San Juan 17:25 - Bible in Tzotzil de Chamula

²⁵ Jch'ul Tot, ti oy alequilal avutsilale, ti buch'utic sventainojic ti sba banomile mu xayojtiquinic. Ti vu'une xacojtiquin. Ti jayib li' oyique laj xa sna'ic ti vo'ot laj atacun talele.

Tzotzil Zinacantan

²⁵ Tot, li voꞌote lec cꞌusi chapas, muc bu chavacꞌ ochuc ta cꞌocꞌ ti muchꞌutic liyichꞌic xa ta muqꞌue. Li yan crixchanoetique muc bu yilojic cꞌu xꞌelan avoꞌon. Li voꞌone quiloj cꞌu xꞌelan avoꞌon. Li jayvoꞌ liꞌique ixchꞌunic xa ti voꞌot atacon tale.

LEQUIL ACH' C'OP

²⁵ Tot, li vo'ote lec c'usi chapas, ac'u mi mu xa yojtiquinic li crixchanoetic li' ta sba balamile, pero li vo'one xa cojtiquin, ti jayvo' avac'bon xae, sna'ojic xa ti vo'ot atacon tale.

Bible in Tzotzil de Chenalhó with Deuterocanon

²⁵ Tati, lec tuc' avo'nton. Li cristianoetic li' ta banamile mu xayotquinicot. Pero li vu'une xacotquinot. Ti jayib li' oyique laj xa sna'ic ec ti vo'ot laj atacun tale.

Tzotzil San Andres

²⁵ Tata, joꞌot ti tucꞌ avoꞌone, muc bu xavacꞌ xchꞌay li buchꞌutic xayojtaquinic xae. Li crixchanoetique mu xayojtaquinic. Li joꞌone xacojtaquin. Li jayvoꞌ li liꞌ oyique ischꞌunic xa ti joꞌot la atacun talele.

Tzotzil de Huixtán

²⁵ Toj avo'nton, tote. Ti crixchanoetique mu xayojtiquinot. Ho'oni xacojtiquin. Ti jayvo' li'to xayojtiquinot uc yu'un xch'unojic xa ti ho'ot laj atacun talele.

San Juan 17:25 Iomraidhean Croise

Isaías 45:21

C'opojanic un, vinajesic talel ca'itic, ti xi xajac'olanbe abaic ta jujun tal mi lec xava'iique: ¿Buch'u laj scaj'al talel ta vo'ne ti va'i s'elane? ¿Mi yu'un oy xa ono'ox buch'u laj yal ta vo'ne? ¿Mi mu ja'uc vu'un ti Diosune? Mu'yuc xa ta tael yan Dios. Ma' ti yu'un oy to yan Dios ta tsalvanej ta pojvanej jech c'u cha'al ti vu'une, mu'yuc xa.

San Mateo 11:27

“Ti jTote laj xa yac'bun ta coc ta jc'ob scotol ti c'usitic oye. J'ech'el mu'yuc buch'u xojtiquinic ti Nich'onile, ja' no'ox x'ojtiquine yu'un ti Totile. J'ech'el mu'yuc buch'u xojtiquin ti Totile, ja' no'ox x'ojtiquine yu'un ti Nich'onile. Ta xojtiquinic ti Jtote, ti buch'u ta jc'an ta xcac'be yojtiquine.

San Mateo 16:16

—Vo'ot Cristo, Xnich'onot ti cuxul Diose —xi ti Simón Pedroe.

San Lucas 10:22

“Scotol ti c'usitic oye, laj yac'bun ta coc ta jc'ob ti Jtote. Mu'yuc buch'u sna' buch'u ti Nich'onile, ja' no'ox sna' stuc ti Totile. Mu'yuc buch'u sna' ti Totile, ja' no'ox sna' stuc ti Nich'onile, ti c'otem ta sventa buch'u sc'an ta xac'be sna' ti Totile.”

San Juan 1:18

Mu'yuc buch'u junucal yiloj ta sba ta sat ma' ti Diose, c'ajomal no'ox yo jun ti Xnich'on ti ja' ono'ox Diose, ti co'ol yo'ntonic xchi'uc ti Totile, ja' tal yac'botic ta ojtiquinel.

San Juan 10:15

“Jech c'u cha'al ti Jtot xiyojtiquine, jechun ec, xcojtiquin ti Jtote. Ta xcac' jol jbaquil yu'un ti chijetique.

