San Juan 16:7 - Bible in Tzotzil de Chamula

⁷ Xi jamal ta xcalboxuc ava'iique: Yu'un toj lec ta xc'ot ta pasel ta atojolic ti ta xibate. Yu'un mi mu xibate, mu xtal ta atojolic ti Buch'u ta scoltaoxuque, ti ta xac' smuc'ul avo'ntonique. Ti mi libate, ta jtac talel.

Tzotzil Zinacantan

⁷ Ta melel chacalbeic, voꞌoxuc acꞌuxubinelic ti chisut echꞌel ta vinajele. Yuꞌun mi mu xisute, mu xtal scoltaoxuc ti Chꞌul Espíritue. Cꞌalal xisut echꞌele, jaꞌ ta jtac tal.

LEQUIL ACH' C'OP

⁷ Ta melel chacalbeic: Ja' ta scuenta alequilalic ti chibate. Yu'un ti mi mu xibate mu xtal xchi'inoxuc li much'u chtal spas ta jun avo'onique; pero mi libate, vo'on chajtacbeic tal.

Bible in Tzotzil de Chenalhó with Deuterocanon

⁷ Pero melel li c'usi chacalboxuque: Ja' sventa alequilalic ti chibate. Yu'un me mu'yuc chibate, mu'yuc chtal ta atojolic li Jpat-o'ntonale. Pero me chibate, vu'un ta jtacboxuc tal.

Tzotzil San Andres

⁷ Melel li cꞌusi chacalbeique, joꞌot acꞌuxubinelic ti chisut batel ta vinajele. Yuꞌun mi muc bu chisut batele, muc bu chtal scoltaoxuc li Chꞌul Espíritue. Ti chisut batele, jaꞌ chajtacbeic talel li Chꞌul Espíritue.

Tzotzil de Huixtán

⁷ Melel ti c'usi chacalbeique, yu'un ja' avutsilalic ti chisut batel ti vinajele. Yu'un mi mu xisut batele, mu xtal ti Ch'ul Espíritue ti chascoltaoxuque. Pero mi nibate, ja' ti jtac talel ti atojolic.

San Juan 16:7 Iomraidhean Croise

Salmos 68:18

Ta toyol lamuy ech'el un, Ch'ul Dios, avic'ojan ech'el ta chuquel ti jchuqueletique; laj avich' ac'bel matanal yu'un ti viniquetic une. Ti jtoyobbaetique laj sbic'tajes sbaic ta atojol un, Dios.

San Lucas 24:49

Ja'uc le' une, malaic li' ta jteclume, yu'un ta jtacboxuc talel ta atojolic ti oy c'usi yaloj ti Jtot ta xaq'ue. Ja' to xaloq'uic batel li' ta jteclum Jerusalén mi laj xa avich'ic ti amuc'ul atsatsalic ti ta xlic talel ta vinajele.

San Lucas 4:25

Ta xcalboxuc ava'iic, yepal no'ox me'unal antsetic ta Israel c'alal yorail xanav ti Eliase, c'alal ja' o yorail mu'yuc xac' vo' oxib (3) jabil xchi'uc o'lol ti mu no'ox albajuc lic vi'nal ta sjunlej ti banomile.

San Lucas 9:27

Ta xcalboxuc ava'iic ta melel, oy jlomoxuc li'e mu'yuc to ta xachamic mi mu'yuc ta xavilic ta aba ta asatic ta xventainvan ti Diose.

San Juan 14:26

Ti Ch'ul Espiritue, ti ja' Jpat-o'ntonal ti ta stac talel ti Jtot ta jventae, ja' ta xa scoltaoxuc, ja' ta xa xchanubtasoxuc scotol taje, ja' ta svules ta ajolic scotol ti va'i s'elan laj calboxuque.

San Juan 14:28

Laj xa calboxuc ava'iic ti ta xibate, xchi'uc ti laj cal ta xtal jchi'inoxuc xtoque. Ti yu'unuc c'uxuc ta xava'iicune, xamuyubajic xa jechuc ti laj ava'iic ta xibat bu oy ti Jtote. Yu'un ti stuque x'ech' to jelavem sc'oplal, ja' mu sta ti vu'une.

San Juan 14:3

Ta xibat un, ta xba jchapan ta smeltsan ti bu ta xanaquiique. Ts'acal to un, ta xisut talel yo' ta xquic'oxuc ech'el yo' tey oyoxuc ti bu oyune.

San Juan 15:26

“Ja'uc ti c'alal ta jtac talel ta atojolic ta sventa Jtot ti jpat-o'ntonale, ja' ti Ch'ul Espíritu ti melel c'usi ta xac' ta na'ele, ja' ta xalboxuc ava'iic ti jc'oplale.

San Juan 16:8

C'alal jech ta xtal ti Ch'ul Espiritue, ja' ta xac'be sna'ic ti jnaclejetic ta banomil c'usi ti mulile, c'usi ti lequilale, xchi'uc ti chapanel yu'un ti Diose.

San Juan 7:39

Ti va'i s'elan laj yal ti Jesuse, ja' ta xac' ta na'el ta xich'ic Ch'ul Espíritu ti buch'utic ta xc'ot ta yo'ntonic ta xch'unele. Mu'yuc to talem ti Ch'ul Espiritue, yu'un mu'yuc to muyem batel ta vinajel ta yich'el slequilal yutsilal ti Jesuse.

Hechos 10:34

Va'i un, xi lic yal ti Pedroe: —Avi tana un, jna' lec, ti Diose mu jeltosuc yo'nton ta spas ta stojol ti jnaclejetic ta banomile.

Hechos 2:33

Laj taj une, iq'ue muyel ta vinajel ta sventa smuc'ul stsatsal ti Diose yo' ta xc'ot chotluc ta sts'el stuq'uil ti sbats'i c'ob xchi'uc ta yich'el ti Ch'ul Espíritu ta sventa ti Stot ti yalojbe ono'ox sc'oplal ta xac' talele. Jech ti stuc ec une, laj stac talel ta jtojolcutic. Ja' ti vi s'elan yacal ta xava'iic ta xavilic avi tana li' une.

Romanos 8:28

Jna'tic lec, ti buch'utic c'ux ta xa'iic ti Diose, ti ic'bilic yu'un jech c'u cha'al oy ta yo'ntone, ja' sventa slequilalic scotol ti c'usi ta xc'ot ta pasele.

2 Corintios 4:17

Ti jvocoltic li' ta banomile mu jaluc, ta x'ech' sc'ac'alil, ta xjoybij ta jlequilaltic ti jun yutsil sbatel osile, xloc' venta.