San Juan 17:1 - Bible in Tzotzil de Chamula

¹ C'alal laj c'opojuc ti Jesuse, laj sq'uel muyel vinajel ti xi laj yale: —Sta xa yorail, Tot, ac'bo yich' slequilal ti Anich'one yo' jech ta svinajes alequilal ec.

Tzotzil Zinacantan

¹ Ti cꞌalal laj yalboticotic yech ti Jesuse, jaꞌo isqꞌuel vinajel, iscꞌopon Riox. ―Tot, ista xa yora chicham chac cꞌu chaꞌal avaloj onoxe. Acꞌon ta ichꞌel ta mucꞌ, voꞌon lachꞌamalone, yoꞌ xacacꞌ o ta ichꞌel ta mucꞌ uque.

LEQUIL ACH' C'OP

¹ Ti c'alal laj yal yech scotol chac taje: Ti Jesuse isq'uel muyel vinajel ja' yech iyal chac li'i: «Tot, lavie ista xa yora: Ac'o ta ich'el ta muc' Lach'amale, yo' ti xa yac' o ta ich'el ta muc' uque.

Bible in Tzotzil de Chenalhó with Deuterocanon

¹ C'alal laj yal jech li Jesuse, la stoy muyel sat ta vinajel, jech laj yal: “Tati, laj xa sta sc'ac'alil, jech ac'un me ta ich'el ta muc', vu'un li Anich'onune, jech cha'ich'at ta muc' ta jventa ec.

Tzotzil San Andres

¹ Cꞌalal laj yal jech li Jesuse, la sqꞌuel muyel ta vinajel, la sta ta naꞌel Dios. Jech laj yal: ―Tata, ista xa scꞌacꞌalil ti chicham jech chac cꞌu chaꞌal avaloj onoꞌoxe. Ta sventa ti ta jchꞌun li cꞌusi avaloje, jech acꞌun ta ichꞌel ta mucꞌ, joꞌon la Anichꞌonune. Chaꞌichꞌe ta mucꞌ eꞌuc.

Tzotzil de Huixtán

¹ C'alal laj yal hech ti Jesuse, laj sq'uel muel vinajel. Hech laj sc'opon Dios: ―Tote, ista xa yorail ti chc'ot ti pasel cu'un hech chaj c'u che'el achapanoj. Hech yu'un ac'un ti pasel ti muc' yu'un hech chacac'ot ti pasel ti muc' uc, ho'on ti Anich'onune.

San Juan 17:1 Iomraidhean Croise

Salmos 123:1

Ti ta atojole, Cajval, xivocolet xa jq'uelojot talel; jech ta jpas talel ta atojol ti vo'ot ta xapas mantal ta vinajele.

Isaías 38:14

Co'ol j'elan xjaval-eq'uen ti naca xa xijic'jun ta jc'an ti parte ta atojolale. Xime'inal oc' xa jech c'u cha'al ti palomaetique. Jeche' xa tonol muyel ta vinajel ti jsate. Cajval, mu x'ech' xjelav ti vocole, va'ano to aba cu'un.

Marcos 14:41

Xi laj yal c'alal sut talel ta yoxcojale: —¿Mi jun to no'ox la avo'ntonic ta xavayic, ta xacuxic? Ta'luc o xa ti vayele, julavanic xa, yu'un sta xa yorail ta xi'aq'ue ta c'abal yu'un jsa'muliletic ti vu'un co'ol j'elantique.

San Lucas 18:13

Ja'uc ti jc'an-patan-taq'uine, ta patil nijil com ta q'uexlal. Mi ja'uc jutebuc stoy muyel ti sat ta vinajele. Ja' no'ox smajolan xa ti sti' yo'ntone, ti xi laj yale: ‘Ch'ul Dios, c'uxubinun, yu'un jsa'mulilun.’

San Lucas 22:53

C'alal tey to ox oyun ta atojolic jujun c'ac'al ta ch'ulnae, mi ja'uc jutebuc laj atsaquicun. Ja'uc le' une, ja' xa c'ot yorail ti pasbiloxuc ta mantal yu'un ti buch'u sventainoj ti ic'al osile.

San Juan 11:4

Xi laj yal ti Jesús c'alal laj ya'ie: —Ti jech ip ta xa'ie, mu xcham o xchi'uc. Ja' ta xc'ot ta pasel yo' ta svinajes yutsilal slequilal ti Dios ta stojole, xchi'uc ta svinajesel yutsilal slequilal Xnich'onun ti Diose.

San Juan 11:41

Laj sloq'uesbeic ti smac sti'e. Ti Jesuse laj stoy muyel sat ta vinajel ti xi laj yale: —Tot, colaval xacutot, yu'un laj ava'ibun ti jc'ope.

San Juan 12:23

Xi laj yal ti Jesuse: —Sta xa yorail ta xquich' jlequilal cutsilal ti vu'un co'ol j'elantique.

San Juan 13:1

Ta yac'ubalil xa ti q'uin Colele, sna'oj xa ti Jesuse ti c'ot xa yorail ta xicta comel ti banomile, ti ta sut batel ta stojol ti Stote. Ti jech mu tuch'baj jipbaj ta xa'i ti yu'untac li' ta banomile, jech o staoj o yav c'ux ta xa'i ti c'uxi ta xc'ot ta tsutsele.

San Juan 16:32

Sta xa yorail, ja' xa yorail avi tana li' une, ti tan puc ta xabatique, jtuc ta xavictaicun comel. Manchuc mi jech, yu'un chi'inbilun yu'un ti Jtote.

San Juan 7:30

Va'i un, sc'an xa ox ta stsaquic ya'iic. Mu'yuc buch'u junucal laj stic' sba mi junuc, yu'un mu'yuc to ta xc'ot yorail.

San Juan 7:39

Ti va'i s'elan laj yal ti Jesuse, ja' ta xac' ta na'el ta xich'ic Ch'ul Espíritu ti buch'utic ta xc'ot ta yo'ntonic ta xch'unele. Mu'yuc to talem ti Ch'ul Espiritue, yu'un mu'yuc to muyem batel ta vinajel ta yich'el slequilal yutsilal ti Jesuse.

San Juan 8:20

Ja' jech laj yal ti Jesuse c'alal ta xchanubtasvan ta ch'ulna ti bu oy xcaxail smoton ti Diose. Mi ja'uc junuc oy buch'u tsacvanic yu'un mu to ta xc'ot ti yoraile.

Hechos 3:13

Ti Dios yu'un ti Abrahame, yu'un ti Isaaque, yu'un ti Jacobe, yu'un ti jmolmuc'totique, ja' laj scoles. Yu'un laj yac' ta ich'el ta muc' ti Jesús ti ja' yajtunele, ti Buch'u laj avaq'uic ta yoc ta sc'ob ti jchapanvanejetique, ti mu'yuc xavich'ic ta muc' ti ta ox scolta batel ti Pilatoe.

1 Pedro 1:21

Ta sventa ti Cristoe, teq'uel c'ot ta avo'ntonic ti Dios ti laj xcha'cuxes c'alal cham ti Jesucristoe, xchi'uc ti laj yac'be yich' ti slequilal yutsilale. Jech o xal ti vo'oxuc une, teq'uel c'ot ta avo'ntonic, xchi'uc amalaojic ti oy c'usi ta xa'ac'batic yu'un ti Diose.