San Juan 17:23 - Bible in Tzotzil de Chamula

²³ Oyun ta stojolic ec jech c'u cha'al oyot ta jtojole yo' jech jun no'ox ta xc'otic ti junuc yo'ntonic ta jbel sc'oplale, yo' jech ta xlic yilic ti jnaclejetic ta banomil ti vo'ot laj atacun talele, ti c'ux ta xava'iic jech c'u cha'al c'ux ta xava'iune.

Tzotzil Zinacantan

²³ Li voꞌone ta xcoꞌolaj jol xchiꞌuquic. Li voꞌotique coꞌol onox joltic. Jaꞌ noꞌox yech ta xcoꞌolaj sjolic uc yoꞌ xilic o scotol crixchanoetic ti voꞌot atacon tale, xchiꞌuc ti acꞌanoj scotol ti muchꞌutic coꞌol joltic jchiꞌuctique chac cꞌu chaꞌal acꞌanojone.

LEQUIL ACH' C'OP

²³ Li vo'one ta xco'olaj jol xchi'uquic, li vo'otique co'ol joltic, ja' no'ox yech ta xco'olaj sjolic uc yo' xilic o scotol crixchanoetic ti vo'ot atacon tale, xchi'uc ti ac'anoj scotolique, chac c'u cha'al ac'anojone.

Bible in Tzotzil de Chenalhó with Deuterocanon

²³ Li vu'une jun c'otemun jchi'uquic. Li vo'ote junutic no'ox, jech jun ac'o c'oticuc o ec. Jech ta sna'ic o scotol cristianoetic ta banamil ti vo'ot laj atacun tale, xchi'uc ti lec ac'anoj li boch'otic jun c'otemun jchi'uque jech chac c'u cha'al lec ac'anojun li vu'une.

Tzotzil San Andres

²³ Jaꞌ jech tspasic ta jmoj schiꞌuc li joꞌone. Li joꞌotique junutic onoꞌox. Jaꞌ jech tspasic ta jmoj scotolic jchiꞌuctic. Jaꞌ ta snaꞌic o scotol crixchanoetic ti joꞌot la atacun talele. Ta snaꞌic nojtoc ti toj cꞌux ta avoꞌon scotol li buchꞌutic jmojuncutic jchiꞌuque jech chac cꞌu chaꞌal toj cꞌuxun ta avoꞌone.

Tzotzil de Huixtán

²³ Ho'on te oyun ti yo'ntonic. Ho'ot te oyot ti co'nton. Hech jtos yo'ntonic chc'otic ti mero melel hech tsna'ic scotol crixchanoetic ti ho'ot laj atacun talele. Hech tsna'ic uc ti c'ux ti avo'nton ti much'utic chaxch'umbot ac'ope hech chaj c'u che'el c'uxun ti avo'nton uc.

San Juan 17:23 Iomraidhean Croise

San Juan 10:38

Yan mi xco'olaj yabtel ti Jtot ti c'usi ta jpase, manchuc mi mu xavich'icun ta muq'ue, ja' tsots sc'oplal sc'an xavich'ic ta muc' yabtel ti Jtot ti c'usi ta jpase yo' jech j'ech'el ta xava'iic ti oy ta jtojol ti Jtote xchi'uc ti oyun ta stojol eque.

San Juan 13:35

Mi jech c'ux ta xava'i abaique, ta xalic scotolic ti vo'oxuc cajchanc'opoxuque.

San Juan 14:10

¿Mi mu xc'ot ta avo'nton ti oyun ta stojol ti Jtote, ti oy ta jtojol ti Jtote? Ti c'usi ta xcalboxuque, mu ta co'ntonuc jtuc. Ja' ta jpasbe yabtel ti Jtot ti jech oy ta jtojole.

San Juan 14:23

Ti Jesuse xi laj stac'bee: —Ti buch'u c'ux ta xiya'ie, ta xch'un ti c'usi ta xcale. Jech ta xc'uxubinat yu'un ti Jtote. Ti Jtote xchi'uc ti vu'une ta xtal jchi'incutic, ta xinaquicutic ta stojol.

San Juan 15:9

C'ux ta xca'ioxuc ta j'ech'el jech c'u cha'al c'ux ta xiya'i ti Jtote. Staojuc o yav oyuc ta avo'ntonic ti syail xc'uxul co'nton ti oy ta atojolique.

San Juan 16:27

Yu'un ti Jtote, c'ux ta xaya'ioxuc. C'ux ta xaya'ioxuc, yu'un c'ux ta xava'iicun, yu'un c'ot ta avo'ntonic ta xch'unel ti liquemun talel ta stojol ti Diose.

San Juan 17:11

“Mu li'uc ta xicom ta sba banomile. Ti stuquique li' ta xcomic ta sba banomile, yu'un ta xtal jchi'inot. Jch'ul Tot, ti buch'utic laj avac'bune, chabio ta sventa ti amuc'ul atsatsale, ja' ti amuc'ul atsatal ti laj xa avac'bune, yo' jech co'oluc yo'ntonic jech c'u cha'al ti vo'otique.

