San Juan 15:6 - Bible in Tzotzil de Chamula

⁶ Mi ta xch'ac sba ta jtojole, ta xich' setel loq'uel. Ta xtaquij jech c'u cha'al sc'obtac ti uvae. Ta xich' tsobel, chic' xi ta c'oc'.

Tzotzil Zinacantan

⁶ Ti muchꞌutic mu jꞌechꞌeluc chiyichꞌic ta muqꞌue, coꞌolic xchiꞌuc cꞌob uva ti mu satine, chichꞌ bojel, chtaquij. Tsꞌacal to chichꞌ tsobel, chichꞌ chiqꞌuel.

LEQUIL ACH' C'OP

⁶ Ti much'u muc' bu nap'al o ta jtojole, ta xich' jipel loq'uel chac c'u cha'al li c'ob uva ti mu satine, ta xtaquij, ts'acal to chich' tsobel, chich' chiq'uel.

Bible in Tzotzil de Chenalhó with Deuterocanon

⁶ Li boch'o mu sc'an li' oy o ta jtojole, ta xich' jequel loq'uel jech chac c'u cha'al sc'ob ts'usub, jech te ta xtaquij o. Ts'acal ta xich' tsobel, ta xich' jipel ochel ta c'oc'; te ta xc'ac' o.

Tzotzil San Andres

⁶ Li buchꞌu mu scꞌan chiyichꞌ ta muqꞌue, jaꞌ jech chac cꞌu chaꞌal li scꞌob tsꞌusub ti mu xacꞌ sate, ta xichꞌ tuchꞌel loqꞌuel. Li scꞌob tsꞌusub ti ituchꞌe loqꞌuele ta xtaquij o. Ta tsꞌacal ta xichꞌ tsobel, ta xichꞌ chiqꞌuel ta cꞌocꞌ.

Tzotzil de Huixtán

⁶ Ti much'u mu sc'an xch'un ti jmantale ti mu sc'an chcom ti jtojole, ja' hech chaj c'u che'el sc'ob ti te'e ti mu xac' sate ti chjecat loq'uele. Ti sc'ob ti te'e ti ijecat loq'uele hech yu'un chtaquij. Patil chlic yich' tsobel, chtenatic ochel ti c'oc'. Te chc'ac'.

San Juan 15:6 Iomraidhean Croise

2 Samuel 23:7

Yu'un sc'an junuc taq'uin, mi ja' junuc lanza, yo' jech ta xich' tamel ti ta xich' jipel ochel ta c'oq'ue, yo' jech ta xc'ac' ta j'ech'el o.”

Job 15:30

Mu xu' ta spoj sba loq'uel ma' ti ic'uneb no'ox ti banomil ta stojole. Jech ta xc'ot ta stojol jech c'u cha'al jtec' te' ta xchiq'ue ta c'oc' ti sq'uelome, mi ja' ti xnich bec'bil ta xbat yu'un ti iq'ue.

Salmos 80:15

ti ts'unubal uva vo'ot laj ats'une, ti sq'uelomtac vo'ot laj avalbe sc'oplal ta xcom o une.

Isaías 14:19

Ja'uc ti vo'ot une, ta nom to ta xatenat batel ti bu oy ti muquinale, ti co'ol s'elan jun c'a'ep ti mu stac' nopel ta j'ech'ele, ti co'ol xa a'elan anima telelot ta xavich' pech'el ta teq'uel capalot xchi'uc ti animaetic ti laj yac' sjol sbaquilique, ti laj yich'ic bojbel ti snuq'uic ta letovajele, ti jip xa ute ochel ta xa'ab ti bu naca tontique.

Isaías 27:10

Ti jteclum ti macbil lec ta moque, xch'uch'ulil xa busul com jech c'u cha'al jbej na ti jipbil xa comele, jech c'u cha'al ti sbajtical xa banomil yilel ti ch'abal ti jnaclejetique. C'ot ta yavil q'uelob vacax ti bu ta slo'ic batel ti yanaltac te'e, ti lamalic xa ta xcux yo'nton ta yolone.

