San Juan 16:22 - Bible in Tzotzil de Chamula

²² Ja' jech ti vo'oxuc avi tana li'e, mu x'ech' ta xava'iic ti avocolique. Ja'uc c'alal ta xisut talel jq'ueloxuque, ta xlic muyubajanic, jun muyubajel ti mu'yuc buch'u xasmacboxuque.

Tzotzil Zinacantan

²² Jaꞌ yechoxuc uc, lavie ta to xavat avoꞌonic. Ti cꞌalal chavilic jsat noxtoque, xamuyubajic xa. Mu xa muchꞌu xuꞌ chayacꞌbeic at-oꞌon.

LEQUIL ACH' C'OP

²² Ja' no'ox yechoxuc uc, lavie ta to xavat avo'onic; pero li vo'one ta to xtal jq'ueloxuc, mu xa c'u yech o avo'onic ti c'alal xavilicone, mu xa much'u xu' cha spojbeic ti jun avo'onique.

Bible in Tzotzil de Chenalhó with Deuterocanon

²² Ja' no'ox jech ec li vo'oxuque, li' ta orae chavat avo'ntonic, pero ta to xajq'ueloxuc. Jech xcuxet no'ox avo'nton chava'yic; mu'yuc boch'o xu' chaspojboxuc o li xcuxetel avo'ntonique.

Tzotzil San Andres

²² Jaꞌ noꞌox jechoxuc eꞌuc li joꞌoxuque, li avie chavat avoꞌonic, pero cꞌalal chavilic jsat nojtoque, xamuybajic xa. Muꞌyuc xa at‐oꞌon chavaꞌiic.

Tzotzil de Huixtán

²² Ja' no'ox hech ti ho'oxuque chavich'ic mul ti ora to. Li' ti chib oxib c'ac'ali chaq'uelbun jsat yan vuelta, hech nichim no'ox avo'ntonic o. Mu'yuc xa much'u xu' chayac'boxuc ich'mul yan vuelta.

San Juan 16:22 Iomraidhean Croise

Job 34:29

Mi sq'uel no'ox ti Diose, ¿buch'u xa ono'ox ta x'ac'bat stoj ti smulique? Mi mu xa xac' ti sat une, ¿buch'u xa ono'ox ta xil ti c'usi ta xc'ot ta pasele? Ti stuque stuc'ulanoj ti jteclumetique, xchi'uc ti jujun viniquetique,

Salmos 146:2

Ti li' to xvic'vun ti jsate, ta jlequil-c'opta ti Diose; ti li' to cuxulune, ta jq'uejinta q'uejimoletic ta stojol ti Diose.

Salmos 33:21

Xmuyubaj no'ox co'ntontic ta stojol ti Diose; j'ech'el jpatoj co'ntontic ta sventa ti yutsil slequilale.

Isaías 25:9

Ti jech c'ac'al taje, xi ta xalique: “Le' une, ja' me ma' ti Dios cu'untic une. Laj jpat co'nton ta stojol. C'ot ta pasel ti laj spojotique. Xlaetuc co'ntontic, muyubajcutic ti laj scoltaotique.”

Jeremías 31:12

“Ta xtalic, xmuyubajic xa ta xlic q'uejinicuc ta toyol vits yu'un ti jteclum Sione. Ta sc'upinic ti xi s'elan chapanbil yu'un ti Dios ta sventaique: mu xc'ot ta ch'ayel ti oy no'ox ti trigoe, ti vinoe, ti aceitee, ti chijetique, xchi'uc ti vacaxetique. Ta staic ti co'ol s'elan jun yav ts'unubaletic ti lec maltabile, staoj scotol ti c'usi ta xtun yu'une.

San Mateo 28:8

Ti antsetique laj yictaic comel ti muquinale. Batic ta anil, yu'un oy xi'el ta xa'iic xchi'uc xmuyubajic xa no'ox xtoc. Bat yalbeic ya'i ti yajchanc'optac ti c'usi c'ot ta pasele.

San Lucas 10:42

Jun no'ox ma' ti tsots sc'oplale. Ti Mariae laj xa st'uj ti bu tsots sc'oplale, mu'yuc buch'u ta xpojbun.

San Lucas 16:25

Xi tac'bat yu'un ti Abrahame: ‘Nich'on, vuleso ta avo'nton ti c'alal oyot to ox ta sba banomile, laj avac'be aba scotol ti c'usi ta sc'an ti avo'ntone. Ja'uc ti Lázaro li'e, toj abol sba ech' ta sba banomil. Avi tana ti stuc li'e, mu'yuc xa c'usi xal yo'nton, laj xa sta ti lequilale. Ja'uc ti vo'ote, ta xavich' avocol.

San Lucas 19:26

Ti ajvalile xi laj staq'ue: ‘Ta xcalboxuc ava'iic, ti buch'u oy xa ono'ox yu'une, yepal to ta x'ac'bat. Ja'uc ti buch'u mu'yuc xjolin yu'une, ta xpojbat sutel ti uni juteb oy yu'une.

San Lucas 24:41

Ti jech batem yo'ntonic yu'un ti muyubajele, xchi'uc ti elom ta xa'iique, mu to ta xc'ot lec ta yo'ntonic ta xch'unel. Ja' yu'un un, xi jac'batic yu'un ti Jesuse: —¿Mi oy c'usi jutebuc jlajestic?

