San Juan 19:11 - Bible in Tzotzil de Chamula

¹¹ Xi laj stac' ti Jesuse: —Mu'yuc c'usi xu' avu'un ta jtojol ti manchuc laj yac'bot avabtel ti Diose. Ja'uc ti buch'u tal yac'un ta avoc ac'obe, ech'em smulic, ja' mu sta ti vo'ote.

Tzotzil Zinacantan

¹¹ ―Mu cꞌu xuꞌ xachaꞌleon; jaꞌ noꞌox ti cꞌusi chacꞌ apas ti Riox ta vinajele yuꞌun jaꞌ layacꞌbe lavabtele. Li voꞌote jutuc amul. Jaꞌ más tsots smul li totil palee ti liyicꞌ tale ―xi ti Jesuse.

LEQUIL ACH' C'OP

¹¹ Itac'av ti Jesuse: —Mu c'u xu' xacha'leon ti manchuc yac'ojbot permiso ti Rioxe; yech'o un, li much'u li yac' entrucal ta atojole, ja' más tsots smul chac c'ucha'al li vo'ote ―x'utat.

Bible in Tzotzil de Chenalhó with Deuterocanon

¹¹ Itac'ov li Jesuse: —Ti manchuc ac'bilot tal avabtel ta toyole, mu'yuc c'usi xu' avu'un chapasbun ti jechuque. Ja' yu'un li boch'o laj yaq'uicun ta ac'obe ja' toj ech'em smulic —xut.

Tzotzil San Andres

¹¹ Itacꞌav li Jesuse: ―Mu cꞌusi xuꞌ chapasbun, jaꞌ noꞌox li cꞌusi chacꞌ apas li Dios ta vinajele yuꞌun jaꞌ yacꞌojbot avabtel. Li joꞌote mu másuc amul. Jaꞌ más ep smul li banquilal pale ti laj yacꞌun ta acꞌobe ―xut.

Tzotzil de Huixtán

¹¹ Hech itac'av ti Jesuse: ―Ti manchuc yac'ojbot avabtel ti Diose ti te oy ti vinajele, mu'yuc avabtel ti jtojol. Hech yu'un ja' más tsots smulic ti totiletic ti laj yac'ucun ti ac'obe ―xchi.

San Juan 19:11 Iomraidhean Croise

1 Crónicas 29:11

¡C'otem ta aventa, Dios, ti amuc'ul atsatsale, ti avutsilal alequilale! C'otem ta aventa, Dios, ti abainoj scotole, ti c'otemot ta Ajvalilot yu'un scotole. Yu'un scotol ti c'usi oy ta vinajele, ti ta banomile, c'otem ta avu'un. C'otem ta aventa ti ventainele, ti vo'ot cha'e, Dios, cajal c'otemot yu'un scotol.

Salmos 39:9

“Co'ol s'elan uma' laj jpas jba, mu'yuc c'usi loc' ta que ta jti', yu'un yacalot ta spasel ti c'usi lec ta xavile.

Salmos 62:11

Oy bu xi laj yalilan Dios ti c'opoj talel laj ca'ie: ti muc'ul tsatsalile, ti syail xc'uxul o'ntonale, liquem talel ta stojol ti Diose, xchi'uc jujun ta stojbe ti c'u s'elan laj xa spasique.

Lamentaciones 3:37

C'alal oy c'usi sc'oplal ta x'ale, c'alal oy c'usi ta xc'ot ta pasele, yu'un laj yac' ye sti' ti Diose.

Daniel 4:17

Yu'un ti jchabivanej ch'ul ánjeletique, loc' mantal yu'unic ti ac'o ya'i ti va'i s'elan ta xc'ot ta stojol taje. Ja' to jech ta sna'ic scotol jnaclejetic ti oy smuc'ul stsatsal ta spas mantal ta stojol ajvaliletic ti Dios ti oy ta toyole. Yu'un ti stuque xu' ta stic' ta ajvalil ti buch'u xc'ot o ta xile. Xu' ta xc'ot ta jun banquilal jpas-mantal yu'un ta jun muc' ta lum ti buch'u biq'uit ta xac' sbae, ti mu xco'olaj jech c'u cha'al ti yan viniquetique.’

