San Juan 17:22 - Bible in Tzotzil de Chamula

²² Laj xa cac'be yich'ic ti jlequilal ti laj avac'bune yo' jech jun sjol yo'ntonic jech chac c'u cha'al ti vo'otique.

Tzotzil Zinacantan

²² Ta jlecubtasbe yoꞌonic chac cꞌu chaꞌal lec coꞌon avuꞌune yoꞌ xcoꞌolaj o sjolic chac cꞌu chaꞌal coꞌol joltique.

LEQUIL ACH' C'OP

²² Icac'be xa slequil yo'onic chac c'u cha'al lec co'on avu'une, yo' jun xa ac'u c'oticuc chac c'u cha'al junotic li vo'otique.

Bible in Tzotzil de Chenalhó with Deuterocanon

²² Li jlequilal cutsilal laj avac'bune, laj cac'be yich'ic ec, yu'un jech jun no'ox ac'o c'oticuc jech chac c'u cha'al jun no'ox oyutic li vu'utique.

Tzotzil San Andres

²² Ta xcacꞌbe slequil yoꞌonic jech chac cꞌu chaꞌal slequil coꞌon li avacꞌojbune yoꞌ jech acꞌo jmojuc yoꞌonic jech chac cꞌu chaꞌal jmoj coꞌontique.

Tzotzil de Huixtán

²² Laj xa cac'be yutsil yo'ntonic hech chaj c'u che'el ti yutsil co'nton laj avac'bune yu'un hech jtos yo'ntonic hech chaj c'u che'el jtos co'ntontic.

San Juan 17:22 Iomraidhean Croise

Marcos 6:7

Ti Jesuse laj yic' talel ti lajcha'vo' (12) yajchanc'optaque. Laj stacan batel ta cha'cha'vo'. Laj yac'be yich' tsots yabtelic ta staquel loq'uel ti pucujetic ti mu stac' q'uelel ta j'ech'el ti c'usitic ta spasique.

San Lucas 22:30

Ti vo'oxuque, ta xlic ve'anic xchi'uc ta yuch'el vo' ta jmexa ti bu ta xiventainvane, xchi'uc ta xachotiic ta xchapanel ti lajcha'chop (12) israeletique.”

San Juan 1:14

Ti Jesucristoe laj yich' sbec'tal, naqui ta jtojolcutic. Melel, mu albajuc ti syail xc'uxul yo'ntone. Yu'un laj quilbecutic slequilal yutsilal, ti ja' slequilal yutsilal stuc ti c'ajomal no'ox yo junomal Xnich'on ti Diose.

San Juan 1:16

Laj xa quich'tic jcotoltic ti smuc' ta c'ulejal ti Xnich'on Diose, ti mu'yuc spajeb ta yaq'uel ti slequilal yutsilale.

San Juan 14:20

Ti jech c'ac'al taje, ta xlic ana'ic ti oyun ta stojol ti Jtote, ti oyoxuc ta jtojole, ti oyun ta atojolic eque.

San Juan 17:24

“Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

Hechos 5:41

Ti jcholc'opetique xmuyubajic xa loq'uic batel ta stojol ti jchapanvanejetique ti jech c'ot ta nopel yu'un Dios ti laj yac' c'otuc ta stojolic ti vocole, ti ilbajinel ta sventa ti Jesuse.

Romanos 8:30

Ti buch'utic jech sc'oplalic ta vo'ne yu'un ti Diose, laj yic' ta stojol. Ti buch'utic ic'bilic yu'une, laj staic ti lec x'ileique. Ti jech lec x'ileique, ac'batic yich'ic ti slequilal yutsilal stuque.

2 Corintios 3:18

Jech ti vo'otique mu'yuc xa smac ti jsatique. Ta xcac'tic iluc yutsilal ti Cajvaltique jech c'u cha'al ta xac' xojobal ti nene. Yacal ta xijc'ot jech c'u cha'al ti Cristoe, yu'un yantic ta xquich'tic batel ti yutsilal slequilale. Taje, ja' yabtel ti Ch'ul Espíritu ta co'ntontic ti jmoj yo'ntonic xchi'uc ti Cajvaltique.

2 Corintios 5:20

Ja' yu'un un, c'otemuncutic ta yajva'lej ti Cristoe, co'ol s'elan ja' stuc ti Dios ta sc'anboxuc vocol ta atojolic ta sventa ti vu'uncutique. Ta jc'anboxuc vocol ta atojolic un, ta sventa ti Cristoe, c'otuc ta avo'ntonic ti lec xa xayilic ti Diose.

2 Corintios 6:1

Ti jech jchi'il jbatic ta abtel ta sventa yabtel ti Diose, ta jc'anboxuc vocol ta atojolic ti mu xabaj xatenic yutsil slequil yo'nton ti Dios ti laj yac'boxuc avilique.

Efesios 2:20

Ti vo'oxuque, co'ol a'elanic jech c'u cha'al jbej na ta xich' va'anel ti laj yich' yicobtac ta sventa yabtelic ti yajtacbolaltac ti Jesucristoe, xchi'uc ti yaj'alc'optac Dios ta vo'nee, ti c'alal ja' stuc Jesucristo ti sliqueb yicob ti nae.

Filipenses 1:29

Ti vo'oxuc oyoxuc ta stojol ti Cristoe, ta xavich' avocolic ta sventa, ma'uc no'ox ti latic'bat ta ajol ta avo'ntonic ta xch'unele.

Colosenses 1:24

Manchuc mi ta xquich' jvocol ta aventaic yo' jech lec oyoxuc ta sventa ti cabtele, mu'yuc c'usi xal ti co'nton yu'une, ximuyubaj xa yu'un. Yu'un ta sventa ti jech ta xquich' jvocole, ta sts'aquij cu'un ti quechel mac to svocol ti Cristo ta sventa ti jch'unolajeletic ti vololic ta stojole.

1 Juan 1:3

Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.

1 Juan 3:24

Ti buch'utic ta xch'unbeic ti smantale, oyic ta stojol ti Diose. Ti Diose oy ta stojolic ec. Xi s'elan ta jna'tic ma' ti oy ta jtojoltic ti Diose: ja' ta sventa ti laj yac'botic ti Ch'ul Espíritue.

1 Juan 4:17

Ti jech taj une, ta xvinaj ta j'ech'el ti oy syail xc'uxul o'ntonal ta jtojoltique yo' jech ta jpat co'ntontic ta stojol c'alal ta xc'ot sc'ac'alil ti chapanele. Ti vo'otic li' ta banomile, yu'un co'ol co'ntontic jech c'u cha'al ti Jesucristoe.

Apocalipsis 21:14

Smocal ti jteclume, yich'oj lajcha'bej ton ti c'otem ta yicob ti moque, ti bu tsacbil sbiic ti lajcha'vo' yajtacbolaltac ti jcot ta Uni Chije.