San Juan 15:18 - Bible in Tzotzil de Chamula

¹⁸ “Mi ta scontrainoxuc ti jnaclejetic ta banomile, na'ic me ti jech laj scontrainicun ta ba'yele.

Tzotzil Zinacantan

¹⁸ ’Mi chopol chayilic li crixchanoetique, mu me xavicta o abaic. Naꞌic me ti chopol liyilic uque.

LEQUIL ACH' C'OP

¹⁸ »Mi chopol chayilic li crixchanoetique, na'ic me ti vo'on ba'yi chopol liyilique.

Bible in Tzotzil de Chenalhó with Deuterocanon

¹⁸ “Me chopol chayiloxuc li cristianoetique, na'ic me ti ba'yuc jech chopol laj yilicune.

Tzotzil San Andres

¹⁸ ’Mi chopol chayilic li crixchanoetique, mu me xchibaj avoꞌonic. Naꞌic me ti joꞌon chopol onoꞌox liyilique.

Tzotzil de Huixtán

¹⁸ ’Mi chayilintaoxuc ti crixchanoetique, mu me xchibaj avo'ntonic. Na'ic me ti ho'on jbael laj yilintaun.

San Juan 15:18 Iomraidhean Croise

1 Reyes 22:8

Ti ajvalil yu'un ti Israele xi laj stac'be ti Josafate: —Oy to yan ma' ti oy buch'u xu' ta jac'tic ta stojol ti Dios unbi, ja' ti Micaiase, xnich'on ti Imlae. Ja'uc le' une, mu lecuc xquil. Mu'yuc lec c'usi ta xalbun ti c'alal oy c'usi ta jac'bee, naca chopol ta xalilan. Ja'uc ti Josafate xi laj yalbe ya'ie: —Mu xaval jech taje.

Proverbios 29:27

Ti buch'u oy stuq'uilique mu ts'icbaj ta xa'iic ti buch'u mu'yuc xch'ulel xa'i sbaique, jech ec ti buch'u mu'yuc xch'ulel xa'i sbaique mu ts'icbaj ta xa'iic ti buch'u oy stuq'uilique.

Isaías 49:7

Ti jpojvanej jcoltavanej Ajvalile, Ch'ul Dios yu'un ti Israele, xi ta xalbe ti lum ti tan puc batic ta j'ech'ele, ti bajbil tenbil c'otic yu'un ti yan lumetique, ti c'otic ta yajmosovtac ti buch'u spajebal xa no'ox j'ilbajinvanej xa'i sbaique: “C'alal ta xayil ti ajvaliletique, xchi'uc ti its'inal ajvaliletique, ta xlic va'iicuc, ta squejan sbaic ta atojol, yu'un ti jech Ajvalilune, ch'ul Diosun yu'un ti Israele, laj jt'ujot, ta xc'ot ta pasel cu'un ti c'u s'elan calojane.”

Isaías 53:3

Bajbil tenbil c'ot yu'un ti jnaclejetique, mu'yuc stu ile. Ja' jun j'ich'-vocol vinic, ti mu sna' spoj sba yu'un ti vocolajele. C'ot jech c'u cha'al ti buch'u tenbil xa ta o'ntonale, ti mu'yuc stu jipbil tenbil c'ot cu'untique.

Isaías 66:5

Ts'et chiquintao ava'iic sc'opojel ti Diose. Xi ta xal ta atojol ti ta xavich'beic ta muc' ti sc'ope: “Oy jlom avinquilelic ti xti'et sjolique, ti ilbajinbiloxuc yu'un ta sventa ti xavocoletic ta jtojole, xi ta xalique: ‘Quere, jq'uel xa me ca'i ma' ti yutsilal slequilal ti Dios une. Jq'uel xa me ca'i ti xmuyubajique.’ Ja'uc le' une, ta xc'otic ta j'ac'-lo'il-maxil.

Zacarías 11:8

Ta jun no'ox u, laj jtuch'be yabtel oxib j'il-chijetic ta scoj ti xcapet no'ox sjolic ta jtojole, yu'un laj ti sts'iquemal xcuchemal cu'une.

San Mateo 10:22

Ta jventa, scotolic contra ta xayiloxuc. Ti buch'u mu'yuc xchibaje, ti staoj o yav yo'nton xcham xlaje, ta xcol.

