San Juan 15:16 - Bible in Tzotzil de Chamula

¹⁶ Ma'uc vo'oxuc laj at'ujicun, yu'un vu'un laj jt'ujoxuc yo' ta xcac' abainic ta spasel ti c'usi leque, ti staojuc oy yav ta atojolic ta spasel ti c'usi leque, ti mu xlaj sc'oplale. Jech ti Jtote ta xayac'boxuc ti c'usi ta xac'anic ta jventae.

Tzotzil Zinacantan

¹⁶ Mu voꞌoticoxuc atꞌujicon, voꞌon lajtꞌujic yuꞌun chatunic cuꞌun. Mu yechuc noꞌox ti chatunic cuꞌune, yuꞌun ti muchꞌutic ta xchꞌun avuꞌunique ta xcuxiic ta sbatel osil. Mi jaꞌ chacꞌanbeic Jtotic Riox li cꞌusitic tscꞌan coꞌone, chayacꞌbeic.

LEQUIL ACH' C'OP

¹⁶ Mu vo'oticoxuc at'ujicon, vo'on lajt'ujic, lacac'be avabtelic ti ac'u ba satinanique, ti c'u yepal cha satinique, mu xch'ay o sc'oplal. Ja' chayac'beic o scotol ti c'usitic ta jbi chac'anbeic ti Jtote.

Bible in Tzotzil de Chenalhó with Deuterocanon

¹⁶ Muc vo'ocoxuc laj at'ujicun. Vu'un la jt'ujoxuc. Laj cac'boxuc avabtelic, yu'un ac'o satinanic. Li asat chavaq'uique mu xlaj sc'oplal o. Jech chayac'boxuc Jtot scotol li c'usiuc no'ox chac'anbeic ta jventae.

Tzotzil San Andres

¹⁶ Li joꞌoxuque muc bu la atꞌujicun, joꞌon la jtꞌujoxuc. Laj cacꞌboxuc avabtelic yoꞌ chba apasic li cꞌusi ta scꞌan li Diose. Mu alticuc ti chapasic li cꞌusi ta scꞌan li Diose yuꞌun jaꞌ sventa sbatel osil. Ti chatunic cuꞌune jech scotol li cꞌustic chacꞌanbeic li Jtote chayacꞌbeic mi jaꞌ chacꞌanic li cꞌusi ta jcꞌane.

Tzotzil de Huixtán

¹⁶ Ho'oxuque muc xat'ujucun. Ho'oxuque ho'on laj jt'ujoxuc. Hech chaj c'u che'el i'ac'bat yabtel yu'un ti Diose ti uvate'etique yu'un ac'o yac' sat, ja' no'ox hech chacac'boxuc avabtelic yu'un chavaq'uic ti q'uelel ti yabtel Dios ti avo'ntonic. Ti uvate'e oy yorail chac' sat. Ja'uc ti ho'oxuque, mu'yuc yorail ti chavaq'uilan ti q'uelel ti yabtel Dios ti avo'ntonique. Ja' scotol ora. Yu'un ach'unojbun ti jc'ope hech yu'un scotol ti c'usi chac'ambeic ti Jtote, ja' chayac'boxuc.

San Juan 15:16 Iomraidhean Croise

Génesis 18:18

Yu'un ti stuque ta xc'ot ta totil yu'un ti jun muc' ta lume, xchi'uc xi'bil. Yu'un laj calbe ya'i ja' ta sventa stuc ta sc'upinic c'uxubinel cu'un scotol ti muc'tic lumetic oy ta sbejel banomile.

Salmos 145:4

Ta totil me'il, ta alab nich'nab, ta slequil c'optaic ti avabteltaque; ta xalolanbeic sc'oplal ti c'usitic muc'tic laj c'otuc ta pasel avu'une.

Salmos 71:18

Cajval Dios, mu xajip xatenun mi liyijub xa une, mi sac chijan xa ti jole. Tsots to sc'oplal ta xcalbe ya'iic amuc'ul atsatsal ti jch'iel jc'opojeletic li'e, xchi'uc ti ta to xtale.

Proverbios 11:30

Ti lequil tuq'uilale, ta xac' ch'iel c'opojel, ja'uc ti soquemal jol o'ntonale, ta xtuch' cuxlejal une.

Isaías 27:6

Le' batele, ti slumal Jacobe ta xlic yac' ep yi'bel. Ti Israele ta xlic puluc sq'uelom. Ta xlic nichimajuc. Ta xlic snojesic banomil ta sventa ti sate.

Miqueas 5:7

Ti c'u yepal scomelal ts'unubal ti Jacobe, ti tiq'uil ta o'lol ta epal jteclumetique, co'ol s'elan job-ac'ubal yu'un ti Diose, co'ol s'elan jech c'u cha'al ti chaquilo' ta xvul ta bajel ta sba ti momoletique. Ti stuquique, mi ja'uc jutebuc ta smalaic ti c'usi ta snop ti viniquetique, ja' ta smalaic ti c'usi ta snop ti Diose.

