San Juan 17:10 - Bible in Tzotzil de Chamula

¹⁰ Scotol ti bu c'otem ta cu'untaque, ja' avu'un. Ti bu c'otem ta avu'une, ja' cu'un ec. Ta xvinaj ti xojobin no'ox ti jlequilal cutsilal ta stojolique.

Tzotzil Zinacantan

¹⁰ Scotol ti muchꞌutic avacꞌ yichꞌicon ta muqꞌue jaꞌ cuꞌun. Jaꞌ avuꞌun uc. Coꞌol cuꞌuntic. Jaꞌ chiyaqꞌuic ta ichꞌel ta mucꞌ.

LEQUIL ACH' C'OP

¹⁰ Scotol ti much'utic ja' cu'une, ja' avu'un, ti much'utic ja avu'une, ja' cu'un; ja' chiyaq'uic ta ich'el ta muc'.

Bible in Tzotzil de Chenalhó with Deuterocanon

¹⁰ Scotol li cu'untaque ja' avu'un ec. Li avu'untaque ja' cu'une ec. Jech ich'bilun xa ta muc' ta sventaic.

Tzotzil San Andres

¹⁰ Scotol li buchꞌutic chcolic ta jventa joꞌone jaꞌ cuꞌun. Jaꞌ avuꞌun eꞌuc. Coꞌol cuꞌuntic. Jaꞌ chiyaqꞌuic ta ichꞌel ta mucꞌ.

Tzotzil de Huixtán

¹⁰ Scotol ti much'utic oyic ti jventae, oyic ti aventa uc. Scotol ti much'utic oyic ti aventae, oyic ti jventa uc. Chiyac'ucun ti pasel ti muc'.

San Juan 17:10 Iomraidhean Croise

San Juan 10:30

Jununcutic xchi'uc ti Jtote.

San Juan 11:4

Xi laj yal ti Jesús c'alal laj ya'ie: —Ti jech ip ta xa'ie, mu xcham o xchi'uc. Ja' ta xc'ot ta pasel yo' ta svinajes yutsilal slequilal ti Dios ta stojole, xchi'uc ta svinajesel yutsilal slequilal Xnich'onun ti Diose.

San Juan 12:23

Xi laj yal ti Jesuse: —Sta xa yorail ta xquich' jlequilal cutsilal ti vu'un co'ol j'elantique.

San Juan 5:23

yo' scotolic ac'o yich'icun ta muc' ti vu'un Nich'onilune jech c'u cha'al, ta xich'ic ta muc' ti Jtote. Ti buch'u mu xiyich'icun ta muc' ti vu'un Nich'onilune, mu xich'ic ta muc' ti Jtot ti ja' laj stacun talele.

Hechos 19:17

Scotol ti c'u yepal nacalic ta Efesoe, mu'yuc ta alel mi israeletic, mi jyanlumetic xi'ic ta j'ech'el c'alal jech laj ya'iique. C'ot ta pasel un ti c'ot ta yo'ntonic ta xch'unel ti oy smuc'ul stsatsal sc'oplal ti Jesucristoe.

Gálatas 1:24

Jech o xal un, xalbeic xa slequilal yutsilal Dios ta jventa.

Filipenses 1:20

Ti c'usi ta jc'an avi tana li'e, ti j'ech'el jpatoj co'ntone, ja' ti mu xiq'uexave, ti jamaluc que jti' ta yalel sc'oplal ti Cristoe, ti vinajuc smuc'ul stsatsal Cristo ta stojol scotolic ta sventa ti c'usiuc no'ox ta jpase, ac'o mi xicham, mi cuxulun to ta xicom.

Colosenses 2:9

Yu'un scotol stalel ti Diose oy ta stojol ti Cristoe.

2 Tesalonicenses 1:10

C'alal ta sta sc'ac'alil ta xtal ti Cajvaltique, ich'bil ta muc' ta xc'ot xchi'uc ti yu'untaque, labal ta xa'iic scotol ti jch'unolajeletique. Taje, oyoxuc ta venta ec, yu'un c'ot ta avo'nton ta xch'unel ti sc'op Dios ti laj calboxuc ava'iique.

2 Tesalonicenses 1:12

Ti jech taj une, ta aventaic ta xavaq'uic ta ich'el ta muc' ti Cajvaltic Jesucristoe. Jech ti stuc eque ta xayac'oxuc ta ich'el ta muc' ta sventa yutsil slequil yo'nton ti Dios cu'untique xchi'uc ti Cajvaltic Jesucristoe.

1 Pedro 2:9

Ti vo'oxuque, alab nich'nabiloxuc ti t'ujbiloxuque, yu'un paleoxuc ti avac'oj abaic ta tunel yu'un ti Diose, yu'un ch'ul jteclumoxuc, yu'un yalab xnich'naboxuc ti Diose. Ti jech taj une, yo' jech ta xavabtelanic ta yalel ti oy c'usi jun yutsil slequil laj spas ti Diose. Yu'un laj yic'oxuc loq'uel ta ic'al osil, la'ochic xa batel ta saquilal ti ja' xch'ul lequilale.