San Mateo 24:9

“Ti vo'oxuque ta xa'aq'ueic ta c'abal. Ta xavich'ic ilbajinel. Ta xavich'ic milel. Buch'uuc no'ox xti'et sjol ta atojolic ta jventa.

San Mateo 5:11

“Yan avutsilic ti ilbajinbiloxuque, ti chopol coptabiloxuque, ti c'usiuc no'ox ta sa' amulic ta jventae.

Marcos 13:13

Ta jventa buch'uuc no'ox ta xayich'ic ta contra. Mu lecuc ta xayilic. Ja'uc ti buch'u mu stsiq'ues yo'nton ti oy sc'oplal ta xcham xlaje, ta xil lequilal.

San Lucas 6:22

“Yan yutsil ti vo'oxuc c'alal contrainbiloxuque, c'alal tacbiloxuc loq'uele, c'alal ilbajinbiloxuque, c'alal chopol c'optabil abiic ta jventa ti co'ol j'elantique.

San Juan 16:1

“Jech ta xcalboxuc ava'iic taje, yo' jech mu xchibaj avo'ntonic ta jtojol.

San Juan 16:33

Ja' jech laj cal ava'iic scotol taje, yo' jech lamajem avo'ntonic ti oyoxuc ta jtojole. Ti li' ta banomile, ta xavich' avocolic. Ja'uc le'e, tsotsanic, yu'un tsal xa cu'un ti sba banomile.

San Juan 3:20

Scotol ti buch'utic ta spasic ti c'usi chopole, xti'et sjolic yu'un ti luze. Mu sc'an xnopajic ta stojol ti luze yo' mu xvinajesbatic ti c'usi chopol ta spasique.

San Juan 7:7

Yu'un ti buch'utic co'ol avo'ntonic xchi'uque, mu'yuc xti'et sjolic ta atojolic. Ja'uc ti vu'une ta xiscontrainicun, ja' ti jamal ta xcalbe ya'iic ti c'usi chopol ta spasique.

Hechos 14:22

Ti bu taje, ech' stsatsubtasbe yo'ntonic ti jch'unolajeletique, ti mu stsiq'ues yo'ntonic ta xch'unel ti Cajvaltique, xchi'uc laj yalbe ya'iic ti buch'u ta x'ochic batel ta ventainel yu'un ti Diose, ta xc'ot ta stojolic ti vocole.

Hebreos 12:2

Cac'tic batel jsatic ta stojol ti Jesuse, yu'un ja' ta sventa ta xlic talel ta stojol ti jech c'otem ta o'ntonal ta xch'unele, yu'un ja' sbainoj ta stuq'uibtasel ti bu jtamojtic batele. Yu'un ti Jesuse laj yich' svocol ta curus. Ma'uc laj yac' ta venta ti jech q'uexlal sba ta xchame, yu'un sna'oj ono'ox ti c'alal mi ech' ti svocole, ta sta ti xmuyubaje. Jech bat chotluc ta sts'el xocon sbats'i xocon ti Dios ti bu ta spas mantale.

Santiago 4:4

Mu'yuc atuq'uilic ta j'ech'el jnaclejetic ta banomil. ¿Mi mu xana'ic ya'yel ti buch'u c'upil ta xa'i ti sba banomile, ta xc'ot ta yajcontra Dios? Buch'uuc no'ox ti ta sc'upijel yo'nton ta st'uj ti sba banomile, ta xjoybij ta yajcontra Dios.

1 Juan 3:1

A'yio ava'iic, mu no'ox albajuc yepal syail xc'uxul yo'nton ti Jtotic Diose, ti laj sbisotic ta xnich'one, jech o xal xnich'nabotic ta melel. Jech o xal un, ti buch'utic sventainojic ti sba banomile, mu xa'ibeic smelol ti jech xnich'nabotic ti Diose, yu'un mu xojtiquinic ti Diose.

1 Juan 3:13

Jchi'iltac, mu me toj ch'ayeluc xc'ot avo'ntonic yu'un ti buch'utic sventainojic ti sba banomil ti xti'et sjolic ta atojolique.

1 Juan 3:3

Scotol ti buch'utic spatoj yo'ntonic ta smalael taje, ta sq'uel stuc'ulan sba stuc, jech c'u cha'al ti Jesucristo oy stuq'uil slequil yo'ntone.