San Mateo 21:22

Ti oy c'usi ta xac'anic ta c'opojel ti'inele, tac'aluc c'otuc ta ch'unel avu'unic, jech ta xa'ac'batic un.

San Mateo 7:7

“C'anbeic ti Diose, ta xac'boxuc. Sa'ic, ta xataic. Tijic ti ti'nae, ta xajambatic.

San Lucas 6:13

C'alal sacub xa talel ti osile, laj yic' talel ti yajchanc'optaque. Laj st'uj loq'uel lajcha'vo' (12), laj yac'be yabtelic yo' ta x'ochic ta j'alc'opetic.

San Juan 13:18

“Ma'uc ac'oplal acotolic ti va'i s'elan laj cale, yu'un jna'oj ti buch'u t'ujbilic cu'une. Ja'uc le'e, yu'un tsots sc'oplal ta xc'ot ta pasel jech c'u cha'al ti xi ts'ibabil ta ch'ul c'ope: ‘Ti buch'u jmoj ta xive' xchi'uque, joybij ta cajcontra.’

San Juan 15:19

Ti co'oluc ta xapasic jech c'u cha'al ta spasic ti jnaclejetic ta banomile, c'ux ta xa'ioxuc jech c'u cha'al c'ux ta xa'i sbaique. Ja'uc le'e, laj jt'ujoxuc loq'uel talel ta stojolic. Jech o xal un, contra ta xayiloxuc, yu'un mu xa co'oluc avo'ntonic xchi'uquic.

San Juan 15:5

“Vu'un ti smuc'ul ibelun ti uvae. Vo'oxuc ti sc'ob-c'obtaque. Mi staoj yav nabal ta jtojole, oyun ta stojol ec. Yepal no'ox ti sat ta xaq'ue. Mi ch'acal ta jtojole, mu'yuc c'usi stac' ta spas.

San Juan 6:70

Xi tac'av ti Jesuse: —¿Mi yu'un mu'yuc laj jt'ujoxuc ti lajcha'vo'oxuque (12)? Manchuc mi jech un, oy jun avu'unic ja' jun pucuj ta j'ech'el.

Hechos 1:24

Xi c'opoj ti'inique: —Cajval, xavojtiquinanbe yo'nton scotol. Ac'bun quilcutic buch'u junucal laj at'uj ti cha'vo'ic li'e

Hechos 1:8

Ja'uc ti c'alal ta xavich'ic ti Ch'ul Espiritue, ta xac'boxuc atsatsalic avipic yo' jech ta xaloq'uic batel ta yalel ti jc'oplale. Ta xlic avalic liquel li' ta Jerusalene, ta sjunul slumal ti Judeae, ta sjunul slumal ti Samariae, ta sjoylej ti banomile.

Hechos 10:41

Mu ta sjunuluc jteclum laj yac' sba iluc. Ja' no'ox laj yac' sba iluc ta jtojolcutic ta sventa ti jech ono'ox nopbil jc'oplalcutic yu'un Dios ti ta xic'otcutic ta yajrexticoe. Yu'un jmoj live'cutic, laj cuch'cutic vo' xchi'uc ti Jesús c'alal cha'cuxiem xae.

Hechos 22:14

Xi laj yalbune: ‘Dios yu'un ti jmolmuc'totique laj st'ujot talel yo' ta xana' c'usi ta sc'an, yo' ta xavilbe sat, yo' ta xava'ibe sc'opojel ti Buch'u stalel ti oy yutsil slequil yo'ntone.

Hechos 9:15

Xi laj yal ti Cajvaltique: —Batan, yu'un laj xa jt'uj ti vinic taje yo' ta xalbun jc'oplal ta stojol ti jyanlum jnaclejetique, ti ajvalil yu'unique, xchi'uc ti israeletique.

Romanos 1:13

Ti jech junotic xae, sc'an ta xana'ic ti oy ono'ox ta co'nton jc'an ta xtal jq'ueloxuc ca'i ta yalel ti sc'op Dios ta atojolique, yo' ta xa'epajic jech c'u cha'al epajic xa ti jyanlumetique. Avi tana li' une, li' to macalun ta be ta j'ech'ele, mu'yuc c'usi xcut.

Romanos 1:5

Ta sventa ti Jesucristoe, lic'ot ta yajtunel yo' ta jujun muc'tiquil lum oyuc buch'u c'otuc ta yo'ntonic ta xch'unel, xchi'uc ta snijan xchiman sbaic ta stojol.

Romanos 15:4

Scotol ti c'usitic laj yich' alel talel ta vo'ne ta ch'ul c'ope, laj yich' ts'ibael ta sventa yo' ta xquich'tic chanubtasel yu'un, yo' bejbunuc ta co'ntontic ta stael batel ti oy c'usi jmalaojtic ta jtatique.

