San Juan 15:2 - Bible in Tzotzil de Chamula

² Mi oy junuc ti sc'ob c'otem ta jventa ta sbainel ti uva ti mu xac' lec ti sate, ta sboj loq'uel. Mi ta xac' ti sate, ta sloq'uesbe ti sc'a'epale. Ta set loq'uel ti staquijemale yo' ta x'epaj ta yaq'uel ti sate.

Tzotzil Zinacantan

² Voꞌoxuc scꞌobtacoxuc yaꞌel. Ti muchꞌutic chaꞌiic li cꞌusi chcale, mi mu spasic cꞌusi tscꞌan ti Jtote, coꞌolic xchiꞌuc cꞌob uva ti mu satine. Mi mu satin li cꞌob uvae, li jchabiejꞌuvae ta sboj loqꞌuel. Jaꞌ noꞌox yech uc ti muchꞌutic mu spasic cꞌusi tscꞌan ti Jtote, mu xcꞌaneic yuꞌun ti Jtote. Ti muchꞌutic chaꞌiic li cꞌusi chcale, mi jaꞌ tspasic cꞌusi tscꞌan ti Jtote, ta xcoltaatic ta yictael ti cꞌusi mu scꞌane chac cꞌu chaꞌal ta xchꞌulbe scꞌob uva li jchabiejꞌuvae yoꞌ satin o mase.

LEQUIL ACH' C'OP

² Scotol li c'ob uva ti li'ic ta jtojole, ti mu satine, ta sboj loq'uel; ti mi lec tsatine, ta stuch'be li staqui c'obtaque, ta xch'uba lec, yo' satin o mase.

Bible in Tzotzil de Chenalhó with Deuterocanon

² Scotol li sc'obc'ob ts'usub li' oy ta jtojol ti mu xac' sate, ta se'p loq'uel li jchabits'usube. Yan ti bu lec chac' sate, ta xich' meltsanel, ta xich' lecubtasel, yu'un jech ech'em ac'o satinuc.

Tzotzil San Andres

² Li joꞌoxuque jaꞌ jechoxuc jech chac cꞌu chaꞌal li scꞌobtac li tsꞌusube. Li buchꞌutic ta xaꞌiic li jcꞌope, mi maꞌuc ta spasic li cꞌustic ta scꞌan li Jtote, jaꞌ jechic jech chac cꞌu chaꞌal li scꞌob tsꞌusub ti bu mu xacꞌ sate. Li jchabiejtsꞌusube ta stuchꞌan loqꞌuel scotol scꞌob li bu mu xacꞌ sate. Jaꞌ noꞌox jech eꞌuc li buchꞌutic mu scꞌan spasic li cꞌusi ta scꞌan li Jtote, mu xcꞌaneic yuꞌun li Jtote. Yan li buchꞌutic ta xaꞌiic li jcꞌope, mi jaꞌ ta spasic li cꞌustic ta scꞌan li Jtote, más ta xtuqꞌuibtaseic yuꞌun li Jtote jech chac cꞌu chaꞌal ta slecubtasbe scꞌob tsꞌusub li jchabiejtsꞌusube. Li jchabiejtsꞌusube ta sjaxbe loqꞌuel li bu chopol ta xile yoꞌ acꞌo satinuc o más.

Tzotzil de Huixtán

² Scotol ti much'utic chtal ti jtojole ja' hech chac c'u che'el sc'obc'ob ti jtec uvate'e. Ti much'u chtal ti jtojole ti mu spas ti c'usi lec chil ti Jtote, ja' hech chaj c'u che'el sc'ob ti uvate'e ti mu xac' sate. Ti sc'ob ti uvate'e ti mu xac' sate ja' tsp'asat loq'uel yu'un ti jchabiej'uvate'e. Ja' no'ox hech mu xc'anat yu'un ti Jtote ti much'u mu sc'an spas ti c'usi lec chil ti Jtote. Ja'uc ti much'u chtal ti jtojole ti tspas ti c'usi lec chil ti Jtote, más yac'oj sba chlecubtasat yu'un ti Jtote hech chaj c'u che'el chlecubtasat ti sc'ob ti uvate'e yu'un ti jchabiej'uvate'e. Ti jchabiej'uvate'e tsjec loq'uel ti bu mu xtun chile yu'un sc'an ti ech'em ac'o yac' sat.

San Juan 15:2 Iomraidhean Croise

Job 17:9

Yac'ojbeic yipal ti xa'ibeic xchiquinale, ti sac ti yoc sc'obique.

Salmos 92:14

Yacal to ta satinel manchuc mi mol xa, lec to tsots, oy to yipal yu'un.

Proverbios 4:18

Xi s'elan stamojic batel ma' ti buch'u oy stuq'uil yutsile, co'ol s'elan jech c'u cha'al ta xvul ta loq'uel ti xojobal c'ac'ale: ti xtixet no'ox yutsilal ta j'ech'el ja' to c'uxi tixil ti xojobale.

