San Juan 15:15 - Bible in Tzotzil de Chamula

¹⁵ Ma'uc xa ta xcalboxuc ti mosoviloxuque, yu'un ti mosovile mu sna' c'usi ta spas ti yajvale. Lec xquil jbatic xacutoxuc, yu'un laj xa cac'boxuc ana'ic scotol ti c'u s'elan laj yalbun ti Jtote.

Tzotzil Zinacantan

¹⁵ Yuꞌun lacalbeic xa scotol ti cꞌusitic yalojbon ti Jtote, yechꞌo ti mu xa jꞌabtelicoxuc chcaꞌie. Ti muchꞌu jꞌabtel noꞌoxe mu xꞌalbat ti cꞌusi tsnop li yajvale. Yan li voꞌone lacalbeic xa scotol, jaꞌ ti coꞌol joltique.

LEQUIL ACH' C'OP

¹⁵ Mu xa bu chacalbeic ti j'abteloxuc no'oxe, yu'un li jun j'abtele mu sna' li c'usi tspas li yajvale. Li vo'oxuque lec xa xquil jbatic yu'un la calbe xa ava'iic ti c'usitic yalojbon ti Jtote.

Bible in Tzotzil de Chenalhó with Deuterocanon

¹⁵ Li vo'oxuque muc xa no'ox caj'abtelucoxuc chca'ay, yu'un li boch'o j'abtel no'oxe mu sna' c'usitic tspas li yajvale. Bats'i jchi'iloxuc xa, yu'un laj xa calboxuc ava'yic scotol li c'usitic ca'yoj tal ta stojol Jtote.

Tzotzil San Andres

¹⁵ Li joꞌoxuque maꞌuc xa jtuneloxuc chcaꞌi, jmoj xa coꞌontic yuꞌun laj xa cacꞌboxuc anaꞌic scotol li cꞌustic caꞌioj ta stojol li Jtote. Li buchꞌu jtunel noꞌoxe muc bu ta xꞌalbat li cꞌustic ta snop li yajvale. Yan li joꞌone laj calboxuc xa scotol.

Tzotzil de Huixtán

¹⁵ Ho'oxuque co'ol nijc'otucutic xa, yu'un laj xa cac'boxuc ana'ic scotol ti c'utic ca'yoj ti stojol ti Jtote. Ti much'u abate muc un ch-albat yu'un ti yajvale ti c'u che'el tsnop scotol. Ja'uc ti ho'one laj xa calboxuc scotol hech yu'un mu xa cabatucoxuc.

San Juan 15:15 Iomraidhean Croise

Salmos 25:14

Lec xil sbaic xchi'uc Dios ti buch'u ta x'aq'ue ich'el ta muc' yu'une, ta x'ac'bat yojtiquinic yu'un ti stratee.

Proverbios 18:24

Oy buch'utic lec x'ilvanic ti ta jech no'ox yepal mu xa xc'opojic liquele; oy buch'utic x'ech' to yutsil stuq'uil yo'nton, ja' xcom ta be yutsil ti xchi'il sbaic ta voq'uele.

Amós 3:7

Mu'yuc c'usi ta spas ti Diose ti mi mu'yuc ba'yel ta xac'be yil ti jtunel yaj'alc'optaque.

San Mateo 13:11

Ti Jesuse xi laj staq'ue: —Dios ta xac'boxuc ana'ic smelol ti ventainel yu'un Dios ti mu xvinaj to oxe, ja'uc ti yane mu x'ac'bat sna'.

San Lucas 10:23

Ti Jesuse laj sq'uel batel ti yajchanc'optaque, ti xi laj yalbee: —Jun yutsil ta j'ech'el ti ta xavilic ta aba asatic ti c'u s'elan ta xavilic ti vo'oxuque.