Daniel 4:25

Taj une, Jcuch abtel, ta xc'ot ta pasel ti ch'acal ta xacom xchi'uc ti jnaclejetique, ti xbat capetan xchi'uc ti chon bolometique. Ta xalo' jobel jech c'u cha'al ti vacaxetique. T'iniluc apat ta xalaj ta job ac'ubal. Ja' jech acuxlej ta xc'ot ta atojol vucub jabil taje, Jcuch abtel, ja' to ti mi laj ana' lec ti oy smuc'ul stsatsal ti ta spas mantal ta stojol scotol ajvaliletic ti Dios ti oy ta toyole. Yu'un ja' ta xac' ochuc ta banquilal jpas-mantal ti buch'u ta sc'an ta xac' ochuque.

Daniel 4:32

Taje, ja' xa c'ot ta atojol ti ch'acbil ta xaloc' ta stojol ti achi'iltaque. Ja' xa ta xbat capetan xchi'uc ti chon bolometique. Yu'un vucub jabil sjalil ta xalo' jobel jech c'u cha'al ti vacaxetique, ja' to ti mi lic ana' ti ja' no'ox stuc oy smuc'ul stsatsal ta spas mantal ta scotol muc'tiquil lumetic ta sbejel banomil ti Dios ti oy ta toyole, ti ja' yabtel stuc ti ta stic' ta ajvalil ti buch'u lec ta xile.”

Daniel 4:35

Yu'un ta sba ta sat ti stuque, mu'yuc c'usi xu' yu'unic ta xil scotol ti jnaclejetic ta banomile. Yu'un ja' ta xc'ot ta pasel yu'un ti c'usi snopoj stuque. Ja' ta spas mantal ta vinajel xchi'uc li' ta banomile. Mi junuc ti oy buch'u xu' yu'un ta spajesel ti c'usi oy ta yoc ta sc'ob ta spasele. Mi ja'uc oy buch'u xu' ta sjac'be ti c'u yu'un jech ta snop ta spasel ti c'ot ta nopel yu'un jech c'u cha'al le'e.

Daniel 5:21

Laj yich' ch'aquel loq'uel ta stojol ti jnaclejetique. Lic joybijuc jech c'u cha'al stalel ti chon bolometique. Ja' lic capetuc xchi'uc ti bu xlamet ti te'tical burroetique. Lic slo' jobel jech c'u cha'al ti vacaxetique. Xt'inet spat ta x'ech' yu'un ti job ac'ubale, ja' to ti c'uxi lic sna' ti oy smuc'ul stsatsal ta spas mantal ta stojol scotol ajvaliletic ti Dios ti oy ta toyole, ti ja' ta stojobtas ti ajvalil ti mi jech ta sc'an ta spas ta stojole.

San Mateo 26:65

Va'i un, ti banquilal palee lic xch'i' ta jatel ti sc'u'e, svinajeb ti toj chopol laj ya'ie, xi laj yale: —Ti vinic li'e, laj xa xchopol-c'opta ti Diose. Mu xa tsotsuc sc'oplal ta jc'antic yan rextico. Laj xa ava'iic ti toj chopol ta xc'opoje.

San Mateo 27:2

Jech o xal chucul sc'ob yic'ojic batel ti Jesuse ta stojol ti ajvalil Poncio Pilatoe.

San Mateo 6:13

Mu xavac'uncutic ta lajeltsael, pojuncutic ta yoc ta sc'ob ti pucuje. Yu'un jelavem amuc'ul, oy alequilal, ta xapas mantal sbatel osil. Jechuc.’

Marcos 14:44

Xi ono'ox laj scaj-vinajes ti j'ac'vanej ta c'abal Judase: —Ti buch'u ta xc'ot jbuts' ta xavilique, ja' me un. Tsaquic, chuquic.

