San Juan 17:2 - Bible in Tzotzil de Chamula

² Yu'un laj avac'bun cabtel ta sbainel scotol ti jnaclejetic ta banomile, yo' jech ta xcac'beic xcuxlejalic sbatel osil ti buch'utic laj avac'bune.

Tzotzil Zinacantan

² Avacꞌbon xa entrucal scotol crixchanoetic ta sjunlej balamil yuꞌun chcacꞌbe scuxlejalic ta sbatel osil ti jayvoꞌ atꞌujoj chiyichꞌic ta muqꞌue.

LEQUIL ACH' C'OP

² Yu'un vo'ot avac'be syu'el ta scuenta scotol crixchanoetic Lach'amale, yu'un ja' chac'be xcuxlejal ta sbatel osil scotol ti much'utic avac'bee.

Bible in Tzotzil de Chenalhó with Deuterocanon

² Yu'un laj avac'bun jvu'el ta sventa scotol cristianoetic, yu'un jech xu' ta xcac'be xcuxlejalic ti c'u yepal chavac'bune.

Tzotzil San Andres

² La avacꞌbun xa jventain scotol crixchanoetic ta spꞌejel balumil yoꞌ chcacꞌ ti chcuxiic o sbatel osil li cꞌu yepal atꞌujoj ti chiyichꞌic ta muqꞌue.

Tzotzil de Huixtán

² Yu'un laj xa avac'bun jventain scotol crixchanoetic ti jaylajuntos li' ti balumile, ti c'u yepal ti i'och xa ti jventa avu'une, ja' chcac'be xcuxlejalic sbatel osil.

San Juan 17:2 Iomraidhean Croise

Salmos 110:1

Ti Diose xi laj yalbe ti Cajvale: “Chotlan ava'i ta xocon jbats'i c'ob un, ja' to ti mi nijil chimil c'ot cu'un ta avoc ta ac'ob ti avajcontrataque.”

Daniel 7:14

Ac'bat yich' ti jelavem smuc'ul stsatsale, ti yutsilal slequilale, ti ventainel yu'une. Jech o xal ta xac' sbaic ta tunel ta stojol scotol ti jnaclejetic ta jujun muc' ta lume, ti ta jujuchop ti sc'opique. Yu'un jech sbatel osil ti oy smuc'ul stsatsale. Mi jutebuc ta xc'ot ta tubel ti c'u s'elan ta spas mantale.

San Mateo 11:27

“Ti jTote laj xa yac'bun ta coc ta jc'ob scotol ti c'usitic oye. J'ech'el mu'yuc buch'u xojtiquinic ti Nich'onile, ja' no'ox x'ojtiquine yu'un ti Totile. J'ech'el mu'yuc buch'u xojtiquin ti Totile, ja' no'ox x'ojtiquine yu'un ti Nich'onile. Ta xojtiquinic ti Jtote, ti buch'u ta jc'an ta xcac'be yojtiquine.

San Mateo 25:46

Taj une, ta xbatic ta tojob mulil sbatel osil. Ja'uc ti buch'u oy slequil stuq'uilique ta xbatic ta cuxlejal sbatel osil.”

San Mateo 28:18

Nopaj batel ti Jesús ta stojolic ti xi laj yale: —Ti Diose laj xa yac'bun ta coc ta jc'ob scotol ti c'usitic oy ta vinajele xchi'uc ti c'usitic oy ta banomile.

San Juan 17:24

“Tot, yu'un vo'ot laj avac'bun, ta jc'an ti tey oyicuc ti bu oyun eque, yo' jech ta xilic ti jlequilal laj avac'bune, yu'un ac'uxubinojun ono'ox c'alal mu'yuc to meltsaj ti banomile.

San Juan 17:6

“Ti buch'utic laj at'uj loq'uel li' ta banomil ti laj avac'bune, laj xa cac'be sna'ic Buch'uot ta melel. Ti buch'utic laj avac'bune, ja' ono'ox avu'un, xchi'uc c'ot xa ta yo'ntonic ti ac'ope.

San Juan 17:9

“Avocoluc ta jc'ubanbot ta atojol ti buch'utic laj avac'bune. Ma'uc ta jc'ubanbot ta atojol ti buch'utic lec xa'i ti sba banomile. Ja' ta jc'ubanbot ta atojol ti buch'utic laj avac'bune, yu'un ja' avu'untac.

San Juan 3:35

Ti Totile c'ux ta xa'i ti Xnich'one. Laj xa yac'be yip stsatsal ta sbainel scotol ti c'usitic oye.

San Juan 4:14

Ja'uc ti buch'u ta xuch' ti vo' vu'un ta xcaq'ue, j'ech'el mu xa'iic taqui ti'il. Yu'un ta xc'ot ta yo'ntonic jech c'u cha'al nio' ti mu sna' x'ul ti xtuctun o ti ta x'ac'bat xcuxlejalic sbatel osil yu'une.