San Juan 12:26

Mi oy buch'u ta xac' sba ta tunel cu'une, ac'o sts'acliun batel. Ti buyuc no'ox oyune, tey oy ec ti buch'u ta xac' sba ta tunel cu'une. Ti buch'u ta xac' sba ta tunel ta jtojole, ich'bil ta muc' yu'un ti Jtote.

San Juan 13:16

Ta xcalboxuc ava'iic ta melel, ti mosovile ma'uc cajal ta xac' sba ta stojol ti yajvale. Ti buch'u tacbile, ma'uc cajal ta xac' sba ta stojol ti jtacvanej yu'une.

San Juan 15:20

Ja' vuleso ta avo'ntonic ti xi laj calboxuque: ‘Ti mosovile, ma'uc cajal ta xac' sba ta stojol ti yajvale.’ Mi laj quich' ilbajinele, ja' no'ox jech ta xavich'ic ilbajinel ec. Mi laj yich'ic ta muc' ti c'u s'elan laj calbeique, ja' no'ox jech ich'bil ta xc'ot ta muc' ti ac'opic ti c'u s'elan ta xavalique.

San Juan 16:12

“Yepal no'ox ti oy c'usi ta jc'an xcalboxuc ava'iique. Ja'uc li'e, ma'uc to yorail, yu'un mu xava'ibeic smelol.

San Juan 17:26

Laj xa cac'be sna'ic Buch'uot. Staoj yav jech ta jpasolan ta yac'bel sna'ic yo' jech oy ta stojolic ti syail xc'uxul avo'nton ti laj avac'bune yo' jech oyun ta stojolic.”

San Juan 20:17

Xi laj yal ti Jesuse: —Mu xamacun ta be María, yu'un mu'yuc to muyemun batel bu oy ti Jtote. Batan, ba albo ya'i ti buch'u jun co'ntoncuntic xchi'uque ti ta ximuy batel ta stojol ti Jtote, ti ja' Atotique, ti Dios cu'une, ti ja' Dios avu'unique.

San Juan 4:19

C'alal laj ya'i ti va'i s'elan taje, xi laj yal ti antse: —Yojtot, ta xquil ti ja' jun j'alc'opote.

San Juan 8:26

Oy ep ti c'usi xu' ta xcalboxuque xchi'uc ta xchapaneloxuque, yu'un ti Buch'u laj stacun talele, ja' melel ti c'usi ta xale. Ti c'u s'elan ta xcalbe ya'i ti jnaclejetic ta banomile, ja' ta xcal ti c'u s'elan laj yac'bun jna' ti stuque.

Hechos 20:27

yu'un laj calboxuc ava'iic c'u s'elan snopoj ti Dios ta atojolique, ti mu'yuc laj jmuc jutebuque.

Romanos 7:15

Mu xca'i jba ti c'usi ta jpase. Yu'un ma'uc ta jpas ti c'usi sc'an pasel ta xquile. Yu'un ja' chba jpas ti bu jcontrainoje.

1 Corintios 2:16

Yu'un ti ch'ul c'ope xi ta xale: “¿Mi yu'un oy la buch'u sna' c'u s'elan snopben ti Diose? ¿Mi yu'un oy la buch'u xu' ta xchanubtas ti Diose?” Ja'uc ti vo'otique oy ta jtojoltic snopben ti Cristoe.

Gálatas 4:6

Yo' ta xac' ta ilel ti xnich'nabotic xae, ti Diose laj yac' talel ta co'ntontic Xch'ul Espíritu ti Xnich'one. Ta sventa ti Ch'ul Espíritue, xi ta xcaltic yu'une: “Jch'ul Tot Cajval.”

Efesios 1:9

Ta sventa ti mu no'ox albajuc sbijil ti Diose, stuc laj yac' jbijiltic ta sna'el ti c'usi mucul to ox yu'une. Ja' stuc laj sva'an sba ta spasel ti c'usi snopoj ono'ox ta spase.

