San Juan 16:16 - Bible in Tzotzil de Chamula

¹⁶ “Mu xa jaluc ta xavilicun li'e, ts'acal to ta xlic avilicun —xi ti Jesuse.

Tzotzil Zinacantan

¹⁶ ’Mu xa bu jal liꞌ chavilicone. Oy jun chib cꞌacꞌal ti mu xavilicone. Tsꞌacal to chavilicon noxtoc. Más to tsꞌacal chibat yoꞌ bu ti Jtote ―xiyutoticotic ti Jesuse.

LEQUIL ACH' C'OP

¹⁶ »Mu xa bu jal chavilicon, pero le' c'alal jayib c'ac'ale ta to xavilicon jayibuc c'ac'al noxtoc.

Bible in Tzotzil de Chenalhó with Deuterocanon

¹⁶ “Mu xa epuc c'ac'al li' oyun, jech mu'yuc chavilicun. Ts'acal chavilicun to jayibuc xa no'ox c'ac'al —xi li Jesuse.

Tzotzil San Andres

¹⁶ ’Mu xa jaluc liꞌ chavilicune. Oy jun chib cꞌacꞌal ti muc bu chavilicune. Tsꞌacal to chavilicun nojtoc. Ta tsꞌacal chisut batel li yoꞌ bu oy li Jtote ―xi li Jesuse.

Tzotzil de Huixtán

¹⁶ ’J'oc' xa no'ox chaq'uelbun jsat. Jun chib c'ac'al mu xaq'uelbun jsat. Patil chaq'uelbun jsat yan vuelta. Patil chisut batel ti stojol ti Jtote ―xchi ti Jesuse.

San Juan 16:16 Iomraidhean Croise

Marcos 16:19

C'alal laj yo'nton ta sc'oponel ti yajchanc'optaque, ti Ajvalil Jesuse iq'ue muyel ta vinajel, bat chotluc ta sbats'i c'ob ti Diose.

San Juan 12:35

Xi ti Jesuse: —Li' to oy ta atojolic ti saquilal osile. Ja' no'ox un, mu xa jaluc li' oye. Xanavanic ta stojol ti saquilal osile yo' to li' oy ta atojolique, yo' mu ch'ayaluc avo'ntonic xastaoxuc ti ic'al osile. Yu'un ti buch'u ta xanav ta ic'al osile, mu sna' bu ta xbat.

San Juan 13:3

Ti Jesuse sna'oj xa ti ac'bat xa ta yoc ta sc'ob yu'un Stot scotol ti c'usitic x'ayane, xchi'uc ti ta sut xa batel ta stojol Dios ti bu liquem talele.

San Juan 13:33

Mu xa jaluc li' oyun ta atojolique, Cuni nich'nab. Xasa'icun xa un, ja' no'ox ta xcalboxuc ava'iic jech c'u cha'al xichi laj calbe ya'iic ti israeletique: ‘Mu xac'otic ti bu ta xibate.’

San Juan 16:10

Ta xilic ti oy jlequilale, yu'un ta xibat bu oy ti Jtote, mu xa xilbeicun liquel ti jsate.

San Juan 16:22

Ja' jech ti vo'oxuc avi tana li'e, mu x'ech' ta xava'iic ti avocolique. Ja'uc c'alal ta xisut talel jq'ueloxuque, ta xlic muyubajanic, jun muyubajel ti mu'yuc buch'u xasmacboxuque.

San Juan 16:28

Lilic talel ta stojol ti Jtote yo' lital li' ta banomile. Avi tana un, ta xquicta comel ti banomile, ta xisut batel ti bu oy ti Jtote.”

San Juan 16:5

Ja'uc avi tana li'e, ta xibat ta stojol ti Buch'u laj stacun talele. Ja'uc le'e, mu'yuc buch'u junucal avu'un ta sjac' ti bu ta xibate.

San Juan 17:13

“Avi tana une, ta xital ta atojol. Ja'uc le'e, ta jc'oponic comel ti li' oyun ta banomile yo' jech ta staic ti j'ech'el xmuyubajicuc jech c'u cha'al ti vu'une.

San Juan 17:5

Avi tana une, Tot, ac'bun quich' ti jlequilal ti oy ta atojol jech c'u cha'al quich'oj to ox c'alal mu'yuc to ox meltsajem ti banomile.

San Juan 7:33

Xi laj yal ti Jesuse: —Mu xa jaluc li' oyun ta atojolique, yu'un ta xisut batel ta stojol ti Buch'u laj stacun talele.

Hechos 1:3

Ti jech x'ech' xnel xa svocol ti Jesuse, laj yac' sba iluc ta stojol ti yajcholc'optaque, laj yac' sba iluc ti cuxule. Cha'vinic (40) c'ac'al laj yac' sba iluc ta stojolic xchi'uc laj yalilanbe sc'oplal ti ventainel yu'un ti Diose.

Hebreos 12:2

Cac'tic batel jsatic ta stojol ti Jesuse, yu'un ja' ta sventa ta xlic talel ta stojol ti jech c'otem ta o'ntonal ta xch'unele, yu'un ja' sbainoj ta stuq'uibtasel ti bu jtamojtic batele. Yu'un ti Jesuse laj yich' svocol ta curus. Ma'uc laj yac' ta venta ti jech q'uexlal sba ta xchame, yu'un sna'oj ono'ox ti c'alal mi ech' ti svocole, ta sta ti xmuyubaje. Jech bat chotluc ta sts'el xocon sbats'i xocon ti Dios ti bu ta spas mantale.