San Juan 18:8 - Bible in Tzotzil de Chamula

⁸ Xi laj xcha'al ti Jesuse: —Laj xa calboxuc ava'iic ti vu'unune. Mi vu'un ta xasa'icune, ch'an utic ti jchi'iltaque, ac'o baticuc.

Tzotzil Zinacantan

⁸ ―Lacalbeic xa ti voꞌone. Mi jtuc noꞌox chasaꞌicone, acꞌu baticuc li jchiꞌiltac liꞌi ―xꞌutatic yuꞌun ti Jesuse.

LEQUIL ACH' C'OP

⁸ I'albatic noxtoc yu'un ti Jesuse: —La calbeic xa ti vo'one. Ti mi vo'on cha sa'icone, ac'u batuc li jchi'iltac li'i mu me c'u xavalbeic. ―X'utatic yu'un ti Jesuse.

Bible in Tzotzil de Chenalhó with Deuterocanon

⁸ Itac'ov li Jesuse: —Laj xa calboxuc ava'yic ti vu'une. Me vu'un no'ox chasa'icune, aq'uic batuc li jchi'iltac li'i —xut.

Tzotzil San Andres

⁸ Itacꞌav li Jesuse: ―Laj calboxuc xa ti joꞌon li liꞌ oyune. Mi jtuc noꞌox chasaꞌicune, li jchiꞌiltac liꞌi acꞌo baticuc ―xi li Jesuse.

Tzotzil de Huixtán

⁸ Ti Jesuse hech laj yalbe: ―Laj xa calboxuc ava'yic: Ho'on, xichi chava'i. Yu'un jtuc no'ox ti chasa'ucune, hech yu'un ac'o batuc avi viniquetic li'to ―xchi ti Jesuse.

San Juan 18:8 Iomraidhean Croise

Isaías 53:6

Yu'un jcotoltic lijch'ayotic ta be jech c'u cha'al junuc chij. Laj jtamtic batel ta jujun ti jbetic ti c'u s'elan xal ti co'ntontique. Ja'uc ti Dios une laj scajanbe ta sba scotol ti jmul jcolo'tique.

San Mateo 26:56

Ti jech le'e, yo' ta xc'ot ta pasel ti c'u s'elan laj sts'ibaic comel ti j'alc'opetic ta ch'ul c'ope. Ti jech taj une, scotol ti jchanc'opetique laj yictaic comel stuc ti Jesuse, jatavic batel.

San Juan 10:28

Sbatel osil ta xcac'beic xcuxlejalic, mi ja'uc ta xch'ayic, mu'yuc buch'u xispojbun ta coc ta jc'ob.

San Juan 13:1

Ta yac'ubalil xa ti q'uin Colele, sna'oj xa ti Jesuse ti c'ot xa yorail ta xicta comel ti banomile, ti ta sut batel ta stojol ti Stote. Ti jech mu tuch'baj jipbaj ta xa'i ti yu'untac li' ta banomile, jech o staoj o yav c'ux ta xa'i ti c'uxi ta xc'ot ta tsutsele.

San Juan 13:36

Xi laj sjac'be Jesús ti Simón Pedroe: —¿Bu ta xabat un, Cajval? Xi laj stac' ti Jesuse: —Ti bu ta xibate, mu to stac' xats'acliun batel avi li'e. Ta ts'acal to ta xc'ot ta atojol.

San Juan 16:32

Sta xa yorail, ja' xa yorail avi tana li' une, ti tan puc ta xabatique, jtuc ta xavictaicun comel. Manchuc mi jech, yu'un chi'inbilun yu'un ti Jtote.

San Juan 18:7

Xi laj xcha'jac' ti Jesuse: —¿Buch'u ta xasa'ic? Xi laj xcha'alique: —Ja' ti Jesús ta Nazarete.

San Juan 18:9

Ti jech taje, yo' ta xc'ot ta pasel jech c'u cha'al ti xi laj yal ti Jesuse: “Ti buch'utic laj yac'bun ti Jtote, mi junuc ch'ay.”

1 Corintios 10:13

Ti vo'oxuque mu'yuc to ech'emoxuc ti bu mu xa ts'icbaj xc'uxul ti slajeb xa j'ilbajinvanej vocole. Ti vo'oxuque xu' xapat avo'ntonic ta stojol ti Diose, yu'un mu teyuc no'ox sq'ueloj ti ch-epaj batel ti vocol ti bu mu xa xcuch avu'un ti lajeltsaele. Ja'uc le'e, c'alal ta xtal ti lajeltsaele, ja' ta sva'an stec'an sba ti Dios c'u s'elan ta xaloc' yu'un ti lajeltsaele yo' jech ta xcuch avu'un.

2 Corintios 12:9

Ja'uc ti Cajvaltique xi laj yalbune: “Ja' jelavem tsots sc'oplal ta xtun avu'un ti syail xc'uxul co'ntone, yu'un ta xvinaj ti jmuc'ul jtsatsal ta stojol ti buch'u mu'yuc yipal yu'une.” Jech o xal un, ximuyubaj xa ti mu'yuc yipal cu'une yo' jech ta xvinaj smuc'ul stsatsal ti Cristo ta jtojole.

Efesios 5:25

Viniquetic ti vo'oxuc nupul ts'acaloxuque, c'uxubino ti avajnilique jech c'u cha'al ti Cristo ta xc'uxubin ti jch'unolajeletique, yu'un laj yac' sba ta milel ta sventaic.

1 Pedro 5:7

Ti jech xvulvun avo'ntonique, ac'beic ta yoc ta sc'ob ti Diose, yu'un oy ta yo'nton ta scoltaoxuc.