Efesios 3:5

Ti le' talel ta vo'nee, mi junuc oy buch'u laj sna' ti c'usi mucul to ox ti sc'oplale. Avi tana un, ti Diose ta sventa ti Xch'ul Espíritue, laj xa yac'be sna' ti lequil jcholc'opetique, xchi'uc ti j'alc'opetic yu'une.

Colosenses 1:26

ti xcaltique, ja' ti c'usi mu'yuc to ox vinajem talel sc'oplal ta vo'nee, ti oy xa sjaylajun-chopal laj ech'uc ti jnaclejetic ta banomil ti mu'yuc laj svinajes ti Diose. Avi tana une, laj xa yac'be sna' ta yojtiquinel ti buch'utic ja' yu'untaque.

Filemón 1:16

Yu'un mu xa co'oluc jech c'u cha'al jun mosovil, yu'un x'ech' to lec, ja' mu sta ti jun mosovile. Ti lec xcaltique, yu'un ja' xa jun quermanotic ti lec ilbile. Ti vu'une toj lec ta jc'an, ja'uc ti vo'ote, x'ech'uc to ac'o ac'an. Yu'un mu xa jechuc no'ox vinic, yu'un ja' xa avermano abaic ta sventa ti Cajvaltique.

Santiago 1:1

Vu'un Santiago, yaj'abtelun ti Diose xchi'uc ti Cajvaltic Jesucristoe. Chabanucoxuc, vo'oxuc ti lajcha'chop snitiluloxuc Israele, ti tanijemoxuc ta sjunlej banomile.

Santiago 2:23

Jech o xal xi ta x'albat sc'oplal yu'un ti ch'ul c'ope: “Ti Abrahame, teq'uel c'ot ta yo'nton ta xch'unel ti Diose. Ti jech xch'unoje, laj sta ti lec x'ile yu'un ti Diose.” Jech o xal ti Abrahame albat sc'oplal ti lec xil sbaic xchi'uc ti Diose.

1 Pedro 1:11

Ti j'alc'opetique ac'bat sna'ic yu'un Espíritu yu'un ti Cristoe ti ta ono'ox xich' ti svocole, ta ts'acal to ta xich' ti slequilale. Ti stuquique laj yac'beic yipal ta st'unel xchi'uc c'usi c'ac'alil ta xc'ot ta pasel ti jech x'ac'bat sna'ic yu'un ti Ch'ul Espíritu ti oy ta stojolique.

2 Pedro 1:1

Vu'un Simón Pedro, yajtunelun, yajcholc'opun ti Jesucristoe, ti tacbilun yu'une. Ta jts'ibaboxuc ti jvun li'e ta sventa ti vo'oxuc ti laj xa ataic ti jun yutsil c'otem ta avo'ntonic ta xch'unel ti Cajvaltic jech c'u cha'al ti vu'uncutique, yu'un ti Dios cu'untique, xchi'uc ti Jcoltavanej Cajvaltic Jesucristoe, oy slequil yutsil yo'ntonic.

Judas 1:1

Vu'un Judas, yaj'abtelun ti Jesucristoe, xchi'ilun ta voq'uel ti Santiagoe. Ta jts'ibaboxuc talel jvun ta atojolic ti vo'oxuc ic'biloxuque, ti t'ujbiloxuc yu'un ti Jtotic Diose yo' jech ta xacomic ta yu'un, ti chabibiloxuc yu'un ta sventa ti junoxuc xchi'uc ti Jesucristoe.

Apocalipsis 1:1

Ti jpoc vun ts'ibabil li'e, ja' sc'oplal ti oy c'usi ac'bat sna' ti Jesucristo yu'un ti Diose, yo' jech ti Jesucristoe ta xac'be sna' ti yajtuneltac ti c'usi jutuc xa sc'an ta xc'ot ta pasele. Ti Jesucristo eque laj stac talel yaj'ánjel yo' tal yac'be sna' ti Juan ti yajtunele.