba chotluc.

Tzotzil de Huixtán

¹³ Hech yu'un ti Pilatoe c'alal laj ya'ibe sc'op ti jchi'iltaque, hech yu'un laj yal mantal ti ac'o ic'atuc loq'uel tal ti amac' ti Jesuse. Oy pasbil snacleb ti gobernadore te ti o'lol amac', pasbil ti ton. Te chal ti c'u che'el chchapanat ti much'utic chich' chapanel yu'une. Ja' Gabata sbi ti hebreo c'op ti bu chnaquie. Hech yu'un te ba nacluc ti Pilatoe.

San Juan 19:13 Iomraidhean Croise

Proverbios 29:25

Ti xi'el yu'un ti viniquetique, muc'ul tsalel ta j'ech'el; ti buch'u spatoj yo'nton ta stojol ti Dios une, chabibil lec.

Eclesiastés 5:8

Mu ch'ayaluc xc'ot avo'nton yu'un mi ta xavil jun muc' ta lum ilbajinbilic ti me'un mu'nate, ti mu xa xich'ic ta muc' ti lequil tuq'uil chapanele, xchi'uc ti oy c'usi tsots sc'oplal sc'an xich' pasele. Yu'un ti buch'u cajal yabtel yich'oje, ta xmucbat smul yu'un ti xjelav to cajal yabtel yich'oje. Xchibalic un ta xmucbat smul yu'un ti buch'u spajeb xa tsots yabtel yich'oje.

Isaías 57:11

“¿Buch'u xcal ti diosetic ti laxi' yu'une, ti laj avich' ta muq'ue, ti yanij ajol ta jtojol yu'une, ti j'ech'el laj ach'ayun ta avo'nton xchi'uque? C'alal mu'yuc xa quich'el ta muc' avu'une, ts'ijilun xa no'ox, co'nton xa no'ox sna'.

Jeremías 38:19

Ti Sedequiase xi laj staq'ue: “Oy xi'el ta xca'i yu'unic ti judíoetic ti jelavemic xa batel ta stojol ti caldeoetique. Mi li'och ta c'abal yu'unique, na'tic c'u j'elan ta xibat yu'unic.”

Amós 4:7

Ja' jech xtoc laj jpas ti mu'yuc xtal oxib (3) u ti vo'e, ti c'alal ja' o xa yorail ta xich' ts'unel ti ts'unubale. Ja'uc ti ta yan jteclume, laj cac' taluc vo'. Ti ta yan jteclume, mu'yuc xcac' taluc vo'. Ti ta yan osil banomile, laj cac' taluc vo'. Ti ta yan osil banomile, mu'yuc xcac' taluc ti vo'e.

San Mateo 27:19

C'alal chotol ti ajvalil ti bu ta xchapanvane, laj stac talel mantal ti yajnil ti xi laj yale: “Mu xatic' aba ta smilel ti jun lequil vinic le'e. Ech'em chopol livaichinaj ta ac'ubaltic ta sventa ti vinique.”

San Lucas 12:5

Ta xcalboxuc ava'iic, xi s'elan ma' ti buch'u sc'an xi'taele: Oy Buch'u yich'oj yabtel ta stacoxuc batel ta tojob mulil c'alal mi laj xa stub ti acuxlejalique. Le'e, ja' xi'anic yu'un.

San Juan 19:17

Ti Jesuse loc' batel, xcuchoj batel ta snequeb ti scurusal yo' ta xbat bu oy ti Baquil Jolil sbie, ti ja' Gólgota sbi ta hebreo c'ope.

San Juan 19:20

Yepal israeletic laj sq'uelic c'u s'elan ta xal ti letrae, yu'un ti bu laj sjipanic ta curus ti Jesuse, nopol no'ox xil ti jteclume. Ti letrae ts'ibabil ta hebreo, ta latín, xchi'uc ta griego c'op.

San Juan 19:8

C'alal jech laj ya'ie, ti Pilato x'ech' to och xi'el ta yo'nton.

San Juan 5:2

Ti ta jteclum Jerusalene, nopol ta sts'el ti'na ti sbiinoj Chijetique, oy jun yavil sts'anleb vo' ti Betesda sbi ta hebreo c'ope, ti yich'oj vo'ob scot-cotil scoriolal ti nae.

Hechos 4:19

Xi laj staq'uic ti Pedroe, ti Juane: —Jchi'iltac, nopo ava'iic lec, ¿mi ja' lec ta xil ta sba ta sat ti Diose ti ta jch'uncutic ti amantalique ti ja' mu jch'unbecutic smantal ti Diose?