Isaías 27:9

Ja'uc le' une, ta xch'aybe smul scolo' ti Jacobe. Ta xich' ch'aybel ti bu jelavic une, ti xi s'elan sc'an spasique: Ti xch'uch'ultaicuc ta voq'uel yaltar ti sdiosique jech c'u cha'al ta xich' lilinel ta voq'uel stonaltac ti tane, mi ja'uc junuc va'al ta xcom jbejuc ti balal ch'ul te'e, mi ja'uc yaltaril ti chic'obil pom yu'unic sventa yich'obil ta muc' ti sdiosique.

Isaías 29:19

Ti buch'u peq'uel yuni c'oplale xlaet no'ox liquel yo'nton ta stojol ti Diose. Ti spajebal xa me'un mu'nate ta xlic muyubajicuc ta stojol Ch'ul Dios yu'un ti Israele.

Daniel 11:35

Ja' jech xtoc ta xich'ic nutsel jlomuc ti buch'utic laj sbijubtasic ti jteclume, yo' jech ta xq'uelbat yo'ntonic ti ta xich'ic mesel tusele, yo' jech mu'yuc c'usi chopol ta xtabatic ti c'alal ta sta sc'ac'alil ti c'usi ora albile.

Oseas 6:3

La' cac'betic yipal ta yojtiquinel ti Diose. Ti Diose ta xtal ta jtojoltic jech c'u cha'al ta xloc' talel ti c'ac'ale, jech c'u cha'al ti vo' ti ta xyal talel yo' ta smalta ti banomil ti c'alal yorail ti q'uepelale, xchi'uc ti sba yalelal vo'e.”

Malaquías 3:3

Ti Diose ta xchotan sba ta spoquel stusel ti paleetic snitilultac ti Levie. Jech ta spas ta stojolic jech c'u cha'al ta xich' lecubtasel ta c'oc' ti platae xchi'uc ti oroe. Mi laj taj une, xu' xa ta xaq'uic ti matanal ta stojol ti Diose jech c'u cha'al sc'an ono'ox pasele.

San Mateo 13:12

Ti buch'u sc'an ta xa'ibeic ti smelole, yepal ta x'ac'bat sna'ic. Yan ti buch'u mu sc'an xa'ibe smelol ti ventainele, ta xpojbat sutel ti c'u yepal sna'e.

San Mateo 13:33

Ti Jesuse xi laj yal yan babac'ope: —Ti ventainel yu'un ti Dios ti oy ta vinajele, co'ol s'elan ti spajubtasobil pan ta scap ta oxbis harina ti antse yo' ta xpajub scotol ti vots'bil harinae.

San Mateo 15:13

Xi tac'batic yu'une: —C'usiuc no'ox te'al ti ma'uc ts'unbil yu'un ti Jtot ti oy ta vinajele, ta xich' bulel loq'uel xchi'uc yibel.

San Mateo 21:19

Laj yil jpets icux teq'uel ta ti' be. Nopaj bal ta sts'el, ba sq'uel mi oy ta stabe jbejuc sat. Mu'yuc c'usi laj stabe, naca yanal no'ox. Va'i un, ti Jesuse xi laj yalbee: —Laj to sc'oplal ti ta xasatine. Ta jech yepal taquij ti icuxe.

San Mateo 25:29

Ti buch'u oy ono'ox yu'une, ta x'ac'bat to yan yo' yepal no'ox oy yu'un. Ja'uc ti buch'u mu x'abtej xchi'uc ti juteb ac'bate, ta xpojbat sutel ti juteb ac'bile.

San Mateo 3:10

Chapal xa ti eq'uel ta slomes ti te'etic xchi'uc ti yibele. Scotol te'etic ti mu'yuc lec ta xac' ti sate, ta xich' bojel yo' jech jip xi ochel ta c'oc'.

San Mateo 3:12

Ti Buch'u ta ts'acal to ta xtale stsacoj xa ti yic'aobil trigoe. Ta st'ujbe loq'uel ti sc'a'epale yo' naca trigo ta xcom. Ti t'ujbil trigoe ta sq'uej ta yavil. Yan ti sc'a'epale ta xich' chiq'uel ti bu mu xtub ti c'oq'ue.

San Mateo 7:19

Scotol te' ti mu lecuc ta xac' ti sate, boj xi loq'uel, chic' xi ta c'oc'.

Marcos 4:20

Oy jlom jnaclejetic ta banomil co'ol s'elanic jech c'u cha'al ti ts'unobal c'ot ta lequil banomile. Sjunul yo'ntonic ta xich'ic ta muc' ti lequil ach' c'ope, co'ol s'elanic jech c'u cha'al ti ts'unobal oy bu laj yac' sat lajuneb xcha'vinic (30) ta bej, oxvinic (60) ta bej, vo'vinic (100) ta bej sat ti jujupets ts'unobale.

