San Juan 16:19 - Bible in Tzotzil de Chamula

¹⁹ Ti Jesuse laj yil ti oy c'usi ta xjac'bate, xi laj yale: —¿Mi ja' ta xajac'be abaic ti laj cal ti mu xa jaluc li' oyun ti ta xavilicune, ti ts'acal to ta xital ta xavilicun ti xichie?

Tzotzil Zinacantan

¹⁹ Ti Jesuse snaꞌoj onox ti coꞌonticoticuc jacꞌbeticotic cꞌusi smelole, jaꞌo liyalboticotic: ―Jnaꞌoj ti chajacꞌbe abaic cꞌusi smelol ti “mu xa bu jal liꞌ chavilicone. Oy jun chib cꞌacꞌal ti mu xavilicone. Tsꞌacal to chavilicon noxtoc”, ti xacutique.

LEQUIL ACH' C'OP

¹⁹ Ti Jesuse iyac cuenta ti yo'onicuc sjac'beic c'usi smelole, ja'o yech iyal chac li'i: ―Li vo'one la calbeic ti mu xa bu jal li' chavilicone, xchi'uc ti le' c'alal jayib c'ac'ale ta to xavilicon jayibuc c'ac'al noxtoque. ¿Mi ja' li c'usi yolel cha jac'ulanbe abaique?

Bible in Tzotzil de Chenalhó with Deuterocanon

¹⁹ Li Jesuse la sna' ti tsc'an tsjac'beic smelole, ja' yu'un jech laj yalbe: —Ta jna' ti chajac'be abaic ta sventa ti jech laj cale: ‘Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc c'ac'al’, ti xacutoxuque.

Tzotzil San Andres

¹⁹ Li Jesuse snaꞌoj ti chac jacꞌbecutic li cꞌu sba smelole, jech laj yalbuncutic: ―Jnaꞌoj ti chajacꞌbe abaic ta sventa ti jech laj cale: “Mu xa jaluc liꞌ chavilicune. Oy jun chib cꞌacꞌal ti muc bu chavilic jsate. Tsꞌacal to chavilicun nojtoc”, ti xacutique.

Tzotzil de Huixtán

¹⁹ Sna'oj stuc ti Jesuse ti hech ti jc'an ti jac'betutique ti c'usi sjame. Hech yu'un hech laj yalbuntutic: ―Jna' ti chajac'be abaic c'u yu'un laj cal: “J'oc' xa no'ox chaq'uelbun jsat. Jun chib c'ac'al mu xaq'uelbun jsat. Patil chaq'uelbun jsat yan vuelta”, ti xacutique.

San Juan 16:19 Iomraidhean Croise

San Mateo 6:8

Mu jechuc xapasic jech c'u cha'al ti stuquique. Yu'un ti Jtotic Diose sna'oj xa ti c'usi ta xtun avu'unic c'alal mu to ta xlic ac'anbeique.

San Mateo 9:4

Ti Jesuse sna'oj xa ono'ox ti c'u s'elan ta snopique. Xi laj sjac'bee: —¿C'u cha'al toj chopol ti snopobil avu'unique?

Marcos 9:32

Mu'yuc laj ya'ibeic smelol ti va'i s'elan albatique. Yu'un ta xi'ic ta sjac'bel.

San Juan 13:33

Mu xa jaluc li' oyun ta atojolique, Cuni nich'nab. Xasa'icun xa un, ja' no'ox ta xcalboxuc ava'iic jech c'u cha'al xichi laj calbe ya'iic ti israeletique: ‘Mu xac'otic ti bu ta xibate.’

San Juan 14:19

Ti buch'u lec xa'iic sc'upinel ti banomile, mu xa jaluc li' ta xilbeicun ti jsate. Ja'uc ti vo'oxuque ta xavilicun, xchi'uc ta xacuxiic yu'un cuxulun.

San Juan 16:16

“Mu xa jaluc ta xavilicun li'e, ts'acal to ta xlic avilicun —xi ti Jesuse.

San Juan 16:18

¿C'usi ta xac' ta na'el ti ‘mu xa jaluc’, ti xie? Mi ja'uc xca'ibetic smelol ti sc'ope.

San Juan 16:23

“Ti jech c'ac'al taje, mu'yuc xa c'usi ta xajac'beicun. J'ech'el ta xcalboxuc ava'iic, scotol c'usi ta xac'anbeic ti Jtot ta jventae, ta xayac'boxuc.

San Juan 16:26

Ti jech c'ac'al taje, oy c'usi ta xac'anbeic ti Jtot ta jventae. Ma'uc xa vu'un ta jc'anbe vocol ti Jtote.

San Juan 16:30

Ta xquilcutic ti ta xana' scotole, ti ma'uc tsots sc'oplal ta xava'i ti oy buch'u ta sjac'bote. Ta xc'ot ta co'ntoncutic ti liquemot talel ta stojol ti Diose.

San Juan 21:17

Xi laj sjac' ta yoxcojal ti Jesuse: —Simón, xnich'onot ti Jonase, ¿mi c'ux ta xava'iun ta avo'nton? At o'nton xa oy ti Pedroe, yu'un yoxcojal xa albat, ¿mi c'ux ta xava'iun ta avo'nton? ti x'utee. Xi laj yal ti Pedroe: —Cajval, ana'oj scotol. Xana' lec ti c'ux ta xca'iot ta co'ntone. Xi laj yal ti Jesuse: —Mi jech c'uxun ta avo'ntone, q'uelbun tuc'ulanbun ti jchijtac un cha'e.

San Juan 6:61

Ti Jesuse laj yil ti xvulajetic xa liquel ta labanvanej ti va'i s'elan laj yale, xi laj sjac'bee: —¿Mi ta soc avo'ntonic yu'un taje?

San Juan 7:33

Xi laj yal ti Jesuse: —Mu xa jaluc li' oyun ta atojolique, yu'un ta xisut batel ta stojol ti Buch'u laj stacun talele.

Hebreos 4:13

Ti c'usitic pasbil yu'un ti Diose, mu stac' snac' sbaic ta stojolal. Chajal ta sba ta sat scotol ti Buch'u ta xich' quetique.

Apocalipsis 2:23

Yalabtac xtoc ti antse, ta jtubbe sc'oplal. Ta xlic sna'ic scotol ti jch'unolajeletic unbi, ti xcojtiquin c'u s'elan ta snop ti o'ntonale, xchi'uc acotolic ta xcac' atojic ti c'u s'elan laj apasic ti jujunoxuque.