San Juan 15:4 - Bible in Tzotzil de Chamula

⁴ Staojuc yav junuc avo'ntonic, nablanic ta jtojol jech c'u cha'al oyun ta atojolique. Mu xu' ta xac' uva ti jun sc'ob mi mu'yuc tsacal xchi'uc ti smuc' ta ibele. Ja' jechoxuc, mu'yuc c'usi xu' avu'unic ec un mi mu'yuc nabaloxuc ta jtojole.

Tzotzil Zinacantan

⁴ Jꞌechꞌel me xavichꞌicon ta mucꞌ yoꞌ xajcoltaic oe. Ti manchuc tsacal ta smucꞌul li scꞌobcꞌobtac uvae, mu satin. Jaꞌ noꞌox yechoxuc uc, mu cꞌusi lec spas avuꞌunic mi mu xavichꞌicon ta muqꞌue.

LEQUIL ACH' C'OP

⁴ Nap'lanic o ta jtojol, chac c'u cha'al li'on o ta atojolic li vo'one. Li c'ob uvae mu satin ta stuc no'ox, ja' to ti mi tsacal ta smuc'ta aq'uile; ja' no'ox yech li vo'oxuque, mu xa satinic ya'el uc mi muc'bu j'ech'el nap'aloxuc o ta jtojole.

Bible in Tzotzil de Chenalhó with Deuterocanon

⁴ Li' me oyanic o ta jtojol, jech te oyun o ta atojolic ec. Na'ic me, ti manchuc stsacoj sbaic xchi'uc smuc'ta aq'uil li sc'ob ts'usube, mu satin ti jechuque. Ja' jechoxuc, mu'yuc c'usi xu' avu'unic ec ti me mu li'uc oyoxuc o ta jtojole.

Tzotzil San Andres

⁴ Ichꞌicun o me ta mucꞌ jech chajcoltaic. Naꞌic me, ti manchuc tsacal ta smucꞌta aqꞌuil li scꞌob tsꞌusube, mu satin ti jechuque. Jaꞌ jechoxuc eꞌuc li joꞌoxuque, mu xuꞌ chapasic li cꞌusi leque mi mu xavichꞌicun ta muqꞌue.

Tzotzil de Huixtán

⁴ Teanic ti jtojol. Ac'o teucun ti avo'ntonic. Na'ic me, ti manchuc stsacoj sba xchi'uc smuc'ul ti sc'ob ti te'e, mu xu' satin stuc ti sbiq'uitc'ob ti te'e. Hechoxuc uc, mu xu' avu'unic chapasic ti c'usi leque mi mu teucoxuc ti jtojole.

San Juan 15:4 Iomraidhean Croise

Cantares 8:5

¿Buch'u ti le' xa xtal ta sbajtical banomile, ti quiquil xa talel ta xocon ti snup yuni ch'ulele? Xi s'elan laj jtij avuni vayel ta yolon ti jtec' mantsanae: ja' ti bu lic xc'uxul xch'ut ti ame'e, ti bu lavul ta banomil yu'une.

Oseas 14:8

Xi ta xlic yal ti Efraine: ‘¿C'usi xa jventa ti va'anbil diosetique?’ Yu'un ti vu'une jbainoj ta xchabiel ta yac'bel ti c'usi ta xtun yu'un ti jteclume. Yu'un ti vu'une jech c'otemun jech c'u cha'al ti jpets toj ti yaxc'utan no'oxe. Yu'un tey ta staic ta jtojol ti oy ta ye ta sti'ic scotol ti jteclumale.”

San Mateo 12:33

“Mi lec ti te'e, lec ta xac' ti sate. Yan mi chopol ti te'e, chopol ta xac' ti sate. Scotol ti te'etique, stac' ojtiquinel ta sat no'ox.

San Lucas 8:15

Ja'uc ti ts'unobal c'ot ta lequil banomile, ja' sc'oplal ti jlom ta slequil yutsil yo'ntonic ta xa'iic. Chapal ta xc'ot ta xchiquinic. Ta xich'ic ta muc'. Staoj yav yo'ntonic. Lec ta xtunic batel.

San Juan 14:20

Ti jech c'ac'al taje, ta xlic ana'ic ti oyun ta stojol ti Jtote, ti oyoxuc ta jtojole, ti oyun ta atojolic eque.

San Juan 17:23

Oyun ta stojolic ec jech c'u cha'al oyot ta jtojole yo' jech jun no'ox ta xc'otic ti junuc yo'ntonic ta jbel sc'oplale, yo' jech ta xlic yilic ti jnaclejetic ta banomil ti vo'ot laj atacun talele, ti c'ux ta xava'iic jech c'u cha'al c'ux ta xava'iune.

San Juan 6:56

Ti buch'u ta sve' ti jbec'tale, ta xuch' ti jch'ich'ele, tsacal xcuxlejal ta jtojol, xchi'uc cuxulun ta stojol ec.

