San Juan 17:21 - Bible in Tzotzil de Chamula

²¹ Ta jc'ubanbot ta atojol ti co'oluc yo'ntonic scotolique, jech c'u cha'al, Tot, ti jun avo'nton ta jtojole, ti jun co'nton ta atojole, ti co'oluc ti yo'ntonic ta jtojoltic yo' jech ta xc'ot ta yo'ntonic ti jnaclejetic ta banomil ti vo'ot laj atacun talele.

Tzotzil Zinacantan

²¹ Chacalbe ti coꞌoluc me sjolic scotol ti muchꞌutic chiyichꞌic ta muqꞌue chac cꞌu chaꞌal coꞌol joltique, xchiꞌuc ti coꞌolajuc joltic jchiꞌuctique yoꞌ xchꞌunic o scotol crixchanoetic ti voꞌot atacon tale.

LEQUIL ACH' C'OP

²¹ Cha jc'anbe vocol ti co'oluc me sjolic scotolique, Tot yechicuc me chac c'u cha'al co'ol joltic li vo'otique, xchi'uc ti co'olajuc joltic jchi'uctique, yo' xch'unic o scotol crixchanoetic ti vo'ot atacon tale.

Bible in Tzotzil de Chenalhó with Deuterocanon

²¹ Yu'un jech jun no'ox ac'o c'oticuc ta scotolic, jech chac c'u cha'al jun no'ox oyutic li vu'utique. Jech noxtoc jun no'ox ac'o c'oticuc ta jtojoltic, jech ta xch'unic o scotol cristianoetic ti vo'ot laj atacun tale.

Tzotzil San Andres

²¹ Chajcꞌanbe ti acꞌo jmojuc yoꞌonic scotolic li buchꞌutic chiyichꞌic ta muqꞌue jech chac cꞌu chaꞌal jmoj coꞌontique. Jech ta schꞌunic o scotol crixchanoetic ti joꞌot la atacun talele.

Tzotzil de Huixtán

²¹ Chajc'ambot ti ac'o me jtosuc yo'ntonic scotolic hech chaj c'u che'el jtos co'ntontic. Hech chaj c'u che'el te oyot ti co'nton, te oyun ti avo'nton, ja' no'ox hech ac'o te oyuc ti co'ntontic scotolic. Hech chch'unic scotol crixchanoetic ti ho'ot laj atacun talele.

San Juan 17:21 Iomraidhean Croise

Jeremías 32:39

Ta jtijbe yo'ntonic ti c'ajomaluc c'otuc ta pasel yu'unic ti yich'icun ta muc' ti c'u sjalil cuxulique, sventa slequilal yutsilal ti stuquique xchi'uc ti snitilulique.

Sofonías 3:9

“C'alal ta xc'ot ta pasel ti va'i s'elan taje, ta xcac'be yutsil ye sti'ic ta c'opojel ti jteclumetique yo' jech scotolic ta xistaic ta c'oponel ti'inel, yo' jech scotolic ta xac' sbaic ta tunel ta jtojol.

Zacarías 14:9

Ti jech c'ac'al taje, ta xlic sventain scotol banomil ti Diose. Ja' no'ox Ajvalil ti stuque. Ja' no'ox stuc biiltasbil ta banomil.

Marcos 3:24

Mi ta scontrain sbaic jun ajvalil xchi'uc ti xchi'iltac ta abtele, mu jaluc ta spasic mantal. Ta soquic ta be.

San Juan 10:16

Oy to yan jchijtac ti mu'yuc to ochem talel ta corral li'e, ti tsots sc'oplal ta xba jtsob talele. Jech ec un, ta sts'etan xchiquinic ta ya'yiel ti jc'ope, ta xch'unic, ta stsob sbaic ta jmoj, jun no'ox ti j'il-chij yu'unique.

San Juan 10:30

Jununcutic xchi'uc ti Jtote.

San Juan 10:38

Yan mi xco'olaj yabtel ti Jtot ti c'usi ta jpase, manchuc mi mu xavich'icun ta muq'ue, ja' tsots sc'oplal sc'an xavich'ic ta muc' yabtel ti Jtot ti c'usi ta jpase yo' jech j'ech'el ta xava'iic ti oy ta jtojol ti Jtote xchi'uc ti oyun ta stojol eque.

San Juan 11:42

Jna' ti ta ono'ox xava'ibun ti jc'ope. Jech ta xcal un, yo' ta xc'ot ta sventa slequilal yutsilal ti jnaclejetic li' oyique, yo' ta xc'ot ta yo'ntonic ta xch'unel ti vo'ot laj atacun talele.

San Juan 13:32

Mi ta xvinaj yutsilal slequilal ti Dios ta jventa ti co'ol j'elantique, ta xac' iluc yutsilal slequilal Dios ta jtojol ec. Ta xa xc'ot ta pasel un.

San Juan 13:35

Mi jech c'ux ta xava'i abaique, ta xalic scotolic ti vo'oxuc cajchanc'opoxuque.

San Juan 17:11

“Mu li'uc ta xicom ta sba banomile. Ti stuquique li' ta xcomic ta sba banomile, yu'un ta xtal jchi'inot. Jch'ul Tot, ti buch'utic laj avac'bune, chabio ta sventa ti amuc'ul atsatsale, ja' ti amuc'ul atsatal ti laj xa avac'bune, yo' jech co'oluc yo'ntonic jech c'u cha'al ti vo'otique.