San Juan 14:1

“Tsotsanic, mu xachibajic. Pato avo'ntonic ta stojol ti Diose, pato avo'ntonic ta jtojol ec.

San Juan 14:19

Ti buch'u lec xa'iic sc'upinel ti banomile, mu xa jaluc li' ta xilbeicun ti jsate. Ja'uc ti vo'oxuque ta xavilicun, xchi'uc ta xacuxiic yu'un cuxulun.

San Juan 14:27

“Ta xcac' comel ta atojolic ti slamajemal o'ntonale. Mu xco'olaj xchi'uc jech c'u cha'al ta xaq'uic ti buch'u li' oyic ta banomile. Mu me xatsiq'ues avo'ntonic, mu xaxi'ic.

San Juan 16:16

“Mu xa jaluc ta xavilicun li'e, ts'acal to ta xlic avilicun —xi ti Jesuse.

San Juan 16:20

Jbel sc'oplal ta xcalboxuc ava'iic, ta xlic oc'anic, ta xavat avo'ntonic, ja'uc ti jnaclejetic ta banomile xmuyubajic xa liquel. Ti jech oyoxuc ta vul o'ntone, ta xlic joybijuc ta muyubajel.

San Juan 16:6

C'ajomal no'ox ochemoxuc ta at o'nton yu'un ti jech laj cal taje.

San Juan 21:7

Va'i un, ti jun jchanc'op ti mu tuch'baj ta o'ntonal ta x'a'yie yu'un ti Jesuse, xi laj yalbe ti Pedroe: —¡Ja' Cajvaltic ta xquil une! Naca jech laj ya'i ti Simón Pedro ti ja' Cajvaltique, laj slap ta anil ti sc'u' ti sloc'oj to oxe. Laj sjip sba batel ta vo'.

San Juan 4:14

Ja'uc ti buch'u ta xuch' ti vo' vu'un ta xcaq'ue, j'ech'el mu xa'iic taqui ti'il. Yu'un ta xc'ot ta yo'ntonic jech c'u cha'al nio' ti mu sna' x'ul ti xtuctun o ti ta x'ac'bat xcuxlejalic sbatel osil yu'une.

Hechos 13:52

Ja'uc ti jch'unolajeletique xmuyubajic no'ox, xchi'uc ventainbil yo'ntonic yu'un ti Ch'ul Espiritue.

Hechos 16:25

Ta o'lol ac'ubal un, ti Pabloe, ti Silase c'opoj ti'inic, xchi'uc ta xq'uejinic ta sq'uejimol Dios, ti ts'etel xchiquinic ta xa'iic ti yan jchuqueletique.

Hechos 2:46

Jujun c'ac'al ta stsob sbaic ta ch'ulna. Ta svol sbaic ta ve'el ta naetic ta sventa ta spasel sna'obil ti Cajvaltique, ti scotol xmuyubajique, biq'uit yac'oj sbaic.

Hechos 5:41

Ti jcholc'opetique xmuyubajic xa loq'uic batel ta stojol ti jchapanvanejetique ti jech c'ot ta nopel yu'un Dios ti laj yac' c'otuc ta stojolic ti vocole, ti ilbajinel ta sventa ti Jesuse.

2 Corintios 6:10

Oy bu mu xa x'ech' ta xca'icutic ti at o'nton yilele, c'alal jun la co'ntoncutic xtoc une. Oy bu me'ununcutic xa ta q'uelel yilel, c'alal yepal oy buch'u ta sta sc'ulejal cu'uncutique. Oy bu ch'abal xa c'usi cu'uncutic ta q'uelel yilel, c'alal oy la cu'uncutic scotol xtoc une.

2 Tesalonicenses 2:16

Ti Jtotic Dios cu'untique laj xc'uxubinotic, laj yac'botic spatobil co'ntontic sbatel osil ti oy c'usi ta jmalatic ta jtatic ta sventa ti slequilal yutsilal yo'ntone. Ti Dios taje xchi'uc ti Cajvaltic Jesucristoe, ac'o yac'boxuc yip avo'ntonic ta spasel ta yalel ti c'usi leque.

Hebreos 10:34

Ti vo'oxuque c'uxubaj avo'ntonic yu'un ti buch'utic ochemic ta chuquele. C'alal laj avich'ic pojbel batel ti c'usitic x'ayan avu'unique, mu'yuc tsots sc'oplal laj ava'iic, xamuyubajic xa cuch avu'unic, yu'un laj ava'iic ta avo'ntonic ti oy c'usi x'ech' to yutsil ta xa'ac'batic ti oy ta vinajele, ti sbatel osil mu sna' xlaje.

Hebreos 6:18

Ja' yu'un un, ta sventa ti cha'bel taje, ti jbel sc'oplal mu stac' jelele, xchi'uc ti mu sjut c'op ti Diose, xpatet to co'ntontic yu'un ti jech laj xa jsa'tic jpojel jcoltaeltic ta stojole.

1 Pedro 1:8

Ac'o mi mu'yuc laj avilic ti Jesucristoe, c'ux ta xava'iic. Ti jech xamuyubajic ta stojol c'alal mu'yuc avilojic avi tana le'e, oy ta ave ati'ic ta yalel ti mu'yuc xa buch'u xtaun ta xava'iic ti jech xamuyubajique.