Romanos 9:21

Yu'un ti jpatbine oy ta yoc ta sc'ob ti ach'ele yo' ta spas ti c'u s'elan ta sc'ane. Ti ta juteb no'ox ach'ele, xu' spas jbej bin ti tsots sc'oplal ta xtune, o mi jbej bin ti yamal sc'oplal ta xtune.

1 Corintios 10:11

Scotol ti va'i s'elan c'ot ta pasel ta stojol ti jmolmuc'totcutic ta vo'nee, ja' sventa jbijubtaseltic, yu'un ts'ibabil com ta ch'ul c'op ti mu jechuc jpastic ti slajebtic xa batel c'ac'al li' cuxulotique.

Gálatas 1:15

C'alal mu'yuc to ox voq'uemune, t'ujbilun xa ono'ox yu'un ti Diose. Ta sventa ti yepal no'ox ti syail xc'uxul yo'ntone, laj yic'un ta stojol c'alal c'ot ta nopel yu'une.

Efesios 2:10

Yu'un yabtelotic Dios ti jech oyotic ta stojol ti Jesucristoe yo' ta jpastic ti c'usi leque, ti jech ono'ox snopoj ti Dios ta vo'nee.

Colosenses 1:23

Ti jech taj une, tsots sc'oplal j'ech'el c'otuc o ta avo'ntonic ta xch'unel ti Cajvaltique, ti ats'unoj lec ta avo'ntonic ti ta xacolic ta sventa ti colebal lequil ach' c'op ti laj ava'iique. Taje, ja' ti lequil ach' c'op ti buyuc no'ox ta xich' alel ta sjoylej banomile. Yu'un ta jcolta jba ta yalel ti vu'un Pabloune.

Colosenses 1:6

Ti lequil ach' c'op laj avich'ic albel taje, yacal ta slecubtasbe yo'ntonic ti jnaclejetic ta sjoylej banomile jech c'u cha'al c'ot ta pasel ta atojolic c'alal laj ava'iic syail xc'uxul yo'nton ti Diose, ti c'ot ta avo'ntonic ti ja' melele.

1 Timoteo 2:7

Yo' ta xich' albel sc'oplal taje, li'ac'bat cabtel, li'och ta jcholc'op ta yac'bel sna'ic ti jyanlumetic ti c'otuc ta yo'ntonic ta xch'unel ti Cajvaltique, xchi'uc ti bu melel ti c'ope. Ti c'usi ta xcale, jbel sc'oplal ja' melel, mu xilo'lavan.

2 Timoteo 1:11

Ti Diose laj yac'bun jbain ta yalel ti lequil ach' c'ope, ti tacbilun ta jcholc'op yu'une yo' jech ta jchanubtas ti jyanlumetique.

2 Timoteo 2:2

Ti c'u s'elan laj ava'i lichanubtasvan ta sba ta sat ti epal rexticoetique, ja' me jech xavac'be sbain ti buch'utic oy slequil yo'ntonique, ti xu' yu'unic ta xchanubtasel ti yane.

SUN TITO 1:5

Laj quictaot comel ta Creta banomil ti joyobtabil ta nabe yo' jech ta xachapan ti c'usi sc'an to chapanele, yo' ta xava'an jventainvanejetic ta jujun tsobobbail ti oy ta jujun jteclume jech c'u cha'al laj calbot ava'ie.

Hebreos 11:4

Ti jech c'otem ta yo'nton ta xch'unel ti Abele, x'ech' to yutsil laj yac'be smoton ti Diose, ja' mu sta ti Caine. Jech o xal ti Abele laj sta ti lec x'ile yu'un ti Diose, xchi'uc tsacbat ich'bat ti matanal ti laj yaq'ue. Manchuc mi chamem xa ti Abele, staoj to yav ta xvinajesbat sc'oplal ti jech c'otem ta yo'nton ta xch'unele.

Santiago 3:18

Yu'un ti buch'u oy slamajemal yo'ntone, ta xac'be yipal ta spajesel ti c'ope yo' jech ta sta slequilal yo'nton yu'un ti yane.

1 Pedro 3:15

Comuc ta yajval avo'ntonic ti Cristoe. Chapalucoxuc me lec yo' jech xu' avu'unic ta staq'uel mi oy buch'u ta sjac'boxuc srazonal ti spatobil avo'ntonique.

1 Pedro 3:2

C'alal ta xilic xa'ac'vanic ta ventae, ti ta xapasic c'usi leque, jech ti stuquique, ta xa'iic ti ich'bil ta muc' avu'unique.

1 Juan 4:10

Ti syail c'uxul o'ntonale, xi s'elane: yu'un ma'uc vo'otic ba'yel c'ux laj ca'itic ti Diose, yu'un ja' stuc ba'yel laj xc'uxubinotic ta sventa ti laj stac talel ti Xnich'one, yo' jech ta jtatic ti ch'aybil ta xc'ot ti jmultic ta sventae.

1 Juan 4:19

Ti vo'otique c'ux ta xca'itic ti Diose, yu'un ba'yel laj xc'uxubinotic.