San Juan 15:5 - Bible in Tzotzil de Chamula

⁵ “Vu'un ti smuc'ul ibelun ti uvae. Vo'oxuc ti sc'ob-c'obtaque. Mi staoj yav nabal ta jtojole, oyun ta stojol ec. Yepal no'ox ti sat ta xaq'ue. Mi ch'acal ta jtojole, mu'yuc c'usi stac' ta spas.

Tzotzil Zinacantan

⁵ ’Voꞌon li smucꞌulon yaꞌele. Voꞌoxuc scꞌobtacoxuc yaꞌel. Mi chavichꞌicon ta muqꞌue, chajcoltaic ta spasel cꞌusi tscꞌan ti Jtote. Mi mu xajcoltaique, mu spas avuꞌunic.

LEQUIL ACH' C'OP

⁵ »Vo'on li smuc'ta aq'uilon ya'ele, vo'oxuc sc'obtacoxuc. Ti much'u nap'al o ta jtojole, mi teyon ta stojol li vo'on uque, ep chac' sat; yan ti mi ch'acaloxuc ta jtojole mu c'usi spas avu'unic.

Bible in Tzotzil de Chenalhó with Deuterocanon

⁵ “Vu'un li smuc'ta aq'uilun ts'usube. Li vo'oxuque sc'obc'oboxuc ts'usub. Li boch'o li' oy o ta jtojole, te oyun o ta stojol ec, jech xu' yu'un ep ta satin. Yu'un me avoc'oj abaic ta jtojole, mu'yuc c'usi xu' avu'un atuquic.

Tzotzil San Andres

⁵ ’Li joꞌone jaꞌ jechun jech chac cꞌu chaꞌal li smucꞌta aqꞌuil li tsꞌusube. Li joꞌoxuque jaꞌ jechoxuc jech chac cꞌu chaꞌal li scꞌobtac li tsꞌusube. Mi chavichꞌicun o ta muqꞌue, jech chajcoltaic, jech xuꞌ chapasic li cꞌusi ta scꞌan li Jtote. Mi muc bu chajcoltaique, mu cꞌusi xuꞌ chapasic atuquic.

Tzotzil de Huixtán

⁵ ’Ho'oni hech chaj c'u che'el smuc'ul ti uvate'e. Ho'oxuque hech chaj c'u che'el ti sbiq'uitc'ob ti uvate'e. Hech yu'un mi chacomic ti jtojole, te oyun ti avo'ntonique, hech xu' chapasilanic ti c'usi lec chil ti Jtote. Yu'un ti manchuc jchi'inojoxuque mu'yuc c'usi xu' avu'unic ti hechuque.

San Juan 15:5 Iomraidhean Croise

Proverbios 11:30

Ti lequil tuq'uilale, ta xac' ch'iel c'opojel, ja'uc ti soquemal jol o'ntonale, ta xtuch' cuxlejal une.

Oseas 4:8

Yu'un sve'el yuch'omic ta xa'iic ti oy c'usi ta xaq'uic ta scoj smulic ti jteclumale. Jech o xal ja' xmuyubajic xa ti jech ta sa' smulic ti jlumale.

San Mateo 13:21

Ta scoj ti mu'yuc lec yip ti yo'ntonique, c'alal tal ti lajeltsaele, ti vocol ta sventa ti lequil ach' c'ope, lic chibajicuc.

San Juan 12:24

J'ech'el ta xcalboxuc ava'iic, mi mu xich' muquel ta lum ti jbej sat trigo yo' ta xvoq'ue, staoj yav yo junomal. Ja'uc mi ta xvoq'ue, ta xbol ti ts'unobale.

San Juan 15:16

Ma'uc vo'oxuc laj at'ujicun, yu'un vu'un laj jt'ujoxuc yo' ta xcac' abainic ta spasel ti c'usi leque, ti staojuc oy yav ta atojolic ta spasel ti c'usi leque, ti mu xlaj sc'oplale. Jech ti Jtote ta xayac'boxuc ti c'usi ta xac'anic ta jventae.

San Juan 5:19

Xi laj yal ti Jesuse: —J'ech'el ta xcalboxuc ava'iic, ti vu'un Xnich'onun ti Diose, mu'yuc c'usi stac' jpas ta jtuc no'ox. Ja' no'ox ta jpas ti c'u s'elan ta xquil ta spas ti Jtote. Scotol ti c'usi ta spas ti Jtote, ja' jech ta jpas ti vu'un Xnich'onune.

San Juan 9:33

Mi ma'uc tacbil talel yu'un Dios ti vinic taje, mu'yuc c'usi xu' yu'un ta spas ti jechuque.

Hechos 4:12

Mu'yuc xa yan bu ta tael ma' ti coltaele, yu'un mu'yuc laj sva'an yan Jcoltavanej ti Dios li' ta banomile. Ja' no'ox ta sventa Jesús ta jtatic ti coltaele.

Romanos 12:5

Jech ti vo'otique, ac'o mi yepal oyotic, jun no'ox c'otemotic ta stojol ti Cristoe. Junotic ta jcotoltic jech c'u cha'al ti jbec'taltic ti oy c'usi ep ta tos oy yu'une.