San Juan 6:27

Ma'uc xavabtelanic ta sa'el ti ave'elic ti sna' xlaje. Ja' ac'beic yipal ta sa'el ti ve'lil ti mu sna' xlaje, ti ta xac' cuxlejal sbatel osile. Vu'un ta xcac' ti ve'lile, ti vu'un co'ol j'elantique. C'ot ta jventa yu'un ti Jtot ti ja' Diose.

San Juan 6:37

Scotol ti buch'utic ta xac' ta coc ta jc'ob ti Jtote, ta xtal ta jtojol. Ti buch'u ta xtal ta jtojole, mu'yuc ta jten loq'uel.

San Juan 6:39

Ti oy ta yo'nton ti Buch'u laj stacun talele, ja' ti mu xch'ayic cu'un junuc ti laj yac'bun ta coc ta jc'obe, ti ja' ta jcha'cuxesic ta slajeb ti c'ac'ale.

Romanos 6:23

Ti stojol ti mulile, naca lajel tubel sq'ueloj batel. Ja'uc ti matanal ti ta xac' ti Diose, ja' jcuxlejaltic sbatel osil ta sventa ti jech junotic xchi'uc ti Cajvaltic Cristo Jesuse.

1 Corintios 15:25

Yu'un ti Cristoe jbel sc'oplal ta xventainvan ja' to mi ac'bat xpech' ta teq'uel ti scontrataque.

Efesios 1:20

Yu'un ti smuc'ul stsatsal ti Dios taje, ja' ono'ox ti smuc'ul stsatsal laj yac' iluc c'alal laj xcha'cuxes ti Jesucristoe yo' jech c'ot ta pasel yu'un ti laj yac' chotluc ta sts'el sbats'i c'ob ti oy ta vinajele.

Filipenses 2:10

C'alal ta xa'iic “Jesús”, xi ti sc'oplale, scotol ti buch'utic oy ta vinajele, ti oy ta banomile, ti oy ta c'atimbaque, ta squejan sbaic ta stojol.

1 Timoteo 1:16

Ti jech laj xc'uxubinun ti Diose, yo' ta xvinaj ti laj stsic'bun jmul jcolo' ti Jesucristoe. Yu'un jech ti Diose laj yac' ta ilel ta jventa ti xu' ta sta xcuxlejalic sbatel osil ec ti buch'utic ta xlic c'otuc ta yo'ntonic ta xch'unele.

Hebreos 1:2

Avi tana une, ti slajebtic xa batel ti c'ac'ale, c'opoj ta jtojoltic ta sventa ti Xnich'one. Yu'un ti Diose laj spas scotol ti c'usi oy x'ayan ta sventa ti Xnich'one, xchi'uc laj yac'be yich' scotol ti c'usitic oy x'ayane.

1 Pedro 3:22

Yu'un muy xa batel ta vinajel. Oy xa ta sts'el sbats'i c'ob ti Diose. Yu'un yich'oj xa ta sventa ti ánjeletique, ti jpas-mantaletique, xchi'uc ti buch'utic tsots xu' yu'unique.

1 Juan 1:2

Ti Buch'u yich'oj ta sventa ti cuxlejale, laj yac' sba ta ojtiquinel ta jtojolcutic. Yu'un laj quilcutic, xchi'uc ta xcalcutic ava'iic sc'oplal ti Buch'u yich'oj ta sventa ti cuxlejal sbatel osile. Yu'un xchi'inoj to ox sbaic xchi'uc ti Dios Totile. Laj yac' sba ta ilel ta jtojolcutic avi tana li' une.

1 Juan 2:25

Yu'un xi ono'ox laj yalbe sc'oplal ta j'ech'el ti Jesucristoe: “Ta xavich'ic ti cuxlejal sbatel osile.”

1 Juan 5:20

Jna'tic lec xtoc ti tal ti Xnich'on Dios li' ta banomile, ti laj yac'botic jbijiltic ti laj sjam ti jba jsatique, yo' jech ta xcojtiquintic ti bats'i cuxul Diose. Ti Buch'u ja' melel ono'oxe, cuxulotic ta stojol, ti ja' sc'oplal ti Jesucristoe, ja' ti Nich'onile. Taje, ja' ti bats'i cuxul Dios ti oy ta sventa cuxlejal sbatel osile.

Judas 1:21

Staojuc yav oyuc ta atojolic syail xc'uxul yo'nton ti Diose. Junuc avo'ntonic malaic sc'ac'alil ta xtal ti Cajvaltic Jesucristoe, ti ta sventa xc'uxul yo'nton ta xac'botic ti jcuxlejaltic sbatel osile.