San Juan 17:3 - Bible in Tzotzil de Chamula

³ Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

Tzotzil Zinacantan

³ Ti chcuxiic ta sbatel osile, jaꞌ ti xchꞌunojic ti voꞌot Rioxote. Xchꞌunojic noxtoc ti voꞌot atacon tale.

LEQUIL ACH' C'OP

³ Ti chcuxiic ta sbatel osile, ja' ti chayojtiquinic ti atuc no'ox Rioxot ta melele, xchi'uc ti chojtiquinic li Jesucristo ti vo'ot atacoj tale.

Bible in Tzotzil de Chenalhó with Deuterocanon

³ Ti jech ta xcuxiic sbatel osile, yu'un xayotquinicot ti atuc no'ox bats'i cuxul Diosote, xchi'uc xotquinic noxtoc li Jesucristo laj atac tale.

Tzotzil San Andres

³ Ti chcuxiic sbatel osile, yuꞌun xayojtaquinic, joꞌot li cuxul Diosote, schiꞌuc xiyojtaquinic eꞌuc, joꞌon li Yajcoltavanejicun ti la atacun talele.

Tzotzil de Huixtán

³ Ja' chcuxiic sbatel osil yu'un xayojtiquinot ti ho'ot no'ox Diosot atuc ti mu'yuc yan, yu'un xiyojtiquinun uc ti ho'on Jcoltavanejun yu'unique ti ho'ot laj atacun talele.

San Juan 17:3 Iomraidhean Croise

1 Crónicas 28:9

Ti vo'ot ec une, nich'on Salomón, c'otuc me ta Dios avu'un ti Dios yu'un ti atote. Ta sjunuluc avo'nton, tunan ta stojol. Oyuc slequil ti ajol avo'ntone, yu'un ti Diose chajal ta sba ta sat ti c'usi ta xich' pasele, ti c'u s'elan ti snopbenale. Jech ec mi ta xasa'e, jech ti stuque ta xac' sba iluc ta atojol. Mi ta xach'ac aba ta stojole, ta j'ech'el bajbil tenbil ta xac'ot yu'un.

2 Crónicas 15:3

Ti Israele jal xa ta j'ech'el ti mu'yuc chi'inbil yu'un ti Bats'i Diose, mi ja'uc ti paleetic ti ta xchanubtasatic yu'une, mi ja'uc junuc yu'unic ta sbijubtasatic smelol c'u s'elan ta stoyel xi'el ti Diose.

Salmos 9:10

Dios, ti buch'u ta xastaot ta na'ele, spatoj yo'ntonic ta atojol; ta j'ech'eluc mu xajip xaten comel ti ta sa' spojelic ta atojole.

Proverbios 8:35

Ti buch'u ta sa'une, ta sta ti xcuxleje, ta sta ti lec x'ile yu'un ti Diose.

Isaías 48:16

Nopajanic talel, ts'et chiquintao ava'iic ti xi ta xcale: Ta sliquebal ono'ox, mu'yuc c'usi ta mucul laj calilan. C'alal ta xc'ot ta pasel taje, tey oyun ec. Avi tana li' une, ti vu'un Diosune laj xa cac'be yich' ti jmuc'ul jtsatsale. Laj xa jtac batel.”

Isaías 53:11

C'alal mi ech' xa ox ta stojol ti mu albajuc vocolajele, ja' to ta xlic sac jamtajuc ti osil banomil ta xa'ie, laj yil ta sq'uelel ti mu'yuc c'usi sna' ta j'ech'ele. Ti lequil yajtunel Diose, ep buch'u ta sta scolel yu'un, ja' ti laj sbainbe ta xcuchbel ti smul scolo'ique.

Isaías 61:1

Xcuxlejal ti Diose oy ta jtojol, yu'un lic'ot ta yajtunel ti Diose. Tacbil lital yu'un ta yalbe ya'i ti me'un mu'nate ti oy c'usi lec ta xc'ot ta stojolique, ta xcuchbel svocolic ti buch'utic mu xnel mu x'ech' ta xa'iique, ta scaj'albel sc'oplal scolelic ti c'usiuc no'ox chuculic o yu'une, sc'oplal scolelic ti jchuqueletic ti oy ta chuquinabe.

Jeremías 10:10

Ti Ajvalile, ja' ti Bats'i Diose, ti cuxul Diose, ti sbatel osil oy ta Ajvalilale. C'alal mi iline, ta xnic yu'un ti banomile; ta sc'ac'al no'ox yo'nton, ta xtub sc'oplal yu'un ti muc'tiquil lumetique.

Oseas 6:3

La' cac'betic yipal ta yojtiquinel ti Diose. Ti Diose ta xtal ta jtojoltic jech c'u cha'al ta xloc' talel ti c'ac'ale, jech c'u cha'al ti vo' ti ta xyal talel yo' ta smalta ti banomil ti c'alal yorail ti q'uepelale, xchi'uc ti sba yalelal vo'e.”

