San Juan 16:21 - Bible in Tzotzil de Chamula

²¹ C'alal ta svoq'ues yol ti jun antse, mu x'ech' ta xa'i ti svocole, ja' ti sta xa yorail ti xc'uxule. Ts'acal to un, mi voc' xa ti yole, ta xch'ay ta yo'nton ti xc'uxule, xmuyubaj xa ti lec voc' ti yole.

Tzotzil Zinacantan

²¹ Anaꞌojic cꞌu xꞌelan ti cꞌalal chcol ta alajel li antse, oy svocol. Mi icole, ta xchꞌay ta sjol li svocole. Xmuyubaj xa ti cꞌalal spetoj xa li yole.

LEQUIL ACH' C'OP

²¹ Ana'ojic c'u x'elan ti c'alal chcol ta alajel li antse, oy svocol yu'un ja' xa yorail ta xcol; mi icole, ta xch'ay ta sjol li svocole, xmuyubaj xa ti c'alal spetoj xa li yole.

Bible in Tzotzil de Chenalhó with Deuterocanon

²¹ Jech chac c'u cha'al c'alal ta xcux jun antse, oy svocol yu'un yorail xa chcux. Pero c'alal me voq'uem xa li yole, mu xa sna' li svocole, yu'un xcuxet xa yo'nton ti oy xa yunin quereme.

Tzotzil San Andres

²¹ Anaꞌojic li cꞌu sba li cꞌalal ta xcux jun antse, oy svocol. Pero cꞌalal mi ixcuxe, ta xchꞌay ta yoꞌon ti yan sba svocol iyaꞌie. Xmuybaj xa yuꞌun ispet xa yol.

Tzotzil de Huixtán

²¹ Chana'ic hech chaj c'u che'el ti ants ti chcol ti alajele. Oy svocol yu'un ista xa yorail. Mi icol xa ti alajel, ich'ay ti yo'nton ti c'ux laj ya'i. Nichim no'ox yo'nton patil yu'un oy xa yol.

San Juan 16:21 Iomraidhean Croise

Génesis 3:16

Xi albat ti antse: —C'alal ta x'ayan ti avalabtaque, ta xquepajes ti avocole. Ja' jech xtoc ta xava'ibe xc'uxul ti c'alal ta xavoq'ues ti avole. Manchuc mi jech un, mu no'ox xu' avu'un ta xava'i, tsots sc'oplal ta xava'i ti amalale, pasbilot ta mantal yu'un.

Job 11:16

Ja' mu xa xt'ab ta avo'nton ti avocole; yo' ta xc'ot ta pasel ti mu xa xvul ta avo'nton jech c'u cha'al x'ech' ti vo'e.

Salmos 113:9

Ta sta liquel yu'un xmuyubaj ti ants ti mu'yuc xil o ti alajele, me'il ta xc'ot, ta xlic pasuc ta jchop jnaclej. Jun yutsil ta j'ech'el ma' ti Dios une.

Isaías 13:8

Xbaletic xa xchi'uc yipal jech c'u cha'al xc'uxul alajel ta xa'i ti antse. Yu'un ta jujun tal mu xa stac' a'yieluc ta xa'iic ti sq'uel q'uelbe sba ti satique, ti vajal ta c'oc' satic yu'un ti q'uexlale.

Isaías 21:3

Xt'elt'un xa yu'un ti jbec'tal jtacopale. Xibalet xa xchi'uc xc'uxul jech c'u cha'al jun ants ti xbalet xa xchi'uc xc'uxul xch'ut ti c'alal ta svoq'ues ti yole. Mu xa xca'i c'usi ta xc'ot ta pasel yu'un ti vul o'ntone. Mu xa xquil c'usi ta xc'ot ta pasel ti batem ti jch'ulel ta xi'el yu'une.

Isaías 66:7

“Ti lum Sione, c'ot ta stojol co'ol s'elan jun ants ti lic yil osil banomil ta jech no'ox yepal ti c'alal mu'yuc ya'binoj ti yipal xc'uxul ti alajele.

Miqueas 4:10

Valc'uj sutbijan xa, avetan xa xchi'uc ti yipal xcuxule, jteclum Sión, jech c'u cha'al junuc ants ti xvalc'uj sutbij xa ta xa'ibe xc'uxul ta svoq'uel ti yole, yu'un ti ateclumale ta xloc' ech'el ta atojol, yu'un ta xbat nacliicuc ta jamal osiltic. Ma'uc no'ox taje, yu'un ta xbatic c'alal to ta jteclum Babilonia. Ti bu taje, ti Diose ta stic' sba ta spojel ti steclumale, yu'un ta spoj ta yoc ta sc'ob ti jcontrainvanejetique.

Miqueas 4:9

Ja' yu'un un cha'e, ¿c'u cha'al ya'yel ta xa'avan ta j'ech'el jech c'u cha'al junuc ants ti liquem xc'uxul ta svoq'uesel ti yole? ¿Mi yu'un ch'ay xa sc'oplal ti ajvalil ta atojole? ¿Mi yu'un ja' laj xa chamicuc ti avajbijubtasvaneje?

Gálatas 4:27

Yu'un ti ch'ul c'ope xi ta xale: “Muyubajan, machero ants, ti vo'ot ti mu'yuc laj avil junuc ti avalabe. Tse'inan, muyubajan, ti vo'ot ti mu'yuc ava'binoj xc'uxul ti alajele. Yu'un ti bajbil tenbil antse, yepal ta xil yalab, ja' mu sta ti ants ti buch'u oy smalale.”

1 Tesalonicenses 5:3

Yu'un ti c'alal xi ta xalic ti jnaclejetic ta banomile: “Lamajem c'op, mu'yuc xi'el, lec oy scotol”, ja' o ta jech yepal ta xtal ti tsots vocol ta stojolic jech c'u cha'al junuc ants ta ora no'ox stsic'luj xc'uxul ti yole, mi junuc oy buch'u ta xcol.