San Juan 17:21

Ta jc'ubanbot ta atojol ti co'oluc yo'ntonic scotolique, jech c'u cha'al, Tot, ti jun avo'nton ta jtojole, ti jun co'nton ta atojole, ti co'oluc ti yo'ntonic ta jtojoltic yo' jech ta xc'ot ta yo'ntonic ti jnaclejetic ta banomil ti vo'ot laj atacun talele.

San Juan 17:24

“Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

San Juan 17:26

Laj xa cac'be sna'ic Buch'uot. Staoj yav jech ta jpasolan ta yac'bel sna'ic yo' jech oy ta stojolic ti syail xc'uxul avo'nton ti laj avac'bune yo' jech oyun ta stojolic.”

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

San Juan 17:8

Yu'un laj xa calbe ya'iic ti c'u s'elan laj avac'bun jna'e, laj xa xch'unic. Laj sna'ic ti liquemun talel ta atojole, c'ot ta yo'ntonic ti laj atacun talele.

San Juan 3:17

Ti Diose mu yu'unuc laj stac talel ti Xnich'on yo' tal yac'be stoj smul ti jnaclejetique, ja' no'ox tal scolta.

San Juan 6:56

Ti buch'u ta sve' ti jbec'tale, ta xuch' ti jch'ich'ele, tsacal xcuxlejal ta jtojol, xchi'uc cuxulun ta stojol ec.

1 Corintios 1:30

Yu'un ti Diose laj spasoxuc ta jun xchi'uc ti Cristo Jesuse, ti c'ot ta pasel yu'un ti ja' jbijiltic ti Cristoe. Ta sventa ti Cristoe, laj jtatic ti lec xij'ilee, lijc'ot ta yu'un, laj jtatic pojel colel.

2 Corintios 5:21

Ti Cristoe mi juteb oy smul, ja'uc le'e, ta jcojtic vo'otic ti oy smul c'ote, jsa'mulil ile yu'un ti Diose yo' ta sventa Cristo ta jtabetic slequilal yutsilal ti Diose.

Gálatas 3:28

Ti jech oyoxuc ta stojol ti Cristoe, junoxuc xa, laj xa sc'oplal ti ta xavalbe abaic mi israele, mi jyanlum, mi mosovil, mi colem, mi vinic, mi ants.

Filipenses 3:15

Jechuc ac'o jnoptic jcotoltic ti c'otem xa ta co'ntontic ta xch'unel ti Cajvaltique. Mi yan ti c'usi ta xanopic xtoque, Dios ta xayac'boxuc avilic.

Colosenses 1:28

Ti jech ac'bil jbijilcutique, yacaluncutic ta yalbel sc'oplal ti Cristoe, ta sventa atojobtaselic achanubtaselic acotolic yo' jech ta xava'ibeic ti smelole, yo' mu'yuc c'usi quechel macal avu'unic ta xc'ot jva'anoxuc ta stojol ti Cristoe.

Colosenses 2:2

Jpasoj tsatsal yo' oyuc yip ti yo'ntonique, ti co'oluc c'ux ta xa'i sbaique, ti jamaluc lec ti sba satique, yo' jech ta xojtiquinic lec smelol ti c'usi mucul to ox yu'un ti Diose, ti c'alal ja' sc'oplal ti Cristoe.

Colosenses 3:14

Ti tsots sc'oplal ta j'ech'ele, oyuc syail xc'uxul avo'ntonic, yu'un ja' yip c'op ti jech jun avo'nton acotolique.

1 Pedro 5:10

Ta ts'acal to un, mi ech' cuch avu'unic c'u sjalil ti vocole, jech ti Diose ta xac'boxuc alequilalic, ta xac' avipic yo' ta xats'inan abaic ta stojol. Ja' no'ox stuc ti Diose, ta sventa ti yutsil slequil yo'ntone, laj staoxuc ta iq'uel yo' jech ta xavich'ic ti yutsil slequilal sbatel osil ta sventa ti junoxuc xchi'uc ti Cristoe.

1 Juan 1:3

Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.

1 Juan 3:1

A'yio ava'iic, mu no'ox albajuc yepal syail xc'uxul yo'nton ti Jtotic Diose, ti laj sbisotic ta xnich'one, jech o xal xnich'nabotic ta melel. Jech o xal un, ti buch'utic sventainojic ti sba banomile, mu xa'ibeic smelol ti jech xnich'nabotic ti Diose, yu'un mu xojtiquinic ti Diose.

1 Juan 4:19

Ti vo'otique c'ux ta xca'itic ti Diose, yu'un ba'yel laj xc'uxubinotic.

Apocalipsis 3:9

Ta jpas ta mantal ti ta snijan sbaic ta atojol ti buch'utic ventainbilic yu'un ti pucuje, ti ta xalic bats'i israeletic ti c'alal ma'uque, yo' jech ta sna'ic ti c'uxot ta co'ntone.