Marcos 9:37

—Ti buch'u ta xich' ta muc' jun olol ta jventa jech c'u cha'al ti olol li'e, ta xiyich' ta muc'. Ti buch'u ta xiyich' ta muq'ue, ma'uc no'ox ta xiyich' ta muc', ta xich' ta muc' ti Buch'u laj stacun talele.

San Lucas 9:48

Xi laj yalbe ti yajchanc'optaque: —Buch'uuc no'ox ti ta jventa ta xich' ta muc' ti olol li'e, ta xiyich'icun ta muc' ec. Ta xich'ic ta muc' xtoc ti Buch'u laj stacun talele. Ti buch'u x'ech' to peq'uel yuni c'oplal ta xac' sba ta atojolique, ja' cajal sc'oplal ta xc'ot.

San Juan 10:36

Ti Diose laj st'ujun ti laj stacun talel li' ta banomile. ¿C'u cha'al un cha'e ta xavalic ta soquesbe sc'oplal Dios ti c'alal laj cal ti vu'unun Xnich'onune?

San Juan 11:42

Jna' ti ta ono'ox xava'ibun ti jc'ope. Jech ta xcal un, yo' ta xc'ot ta sventa slequilal yutsilal ti jnaclejetic li' oyique, yo' ta xc'ot ta yo'ntonic ta xch'unel ti vo'ot laj atacun talele.

San Juan 14:26

Ti Ch'ul Espiritue, ti ja' Jpat-o'ntonal ti ta stac talel ti Jtot ta jventae, ja' ta xa scoltaoxuc, ja' ta xa xchanubtasoxuc scotol taje, ja' ta svules ta ajolic scotol ti va'i s'elan laj calboxuque.

San Juan 17:18

Jech c'u cha'al laj atacun talel ta stojol ti jnaclejetic ta banomile, ja' jech ta jtaquic batel ta stojol ti jnaclejetic ta banomile.

San Juan 17:21

Ta jc'ubanbot ta atojol ti co'oluc yo'ntonic scotolique, jech c'u cha'al, Tot, ti jun avo'nton ta jtojole, ti jun co'nton ta atojole, ti co'oluc ti yo'ntonic ta jtojoltic yo' jech ta xc'ot ta yo'ntonic ti jnaclejetic ta banomil ti vo'ot laj atacun talele.

San Juan 17:23

Oyun ta stojolic ec jech c'u cha'al oyot ta jtojole yo' jech jun no'ox ta xc'otic ti junuc yo'ntonic ta jbel sc'oplale, yo' jech ta xlic yilic ti jnaclejetic ta banomil ti vo'ot laj atacun talele, ti c'ux ta xava'iic jech c'u cha'al c'ux ta xava'iune.

San Juan 17:25

Jch'ul Tot, ti oy alequilal avutsilale, ti buch'utic sventainojic ti sba banomile mu xayojtiquinic. Ti vu'une xacojtiquin. Ti jayib li' oyique laj xa sna'ic ti vo'ot laj atacun talele.

San Juan 17:8

Yu'un laj xa calbe ya'iic ti c'u s'elan laj avac'bun jna'e, laj xa xch'unic. Laj sna'ic ti liquemun talel ta atojole, c'ot ta yo'ntonic ti laj atacun talele.

San Juan 3:17

Ti Diose mu yu'unuc laj stac talel ti Xnich'on yo' tal yac'be stoj smul ti jnaclejetique, ja' no'ox tal scolta.

San Juan 3:34

Ti buch'u tacbil talel yu'un ti Diose, naca sc'op Dios ta xal, yu'un ti Diose, yepal no'ox ta xac' ti Ch'ul Espiritue.

San Juan 5:44

Ti mi ja' no'ox ta xac'anic ti ich'el ta muc' yu'un ti achi'iltaque, ti mi mu xasa'ic ti ich'biloxuc ta muc' yu'un ti Dios stuque, ¿c'usi la ta xavutic ta xavich'icun ta muc'?

San Juan 6:57

Yu'un cuxul ti Totil ti Buch'u laj stacun talele, cuxulun ta stojol ec. Ti buch'u ta smalq'uin sba ta jtojole, ta xcuxi ta jventa.

San Juan 7:29

Ti vu'une xcojtiquin ti Buch'u laj stacun talele. Yu'un liquemun talel ta stojol.

San Juan 8:19

Xi laj sjac'beique: —¿Bu oy ti atote? Xi laj stac' ti Jesuse: —Ti vo'oxuque mu xavojtiquinicun, mi ja'uc xavojtiquinic ti Jtote. Ti yu'unuc xavojtiquinicune, xavojtiquinic ti Jtot jechuque.

1 Corintios 15:34

Cha'tamic lec ti cuxlejale. Mu xasa' amulic. Oy jlom avu'unic mu xojtiquinic ti Diose. Ti jech ta xcalboxuc taje, yo' jech xaq'uexavic.