Romanos 6:22

Ti jech lacolic loq'uel ta mosovinel yu'un ti mulil avi tana le'e, la'ochic ta yajtunel ti Diose. Ti jech taje, xloc' venta, yu'un ta xavac' abaic ta tunel yu'un ti Diose. Ts'acal to un, ta xataic acuxlejalic sbatel osil.

Romanos 7:4

Ja' jech lijc'ot ec, Jchi'iltac, yu'un junotic xa xchi'uc ti Cristoe. Ma'uc xa pasbilotic ta mantal yu'un ti oy c'usi tsots sc'oplal albile ta sventa ti jmoj lijcham xchi'uc ti Cristo ti Buch'u cha'cuxi c'alal chame. Jech lec ta q'uelel ti jcuxlejaltic ta sba ta sat ti Diose.

1 Corintios 10:16

C'alal ta xcalbetic vocol Dios ta sventa ta xcuch'tic ti ya'lel uvae, jun lijc'ot xchi'uc ti Cristo ta sventa ti laj smal ti xch'ich'ele. C'alal ta jch'acbe jbatic ta sve'el ti pane, jun lijc'ot xchi'uc Cristo ta sventa ti yayij ti sbec'tale.

1 Corintios 12:12

Ti jbec'tal jtacopaltique, jun no'ox, ac'o mi yepal no'ox ti c'u s'elan stsacanojan sbae. Ja' jech oyotic ec ta stojol ti Cristoe.

1 Corintios 12:27

Jech ti vo'oxuque, sbec'tal Cristo c'otemoxuc, yu'un ta jujun tal yu'unoxuc ti Cristoe.

2 Corintios 13:8

Yu'un ti bu ja' melele, mu stac' jyanijescutic ti smelole, yu'un ja' no'ox tsacbil ta venta ta xc'ot cu'uncutic ti bu ja' melele.

2 Corintios 9:10

Ti ts'unubal ti ta xich' ts'unele, xchi'uc ti c'usi ta xich' tunel lajesele, Dios ta xac'. Ti Dios taje ja' ta xac'boxuc scotol ti c'usi ta xtun avu'unic ta sventa ti ats'unubique, xchi'uc ta sts'ites talel ti ats'unubic ti jech ta yutsil avo'ntonic ta xacoltavanique.

Gálatas 5:22

Ja'uc yabtel ti Ch'ul Espíritue, ta xac' syail xc'uxul o'ntonal, muyubajel, smuc'ul o'ntonal, slamajemal o'ntonal, slequil yutsil o'ntonal, jun jol o'ntonal,

Efesios 5:9

Yu'un ta sventa ti oyoxuc ta saquilal osile, ta x'ayan slequilal yutsilal avo'ntonic, ti stuq'uil jol o'ntonale, ti lec ta q'uelel ti acuxlejalique.

Filipenses 1:11

Ti jech ta x'abtej ti Jesucristo ta atojolique, yo' ta x'ayan ti oyuc yutsil slequil ti c'usi ta xapasique, sventa yich'el ta muc', yo' lec sc'oplal avu'unic ti Diose.

Filipenses 4:13

Xu' cu'un scotol ta sventa Cristo, yu'un ja' ta xiyac'bun jtsatsal.

Filipenses 4:17

Ti jech ta xcal taje, ma'uc ta jc'an ti oy c'usi ta xquich'e, ja' ta jc'an epajuc ti ac'ulejalic ta stojol ti Diose.

Colosenses 1:10

Yu'un ja' to jech xu' avu'unic ta spasel jech c'u cha'al ti buch'utic ja' yu'untac ti Cajvaltique, ti yacaloxuc ta spasel ti c'usi lec ta xile, ti yepal no'ox oy ep ta tos slequil yutsil avo'ntonic ta spasel ti c'usi leque, xchi'uc ta yojtiquinel ti Diose.

Colosenses 1:6

Ti lequil ach' c'op laj avich'ic albel taje, yacal ta slecubtasbe yo'ntonic ti jnaclejetic ta sjoylej banomile jech c'u cha'al c'ot ta pasel ta atojolic c'alal laj ava'iic syail xc'uxul yo'nton ti Diose, ti c'ot ta avo'ntonic ti ja' melele.

Santiago 1:17

Scotol ti c'usitic oy slequil yutsile, ti c'usi oy stuq'uil ta xij'ac'bate, ta xlic talel ta vinajel bu oy ti Diose, ti Buch'u laj smeltsan ti c'usitic ta xac' xojobal ti oy ta vinajele. Yu'un ti Diose staoj o yav ti c'u s'elane, mu syanijes sba, yu'un mu'yuc ta stojolal ti c'usi chopole.

1 Pedro 2:4

Nopajanic talel un chae ta stojol ti Cajvaltic ti co'ol s'elan jbej cuxul tone, ti laj sjip laj stenic loq'uel ti jnaclejetic ta banomil ti c'alal ja' t'ujbil ton yu'un ti Diose, ti cajal ta j'ech'el ti sc'oplale.

2 Pedro 3:18

Ja'uc le'e, ojtiquinic lec c'u s'elan yutsilal ti Cajvaltic Jcoltavanej Jesucristo cu'untique yo' jech ta xach'iic batel ta sventa ti syail xc'uxul yo'ntone. Ich'biluc ta muc' ti Cajvaltic Jesucristo avi tana li'e, ti jechuc o sbatel osile. Jechuc.