San Lucas 22:53

C'alal tey to ox oyun ta atojolic jujun c'ac'al ta ch'ulnae, mi ja'uc jutebuc laj atsaquicun. Ja'uc le' une, ja' xa c'ot yorail ti pasbiloxuc ta mantal yu'un ti buch'u sventainoj ti ic'al osile.

San Juan 18:13

Yic'ojic batel ba'yel ta sna ti Anase, yu'un ja' smuni' ti Caifase, ti ja' o tiq'uil ta banquilal pale ti jech jabil taje.

San Juan 18:3

Ti Judase xvolet c'otel xchi'uc soldadoetic xchi'uc mayoletic yu'un ti ch'ulnae, ti ja' tacbilic batel yu'un ti banquilal paleetique xchi'uc ti fariseoetique. Chapalic batel xchi'uc yabtejebic, xchi'uc yinternoic, xchi'uc stojic.

San Juan 19:10

Xi laj yal ti Pilatoe: —¿C'u cha'al mu xatac'bune? ¿Mi mu xana' ti oy cabtel xu' ta jipanot ta curuse, xchi'uc ti ja' cabtel ta spojelote?

San Juan 3:27

Xi laj stac' ti Juane: —Mu'yuc c'usi xu' yu'un jun vinic mi ma'uc ac'bil yabtel yu'un ti Diose.

San Juan 7:30

Va'i un, sc'an xa ox ta stsaquic ya'iic. Mu'yuc buch'u junucal laj stic' sba mi junuc, yu'un mu'yuc to ta xc'ot yorail.

San Juan 9:41

Xi laj stac' ti Jesuse: —Ati yu'unuc ma'satucoxuque, mu'yuc amulic ti jechuque. Ja'uc le' une, ta scoj ta xavalic ti xavilic ti osile, oy amulic.

Hechos 2:23

Ac'o mi jech un, c'alal la'ac'batic ta avoc ta ac'obique, achucojic batel yo' laj avaq'uic ta milel ta curus jmoj xchi'uc ti viniquetic ti mu'yuc xch'ulel xa'i sbaique. Ja' ic'ot ta pasel c'u s'elan snopoj st'ujoj ono'ox ti Diose.

Hechos 3:13

Ti Dios yu'un ti Abrahame, yu'un ti Isaaque, yu'un ti Jacobe, yu'un ti jmolmuc'totique, ja' laj scoles. Yu'un laj yac' ta ich'el ta muc' ti Jesús ti ja' yajtunele, ti Buch'u laj avaq'uic ta yoc ta sc'ob ti jchapanvanejetique, ti mu'yuc xavich'ic ta muc' ti ta ox scolta batel ti Pilatoe.

Hechos 4:28

Ti jech taje, ja' c'ot ta pasel yu'unic scotol jech c'u cha'al nopbil avu'un ta xc'ot ta pasele.

Romanos 11:36

Yu'un scotol ti c'usitic oye, ta xlic talel ta stojol ti Diose, ja' pasbil yu'un yo' ta xtun yu'un. ¡Vinajuc slequilal sbatel osil ti Diose! Jechuc.

Romanos 13:1

Acotolicuc, ch'unbeic ich'beic ta muc' smantal ti Jcuch-abtel ajvaliletique. Ti jech oy ti ajvaliletique, va'anbilic yu'un ti Diose, yu'un ja' ac'bil yabtelic yu'un ti Diose.

Santiago 1:17

Scotol ti c'usitic oy slequil yutsile, ti c'usi oy stuq'uil ta xij'ac'bate, ta xlic talel ta vinajel bu oy ti Diose, ti Buch'u laj smeltsan ti c'usitic ta xac' xojobal ti oy ta vinajele. Yu'un ti Diose staoj o yav ti c'u s'elane, mu syanijes sba, yu'un mu'yuc ta stojolal ti c'usi chopole.

Santiago 4:17

Ti buch'u sna' spasel ti c'usi leque, ti mu ja'uc ta spase, laj xa sta smul xchi'uc.