San Juan 15:21

Scotol taje, jech ta xc'ot ta atojolic ta jventa, yu'un mu xojtiquinic ti Buch'u laj stacun talele.

San Juan 16:27

Yu'un ti Jtote, c'ux ta xaya'ioxuc. C'ux ta xaya'ioxuc, yu'un c'ux ta xava'iicun, yu'un c'ot ta avo'ntonic ta xch'unel ti liquemun talel ta stojol ti Diose.

San Juan 16:3

Jech ta spasic, yu'un mu xojtiquinic ta j'ech'el ti Jtote, mi ja'uc xiyojtquinicun ec.

San Juan 16:30

Ta xquilcutic ti ta xana' scotole, ti ma'uc tsots sc'oplal ta xava'i ti oy buch'u ta sjac'bote. Ta xc'ot ta co'ntoncutic ti liquemot talel ta stojol ti Diose.

San Juan 17:11

“Mu li'uc ta xicom ta sba banomile. Ti stuquique li' ta xcomic ta sba banomile, yu'un ta xtal jchi'inot. Jch'ul Tot, ti buch'utic laj avac'bune, chabio ta sventa ti amuc'ul atsatsale, ja' ti amuc'ul atsatal ti laj xa avac'bune, yo' jech co'oluc yo'ntonic jech c'u cha'al ti vo'otique.

San Juan 17:18

Jech c'u cha'al laj atacun talel ta stojol ti jnaclejetic ta banomile, ja' jech ta jtaquic batel ta stojol ti jnaclejetic ta banomile.

San Juan 17:21

Ta jc'ubanbot ta atojol ti co'oluc yo'ntonic scotolique, jech c'u cha'al, Tot, ti jun avo'nton ta jtojole, ti jun co'nton ta atojole, ti co'oluc ti yo'ntonic ta jtojoltic yo' jech ta xc'ot ta yo'ntonic ti jnaclejetic ta banomil ti vo'ot laj atacun talele.

San Juan 17:23

Oyun ta stojolic ec jech c'u cha'al oyot ta jtojole yo' jech jun no'ox ta xc'otic ti junuc yo'ntonic ta jbel sc'oplale, yo' jech ta xlic yilic ti jnaclejetic ta banomil ti vo'ot laj atacun talele, ti c'ux ta xava'iic jech c'u cha'al c'ux ta xava'iune.

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

San Juan 17:8

Yu'un laj xa calbe ya'iic ti c'u s'elan laj avac'bun jna'e, laj xa xch'unic. Laj sna'ic ti liquemun talel ta atojole, c'ot ta yo'ntonic ti laj atacun talele.

San Juan 3:17

Ti Diose mu yu'unuc laj stac talel ti Xnich'on yo' tal yac'be stoj smul ti jnaclejetique, ja' no'ox tal scolta.

San Juan 6:19

C'alal xanavic xa ox batel o'loluc xchibal revae, laj yilic ta xanav talel ta ba vo' ti Jesuse. Ti ta xnopaj talel ta sts'el ti barcoe, lic xi'icuc.

San Juan 7:29

Ti vu'une xcojtiquin ti Buch'u laj stacun talele. Yu'un liquemun talel ta stojol.

San Juan 8:19

Xi laj sjac'beique: —¿Bu oy ti atote? Xi laj stac' ti Jesuse: —Ti vo'oxuque mu xavojtiquinicun, mi ja'uc xavojtiquinic ti Jtote. Ti yu'unuc xavojtiquinicune, xavojtiquinic ti Jtot jechuque.

San Juan 8:55

Ti vo'oxuque mu xavojtiquinic. Ja'uc ti vu'une xcojtiquin. Mi ta xcal ti mu xcojtiquine, ja' jun jutc'opun ta j'ech'el jech c'u cha'al ti vo'oxuque. J'ech'el xcojtiquin ma' ti vu'une, xchi'uc ta xquich'be ta muc' ti c'usi ta xale.

Hechos 17:23

Yu'un c'alal lixanav li' ta alumalique, laj quil ti ep c'usitic ta xavich'ic ta muq'ue. Ja' jech xtoc oy bu laj jta ti xi ta xal sletrail jun altar ti c'ot ta jsat bu ta xavich'ic ta muc' ti diosetique: ‘Ja' sventa jun dios ti mu xvinaj ta q'uelele.’ Lec oy un cha'e, ti Dios ti mu xvinaj ta q'uelel ti ta xavich'ic ta muq'ue, ja' tal xcalboxuc ava'iic ti sc'oplale.