1 Corintios 8:4

Ta sventa ti chajaq'uic mi stac' ti'el ti ve'lil ac'bil ta smoton ti c'usi meltsanbil ta c'abale, jna'tic lec ti mu'yuc cuxul ti c'usi meltsanbil ta c'abale. C'ajomal no'ox oy jun Dios, mu'yuc yan,

2 Corintios 4:6

Yu'un ja' laj yal stuc ti Diose ti xojobinuc ti luz ta ic'al osile. Jech xtoc laj yac' xojobinuc ta co'ntontic ti luze yo' jech ta xcojtiquinbetic yutsilal slequilal ti Dios ti xojobin no'ox yutsil ta stojol ti Jesucristoe.

Filipenses 3:10

Ti c'usi ta jc'ane, ac'o cojtiquin ti Cristoe, ca'iuc ta jtojol smuc'ul stsatsal ti cha'cuxie, ti co'oluc quich' jvocol jech c'u cha'al c'alal cham ti stuque,

Filipenses 3:8

Ti jech ech'em xloc' venta laj ca'i ta yojtiquinel ti Cajval Cristo Jesuse, ta jech yepal, laj, tub sc'oplal ta co'nton ta sventa Cristo ti c'usi tsots sc'oplal laj ca'i sc'an pasel to oxe. Yu'un laj xa jbis ta c'a'ep scotol yo' jech oyun ta stojol ti Cristoe,

1 Tesalonicenses 1:9

Yu'un ja' stuquic ta xalic ti ay calcutic ava'iic ti lequil ach' c'op ta atojolique, xchi'uc ta xalic ti laj avich'uncutic ta muq'ue. Ta xalic xtoc ti laj xa avictaic comel ta yich'el ta muc' ti c'usitic meltsanbil ta c'abale yo' jech laj xa avac' abaic ta tunel yu'un ti bats'i cuxul Diose.

2 Tesalonicenses 1:8

Ta xtal stsits ti buch'utic mu laj sbic'tajes sbaic ta stojol ti Diose, xchi'uc ti mu'yuc laj xch'unic ti lequil ach' c'op yu'un ti Cajvaltic Jesucristoe.

Hebreos 3:1

Ja' yu'un un, Jchi'iltac, ti ic'biloxuc yu'un Dios yo' jech ta xac'otic ta yu'untaque, oyuc ta avo'ntonic sc'oplal ti Cristo Jesús ti ja' jun jcholc'ope, ti ja' c'otem ta jun Banquilal Palee. Col no'ox yal ti ja' sventa ti oy c'usi jch'unojtique.

2 Pedro 1:2

Yepaluc ac'o yac'boxuc ti c'uxubinele, xchi'uc ti slamajemal avo'ntonique ta sventa ti laj xavojtiquinic ti Diose xchi'uc ti Cajvaltic Jesucristoe.

2 Pedro 1:3

Ta sventa smuc'ul stsatsal ti Diose, laj xa yac'botic scotol ti c'usi ta xtun cu'untique, yo' ta jtamtic batel ta spasel ti c'usi ta sc'an ti Diose, ta sventa ti laj yac' cojtiquintic ti Buch'u laj yic'otic ta sventa ti smuc'ul stsatsale, xchi'uc ti xch'ul abtele.

2 Pedro 1:8

Mi stsacoj lec yip ta atojolic ti va'i yepal taje, mu jeche'uc no'ox ti acuxlejalique, mi ja'uc jeche' no'ox laj avojtiquinic ti Cajvaltic Jesucristoe.

1 Juan 1:2

Ti Buch'u yich'oj ta sventa ti cuxlejale, laj yac' sba ta ojtiquinel ta jtojolcutic. Yu'un laj quilcutic, xchi'uc ta xcalcutic ava'iic sc'oplal ti Buch'u yich'oj ta sventa ti cuxlejal sbatel osile. Yu'un xchi'inoj to ox sbaic xchi'uc ti Dios Totile. Laj yac' sba ta ilel ta jtojolcutic avi tana li' une.

1 Juan 1:3

Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.

1 Juan 2:23

Buch'uuc no'ox ti ta scontrain ti Nich'onile, mu'yuc oy ta stojolic ti Dios Totile. Ti buch'u ta xich' ta muc' ti Nich'onile, ta xich' ta muc' xtoc ti Dios Totile.

1 Juan 4:6

Ja'uc ti vo'otique, yu'unotic xa ti Diose. Ti buch'u ta xojtiquin ti Diose ta xa'i ti jc'optique. Ti buch'u ma'uc yu'un ti Diose, mu sc'an xa'i ti jc'optique. Ti jech taj une, ja' jech xu' ta ojtiquinel buch'u ja' xnich'nabtac ti Diose, xchi'uc buch'u ja' xnich'nabtac ti jlo'lavaneje.

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.