Ezequiel 17:9

“Va'ano aba ta jventa ti xi xalbe ya'iique: ‘Xi ta xal ti Diose: Ti jpets uva li'e, mu cha'bel xchanbe yip. Ba'yel ta xjots'ilanbat yibeltac yu'un ti muc' ta xique, ta xlic bajuc ti sat yu'une. Ta juteb xa no'ox yipal, mu xa yepaluc yajval bul xi loq'uel xchi'uc yibel. Ta xtaquijuc liquel un ti sq'uelomtac ti uninic xa ta ch'iele.

San Mateo 13:41

Ti vu'un co'ol j'elantique ta xcalbe mantal ti caj'ánjeltac yo' ta xtenatic loq'uel ti bu ta xiventainvane, ti jsa'muliletique xchi'uc ti buch'utic ta xac'be yil ta spasel mulil ti yane.

San Mateo 27:5

Va'i un, ti Judase laj sjip comel ti taq'uin ta yut ch'ulnae. Bat xchuc snuc'. Laj sjoc'an sba.

San Mateo 3:10

Chapal xa ti eq'uel ta slomes ti te'etic xchi'uc ti yibele. Scotol te'etic ti mu'yuc lec ta xac' ti sate, ta xich' bojel yo' jech jip xi ochel ta c'oc'.

San Mateo 7:19

Scotol te' ti mu lecuc ta xac' ti sate, boj xi loq'uel, chic' xi ta c'oc'.

San Juan 15:2

Mi oy junuc ti sc'ob c'otem ta jventa ta sbainel ti uva ti mu xac' lec ti sate, ta sboj loq'uel. Mi ta xac' ti sate, ta sloq'uesbe ti sc'a'epale. Ta set loq'uel ti staquijemale yo' ta x'epaj ta yaq'uel ti sate.

Hebreos 10:27

Ja' xa no'ox q'uelel talel ta jtojoltic ti xi'bal sba ti tsots chapanele, xchi'uc ti chiq'uel ta c'oc' ti ta xtil ta j'ech'ele, ti ja' sventa smilobil yajcontratac ti Diose.

2 Pedro 2:20

Buch'uuc no'ox ti laj xa yojtiquinic ti Jcoltavanej Cajvaltic Jesucristoe, ti laj yictaic comel ta spasel ti c'usi chopol li' ta banomile, mi ts'acal to ta xlic xchuc sbaic ta spasel ti c'usi chopole, ti tsalbil ta xc'otic yu'une, ech' to ta xjelav ti xchopolalique, ja' mu sta ti ba'yel to oxe.

1 Juan 2:19

Ti buch'utic taje, ja' jchi'iltic to ox ti li' loc' ta jtojoltique, ti c'alal ma'uc ono'ox jchi'iltique. Ti ja'uc jchi'iltique, li' oy ta jtojoltic ti jechuque. Ti jech iloc' ta jtojoltique, yo' jech ta xvinaj ti mu jmojuc oyotic xchi'uque.

Apocalipsis 20:15

Ti bu taje, laj yich'ic jipel yalel ec ti buch'utic mu'yuc tsacal sbiic ta sventa ti jpoc svunal ti cuxlejale.

Apocalipsis 21:8

Ja'uc ti buch'utic xi'el no'ox xa'i sbaique, ti buch'utic mu'yuc c'usi ta xc'ot ta yo'nton ta xch'unele, ti buch'utic xti'et sjolique, ti buch'utic jmilvaneje, ti buch'utic batem yo'ntonic ta mulivajele, ti j'ac'-chameletique, ti buch'utic ta xich'ic ta muc' ti c'usitic meltsanbil ta c'abale, ti buch'utic jutc'opetique, scotolic taje, ta xbatic ta muc' ta c'oc' ti bu ta xtil ta azufree, ti ja' xa xcha'cojal lajebale.”