San Juan 17:18

Jech c'u cha'al laj atacun talel ta stojol ti jnaclejetic ta banomile, ja' jech ta jtaquic batel ta stojol ti jnaclejetic ta banomile.

San Juan 17:20

“Ma'uc no'ox ta jc'ubanbot ta atojol ti stuquique, ta jc'ubanbot ta atojol xtoc ti buch'utic ts'acal to ta xlic c'otuc ta yo'ntonic ta xch'unelun ta sventa ti ac'op ta xalic batele.

San Juan 17:25

Jch'ul Tot, ti oy alequilal avutsilale, ti buch'utic sventainojic ti sba banomile mu xayojtiquinic. Ti vu'une xacojtiquin. Ti jayib li' oyique laj xa sna'ic ti vo'ot laj atacun talele.

San Juan 17:3

Taje, ja' sc'oplal ti xcuxlejalic sbatel osil ti xi s'elane: Ti ac'o xayojtiquinic ti atuc no'ox Diosot ta melele, xchi'uc ti ac'o xiyojtiquinicun ti Jesucristoun ti laj atacun talele.

San Juan 17:8

Yu'un laj xa calbe ya'iic ti c'u s'elan laj avac'bun jna'e, laj xa xch'unic. Laj sna'ic ti liquemun talel ta atojole, c'ot ta yo'ntonic ti laj atacun talele.

San Juan 3:17

Ti Diose mu yu'unuc laj stac talel ti Xnich'on yo' tal yac'be stoj smul ti jnaclejetique, ja' no'ox tal scolta.

San Juan 5:23

yo' scotolic ac'o yich'icun ta muc' ti vu'un Nich'onilune jech c'u cha'al, ta xich'ic ta muc' ti Jtote. Ti buch'u mu xiyich'icun ta muc' ti vu'un Nich'onilune, mu xich'ic ta muc' ti Jtot ti ja' laj stacun talele.

Hechos 2:46

Jujun c'ac'al ta stsob sbaic ta ch'ulna. Ta svol sbaic ta ve'el ta naetic ta sventa ta spasel sna'obil ti Cajvaltique, ti scotol xmuyubajique, biq'uit yac'oj sbaic.

Hechos 4:32

Scotol ti jch'unolajeletic ti mu albajuc yepalique, jmoj yo'ntonic, co'ol snopbenal yu'unic. Mu'yuc buch'u ta xal ti yu'un stuquic ti c'usi oy yu'unique. Yu'un ti c'usitic oy yu'unique, co'ol yu'un scotolic.

Romanos 12:5

Jech ti vo'otique, ac'o mi yepal oyotic, jun no'ox c'otemotic ta stojol ti Cristoe. Junotic ta jcotoltic jech c'u cha'al ti jbec'taltic ti oy c'usi ep ta tos oy yu'une.

1 Corintios 1:10

Ti jech jchi'il jbatique, ta jc'anboxuc vocol ta sventa ti Cajvaltic Jesucristoe ti jmojuc avo'ntonique, ti mu yanucuc ti snopobil avu'unique. Co'oluc avo'ntonic cuxianic. Jechuc snopbenal avu'unic jech c'u cha'al ti yane.

1 Corintios 12:12

Ti jbec'tal jtacopaltique, jun no'ox, ac'o mi yepal no'ox ti c'u s'elan stsacanojan sbae. Ja' jech oyotic ec ta stojol ti Cristoe.

1 Corintios 6:17

C'alal mi oy buch'u c'otic ta jun xchi'uc ti Cajvaltique, ti xchibalique jun xa ti snopobil c'ot yu'unique.

Gálatas 3:28

Ti jech oyoxuc ta stojol ti Cristoe, junoxuc xa, laj xa sc'oplal ti ta xavalbe abaic mi israele, mi jyanlum, mi mosovil, mi colem, mi vinic, mi ants.

Filipenses 1:27

Xi ta xcalboxuc ava'iic xtoque: cuxianic ta yac'bel yipal ta spasel co'ol xchi'uc jech c'u cha'al ta xal ti lequil ach' c'op yu'un ti Cristoe. Mi bat jq'ueloxuc, mi mu'yuc, ja' no'ox ta jc'an ta xca'i ac'oplalic mi jmoj vololoxuc avac'ojbeic yipal ta xch'unel ti colebal lequil ach' c'ope.

1 Juan 1:3

Ja' ta xcalcutic ava'iic sc'oplal ti Buch'u laj quilcutique, ti laj xa ca'ibecutic ti sc'opojele, yo' jech jun avo'ntonic ta jtojolcutic jech c'u cha'al ti vu'uncutic jun co'ntoncutic ta stojol ti Jtotic Diose, xchi'uc ti Xnich'one, ja' ti Jesucristoe.

1 Juan 5:7

Yu'un oy oxib rextico ma' ti ta xalbeic sc'oplal ti oy ta vinajele: ti Dios Totile, ti Ch'ul Nich'onile, ti Ch'ul Espíritue. Ti oxibic taje, jmoj ti sc'opique.