San Juan 8:31

Ti Jesuse xi laj yalbe ti israeletic ti buch'utic laj xch'unique: —Mi staoj yav avo'ntonic ta xch'unel ti c'u s'elan laj calboxuque, ta j'ech'el ja' cajchanc'opoxuc.

Hechos 11:23

C'alal c'ot ti Bernabee, laj yil ti sva'anoj sba ti Dios ta stojol ti jyanlumetique, ti xmuyubaj xa ta j'ech'ele. Laj sbijubtasan scotol ti junuc yo'ntonic sts'acliicuc batel ti Cajvaltique.

Hechos 14:22

Ti bu taje, ech' stsatsubtasbe yo'ntonic ti jch'unolajeletique, ti mu stsiq'ues yo'ntonic ta xch'unel ti Cajvaltique, xchi'uc laj yalbe ya'iic ti buch'u ta x'ochic batel ta ventainel yu'un ti Diose, ta xc'ot ta stojolic ti vocole.

2 Corintios 13:5

A'yic lec ti c'u a'elanique yo' jech xana'ic mi jun avo'ntonic c'otem ta xch'unel avu'unic ti Cajvaltique. Biso abaic lec, ¿mi mu xavilic oy ta atojolic ti Jesucristoe? ¡Ja' xa no'ox mi ta xalo'la abaique, mu xavilic unbi!

Gálatas 2:20

yo' mu cu'unuc xa jba jtuc ti jech cuxulune, yu'un ja' xa cuxul ti Cristo ta jtojole. Ti jech cuxulun xchi'uc ti jbec'tale, cuxulun xa no'ox ta sventa ti c'ot ta co'nton ta xch'unel ti Xnich'on Diose, ti laj xc'uxubinune, ti laj yac' sba ta milel cu'une.

Efesios 3:17

yo' jech ti Cristoe ta xnaqui ta avo'ntonic, ti jech c'otem ta ch'unel avu'unique. Ta jc'anbe ti Diose ti ja'uc yipal avu'unic ti oyuc ti syail xc'uxul avo'ntonique, yo' jech mu'yuc c'usi xana'ic ti jech li' cuxuloxuque,

Filipenses 1:11

Ti jech ta x'abtej ti Jesucristo ta atojolique, yo' ta x'ayan ti oyuc yutsil slequil ti c'usi ta xapasique, sventa yich'el ta muc', yo' lec sc'oplal avu'unic ti Diose.

Colosenses 1:23

Ti jech taj une, tsots sc'oplal j'ech'el c'otuc o ta avo'ntonic ta xch'unel ti Cajvaltique, ti ats'unoj lec ta avo'ntonic ti ta xacolic ta sventa ti colebal lequil ach' c'op ti laj ava'iique. Taje, ja' ti lequil ach' c'op ti buyuc no'ox ta xich' alel ta sjoylej banomile. Yu'un ta jcolta jba ta yalel ti vu'un Pabloune.

Colosenses 1:27

Ti stuquique ac'bat sna'ic yu'un Dios ti c'usi mucul to ox ti c'otem ta sventa yutsil sc'ulejal ti muc'tiquil lum jyanlumetique, ti ja' tey xa oy ta avo'ntonic ti Cristoe, ti ja' ta sventa amalojic ti c'usi toj jun yutsil ta to xataique.

Colosenses 2:6

Jech o xal un, jechuc me cuxianic batel jech c'u cha'al c'alal c'ot ta avo'ntonic ta xch'unel ti Cajvaltic Jesucristoe, ti c'otemoxuc xa ta yu'untaque.

1 Tesalonicenses 3:5

Ti jech mu xa ts'icbaj ta xca'i ti c'u a'elanique, jech o xal laj jtac ta jaq'uel mi c'otem to ta avo'ntonic ta xch'unel ti Cajvaltique, yu'un lixi' mi oy bu laj sujoxuc ta spasel chopol ti pucuje, ti jeche no'ox mu'yuc c'usi tun o ti cabtelcutic ta atojolique.

Hebreos 10:39

Ti vo'otique ma'ucotic jech c'u cha'al ti buch'utic ta xchibaj yo'ntonique, ti stamojic batel sbelel ti ch'ayele. Ti vo'otique c'ajomal ta jtatic ti jpojel jcoleltique, yu'un c'otem ta co'ntontic ta xch'unel.

1 Juan 2:6

Ti buch'u ta xal ti junic xchi'uc ti Diose, jechuc cuxiuc jech c'u cha'al cuxi ti Jesucristoe.

2 Juan 1:9

Buch'uuc no'ox ti ta syanijesbe smelol ti c'u s'elan chanubtasvan ti Cristoe, mu'yuc Dios ta stojol. Ja'uc ti buch'u mu syanijesbe smelol ti c'u s'elan chanubtasvan ti Cristoe, oy ta stojol ti Dios Totile, xchi'uc ti Nich'onile.