San Juan 18:11 - Bible in Tzotzil de Chamula

¹¹ Xi laj yal ti Jesús ta stojol ti Pedroe: —Tic'o ta sna ti avespadae. Yu'un loc' xa ta yo'nton ti Jtot ta xquich' ti jvocole. ¿Mi yu'un xavac'touc mu ta xquich' ti jvocole?

Tzotzil Zinacantan

¹¹ ―Ticꞌo ta sna lavespadae. Mu xapojon yuꞌun persa ta xcacꞌ jvocol chac cꞌu chaꞌal yaloj ti Jtote ―xꞌutat yuꞌun Jesús ti Pedroe.

LEQUIL ACH' C'OP

¹¹ Ti Jesuse, xi iyalbe li Pedroe: —Tic'o ta sna lavespadae. Ti mi Jtot yaloj ti chquich' jvocole, ¿mi xu' ti mu xquich' jvocol xa na'e? ―X'utat.

Bible in Tzotzil de Chenalhó with Deuterocanon

¹¹ Li Jesuse jech laj yalbe li Pedroe: —Tic'o ochel ta sna li avespadae, yu'un ta persa chquich' li vocol ti yac'ojbun ta jba li Jtote —xut.

Tzotzil San Andres

¹¹ Li Jesuse jech laj yalbe li Pedroe: ―Ticꞌo ta sna la amachitae. Mi chapojune, mu xquichꞌ vocol jech chac cꞌu chaꞌal laj yal li Jtote ―xut.

Tzotzil de Huixtán

¹¹ Ti Jesuse hech laj yalbe ti Pedroe: ―Tic'o ochel ti sna ti avespadae. Mi hech chapase, mu xquich' vocol hech chaj c'u che'el tsc'an ti Jtote ―xchi.

San Juan 18:11 Iomraidhean Croise

2 Samuel 16:10

Ja'uc le'e, xi tac'bat yu'un ti ajvalile: —Le'e, ma'uc aventaic, xnich'nab Sarvia. Ti jech ta xisbisun ta cotol chavale, yu'un nan jech ac'bat sna' yu'un ti Diose. Ti mi jech ono'ox une, ¿buch'u ono'ox ta xchapanat yu'un ti jech ta spase?

Salmos 75:8

Ti Diose oy xa ta yoc ta sc'ob ti sbis bu ch'amal ti sc'ac'al yo'ntone, ti capal ta vino ti pasem xa ta j'ech'ele. C'alal ta sta yorail ta scocan ta malele, scotol ti buch'u mu'yuc xch'ulel xa'i sba ta banomile, scocan xa ta yeic ti slajeb sts'ubile.

Ezequiel 23:31

Ja' laj atam ta spasel jech c'u cha'al laj spas ti avixe. Ja' jech ta xavich' ava'i ec un jech c'u cha'al laj yich'e.

San Mateo 20:22

Ti Jesuse xi laj staq'ue: —Ti vo'oxuque mu xana' c'usi ta xac'anic. ¿Mi ta xcuch avu'unic ta yich'el vocol jech c'u cha'al ta xquich'e? —Xu' cu'uncutic ec —xi laj stac' ti stuquique.

San Mateo 26:39

Ti Jesuse bat c'uc yuni natiluc, snupilan xa banomil laj spatan sba ta lumtic ti xi lic c'opoj ti'inuque: —Jch'ul Tot, ti xu'uc to la mu xquich' ti mu xa no'ox c'usi jech o ti jvocole, ja' no'ox ti ma'ucuc xc'ot ta pasel ti c'usi ta jc'an vu'une, ja'uc c'otuc ta pasel ti c'usi ta xac'an ti vo'ote.

San Mateo 26:42

Sut batel xtoc ta c'opojel ti'inel ti Jesuse, ti xi laj yale: —Jch'ul Tot, Cajval, mi mu xac'an ta xavet'es ti jvocole, c'otuc ta pasel jech c'u cha'al ta sc'an ti avo'ntone.

San Lucas 12:30

Scotol ti va'i yepal taje, ja' batem yo'ntonic ta sa'el ti jnaclejetic li' ta banomile. Ja'uc ti vo'oxuque oy jun Atotic sna'oj lec scotol ti c'usitic ta xtun avu'unique.

San Lucas 22:42

Xi laj yal ti Jesuse: —Ti jechuc la avo'nton xacoltaun yu'un ti jvocole, Tot, xu' avu'un. Ma'uc ta jc'an ti oy ta co'ntone, ja'uc ti c'usi oy ta avo'ntone.

San Juan 15:10

Mi ta xavich'ic ta muc' ta xch'unel ti jmantale, oy ta atojolic ti syail xc'uxul co'ntone, jech c'u cha'al ta jch'unbe smantal ti Jtote, staoj yav oy ta jtojol ti syail xc'uxul yo'ntone.

San Juan 17:24

“Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

San Juan 18:36

Xi laj stac' ti Jesuse: —Ti jech Ajvalilune, ma'uc li' ta sba banomile. Ti yu'unuc ja'uque, laj xa sliques c'op ti cajchanc'optac ti jechuque yo' mu xistsaquicun ti jteclumale. Ja'uc le'e, ma'uc li' ta xi'och ta Ajvalilale.

San Juan 20:17

Xi laj yal ti Jesuse: —Mu xamacun ta be María, yu'un mu'yuc to muyemun batel bu oy ti Jtote. Batan, ba albo ya'i ti buch'u jun co'ntoncuntic xchi'uque ti ta ximuy batel ta stojol ti Jtote, ti ja' Atotique, ti Dios cu'une, ti ja' Dios avu'unique.

2 Corintios 10:4

Ti cabtejebcutic ta jtunescutique, ma'uc li' liquem ta banomile, yu'un ja' smuc'ul stsatsal ti Diose, ti j'ech'el xu' ta slilin loq'uel ti bu vocol ta jinesele. Ja' jech ta jlilincutic loq'uel ti c'usi naca jutbile.

2 Corintios 6:7

ti melel c'usi ta xcalcutique, ti sva'anoj sba ti smuc'ul stsatsal Dios ta jtojolcutique. Ja' c'otem ta jpojobbailcutic ti oy slequilal co'ntoncutic ta stojol ti jcontracutique xchi'uc ta stojol ti buch'u ta sc'an ti coltaele.

Hebreos 12:2

Cac'tic batel jsatic ta stojol ti Jesuse, yu'un ja' ta sventa ta xlic talel ta stojol ti jech c'otem ta o'ntonal ta xch'unele, yu'un ja' sbainoj ta stuq'uibtasel ti bu jtamojtic batele. Yu'un ti Jesuse laj yich' svocol ta curus. Ma'uc laj yac' ta venta ti jech q'uexlal sba ta xchame, yu'un sna'oj ono'ox ti c'alal mi ech' ti svocole, ta sta ti xmuyubaje. Jech bat chotluc ta sts'el xocon sbats'i xocon ti Dios ti bu ta spas mantale.