San Juan 18:15 - Bible in Tzotzil de Chamula

¹⁵ Ti Simón Pedroe xchi'uc ti jun jchanc'ope, tijil batel ta spat ti Jesuse. Ti jun jchanc'op taje, ojtiquinbil lec yu'un ti banquilal palee. Jmoj ochic batel xchi'uc ti Jesús ta yamaq'uil sna ti banquilal palee,

Tzotzil Zinacantan

¹⁵ Voꞌon li Juanone xchiꞌuc ti Simon Pedroe tijiloticotic echꞌel ta spat ti Jesuse. Li voꞌone xiyojtiquin ti totil pale Anase. Ti cꞌalal iꞌoch ta stiꞌ sbe totil pale ti Jesuse, tijil liꞌoch uc.

LEQUIL ACH' C'OP

¹⁵ Ti Simon Pedroe xchi'uc li otro jun yajchanc'op ti Jesuse, tey tijilic ech'el ta spat ti Jesuse. Li jun yajchanc'ope x'ojtiquinat yu'un ti totil palee, co'ol i'ochic ech'el ta na xchi'uc ti Jesuse;

Bible in Tzotzil de Chenalhó with Deuterocanon

¹⁵ Li Simón Pedroe te nom-ts'ac batel ta spat li Jesuse xchi'uc yan jun yajchanc'op li Jesuse. Li jun yajchanc'op Jesuse lec otquinbil yu'un li banquilal palee, jech co'ol i'och batel xchi'uc Jesús ta yamaq'uil sna li banquilal palee.

Tzotzil San Andres

¹⁵ Li joꞌone jchiꞌuc li Simón Pedroe nomnom tijiluncutic batel ta spat li Jesuse. Li joꞌone xiyojtaquin li loqꞌuem banquilal palee, jech cꞌalal iꞌoch ta yamaqꞌuil sna li banquilal pale li Jesuse, te liꞌoch eꞌuc.

Tzotzil de Huixtán

¹⁵ Ho'on xchi'uc ti Simon Pedroe laj jts'aclitutic batel ti Jesuse. Ho'oni xiyojtiquinun ti totil palee. Hech yu'un laj jchi'in ochel ti Jesuse te ti yamaq'uil sna ti totil palee.

San Juan 18:15 Iomraidhean Croise

San Mateo 26:3

Ti jech yorail taje, ti banquilal paleetique xchi'uc ti moletic yu'un ti Israele laj stsob sbaic ta yamaq'uil sna ti Caifás ti banquilal yu'un ti paleetique.

Marcos 14:54

Ti Pedroe nomtic xtijet batel ta spat ti Jesuse, och batel c'alal to yamaq'uil sna ti banquilal palee. Chot xi c'otel ta ti' c'oc' ti bu ta xc'atin ti mayoletic yu'un ti jchabiej ch'ulnae.

San Lucas 22:54

Va'i un, laj xchuquic batel ti Jesuse, yic'ojic batel ta sna ti banquilal yu'un ti paleetique. Nom xtijet batel ti Pedroe.

San Juan 18:24

Va'i un, ti Anase chucul laj stac batel ti Jesús ta stojol ti banquilal pale Caifase.

San Juan 18:28

Ti Jesuse ic'bil loc' batel ta sna ti Caifase, yic'ojic batel ta stojol ti its'inal ajvalil Romanoe. Ti jech jutuc xa sc'an sacub talel ti osile, ti israeletique mu'yuc x'ochic batel bu oy ti ajvalile yo' mu sta smulic yu'un ti c'u s'elan liquem yu'unique. Mi mu jechuque, mu xu' ta xve'ic ta sventa ti q'uin Colele.