Hechos 26:18

Ti ta jtacot batel ta stojolique, yo' ta xajambe ti satique, yo' mu staojuc yav ta xanavic ta ic'al osil. Ac'o xanavuc ta saquil osil, ti mu staojuc yav pasbilic ta mantal yu'un ti pucuje, yo' ac'o stamic ta ts'acliel ti Diose, yo' ta xc'ot ta yo'nton ta xch'unelicun xchi'uc staicuc ti ch'aybil ta xc'ot ti smulique, yo' ta x'ac'bat xrextoic jmoj xchi'uc ti buch'u t'ujbilic yu'un ti Diose.’

Romanos 1:28

Ti jech mu sc'an sbic'tajes sbaique, ti mu'yuc c'usi bal o ta xa'iic ti Diose, ac'batic comel ta sbaic ta spasel ti c'usi mu stac' pasele.

Romanos 3:11

Mu'yuc buch'u xa'i albel. Mu'yuc buch'u ta sa' ti Diose.

Romanos 3:26

Ti jech c'ot ta pasel taje, yu'un oy sts'iquemal xcuchemal yu'un ti Diose, ti oy slequil yo'ntone yo' ta svinajes avi tana li'e ti c'u s'elan ta tael ti lec xij'ile yu'un ta sventa ta xc'ot ta o'ntonal ta xch'unel ti Jesuse.

1 Corintios 1:21

Ta sventa ti Diose, c'ot ta nopel yu'un ti mu cha'bel xtae ta ojtiquinel ta sventa sbijil no'ox stuquic ti jnaclejetic ta banomile. Ta sventa sc'op stuc, laj stic' sba ta scoltael ti buch'utic ta spat yo'ntonic ta stojole ac'o mi lo'il c'op no'ox ta xa'iic ti yane.

1 Corintios 15:34

Cha'tamic lec ti cuxlejale. Mu xasa' amulic. Oy jlom avu'unic mu xojtiquinic ti Diose. Ti jech ta xcalboxuc taje, yo' jech xaq'uexavic.

2 Corintios 4:4

Ti jech mu xc'ot ta yo'ntonic ta xch'unel ti lequil ach' c'op yu'un ti Cristo ti c'alal ja' yutsilal slequilal stuc ti Diose, ja' ta scoj macbil snopbenal, macbil satic yu'un ti sdiosic li' ta banomile.

2 Tesalonicenses 1:8

Ta xtal stsits ti buch'utic mu laj sbic'tajes sbaic ta stojol ti Diose, xchi'uc ti mu'yuc laj xch'unic ti lequil ach' c'op yu'un ti Cajvaltic Jesucristoe.

Hebreos 8:11

Laj ta alel sc'oplal mi svinquilel mi yuts' yalal ta xchanubtas sbaic yo' ta sna'ic ti c'u j'elane, yu'un scotolic ta xiyojtiquinicun c'alal ta biq'uit ta muc'.

1 Juan 1:9

Ta sventa ti oy stuq'uil yo'nton ti Diose, mi jamal ta xcalbetic Dios ti jmultique, jpat co'ntontic ta stojol ti ta xch'ay ti jmul jcolo'tique, xchi'uc ta spoc ta stus loq'uel scotol c'usiuc no'ox mu stac' q'uelel ti c'usi ta jpastique.

Apocalipsis 13:8

Ti jti'oval chon loc' ta nab taje, ta x'ich'atic ta muc' yu'un ti jnaclejetic ta banomile, ja' ti buch'utic mu'yuc tsacal sbiic ta jpoc vun sventa cuxlejal c'alal mu'yuc to ox meltsajem ti banomile, xchi'uc ta jpoc vun ti oy ta yoc ta sc'ob ti jcot ta Uni Chij ti laj yich' svocol ta milele.

Apocalipsis 16:5

Laj ca'i xtoc un ti xi ta xal ti ánjel sventainoj ti vo'e: “Oy stuq'uil avo'nton ti jech ta xachapanvane, Cajval, Ch'ul Dios, ti atalel ono'ox oyote, ti jech ono'ox oyot avi tana li'e.