San Lucas 8:13

Ti ts'unobal c'ot ta tontique, ja' sc'oplal ti oy jlom xmuyubajic ta xa'iic ti sc'op Diose. Ti jech mu'yuc sts'unanoj sba lec ta yo'ntonique, ta xch'unic c'uc yuni jaliluc, xchibajic c'alal tal ti lajeltsael ta stojolique.

San Juan 15:1

Ti Jesuse xi to laj yale: —Ti vu'une co'ol j'elan jech c'u cha'al smuc' ta ibel ti uvae. Ti Jtote co'ol s'elan jech c'u cha'al ti buch'u ta xabtelan ta sq'uelel ti uvae.

San Juan 15:16

Ma'uc vo'oxuc laj at'ujicun, yu'un vu'un laj jt'ujoxuc yo' ta xcac' abainic ta spasel ti c'usi leque, ti staojuc oy yav ta atojolic ta spasel ti c'usi leque, ti mu xlaj sc'oplale. Jech ti Jtote ta xayac'boxuc ti c'usi ta xac'anic ta jventae.

San Juan 15:3

Ti vo'oxuque mesbil tusbiloxuc xa ta sventa ti jc'op laj calboxuque.

San Juan 15:6

Mi ta xch'ac sba ta jtojole, ta xich' setel loq'uel. Ta xtaquij jech c'u cha'al sc'obtac ti uvae. Ta xich' tsobel, chic' xi ta c'oc'.

San Juan 15:8

Ti jech taj une, ta xvinaj yutsilal slequilal ti Jtote, ta sventa ti yepal no'ox ti oy c'usi lec ta xapasique, xchi'uc ta xac'otic ta bats'i cajchanc'optac.

San Juan 17:12

C'alal li' jchi'inoj ta banomil ti buch'utic laj avac'bune, laj jchabi lec ta sventa ti amuc'ul atsatsal ti laj avac'bune. Mi junuc ch'ay. Ja' no'ox ch'ay ti buch'u ch'ayem xa ono'oxe yo' jech ta xc'ot ta pasel jech c'u cha'al ts'ibabil ta ch'ul ac'ope.

Romanos 11:17

Ti olivo te'e, ja' sc'oplal ti israeletique. Laj yich' setel loq'uel jlom ti sc'obtaque. Ti bu laj yich' ti setele, laj yich' ts'aquel ta te'tical olivo te' ti ja' ac'oplalic ti vo'oxuc jyanlumoxuque. Laj atsaquic lum yu'un ti bats'i olivo te'e xchi'uc lacuxiic ta sventa.

Romanos 11:22

A'yio ava'iic, ti Diose lec yo'nton ta j'ech'el, ac'o mi jbel xc'opoj xtoc. Jbel xc'opoj ta stojol ti buch'utic laj sbajic ti slequilalique. Oy slequil yutsil yo'nton ta atojolic mi chacuxiic ta stamel ech'el ti c'u s'elan oy ta yo'ntone. Mi mu jechuque, ta xavich'ic setel loq'uel.

Romanos 8:28

Jna'tic lec, ti buch'utic c'ux ta xa'iic ti Diose, ti ic'bilic yu'un jech c'u cha'al oy ta yo'ntone, ja' sventa slequilalic scotol ti c'usi ta xc'ot ta pasele.

1 Corintios 13:1

Manchuc mi xu' ta xic'opoj ta yan c'opetic, manchuc mi co'ol to s'elan sc'opojel jun ánjel ti jc'opojele, mi mu'yuc ti syail xc'uxul co'ntone, co'ol j'elan jech c'u cha'al jun tampol ti jeche' xtantun ta jech yepale, mi mo'oje, co'ol j'elan jech c'u cha'al ti set-set taq'uin ti jeche' xchijchune.

SUN TITO 2:14

Yu'un laj yac' sba ta milel ta jcojtic ta spoquel stuselotic ta j'ech'el ti laj scoltaotic loq'uel ta stojol ti mulile yo' jech ta xijc'ot ta yu'un, xchi'uc ti oyuc ta co'ntontic ta spasel ti c'usi leque.

Hebreos 12:15

Tsotsanic yo' jech mu'yuc buch'u junucal avu'unic ta xicta comel ti c'uxubinel yu'un ti Diose yo' jech mu'yuc buch'u junucal avu'unic chopol ti yo'nton ta soquesvanej jech c'u cha'al ti veneno momol ta xmilvane.

1 Juan 2:19

Ti buch'utic taje, ja' jchi'iltic to ox ti li' loc' ta jtojoltique, ti c'alal ma'uc ono'ox jchi'iltique. Ti ja'uc jchi'iltique, li' oy ta jtojoltic ti jechuque. Ti jech iloc' ta jtojoltique, yo' jech ta xvinaj ti mu jmojuc oyotic xchi'uque.

Apocalipsis 3:19

Scotol ti buch'u c'ux ta xca'ie, ta jtuq'uibtas, ta jvul. Jbeluc sc'oplal junuc avo'nton ta jtojol. Sutan talel ta stojol ti Diose.