San Juan 17:15 - Bible in Tzotzil de Chamula

¹⁵ Ma'uc ta jc'ubanbot ti ta xach'ac loq'uel li' ta banomile. Ja' no'ox ta jc'ubanbot ti pojo yo' mu stsalatic yu'un ti pucuje.

Tzotzil Zinacantan

¹⁵ Maꞌuc chajcꞌopon o ti chavicꞌ ta orae; jaꞌ chacalbe ti chachabie yoꞌ mu xloꞌloatic o yuꞌun ti pucuje.

LEQUIL ACH' C'OP

¹⁵ Ma'uc chajc'anbe ti ac'u avic' loq'uel li ta balamile; ja' no'ox chajc'anbe ti ac'u aq'uel achabie, yo' mu spaseic o ta c'anal yu'un li c'usitic chopole.

Bible in Tzotzil de Chenalhó with Deuterocanon

¹⁵ Mu ja'uc ta jc'anbot ti ac'o avic' loq'uel li' ta banamile. Ja' no'ox ta jc'anbot ti ac'o achabibun yu'un jech mu stsalatic yu'un li pucuje.

Tzotzil San Andres

¹⁵ Mu me jaꞌuc chajcꞌanbe ti acꞌo xavicꞌ ta atojol li avie; jaꞌ chajcꞌanbe ti acꞌo xachabibune yoꞌ jech mu spaseic ta canal yuꞌun li pucuje.

Tzotzil de Huixtán

¹⁵ Ma'uc chajc'ambot yu'un ti chavic'bun loq'uel li' ti balumile. Ja' chajc'ambot ti chachabibune yu'un hech mu stsalat yu'un ti pucuje.

San Juan 17:15 Iomraidhean Croise

Génesis 48:16

ti Ánjel buch'u laj spojun ta scotol ti c'usi chopole, ac'o sva'an sba ta stojol ti queremetic li'e. Ta sventa ti stuquique, c'otuc ta pasel ti na'bil ta xic'ote, ti na'bil c'otuc ti jmuc'totcutic Abrahame, xchi'uc ti jtot Isaaque. C'otuc ta pasel epajuc ti xnich'nabique, ti yepaluc voleticuc ta banomile.”

1 Crónicas 4:10

Ti Jabese lic c'opoj ti'inuc ta stojol Dios yu'un Israel ti xi laj yalbee: “Avocoluc, c'uxubajan cu'un yu'un ti avutsilal alequilale, ti jtauc jamaluc ti cosilale, ti pojun coltaun yu'un ti jti' o'ntone, yo' jech mu jta ti jvocole.” Ac'bat yu'un Dios ti c'usi laj sc'ane.

Salmos 121:7

Ti Diose ta sq'uej batel ta atojol scotol ti c'usi xi'bal sbae, sbainoj ta spojelot yo' jech ta xacuxi.

Salmos 30:9

¿C'usi ta xata o mi lichame, ti poybil xa libat ta muquel une? Ti lum ach'ele mu xa stac' slequil-c'optaot, mi ja'uc xa ta yalel ti alequilal avutsilal une.

Eclesiastés 9:10

Ti c'usi oy ta avoc ta ac'ob ta spasele, o'ntolino ta sbainel scotol. Yu'un ta muquinal ti bu ta xac'ot ta tsutsele, mu'yuc c'usi ta xich' pasel. Mu'yuc xa c'usi ta xich' nopel. Mu xa x'abtej ti snopobile. Mu xa x'abtej ti bijilile.

Isaías 57:1

Mu'yuc buch'u ta svul yo'nton yu'un. Ta xcham ti lequil tuq'uil vinique. Mi ja'uc xa ta svulesat ta o'ntonal ti lec ech'ique, mi junuc buch'u xa'ibe smelol c'alal mi chamique, yu'un laj xa stijel ta c'op ti c'usi chopole.

San Mateo 5:37

Liquem talel ta stojol pucuj ma' ti jutbilal c'ope. Jech o xal alic, mi jech, yu'un jech; mi mo'oj, yu'un mo'oj.

San Mateo 6:13

Mu xavac'uncutic ta lajeltsael, pojuncutic ta yoc ta sc'ob ti pucuje. Yu'un jelavem amuc'ul, oy alequilal, ta xapas mantal sbatel osil. Jechuc.’

San Lucas 11:4

Ch'aybun jmulcutic jech c'u cha'al ta jch'aybecutic smul ti buch'u laj xa sa' ta jtojolcutique. Mu xavac'uncutic ta lajeltsael yu'un ti pucuje, pojuncutic.’

San Lucas 22:32

Ja'uc ti vu'une, lic'opoj liti'in xa ta aventa yo' mu xch'ay xch'unajel ti avo'ntone. C'alal mi lasut ta jtojole, xu' avu'un ta scoltael ti achi'iltac yo' mu stsic' ti yo'ntonique.

Gálatas 1:4

Ti Cajvaltic Jesucristoe laj yac' sba ta milel ta scoj ti jmultique, yo' jech tal spojotic loq'uel ta scoj ti toj chopol ti sba banomil avi tana li'e, ti jech ono'ox oy ta yo'nton ti Jtotic Diose.

2 Tesalonicenses 3:3

Ti jech oy yutsil slequil yo'nton ti Cajvaltique, ta xac'boxuc yip avo'ntonic, ta xchabioxuc yo' mu xastsaloxuc ti pucuje.

2 Timoteo 4:8

Avi tana une, ti c'alal ta sta yorail ti muc' ta c'ac'ale, ja' xa no'ox jmalaoj ti matanal ti chapal sc'oplal ta xiyac'bun ti Cajvaltic ti Buch'u ja' lequil Jchapanvaneje. Ma'uc no'ox vu'un ta xiyac'bun ti jmotone. Ta x'ac'batic ec ti buch'utic xmuyubaj xa smalaojic ti jun yutsilal ta xcha'sut talele.

1 Juan 5:18

Jna'tic lec ti buch'u stotinoj ti Diose, mu teyuc no'ox ta sa'olan ti smule, chabibil yu'un ti Xnich'on Diose, mu x'aq'ue ta piquel yu'un ti pucuje.

1 Juan 5:19

Jna'tic ti yu'unotic ti Diose. Jna'tic ti pasbilic ta mantal yu'un pucuj scotol ti jnaclejetic ta banomile.